Upcoming IPO: ਅਗਲੇ ਹਫ਼ਤੇ 3 IPO ਵਿੱਚ ਪੈਸਾ ਲਗਾਉਣ ਦਾ ਮੌਕਾ, ਪਰ ਕੌਣ ਦੇਵੇਗਾ ਮੁਨਾਫ਼ਾ? ਚੈੱਕ ਕਰੋ ਕਿਸਦਾ GMP ਸਭ ਤੋਂ ਜ਼ਿਆਦਾ
ਮੇਹੁਲ ਟੈਲੀਕਾਮ ਦਾ ਆਈਪੀਓ SME ਕੈਟੇਗਰੀ ਦਾ ਹੈ ਅਤੇ ਇਹ 17 ਅਪ੍ਰੈਲ ਨੂੰ ਖੁੱਲ੍ਹ ਗਿਆ ਸੀ। ਹੁਣ ਇਹ ਆਈਪੀਓ ਵੀ 21 ਅਪ੍ਰੈਲ ਨੂੰ ਬੰਦ ਹੋਵੇਗਾ। ਇਸ ਆਈਪੀਓ ਵਿੱਚ ਸ਼ੇਅਰਾਂ ਦੀ ਕੀਮਤ 98 ਰੁਪਏ ਹੈ, ਜਿਸ ਵਿੱਚ ਘੱਟੋ-ਘੱਟ 1200 ਸ਼ੇਅਰਾਂ ਲਈ ਅਪਲਾਈ ਕਰਨਾ ਜ਼ਰੂਰੀ ਹੈ।
Posted By Sandip Kaur
Publish Date: Sun, 19 Apr 2026 12:15 PM (IST)
Updated Date: Sun, 19 Apr 2026 12:22 PM (IST)
ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀਂ: ਅਗਲੇ ਹਫ਼ਤੇ ਸਿਰਫ਼ ਇੱਕ ਨਵਾਂ ਆਈਪੀਓ (Upcoming IPO Next Week) ਖੁੱਲ੍ਹਣ ਜਾ ਰਿਹਾ ਹੈ। ਅਗਲੇ ਕਾਰੋਬਾਰੀ ਹਫ਼ਤੇ ਵਿੱਚ ਸਿਰਫ਼ ਲੀਪਫ੍ਰੌਗ ਇੰਜੀਨੀਅਰਿੰਗ ਸਰਵਿਸਿਜ਼ (Leapfrog Engineering Services IPO) ਦਾ ਆਈਪੀਓ ਖੁੱਲ੍ਹੇਗਾ। ਪਰ ਦੋ ਹੋਰ ਅਜਿਹੇ ਆਈਪੀਓ ਹਨ, ਜਿਨ੍ਹਾਂ ਵਿੱਚ ਅਗਲੇ ਹਫ਼ਤੇ ਦੌਰਾਨ ਵੀ ਨਿਵੇਸ਼ ਕੀਤਾ ਜਾ ਸਕੇਗਾ। ਇਹ ਹਨ ਸਿਟੀਅਸ ਟ੍ਰਾਂਸਨੈੱਟ ਇਨਵੈਸਟਮੈਂਟ ਟਰੱਸਟ (Citius Transnet InvIT IPO) ਅਤੇ ਮੇਹੁਲ ਟੈਲੀਕਾਮ (Mehul Telecom IPO)। ਆਓ ਜਾਣਦੇ ਹਾਂ ਇਹਨਾਂ ਤਿੰਨਾਂ ਆਈਪੀਓਜ਼ ਦੀ ਡਿਟੇਲ ਅਤੇ ਕਿਸਦਾ ਜੀਐਮਪੀ (GMP) ਸਭ ਤੋਂ ਵੱਧ ਹੈ।
Leapfrog Engineering Services IPO
