Free Aadhaar Update : ਮੁਫ਼ਤ 'ਚ ਅਪਡੇਟ ਹੋ ਰਿਹਾ ਆਧਾਰ, ਇੱਥੇ ਜਾਣੋ ਸਟੈੱਪਸ ਤੇ ਆਖਰੀ ਤਾਰੀਕ
Free Aadhaar Update : ਆਧਾਰ (Aadhaar Latest Update) ਨਾਲ ਸਬੰਧਤ ਤਾਜ਼ਾ ਅਪਡੇਟ ਇਹ ਹੈ ਕਿ ਭਾਰਤੀ ਵਿਲੱਖਣ ਪਛਾਣ ਅਥਾਰਟੀ (UIDAI) ਨੇ ਬਿਨਾਂ ਕਿਸੇ ਫੀਸ ਦੇ ਆਧਾਰ ਨੂੰ ਅਪਡੇਟ ਕਰਨ ਦੀ ਸਹੂਲਤ ਦਿੱਤੀ ਹੈ।
Posted By Seema Anand
Publish Date: Mon, 11 Sep 2023 01:36 PM (IST)
Updated Date: Tue, 12 Sep 2023 02:29 PM (IST)
Free Aadhaar Update: ਅੱਜ ਆਧਾਰ ਹਰ ਭਾਰਤੀ ਦੀ ਜ਼ਿੰਦਗੀ ਦਾ ਅਹਿਮ ਹਿੱਸਾ ਬਣ ਗਿਆ ਹੈ। ਸਰਕਾਰੀ ਯੋਜਨਾਵਾਂ ਦਾ ਲਾਭ ਲੈਣਾ ਹੋਵੇ ਜਾਂ ਕੇਵਾਈਸੀ ਕਰਨਾ ਹੋਵੇ, ਆਧਾਰ ਹਰ ਥਾਂ ਜ਼ਰੂਰੀ ਹੈ। ਆਧਾਰ (Aadhaar Latest Update) ਨਾਲ ਸਬੰਧਤ ਤਾਜ਼ਾ ਅਪਡੇਟ ਇਹ ਹੈ ਕਿ ਭਾਰਤੀ ਵਿਲੱਖਣ ਪਛਾਣ ਅਥਾਰਟੀ (UIDAI) ਨੇ ਬਿਨਾਂ ਕਿਸੇ ਫੀਸ ਦੇ ਆਧਾਰ ਨੂੰ ਅਪਡੇਟ ਕਰਨ ਦੀ ਸਹੂਲਤ ਦਿੱਤੀ ਹੈ।
ਪਹਿਲਾਂ ਇਸਦੀ ਆਖਰੀ ਮਿਤੀ 14 ਦਸੰਬਰ 2023 ਸੀ, ਜਿਸ ਨੂੰ ਹੁਣ ਵਧਾ ਕੇ 14 ਦਸੰਬਰ 2023 ਕਰ ਦਿੱਤਾ ਗਿਆ ਹੈ। ਇਸ ਮਿਆਦ ਦੌਰਾਨ ਕੋਈ ਵੀ ਨਾਗਰਿਕ ਬਿਨਾਂ ਕਿਸੇ ਫੀਸ ਦੇ ਆਪਣੇ ਆਧਾਰ ਕਾਰਡ ਵਿੱਚ ਕੋਈ ਵੀ ਬਦਲਾਅ ਕਰ ਸਕਦਾ ਹੈ।
How to Update Aadhaar Details
- UIDAI ਦੀ ਅਧਿਕਾਰਤ ਵੈੱਬਸਾਈਟ myaadhaar.uidai.gov.in 'ਤੇ ਜਾਓ।
- ਲੌਗਇਨ ਕਰੋ ਤੇ 'ਨਾਮ/ਲਿੰਗ/ਜਨਮ ਮਿਤੀ ਤੇ ਪਤਾ ਅੱਪਡੇਟ' ਵਿਕਲਪ 'ਤੇ ਕਲਿੱਕ ਕਰੋ।
