ਅੰਬਾਨੀ-ਟਾਟਾ ਸਣੇ ਇਨ੍ਹਾਂ ਕਾਰੋਬਾਰੀਆਂ ਨੂੰ ਲੱਗਾ 3 ਲੱਖ ਕਰੋੜ ਦਾ ਝਟਕਾ, ਨਿਵੇਸ਼ਕ ਖੂਨ ਦੇ ਹੰਝੂ ਰੋਣ ਨੂੰ ਮਜਬੂਰ; ਜਾਣੋ ਕਿਉਂ ਤੇ ਕਿਵੇਂ ?
ਟੌਪ-10 ਕੰਪਨੀਆਂ 'ਚੋਂ ਸਭ ਤੋਂ ਵੱਧ ਨੁਕਸਾਨ ਮੁਕੇਸ਼ ਅੰਬਾਨੀ ਦੀ ਰਿਲਾਇੰਸ ਇੰਡਸਟਰੀਜ਼ ਨੂੰ ਉਠਾਉਣਾ ਪਿਆ ਹੈ। ਇਕੱਲੀ ਰਿਲਾਇੰਸ ਦਾ ਮਾਰਕੀਟ ਕੈਪ 1,34,445.77 ਕਰੋੜ ਰੁਪਏ ਸੁਆਹ ਹੋ ਗਿਆ। ਉੱਥੇ ਹੀ, ਟਾਟਾ ਗਰੁੱਪ ਦੀ ਫਲੈਗਸ਼ਿਪ ਕੰਪਨੀ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ ਨੂੰ ਵੀ 47,415.04 ਕਰੋੜ ਰੁਪਏ ਦਾ ਜ਼ਬਰਦਸਤ ਝਟਕਾ ਲੱਗਾ ਹੈ।
Posted By Seema Anand
Publish Date: Sun, 17 May 2026 03:04 PM (IST)
Updated Date: Sun, 17 May 2026 03:15 PM (IST)
ਨਵੀਂ ਦਿੱਲੀ : ਪਿਛਲੇ ਹਫ਼ਤੇ ਸ਼ੇਅਰ ਬਾਜ਼ਾਰ 'ਚ ਆਏ ਭੂਚਾਲ ਨੇ ਦੇਸ਼ ਦੀਆਂ ਚੋਟੀ ਦੀਆਂ 10 ਸਭ ਤੋਂ ਕੀਮਤੀ ਕੰਪਨੀਆਂ 'ਚੋਂ ਨੌਂ ਦੇ ਨਿਵੇਸ਼ਕਾਂ ਨੂੰ ਖੂਨ ਦੇ ਹੰਝੂ ਰੁਆ ਦਿੱਤੇ ਹਨ। ਸੈਂਸੇਕਸ ਤੇ ਨਿਫਟੀ 'ਚ ਹੋਈ ਭਾਰੀ ਬਿਕਵਾਲੀ ਕਾਰਨ ਇਨ੍ਹਾਂ ਦਿੱਗਜ ਕੰਪਨੀਆਂ ਦੇ ਬਾਜ਼ਾਰ ਪੂੰਜੀਕਰਨ 'ਚ ਸਮੂਹਕ ਤੌਰ 'ਤੇ 3.12 ਲੱਖ ਕਰੋੜ ਰੁਪਏ ਦੀ ਭਾਰੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਇਸ ਨੁਕਸਾਨ ਦੀ ਸਭ ਤੋਂ ਵੱਡੀ ਮਾਰ ਮੁਕੇਸ਼ ਅੰਬਾਨੀ ਦੀ ਰਿਲਾਇੰਸ ਇੰਡਸਟਰੀਜ਼ 'ਤੇ ਪਈ ਹੈ। ਆਓ, ਸੌਖੀ ਭਾਸ਼ਾ 'ਚ ਸਮਝਦੇ ਹਾਂ ਕਿ ਸ਼ੇਅਰ ਬਾਜ਼ਾਰ 'ਚ ਆਈ ਇਸ ਸੁਨਾਮੀ ਪਿੱਛੇ ਕੀ ਕਾਰਨ ਰਹੇ ਤੇ ਕਿਹੜੀ ਕੰਪਨੀ ਨੂੰ ਕਿੰਨਾ ਨੁਕਸਾਨ ਹੋਇਆ।
ਮੁਕੇਸ਼ ਅੰਬਾਨੀ ਤੇ ਟਾਟਾ ਨੂੰ ਕਿੰਨਾ ਵੱਡਾ ਝਟਕਾ ਲੱਗਾ?
