RBI ਦਾ 'ਸੋਨੇ ਦਾ ਬ੍ਰਹਮਾਸਤਰ', ਘਰੇਲੂ ਖਜ਼ਾਨੇ 'ਚ ਕੈਦ ਕੀਤਾ 6,80,000 ਕਿਲੋ ਸੋਨਾ; ਸਮੁੰਦਰੋਂ ਪਾਰ ਤੋਂ 3 ਸਾਲਾਂ 'ਚ ਆਇਆ ਇੰਨਾ ਗੋਲਡ
ਮਾਰਚ 2026 ਦੇ ਅੰਤ ਤਕ RBI ਕੋਲ ਭਾਰਤ ਵਿਚ ਕੁੱਲ 680 ਮੀਟ੍ਰਿਕ ਟਨ (6,80,000 ਕਿਲੋਗ੍ਰਾਮ) ਸੋਨਾ ਸੀ। ਇਹ ਸਤੰਬਰ 2025 ਦੇ 575.8 ਮੀਟ੍ਰਿਕ ਟਨ ਦੇ ਮੁਕਾਬਲੇ ਕਾਫ਼ੀ ਜ਼ਿਆਦਾ ਹੈ। ਯਾਨੀ ਸਿਰਫ਼ 6 ਮਹੀਨਿਆਂ ਵਿੱਚ RBI ਨੇ ਕਰੀਬ 104.2 ਮੀਟ੍ਰਿਕ ਟਨ ਸੋਨਾ ਆਪਣੇ ਭੰਡਾਰ ਵਿੱਚ ਜੋੜਿਆ। ਜੇਕਰ ਭਾਰਤ ਅਤੇ ਵਿਦੇਸ਼ ਵਿੱਚ ਰੱਖੇ ਸੋਨੇ ਨੂੰ ਮਿਲਾ ਦਿੱਤਾ ਜਾਵੇ ਤਾਂ ਮਾਰਚ 2026 ਦੇ ਅੰਤ ਤੱਕ RBI ਕੋਲ ਕੁੱਲ 880.52 ਮੀਟ੍ਰਿਕ ਟਨ ਸੋਨਾ ਹੈ।
Posted By Seema Anand
Publish Date: Fri, 01 May 2026 03:13 PM (IST)
Updated Date: Fri, 01 May 2026 03:17 PM (IST)
ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ: ਅੱਜ ਦੇ ਸਮੇਂ ਦੁਨੀਆ ਤੇਜ਼ੀ ਨਾਲ ਬਦਲ ਰਹੀ ਹੈ। ਭੂ-ਰਾਜਨੀਤਕ ਤਣਾਅ, ਆਰਥਿਕ ਅਨਿਸ਼ਚਿਤਤਾ ਤੇ ਵਿਸ਼ਵ ਬਾਜ਼ਾਰਾਂ 'ਚ ਉਤਰਾਅ-ਚੜ੍ਹਾਅ ਦੇ ਵਿਚਕਾਰ ਸੋਨਾ ਇਕ ਵਾਰ ਫਿਰ ਮਜ਼ਬੂਤ ਤੇ ਸੁਰੱਖਿਅਤ ਨਿਵੇਸ਼ ਵਜੋਂ ਉਭਰ ਰਿਹਾ ਹੈ। ਭਾਰਤ 'ਚ ਇਸ ਰਣਨੀਤੀ ਨੂੰ ਸੰਭਾਲਣ ਦਾ ਕੰਮ ਭਾਰਤੀ ਰਿਜ਼ਰਵ ਬੈਂਕ (RBI) ਕਰਦਾ ਹੈ, ਜਿਸ ਨੇ ਹਾਲ ਹੀ ਦੇ ਸਾਲਾਂ 'ਚ ਆਪਣੇ ਗੋਲਡ ਰਿਜ਼ਰਵ ਨੂੰ ਤੇਜ਼ੀ ਨਾਲ ਵਧਾਇਆ ਹੈ ਤੇ ਨਾਲ ਹੀ ਵੱਡੀ ਮਾਤਰਾ 'ਚ ਸੋਨਾ ਵਿਦੇਸ਼ਾਂ ਤੋਂ ਵਾਪਸ ਦੇਸ਼ ਲਿਆਂਦਾ ਹੈ।
ਭਾਰਤ ਦੇ ਕੇਂਦਰੀ ਬੈਂਕ RBI ਕੋਲ ਕਿੰਨਾ ਸੋਨਾ ਹੈ?