- "ਆਧਾਰ ਆਨਲਾਈਨ ਅੱਪਡੇਟ ਕਰੋ" 'ਤੇ ਕਲਿੱਕ ਕਰੋ।
- 'ਪਤਾ' ਚੁਣੋ ਤੇ 'ਆਧਾਰ ਨੂੰ ਅਪਡੇਟ ਕਰਨ ਲਈ ਅੱਗੇ ਵਧੋ' 'ਤੇ ਕਲਿੱਕ ਕਰੋ।
- ਸਕੈਨ ਕੀਤੇ ਦਸਤਾਵੇਜ਼ਾਂ ਨੂੰ ਅੱਪਲੋਡ ਕਰੋ ਤੇ ਲੋੜੀਂਦੇ ਵੇਰਵੇ ਦਾਖਲ ਕਰੋ।
- ਟਰੈਕਿੰਗ ਲਈ ਇਕ ਸੇਵਾ ਬੇਨਤੀ ਨੰਬਰ (SRN) ਤਿਆਰ ਕਰੋ।
25 ਰੁਪਏ ਦੀ ਹੋਵੇਗੀ ਬਚਤ
ਇਸ SRN ਰਾਹੀਂ ਇਹ ਪਤਾ ਲਗਾਇਆ ਜਾ ਸਕਦਾ ਹੈ ਕਿ ਇਹ ਪ੍ਰਕਿਰਿਆ ਕਿੱਥੇ ਤਕ ਪਹੁੰਚੀ ਹੈ। ਆਧਾਰ ਕਾਰਡ 'ਤੇ ਵੱਖ-ਵੱਖ ਵੇਰਵਿਆਂ ਨੂੰ ਉਸੇ ਪ੍ਰਕਿਰਿਆ ਦੀ ਵਰਤੋਂ ਕਰ ਕੇ ਅਪਡੇਟ ਕੀਤਾ ਜਾ ਸਕਦਾ ਹੈ।
14 ਦਸੰਬਰ ਤਕ ਆਧਾਰ ਦੀ ਜਾਣਕਾਰੀ ਨੂੰ ਮੁਫ਼ਤ ਵਿਚ ਅਪਡੇਟ ਕਰਨ ਦੀ ਸੁਵਿਧਾ ਉਪਲਬਧ ਹੈ। ਇਨ੍ਹਾਂ ਅਪਡੇਟਸ ਲਈ, ਕੋਈ ਵੀ ਕਾਮਨ ਸਰਵਿਸ ਸੈਂਟਰ (CSC) 'ਤੇ ਜਾ ਸਕਦੇ ਹੋ, ਜਿਸ ਲਈ ਮਾਮੂਲੀ ਫੀਸ ਅਦਾ ਕਰਨੀ ਪਵੇਗੀ। ਹੁਣ ਤਕ ਆਨਲਾਈਨ ਅਪਡੇਟ ਲਈ 25 ਰੁਪਏ ਦੀ ਫੀਸ ਲਈ ਜਾਂਦੀ ਸੀ।
ਕੀ ਤੁਹਾਡਾ ਆਧਾਰ ਵੀ 10 ਸਾਲ ਪਹਿਲਾਂ ਬਣਿਆ ਸੀ
UIDAI ਦੀ ਅਪੀਲ ਹੈ ਕਿ ਲੋਕ ਸਮੇਂ-ਸਮੇਂ 'ਤੇ ਆਪਣਾ ਆਧਾਰ ਅਪਡੇਟ ਕਰਦੇ ਰਹਿਣ। ਖਾਸ ਤੌਰ 'ਤੇ ਜੇਕਰ ਤੁਹਾਡਾ ਆਧਾਰ ਕਾਰਡ 10 ਸਾਲ ਪਹਿਲਾਂ ਬਣਿਆ ਹੈ ਤਾਂ ਇਹ ਕੰਮ ਜ਼ਰੂਰ ਕਰਨਾ ਚਾਹੀਦਾ ਹੈ। ਜੇਕਰ ਜਨਸੰਖਿਆ ਦੇ ਵੇਰਵੇ (ਨਾਮ, ਜਨਮ ਮਿਤੀ, ਪਤਾ, ਆਦਿ) ਨੂੰ ਬਦਲਣ ਦੀ ਲੋੜ ਹੈ, ਤਾਂ ਨਿਵਾਸੀ ਆਨਲਾਈਨ ਅੱਪਡੇਟ ਸੇਵਾ ਦੀ ਵਰਤੋਂ ਕਰ ਸਕਦੇ ਹਨ ਜਾਂ ਨਜ਼ਦੀਕੀ ਆਧਾਰ ਕੇਂਦਰ 'ਤੇ ਜਾ ਸਕਦੇ ਹਨ।