GST on Life Insurance : 10,000 ਰੁਪਏ ਦਾ ਹੋ ਜਾਵੇਗਾ 11,800 ਵਾਲਾ ਪ੍ਰੀਮੀਅਮ ? ਇੰਸ਼ੋਰੈਂਸ 'ਤੇ ਸਰਕਾਰ ਕਰਨ ਵਾਲੀ ਹੈ ਵੱਡੀ GST ਕਟੌਤੀ

ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਲਾਲ ਕਿਲ੍ਹੇ ਦੀ ਫ਼ਸੀਲ ਤੋਂ 15 ਅਗਸਤ ਨੂੰ ਜਨਤਾ ਨੂੰ ਦੀਵਾਲੀ ਦਾ ਤੋਹਫਾ ਦੇਣ ਦਾ ਵਾਅਦਾ ਕੀਤਾ ਸੀ। ਇਸ ਵਾਅਦੇ ਨੂੰ ਧਿਆਨ 'ਚ ਰੱਖਦੇ ਹੋਏ, ਜੀਐਸਟੀ ਦੀਆਂ ਦਰਾਂ 'ਚ ਵੱਡੇ ਬਦਲਾਅ ਦੀ ਤਿਆਰੀ ਨਵੀਂ ਦਿੱਲੀ 'ਚ ਚੱਲ ਰਹੀ ਹੈ। ਇਸ ਸਬੰਧੀ ਦੋ ਦਿਨਾਂ ਦੀ ਜੀਐਸਟੀ ਕੌਂਸਲ (GST Council Meet) ਦੀ ਬੈਠਕ ਹੋਣ ਜਾ ਰਹੀ ਹੈ।

ਇਸ ਦੌਰਾਨ, ਦੇਸ਼ ਦੇ ਆਮ ਲੋਕਾਂ ਨੂੰ ਅੱਜ ਜਾਂ ਕੱਲ੍ਹ ਵੱਡੀ ਜੀਐਸਟੀ ਟੈਕਸ ਦਰ 'ਚ ਕਟੌਤੀ ਦੀ ਖੁਸ਼ਖਬਰੀ ਮਿਲਣ ਦੀ ਉਮੀਦ ਹੈ। ਇਸ ਵਿਚ ਸੈਂਕੜੇ ਸਾਮਾਨ ਦੀਆਂ ਕੀਮਤਾਂ ਘਟਣ ਦੇ ਨਾਲ-ਨਾਲ ਇੰਸ਼ੋਰੈਂਸ ਪ੍ਰੀਮੀਅਮ 'ਤੇ ਲੱਗਣ ਵਾਲੀ ਜੀਐਸਟੀ ਦਰ 'ਚ ਵੀ ਕਟੌਤੀ ਹੋ ਸਕਦੀ ਹੈ। ਇਸ ਵਿਚ ਤੁਹਾਡੀ ਹੈਲਥ ਇੰਸ਼ੋਰੈਂਸ ਤੋਂ ਲੈ ਕੇ ਟਰਮ ਇੰਸ਼ੋਰੈਂਸ ਤਕ ਸ਼ਾਮਲ ਹੋ ਸਕਦਾ ਹੈ।

ਸਰਕਾਰ ਇੰਸ਼ੋਰੈਂਸ 'ਤੇ ਜੀਐਸਟੀ ਤੋਂ ਪੂਰੀ ਤਰ੍ਹਾਂ ਛੂਟ ਦੇਣ 'ਤੇ ਵਿਚਾਰ ਕਰ ਰਹੀ ਹੈ। ਰਿਲਾਇੰਸ ਜਨਰਲ ਇਨਸ਼ੋਰੈਂਸ ਦੇ CEO ਰਾਕੇਸ਼ ਜੈਨ ਅਨੁਸਾਰ, ਇਸ ਵੇਲੇ ਸਿਹਤ ਬੀਮਾ ਨਾਲ ਜੁੜੇ ਪ੍ਰੀਮੀਅਮ 'ਤੇ 18 ਫੀਸਦ ਜੀਐਸਟੀ ਲੱਗਦੀ ਹੈ ਜਿਸਦਾ ਭਾਰ ਅਕਸਰ ਮੱਧਮ ਆਮਦਨ ਵਾਲੇ ਪਰਿਵਾਰਾਂ ਅਤੇ ਵੱਡੇ ਉਮਰ ਦੇ ਨਾਗਰਿਕਾਂ ਲਈ ਬਹੁਤ ਮੁਸ਼ਕਲ ਹੁੰਦਾ ਹੈ।