ਮਾਰਚ 2026 ਦੇ ਅੰਤ ਤਕ RBI ਕੋਲ ਭਾਰਤ 'ਚ ਕੁੱਲ 680 ਮੀਟ੍ਰਿਕ ਟਨ (6,80,000 ਕਿਲੋਗ੍ਰਾਮ) ਸੋਨਾ ਸੀ। ਇਹ ਸਤੰਬਰ 2025 ਦੇ 575.8 ਮੀਟ੍ਰਿਕ ਟਨ ਦੇ ਮੁਕਾਬਲੇ ਕਾਫ਼ੀ ਜ਼ਿਆਦਾ ਹੈ। ਯਾਨੀ ਸਿਰਫ਼ 6 ਮਹੀਨਿਆਂ ਵਿੱਚ RBI ਨੇ ਕਰੀਬ 104.2 ਮੀਟ੍ਰਿਕ ਟਨ ਸੋਨਾ ਆਪਣੇ ਭੰਡਾਰ 'ਚ ਜੋੜਿਆ। ਜੇਕਰ ਭਾਰਤ ਅਤੇ ਵਿਦੇਸ਼ ਵਿੱਚ ਰੱਖੇ ਸੋਨੇ ਨੂੰ ਮਿਲਾ ਦਿੱਤਾ ਜਾਵੇ ਤਾਂ ਮਾਰਚ 2026 ਦੇ ਅੰਤ ਤੱਕ RBI ਕੋਲ ਕੁੱਲ 880.52 ਮੀਟ੍ਰਿਕ ਟਨ ਸੋਨਾ ਹੈ।
ਵਿਦੇਸ਼ਾਂ ਤੋਂ ਕਿੰਨਾ ਸੋਨਾ ਭਾਰਤ ਲਿਆਂਦਾ ਗਿਆ?
ਸਾਲ 2023 ਤੋਂ 2026 ਦੇ ਵਿਚਕਾਰ RBI ਨੇ ਲਗਪਗ 274 ਤੋਂ 280 ਮੀਟ੍ਰਿਕ ਟਨ ਸੋਨਾ ਵਿਦੇਸ਼ਾਂ ਤੋਂ ਭਾਰਤ ਵਾਪਸ ਮੰਗਵਾਇਆ। ਸਾਲ 2025 ਦੇ ਅੱਧ ਵਿਚ ਕਰੀਬ 64 ਮੀਟ੍ਰਿਕ ਟਨ ਅਤੇ ਲਗਭਗ 100 ਮੀਟ੍ਰਿਕ ਟਨ ਸੋਨਾ ਬ੍ਰਿਟੇਨ ਦੇ ਕੇਂਦਰੀ ਬੈਂਕ ਤੋਂ ਵਾਪਸ ਲਿਆਂਦਾ ਗਿਆ। 2025 ਦੇ ਅੰਤ ਅਤੇ 2026 ਦੀ ਸ਼ੁਰੂਆਤ ਵਿੱਚ ਵੀ ਇਹ ਪ੍ਰਕਿਰਿਆ ਲਗਾਤਾਰ ਜਾਰੀ ਰਹੀ।
ਵਿਦੇਸ਼ਾਂ 'ਚ ਰੱਖਿਆ ਸੋਨਾ ਕਿਉਂ ਘਟਿਆ?
ਵਿਦੇਸ਼ਾਂ 'ਚ ਰੱਖਿਆ ਸੋਨਾ 290.4 ਮੀਟ੍ਰਿਕ ਟਨ ਤੋਂ ਘਟ ਕੇ 197.7 ਮੀਟ੍ਰਿਕ ਟਨ ਰਹਿ ਗਿਆ ਹੈ। ਇਹ ਦਰਸਾਉਂਦਾ ਹੈ ਕਿ RBI ਹੁਣ ਆਪਣਾ ਜ਼ਿਆਦਾ ਸੋਨਾ ਦੇਸ਼ ਦੇ ਅੰਦਰ ਹੀ ਰੱਖਣਾ ਚਾਹੁੰਦਾ ਹੈ ਤਾਂ ਜੋ ਕਿਸੇ ਵੀ ਬਾਹਰੀ ਸੰਕਟ ਜਾਂ ਪਾਬੰਦੀਆਂ ਦਾ ਇਸ 'ਤੇ ਅਸਰ ਨਾ ਪਵੇ।
ਵਿਦੇਸ਼ੀ ਮੁਦਰਾ ਭੰਡਾਰ 'ਚ ਸੋਨੇ ਦੀ ਵਧਦੀ ਹਿੱਸੇਦਾਰੀ
ਭਾਰਤ ਦੇ ਕੁੱਲ ਵਿਦੇਸ਼ੀ ਮੁਦਰਾ ਭੰਡਾਰ 'ਚ ਸੋਨੇ ਦੀ ਹਿੱਸੇਦਾਰੀ 13.9% ਤੋਂ ਵਧ ਕੇ ਹੁਣ 16.7% ਹੋ ਗਈ ਹੈ। RBI ਦਾ ਇਹ ਕਦਮ ਦੇਸ਼ ਦੀ ਆਰਥਿਕ ਸੁਰੱਖਿਆ, ਵਿੱਤੀ ਸੁਤੰਤਰਤਾ ਅਤੇ ਸਥਿਰਤਾ ਨੂੰ ਮਜ਼ਬੂਤ ਕਰਨ ਵੱਲ ਇੱਕ ਵੱਡੀ ਕੋਸ਼ਿਸ਼ ਹੈ।