ਟੌਪ-10 ਕੰਪਨੀਆਂ 'ਚੋਂ ਸਭ ਤੋਂ ਵੱਧ ਨੁਕਸਾਨ ਮੁਕੇਸ਼ ਅੰਬਾਨੀ ਦੀ ਰਿਲਾਇੰਸ ਇੰਡਸਟਰੀਜ਼ ਨੂੰ ਉਠਾਉਣਾ ਪਿਆ ਹੈ। ਇਕੱਲੀ ਰਿਲਾਇੰਸ ਦਾ ਮਾਰਕੀਟ ਕੈਪ 1,34,445.77 ਕਰੋੜ ਰੁਪਏ ਸੁਆਹ ਹੋ ਗਿਆ। ਉੱਥੇ ਹੀ, ਟਾਟਾ ਗਰੁੱਪ ਦੀ ਫਲੈਗਸ਼ਿਪ ਕੰਪਨੀ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ ਨੂੰ ਵੀ 47,415.04 ਕਰੋੜ ਰੁਪਏ ਦਾ ਜ਼ਬਰਦਸਤ ਝਟਕਾ ਲੱਗਾ ਹੈ।
ਬੈਂਕਾਂ ਤੇ ਹੋਰ ਦਿੱਗਜ ਕੰਪਨੀਆਂ ਦਾ ਹਾਲ ?
ਦੇਸ਼ ਦੇ ਪ੍ਰਮੁੱਖ ਬੈਂਕਾਂ ਤੇ ਹੋਰ ਵੱਡੀਆਂ ਕੰਪਨੀਆਂ ਦਾ ਹਾਲ ਵੀ ਬੇਹਾਲ ਰਿਹਾ। ਸਟੇਟ ਬੈਂਕ ਆਫ਼ ਇੰਡੀਆ ਤੇ ਐੱਚਡੀਐੱਫਸੀ ਬੈਂਕ ਨੂੰ ਵੀ ਹਜ਼ਾਰਾਂ ਕਰੋੜਾਂ ਦਾ ਨੁਕਸਾਨ ਹੋਇਆ ਹੈ।
ਕਿਸ ਕੰਪਨੀ ਦਾ ਕਿੰਨਾ ਮਾਰਕੀਟ ਕੈਪ ਘਟਿਆ
ਕੰਪਨੀ ਦਾ ਨਾਮ
|
ਕਿੰਨਾ ਨੁਕਸਾਨ ਹੋਇਆ (ਕਰੋੜ ₹ 'ਚ)
|
ਹੁਣ ਕੁੱਲ ਮਾਰਕੀਟ ਕੈਪ (ਕਰੋੜ ₹ 'ਚ)
|
ਰਿਲਾਇੰਸ ਇੰਡਸਟਰੀਜ਼ (RIL)
|
1,34,445.77
|
18,08,420.81
|
ਭਾਰਤੀ ਸਟੇਟ ਬੈਂਕ (SBI)
|
52,245.30
|
8,88,862.32
|
ਟਾਟਾ ਕੰਸਲਟੈਂਸੀ (TCS)
|
47,415.04
|
8,19,062.65
|
ਬਜਾਜ ਫਾਈਨੈਂਸ
|
27,892.28
|
5,66,717.74
|
HDFC ਬੈਂਕ
|
20,630.01
|
11,82,069.25
|
ICICI ਬੈਂਕ
|
14,290.00
|
8,92,385.39
|
ਲਾਰਸਨ ਐਂਡ ਟੂਬਰੋ (L&T)
|
9,078.87
|
5,37,542.34
|
ਹਿੰਦੁਸਤਾਨ ਯੂਨੀਲੀਵਰ (HUL)
|
3,970.80
|
5,33,592.18
|
LIC
|
2,182.12
|
5,05,367.32
|
ਕਿ ਹਨ ਇਸ ਭਾਰੀ ਗਿਰਾਵਟ ਦੇ ਮੁੱਖ ਕਾਰਨ ?