ਇਸ ਟੈਕਸ ਨੂੰ ਹਟਾਉਣ ਨਾਲ ਨਾ ਸਿਰਫ਼ ਲਾਗਤ ਘਟੇਗੀ, ਸਗੋਂ ਇਹ ਵੀ ਯਕੀਨੀ ਬਣੇਗਾ ਕਿ ਸਿਹਤ ਬੀਮਾ ਇਕ ਸਹੂਲਤ ਜਾਂ ਮਰਜ਼ੀ ਨਾਲ ਖਰੀਦਣ ਵਾਲੇ ਉਤਪਾਦ ਦੀ ਬਜਾਏ ਇਕ ਜ਼ਰੂਰਤ ਹੈ।

ਭਾਰਤ 'ਚ ਸਿਹਤ ਸੇਵਾਵਾਂ ਦੀ ਮਹਿੰਗਾਈ ਆਮ ਲੋਕਾਂ ਲਈ ਹਮੇਸ਼ਾ ਮਹਿੰਗਾਈ ਤੋਂ ਵਧ ਰਹੀ ਹੈ, ਜਿਸ ਨਾਲ ਪਰਿਵਾਰਾਂ ਨੂੰ ਆਰਥਿਕ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਕਈ ਪਰਿਵਾਰਾਂ ਲਈ ਅਚਾਨਕ ਮੈਡੀਕਲ ਐਮਰਜੈਂਸੀ ਉਨ੍ਹਾਂ ਦੀਆਂ ਸਾਲਾਂ ਦੀ ਬਚਤ ਖਤਮ ਕਰ ਸਕਦੀ ਹੈ। ਫਿਰ ਵੀ, ਬੀਮਾ ਦਾ ਪ੍ਰਸਾਰ ਅਜੇ ਵੀ ਸੀਮਤ ਹੈ ਕਿਉਂਕਿ ਇਸਨੂੰ ਖਰੀਦਣਾ ਬਹੁਤ ਸਾਰੇ ਲੋਕਾਂ ਲਈ ਮੁਸ਼ਕਲ ਹੈ।

10,000 ਰੁਪਏ ਦਾ ਹੋ ਜਾਵੇਗਾ ₹11,800 ਵਾਲਾ ਪ੍ਰੀਮੀਅਮ

ਰਾਕੇਸ਼ ਜੈਨ ਨੇ ਦੱਸਿਆ ਕਿ ਉਦਾਹਰਨ ਵਜੋਂ, 10,000 ਰੁਪਏ ਦੇ ਪ੍ਰੀਮੀਅਮ ਵਾਲੀ ਪਾਲਿਸੀ 'ਤੇ 1,800 ਰੁਪਏ ਵਾਧੂ ਟੈਕਸ ਦੇਣਾ ਪੈਂਦਾ ਹੈ, ਜੋ ਪਹਿਲਾਂ ਹੀ ਕਈ ਖਰਚਿਆਂ ਦਾ ਸਾਹਮਣਾ ਕਰ ਰਹੇ ਪਰਿਵਾਰਾਂ ਲਈ ਬੀਮਾ ਖਰੀਦਣ 'ਚ ਰੁਕਾਵਟ ਬਣਦਾ ਹੈ।

ਟੈਕਸ ਹਟਾਉਣ ਨਾਲ ਇਹ ਆਰਥਿਕ ਬੋਝ ਘਟੇਗਾ ਤੇ ਨਵੇਂ ਲੋਕ ਬੀਮਾ ਖਰੀਦਣ ਲਈ ਉਤਸ਼ਾਹਤ ਹੋਣਗੇ। ਜੇਕਰ ਤੁਸੀਂ 500 ਰੁਪਏ ਦੀ ਟਰਮ ਇੰਸ਼ੋਰੈਂਸ ਲਈ ਹੁਣ 18 ਰੁਪਏ ਦੀ ਜੀਐਸਟੀ ਕਾਰਨ 590 ਰੁਪਏ ਦੀ ਪੈਂਦੀ ਹੈ। ਉਹ ਛੂਟ ਤੋਂ ਬਾਅਦ ਸਿਰਫ 500 ਰੁਪਏ ਦੀ ਹੋ ਜਾਵੇਗੀ।