Silver Price Hike: ਰੁਕਣ ਦਾ ਨਾਂ ਨਹੀਂ ਲੈ ਰਹੀ ਚਾਂਦੀ, ਅੱਜ ਫਿਰ 6000 ਰੁਪਏ ਤੋਂ ਵੱਧੀਆਂ ਕੀਮਤਾਂ; ਕਿੰਨੀ ਹੋਰ ਆਵੇਗੀ ਤੇਜ਼ੀ?
ਪਿਛਲੇ ਕੁਝ ਦਿਨਾਂ ਤੋਂ ਚਾਂਦੀ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਹਲਚਲ (Silver Price Hike) ਦੇਖਣ ਨੂੰ ਮਿਲ ਰਹੀ ਹੈ। ਚਾਂਦੀ ਵਿੱਚ ਇੱਕਦਮ ਆ ਰਹੇ ਇੰਨੇ ਵੱਡੇ ਬਦਲਾਅ ਕਾਰਨ ਫਿਲਹਾਲ ਇਸ ਵਿੱਚ ਨਿਵੇਸ਼ ਕਰਨ ਤੋਂ ਬਚਣ ਦੀ ਸਲਾਹ ਦਿੱਤੀ ਜਾ ਰਹੀ ਹੈ। 5 ਦਸੰਬਰ, ਸੋਮਵਾਰ ਨੂੰ 1 ਕਿੱਲੋ ਚਾਂਦੀ ਦੀ ਕੀਮਤ ਵਿੱਚ 6000 ਰੁਪਏ ਤੋਂ ਵੱਧ ਦਾ ਵਾਧਾ ਹੋਇਆ ਹੈ। ਇਸ ਦੀ ਕੀਮਤ (Silver Price Today) ਇੱਕ ਵਾਰ ਫਿਰ 2,50,000 ਰੁਪਏ ਪ੍ਰਤੀ ਕਿੱਲੋ ਦੇ ਆਸ-ਪਾਸ ਪਹੁੰਚ ਗਈ ਹੈ। ਚਾਂਦੀ ਦੇ ਨਾਲ-ਨਾਲ ਅੱਜ ਸੋਨੇ ਦੀਆਂ ਕੀਮਤਾਂ ਵਿੱਚ ਵੀ ਭਾਰੀ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ।
Posted By Anuradha Bains
Publish Date: Mon, 05 Jan 2026 10:44 AM (IST)
Updated Date: Mon, 05 Jan 2026 10:46 AM (IST)
ਨਵੀਂ ਦਿੱਲੀ। ਪਿਛਲੇ ਕੁਝ ਦਿਨਾਂ ਤੋਂ ਚਾਂਦੀ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਹਲਚਲ (Silver Price Hike) ਦੇਖਣ ਨੂੰ ਮਿਲ ਰਹੀ ਹੈ। ਚਾਂਦੀ ਵਿੱਚ ਇੱਕਦਮ ਆ ਰਹੇ ਇੰਨੇ ਵੱਡੇ ਬਦਲਾਅ ਕਾਰਨ ਫਿਲਹਾਲ ਇਸ ਵਿੱਚ ਨਿਵੇਸ਼ ਕਰਨ ਤੋਂ ਬਚਣ ਦੀ ਸਲਾਹ ਦਿੱਤੀ ਜਾ ਰਹੀ ਹੈ। 5 ਦਸੰਬਰ, ਸੋਮਵਾਰ ਨੂੰ 1 ਕਿੱਲੋ ਚਾਂਦੀ ਦੀ ਕੀਮਤ ਵਿੱਚ 6000 ਰੁਪਏ ਤੋਂ ਵੱਧ ਦਾ ਵਾਧਾ ਹੋਇਆ ਹੈ। ਇਸ ਦੀ ਕੀਮਤ (Silver Price Today) ਇੱਕ ਵਾਰ ਫਿਰ 2,50,000 ਰੁਪਏ ਪ੍ਰਤੀ ਕਿੱਲੋ ਦੇ ਆਸ-ਪਾਸ ਪਹੁੰਚ ਗਈ ਹੈ। ਚਾਂਦੀ ਦੇ ਨਾਲ-ਨਾਲ ਅੱਜ ਸੋਨੇ ਦੀਆਂ ਕੀਮਤਾਂ ਵਿੱਚ ਵੀ ਭਾਰੀ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ।
Silver Price Hike: ਕਿੰਨੀ ਆਈ ਤੇਜ਼ੀ?