ਪਿਛਲੇ ਹਫ਼ਤੇ ਭਾਰਤੀ ਸ਼ੇਅਰ ਬਾਜ਼ਾਰ 'ਤੇ ਤਿੰਨ ਵੱਡੇ ਆਲਮੀ ਤੇ ਘਰੇਲੂ ਫੈਕਟਰਾਂ ਦਾ ਨਕਾਰਾਤਮਕ ਅਸਰ ਪਿਆ ਜਿਸ ਨਾਲ ਬਾਜ਼ਾਰ 'ਚ ਭਾਰੀ ਬਿਕਵਾਲੀ ਹੋਈ।
ਪੱਛਮੀ ਏਸ਼ੀਆ 'ਚ ਤਣਾਅ: ਮਿਡਲ-ਈਸਟ 'ਚ ਵਧ ਰਹੇ ਭੂ-ਰਾਜਨੀਤਕ ਤਣਾਅ ਨੇ ਦੁਨੀਆ ਭਰ ਦੇ ਬਾਜ਼ਾਰਾਂ 'ਚ ਡਰ ਦਾ ਮਾਹੌਲ ਬਣਾ ਦਿੱਤਾ ਹੈ।
ਕੱਚੇ ਤੇਲ 'ਚ ਉਛਾਲ: ਯੁੱਧ ਵਰਗੇ ਹਾਲਾਤ ਕਾਰਨ ਕੱਚੇ ਤੇਲ ਦੀਆਂ ਕੀਮਤਾਂ 'ਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ ਜੋ ਭਾਰਤੀ ਅਰਥਵਿਵਸਥਾ ਲਈ ਇੱਕ ਨਕਾਰਾਤਮਕ ਸੰਕੇਤ ਹੈ।
ਰੁਪਏ ਦੀ ਕਮਜ਼ੋਰੀ: ਡਾਲਰ ਦੇ ਮੁਕਾਬਲੇ ਭਾਰਤੀ ਰੁਪਏ 'ਚ ਆਈ ਕਮਜ਼ੋਰੀ ਨੇ ਵੀ ਵਿਦੇਸ਼ੀ ਨਿਵੇਸ਼ਕਾਂ ਦੀ ਬਿਕਵਾਲੀ ਨੂੰ ਉਤਸ਼ਾਹਤ ਕੀਤਾ।
ਇਨ੍ਹਾਂ ਕਾਰਨਾਂ ਕਰਕੇ ਪੂਰੇ ਹਫ਼ਤੇ ਦੌਰਾਨ ਸੈਂਸੇਕਸ 2,090.2 ਅੰਕ (2.7%) ਅਤੇ ਨਿਫਟੀ 532.65 ਅੰਕ (2.2%) ਟੁੱਟ ਕੇ ਬੰਦ ਹੋਇਆ।
"ਸ਼ੇਅਰ ਨਾਲ ਜੁੜੇ ਆਪਣੇ ਸਵਾਲ ਤੁਸੀਂ ਸਾਨੂੰ business@jagrannewmedia.com 'ਤੇ ਭੇਜ ਸਕਦੇ ਹੋ।"
(ਡਿਸਕਲੇਮਰ: ਇੱਥੇ ਸ਼ੇਅਰਾਂ ਬਾਰੇ ਦਿੱਤੀ ਗਈ ਜਾਣਕਾਰੀ ਨਿਵੇਸ਼ ਦੀ ਸਲਾਹ ਨਹੀਂ ਹੈ। ਕਿਉਂਕਿ, ਸਟਾਕ ਮਾਰਕੀਟ 'ਚ ਨਿਵੇਸ਼ ਬਾਜ਼ਾਰ ਦੇ ਜੋਖ਼ਮਾਂ ਅਧੀਨ ਹੈ, ਇਸ ਲਈ ਨਿਵੇਸ਼ ਕਰਨ ਤੋਂ ਪਹਿਲਾਂ ਕਿਸੇ ਪ੍ਰਮਾਣਿਤ ਇਨਵੈਸਟਮੈਂਟ ਐਡਵਾਈਜ਼ਰ (Certified Investment Advisor) ਤੋਂ ਸਲਾਹ ਜ਼ਰੂਰ ਲਓ।)