ਸਾਵਧਾਨ! ਕੀ ਕੋਈ ਹੋਰ ਤਾਂ ਨਹੀਂ ਵਰਤ ਰਿਹਾ ਤੁਹਾਡਾ ਅਧਾਰ? ਮਿੰਟਾਂ 'ਚ ਇੰਝ ਕਰੋ ਚੈੱਕ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਅੱਜ ਦੇ ਡਿਜੀਟਲ ਦੌਰ ਵਿੱਚ ਅਧਾਰ ਕਾਰਡ ਸਾਡੀ ਪਛਾਣ ਦਾ ਸਭ ਤੋਂ ਅਹਿਮ ਦਸਤਾਵੇਜ਼ ਬਣ ਗਿਆ ਹੈ। ਬੈਂਕਿੰਗ ਦਾ ਕੰਮ ਹੋਵੇ ਜਾਂ ਸਿਮ ਕਾਰਡ ਲੈਣਾ, ਸਰਕਾਰੀ ਸਕੀਮਾਂ ਤੋਂ ਲੈ ਕੇ ਕਈ ਆਨਲਾਈਨ ਸੇਵਾਵਾਂ ਤੱਕ ਇਸਦੀ ਵਰਤੋਂ ਕੀਤੀ ਜਾਂਦੀ ਹੈ। ਹਾਲਾਂਕਿ, ਜੇਕਰ ਇਸਦੀ ਗਲਤ ਵਰਤੋਂ ਹੋਵੇ ਤਾਂ ਇਹ ਤੁਹਾਡੇ ਲਈ ਵੱਡੀ ਮੁਸ਼ਕਲ ਖੜ੍ਹੀ ਕਰ ਸਕਦਾ ਹੈ। ਇਸ ਲਈ ਇਹ ਜਾਣਨਾ ਬਹੁਤ ਜ਼ਰੂਰੀ ਹੈ ਕਿ ਤੁਹਾਡਾ ਅਧਾਰ ਕਦੋਂ ਅਤੇ ਕਿੱਥੇ ਵਰਤਿਆ ਜਾ ਰਿਹਾ ਹੈ।

ਹੁਣ ਇਹ ਪਤਾ ਕਰਨਾ ਮੁਸ਼ਕਲ ਨਹੀਂ ਹੈ। UIDAI ਦੀ ਵੈੱਬਸਾਈਟ ਜਾਂ mAadhaar ਐਪ ਰਾਹੀਂ ਤੁਸੀਂ ਆਪਣੇ ਅਧਾਰ ਦੀ ਹਿਸਟਰੀ ਦੇਖ ਸਕਦੇ ਹੋ। ਨਵੀਂ ਅਧਾਰ ਐਪ ਨੇ ਇਸ ਕੰਮ ਨੂੰ ਹੋਰ ਵੀ ਸੁਖਾਲਾ ਕਰ ਦਿੱਤਾ ਹੈ। ਇਸ ਐਪ ਦੀ ਮਦਦ ਨਾਲ ਤੁਸੀਂ ਸਿਰਫ਼ ਇੱਕ ਕਲਿੱਕ ਵਿੱਚ ਦੇਖ ਸਕਦੇ ਹੋ ਕਿ ਤੁਹਾਡਾ ਅਧਾਰ ਕਾਰਡ ਕਿੱਥੇ ਵਰਤਿਆ ਗਿਆ ਹੈ।

ਹਿਸਟਰੀ ਚੈੱਕ ਕਰਨ ਦਾ ਸਟੈਪ-ਬਾਏ-ਸਟੈਪ ਤਰੀਕਾ:

ਸਭ ਤੋਂ ਪਹਿਲਾਂ ਆਪਣੇ ਫ਼ੋਨ ਵਿੱਚ ਨਵੀਂ ਅਧਾਰ ਐਪ (mAadhaar) ਡਾਊਨਲੋਡ ਕਰਕੇ ਓਪਨ ਕਰੋ।

ਇਸ ਤੋਂ ਬਾਅਦ ਸਕ੍ਰੀਨ 'ਤੇ ਉੱਪਰ ਵੱਲ ਸਵਾਈਪ (Swipe Up) ਕਰੋ।

ਇੱਥੇ ਤੁਹਾਨੂੰ ਸਾਰੇ ਆਪਸ਼ਨ ਦਿਖਾਈ ਦੇਣਗੇ।

ਹੁਣ 'Auth History' ਵਾਲੇ ਆਪਸ਼ਨ 'ਤੇ ਕਲਿੱਕ ਕਰੋ।

ਕਲਿੱਕ ਕਰਦੇ ਹੀ ਤੁਹਾਡੇ ਸਾਹਮਣੇ ਇੱਕ ਪੂਰੀ ਲਿਸਟ ਖੁੱਲ੍ਹ ਜਾਵੇਗੀ।

ਇਸ ਲਿਸਟ ਤੋਂ ਤੁਸੀਂ ਪਤਾ ਕਰ ਸਕਦੇ ਹੋ ਕਿ ਤੁਹਾਡਾ ਅਧਾਰ ਕਾਰਡ ਕਦੋਂ, ਕਿੱਥੇ ਅਤੇ ਕਿੰਨੇ ਵਜੇ ਵਰਤਿਆ ਗਿਆ ਹੈ।

ਇੱਥੋਂ ਤੁਸੀਂ ਕਿਸੇ ਵੀ ਸ਼ੱਕੀ ਗਤੀਵਿਧੀ (Suspicious Activity) ਦਾ ਪਤਾ ਲਗਾ ਸਕਦੇ ਹੋ।

ਨਵੀਂ ਅਧਾਰ ਐਪ ਦੇ ਹੋਰ ਖ਼ਾਸ ਫੀਚਰਸ:

ਨਵੀਂ ਅਧਾਰ ਐਪ ਕਈ ਐਡਵਾਂਸ ਫੀਚਰਸ ਨਾਲ ਲੈਸ ਹੈ। ਇਸ ਰਾਹੀਂ ਤੁਸੀਂ ਆਸਾਨੀ ਨਾਲ ਆਪਣਾ QR ਕੋਡ ਸਾਂਝਾ ਕਰ ਸਕਦੇ ਹੋ, ਜਿਸ ਨਾਲ ਤੁਹਾਨੂੰ ਹਰ ਜਗ੍ਹਾ ਅਸਲ ਕਾਰਡ ਲਿਜਾਣ ਦੀ ਲੋੜ ਨਹੀਂ ਪਵੇਗੀ। ਇਸ ਤੋਂ ਇਲਾਵਾ, ਐਪ ਵਿੱਚ ਬਾਇਓਮੈਟ੍ਰਿਕ ਲੌਕ ਅਤੇ ਅਨਲੌਕ ਕਰਨ ਦੀ ਸਹੂਲਤ ਵੀ ਮਿਲਦੀ ਹੈ, ਜਿਸ ਨਾਲ ਤੁਹਾਡਾ ਡੇਟਾ ਪੂਰੀ ਤਰ੍ਹਾਂ ਸੁਰੱਖਿਅਤ ਰਹਿੰਦਾ ਹੈ।