ਲੀਪਫ੍ਰੌਗ ਇੰਜੀਨੀਅਰਿੰਗ ਸਰਵਿਸਿਜ਼ ਦਾ ਆਈਪੀਓ SME ਕੈਟੇਗਰੀ ਦਾ ਹੋਵੇਗਾ, ਜੋ ਕਿ 23 ਅਪ੍ਰੈਲ ਨੂੰ ਖੁੱਲ੍ਹ ਕੇ 27 ਅਪ੍ਰੈਲ ਨੂੰ ਬੰਦ ਹੋਵੇਗਾ। ਇਸ ਆਈਪੀਓ ਵਿੱਚ ਸ਼ੇਅਰਾਂ ਦਾ ਪ੍ਰਾਈਸ ਬੈਂਡ 21-23 ਰੁਪਏ ਹੈ। ਦੱਸ ਦੇਈਏ ਕਿ ਇਸ ਆਈਪੀਓ ਵਿੱਚ ਲੋਟ ਸਾਈਜ਼ 6000 ਸ਼ੇਅਰਾਂ ਦੀ ਹੈ।
ਜੀਐਮਪੀ ਯਾਨੀ ਗ੍ਰੇ-ਮਾਰਕੀਟ ਪ੍ਰੀਮੀਅਮ ਦੀ ਗੱਲ ਕਰੀਏ ਤਾਂ ਇਨਵੈਸਟਰਗੇਨ ਦੇ ਮੁਤਾਬਕ ਇਸਦਾ ਜੀਐਮਪੀ ਫਿਲਹਾਲ ਜ਼ੀਰੋ ਹੈ। ਪਰ ਲਿਸਟਿੰਗ ਤੱਕ ਇਹ ਘਟ ਜਾਂ ਵੱਧ ਸਕਦਾ ਹੈ।
Citius Transnet InvIT IPO
ਸਿਟੀਅਸ ਟ੍ਰਾਂਸਨੈੱਟ ਇਨਵੈਸਟਮੈਂਟ ਟਰੱਸਟ ਦਾ ਆਈਪੀਓ ਮੇਨਬੋਰਡ ਦਾ ਹੈ ਅਤੇ ਇਹ 17 ਅਪ੍ਰੈਲ ਨੂੰ ਖੁੱਲ੍ਹ ਗਿਆ ਸੀ। ਹੁਣ ਇਹ 21 ਅਪ੍ਰੈਲ ਨੂੰ ਬੰਦ ਹੋਵੇਗਾ। ਇਸ ਦੇ ਆਈਪੀਓ ਵਿੱਚ ਪ੍ਰਾਈਸ ਬੈਂਡ 99-100 ਰੁਪਏ ਹੈ, ਜਿਸ ਵਿੱਚ ਘੱਟੋ-ਘੱਟ 150 ਯੂਨਿਟਸ ਲਈ ਅਪਲਾਈ ਕਰਨਾ ਲਾਜ਼ਮੀ ਹੈ।
ਇਸ ਆਈਪੀਓ ਨੂੰ ਹੁਣ ਤੱਕ 0.68 ਗੁਣਾ ਹੀ ਸਬਸਕ੍ਰਾਈਬ ਕੀਤਾ ਗਿਆ ਹੈ। ਉੱਥੇ ਹੀ ਇਸਦਾ ਜੀਐਮਪੀ ਜ਼ੀਰੋ ਹੈ।
Mehul Telecom IPO
ਮੇਹੁਲ ਟੈਲੀਕਾਮ ਦਾ ਆਈਪੀਓ SME ਕੈਟੇਗਰੀ ਦਾ ਹੈ ਅਤੇ ਇਹ 17 ਅਪ੍ਰੈਲ ਨੂੰ ਖੁੱਲ੍ਹ ਗਿਆ ਸੀ। ਹੁਣ ਇਹ ਆਈਪੀਓ ਵੀ 21 ਅਪ੍ਰੈਲ ਨੂੰ ਬੰਦ ਹੋਵੇਗਾ। ਇਸ ਆਈਪੀਓ ਵਿੱਚ ਸ਼ੇਅਰਾਂ ਦੀ ਕੀਮਤ 98 ਰੁਪਏ ਹੈ, ਜਿਸ ਵਿੱਚ ਘੱਟੋ-ਘੱਟ 1200 ਸ਼ੇਅਰਾਂ ਲਈ ਅਪਲਾਈ ਕਰਨਾ ਜ਼ਰੂਰੀ ਹੈ।
ਇਸ ਆਈਪੀਓ ਨੂੰ ਹੁਣ ਤੱਕ 3.64 ਗੁਣਾ ਸਬਸਕ੍ਰਾਈਬ ਕੀਤਾ ਗਿਆ ਹੈ। ਉੱਥੇ ਹੀ ਇਸਦਾ ਜੀਐਮਪੀ 4.5 ਰੁਪਏ ਹੈ। ਯਾਨੀ ਤਿੰਨਾਂ ਆਈਪੀਓਜ਼ ਵਿੱਚ ਫਿਲਹਾਲ ਇਹੀ ਇੱਕ ਆਈਪੀਓ ਮੁਨਾਫ਼ੇ ਦਾ ਸੰਕੇਤ ਦੇ ਰਿਹਾ ਹੈ।