ਇਹ ਹੈ ਭਾਰਤ ਦਾ ਸਭ ਤੋਂ ਪੁਰਾਣਾ Silver ETF, 4 ਸਾਲ ਤੋਂ ਘੱਟ ਸਮੇਂ 'ਚ ਦੌਲਤ ਕਰ ਦਿੱਤੀ ਕਈ ਗੁਣਾ; NAV ਬਸ ਇੰਨੀ

ਨਵੀਂ ਦਿੱਲੀ : ਇਸ ਸਮੇਂ ਸੋਨੇ ਦੇ ਨਾਲ-ਨਾਲ ਚਾਂਦੀ ਦੀਆਂ ਕੀਮਤਾਂ ਵੀ ਰਿਕਾਰਡ ਬਣਾਉਂਦੀਆਂ ਜਾ ਰਹੀਆਂ ਹਨ। ਚਾਂਦੀ ਦੀ ਮੰਗ ਬਹੁਤ ਵਧ ਗਈ ਹੈ। ਜੇਕਰ ਤੁਸੀਂ ਚਾਂਦੀ 'ਚ ਨਿਵੇਸ਼ ਕਰਨ ਦੀ ਸੋਚ ਰਹੇ ਹੋ ਤਾਂ ਭਾਰਤ 'ਚ ਕਈ ਸਿਲਵਰ ਈਟੀਐਫ (First Silver ETF in India) ਉਪਲਬਧ ਹਨ। ਇੱਥੇ ਅਸੀਂ ਤੁਹਾਨੂੰ ਦੇਸ਼ ਦੇ ਪਹਿਲੇ ਤੇ ਸਭ ਤੋਂ ਪੁਰਾਣੇ ਸਿਲਵਰ ਈਟੀਐਫ ਬਾਰੇ ਜਾਣਕਾਰੀ ਦੇਵਾਂਗੇ।

ਭਾਰਤ ਦਾ ਪਹਿਲਾ ਸਿਲਵਰ ਈਟੀਐਫ

ਆਈਸੀਆਈਸੀਆਈ ਪਰੂਡੈਂਸ਼ੀਅਲ ਸਿਲਵਰ ਈਟੀਐਫ (ICICI Prudential Silver ETF), ਆਈਸੀਆਈਸੀਆਈ ਪਰੂਡੈਂਸ਼ੀਅਲ ਮਿਊਚਲ ਫੰਡ ਦਾ ਇਕ ਕਮੋਡਿਟੀ ਮਿਊਚਲ ਫੰਡ ਯੋਜਨਾ ਹੈ। ਇਸਨੂੰ 24 ਜਨਵਰੀ 2022 ਨੂੰ ਲਾਂਚ ਕੀਤਾ ਗਿਆ ਸੀ। ਇਹ ਭਾਰਤ ਦਾ ਪਹਿਲਾ ਤੇ ਸਭ ਤੋਂ ਪੁਰਾਣਾ ਸਿਲਵਰ ਈਟੀਐਫ ਹੈ।

ਫੰਡ ਦੀ ਡਿਟੇਲ

ਇਸ ਸਮੇਂ ਆਈਸੀਆਈਸੀਆਈ ਪਰੂਡੈਂਸ਼ੀਅਲ ਸਿਲਵਰ ਈਟੀਐਫ ਦਾ ਮੈਨੇਜਮੈਂਟ ਨਿਸ਼ਿਤ ਪਟੇਲ ਤੇ ਗੌਰਵ ਚਿਕਨੇ ਵੱਲੋਂ ਕੀਤਾ ਜਾ ਰਿਹਾ ਹੈ। ਇਸ ਫੰਡ ਦਾ ਖਰਚ ਰੇਸ਼ੋ 0.40% ਹੈ ਅਤੇ ਇਸ ਦੀ ਕੁੱਲ ਐਸੇਟ ਅੰਡਰ ਮੈਨੇਜਮੈਂਟ (AUM) ₹9,481 ਕਰੋੜ ਹੈ।