ਸਵੇਰੇ 10:23 ਵਜੇ ਐੱਮ.ਸੀ.ਐਕਸ (MCX) 'ਤੇ 1 ਕਿੱਲੋ ਚਾਂਦੀ ਦੀ ਕੀਮਤ 2,43,085 ਰੁਪਏ ਪ੍ਰਤੀ ਕਿੱਲੋ ਚੱਲ ਰਿਹਾ ਹੈ। ਇਸ ਵਿੱਚ 6,769 ਰੁਪਏ ਪ੍ਰਤੀ ਕਿੱਲੋ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਚਾਂਦੀ ਨੇ ਹੁਣ ਤੱਕ 2,41,223 ਰੁਪਏ ਪ੍ਰਤੀ ਕਿੱਲੋ ਦਾ ਨੀਵਾਂ ਪੱਧਰ ਅਤੇ 2,49,900 ਰੁਪਏ ਪ੍ਰਤੀ ਕਿੱਲੋ ਦਾ ਉੱਚਾ ਰਿਕਾਰਡ ਬਣਾਇਆ ਹੈ।
Gold Price Today: ਸੋਨੇ ’ਚ ਕਿੰਨਾ ਆਇਆ ਉਛਾਲ?
ਸਵੇਰੇ ਲਗਭਗ 10:30 ਵਜੇ ਸੋਨੇ ਦੀ ਕੀਮਤ ਵਿੱਚ ਤਕਰੀਬਨ 1,600 ਰੁਪਏ ਦਾ ਵਾਧਾ ਦੇਖਣ ਨੂੰ ਮਿਲਿਆ ਹੈ। ਇਸ ਸਮੇਂ 10 ਗ੍ਰਾਮ ਸੋਨੇ ਦੀ ਕੀਮਤ 1,37,351 ਰੁਪਏ ਚੱਲ ਰਿਹਾ ਹੈ। ਸੋਨੇ ਨੇ ਹੁਣ ਤੱਕ 1,36,300 ਰੁਪਏ ਪ੍ਰਤੀ 10 ਗ੍ਰਾਮ ਦਾ ਨੀਵਾਂ ਪੱਧਰ ਅਤੇ 1,38,200 ਰੁਪਏ ਪ੍ਰਤੀ 10 ਗ੍ਰਾਮ ਦਾ ਉੱਚਾ ਰਿਕਾਰਡ ਬਣਾਇਆ ਹੈ।
Silver Price Outlook: 2026 ਵਿੱਚ ਕਿੰਨੀ ਜਾਵੇਗੀ ਚਾਂਦੀ ਦੀ ਕੀਮਤ?
ਕਮੋਡਿਟੀ ਮਾਹਰ ਅਜੇ ਕੇਡੀਆ ਦੀ ਮੰਨੀਏ ਤਾਂ 2025 ਵਰਗੀ ਤੇਜ਼ੀ 2026 ਵਿੱਚ ਵੀ ਦੇਖਣ ਨੂੰ ਮਿਲੇਗੀ, ਇਸ ਦੀ ਸੰਭਾਵਨਾ ਬਹੁਤ ਘੱਟ ਹੈ। ਅਜਿਹੀ ਵੱਡੀ ਤੇਜ਼ੀ ਆਉਣ ਤੋਂ ਬਾਅਦ ਜਾਂ ਤਾਂ ਕੀਮਤਾਂ ਵਿੱਚ ਭਾਰੀ ਗਿਰਾਵਟ ਆਉਂਦੀ ਹੈ ਜਾਂ ਫਿਰ ਕੀਮਤ ਲੰਬੇ ਸਮੇਂ ਤੱਕ ਇੱਕੋ ਪੱਧਰ 'ਤੇ ਟਿਕੀ ਰਹਿੰਦੀ ਹੈ।
ਕੇਡੀਆ ਦਾ ਮੰਨਣਾ ਹੈ ਕਿ ਚਾਂਦੀ 1,50,000 ਰੁਪਏ ਪ੍ਰਤੀ ਕਿੱਲੋ ਨੂੰ ਆਪਣੀ ਆਧਾਰ ਕੀਮਤ (Base Price) ਬਣਾ ਸਕਦੀ ਹੈ। ਉੱਥੇ ਹੀ, ਮੌਜੂਦਾ ਵਾਧੇ ਨੂੰ ਦੇਖਦੇ ਹੋਏ ਚਾਂਦੀ ਦਾ ਭਾਅ 3,00,000 ਰੁਪਏ ਪ੍ਰਤੀ ਕਿੱਲੋ ਦੇ ਆਸ-ਪਾਸ ਰਹਿ ਸਕਦਾ ਹੈ।