ਕਿੰਨਾ ਦਿੱਤਾ ਹੈ ਰਿਟਰਨ

• ਫੰਡ ਦਾ ਸ਼ੁਰੂ ਤੋਂ ਹੁਣ ਤਕ ਰਿਟਰਨ 158 ਫੀਸਦ ਰਿਹਾ ਹੈ।
• 3 ਸਾਲਾਂ 'ਚ ਇਸਨੇ 188.5 ਫੀਸਦ ਰਿਟਰਨ ਦਿੱਤਾ ਹੈ।
• ਇਕ ਸਾਲ ਵਿਚ ਇਹ ਈਟੀਐਫ 85 ਫੀਸਦ ਰਿਟਰਨ ਦੇਣ ਵਿਚ ਕਾਮਯਾਬ ਰਿਹਾ ਹੈ।
• ਸਾਲ 2025 ਵਿਚ ਹੁਣ ਤੱਕ ਇਸਨੇ ਕਰੀਬ 87 ਫੀਸਦ ਫਾਇਦਾ ਕਰਵਾਇਆ ਹੈ।
• 3 ਸਾਲਾਂ 'ਚ ਈਟੀਐਫ ਦਾ ਸਾਲਾਨਾ ਰਿਟਰਨ ਕਰੀਬ 39 ਫੀਸਦ ਰਿਹਾ ਹੈ।

ਕਿਵੇਂ ਕਰੀਏ ਨਿਵੇਸ਼ ਅਤੇ ਇਸ ਈਟੀਐਫ ਦੀ NAV

ਆਈਸੀਆਈਸੀਆਈ ਪਰੂਡੈਂਸ਼ੀਅਲ ਸਿਲਵਰ ਈਟੀਐਫ 'ਚ ਨਿਵੇਸ਼ ਕਰਨ ਲਈ ਤੁਹਾਨੂੰ ਇਕ ਡੀਮੈਟ ਖਾਤੇ ਅਤੇ ਇਕ ਸਟਾਕਬ੍ਰੋਕਰ ਦੇ ਕੋਲ ਇਕ ਟਰੇਡਿੰਗ ਖਾਤੇ ਦੀ ਲੋੜ ਹੋਵੇਗੀ, ਕਿਉਂਕਿ ਐਕਸਚੇਂਜ ਟਰੇਡਿਡ ਫੰਡ (ETF) ਸ਼ੇਅਰਾਂ ਦੀ ਤਰ੍ਹਾਂ ਹੀ ਸਟਾਕ ਐਕਸਚੇਂਜ 'ਤੇ ਖਰੀਦੇ ਤੇ ਵੇਚੇ ਜਾਂਦੇ ਹਨ। ਤੁਸੀਂ ਆਈਸੀਆਈਸੀਆਈ ਪਰੂਡੈਂਸ਼ੀਅਲ ਸਿਲਵਰ ਈਟੀਐਫ ਨੂੰ ਸਿੱਧਾ ਆਪਣੇ ਬ੍ਰੋਕਰ ਦੇ ਪਲੇਟਫਾਰਮ ਰਾਹੀਂ ਖਰੀਦ ਸਕਦੇ ਹੋ।

ਆਈਸੀਆਈਸੀਆਈ ਪਰੂਡੈਂਸ਼ੀਅਲ ਸਿਲਵਰ ਈਟੀਐਫ ਦੀ ਤਾਜ਼ਾ NAV 13 ਅਕਤੂਬਰ 2025 ਤਕ ₹171.43 ਹੈ।

"ਨਿਵੇਸ਼ ਨਾਲ ਜੁੜੇ ਆਪਣੇ ਸਵਾਲ ਤੁਸੀਂ ਸਾਨੂੰ business@jagrannewmedia.com 'ਤੇ ਭੇਜ ਸਕਦੇ ਹੋ।"

(ਡਿਸਕਲੇਮਰ: ਇੱਥੇ ਇਕ ਈਟੀਐਫ ਦੀ ਜਾਣਕਾਰੀ ਦਿੱਤੀ ਗਈ ਹੈ, ਨਿਵੇਸ਼ ਦੀ ਸਲਾਹ ਨਹੀਂ। ਜਾਗਰਣ ਬਿਜ਼ਨੈੱਸ ਨਿਵੇਸ਼ ਦੀ ਸਲਾਹ ਨਹੀਂ ਦੇ ਰਿਹਾ। ਨਿਵੇਸ਼ ਕਰਨ ਤੋਂ ਪਹਿਲਾਂ ਕਿਸੇ ਸਰਟੀਫਾਈਡ ਇਨਵੈਸਟਮੈਂਟ ਐਡਵਾਈਜ਼ਰ ਨਾਲ ਸਲਾਹ-ਮਸ਼ਵਰਾ ਜ਼ਰੂਰ ਕਰੋ।)