ਹਲਦੀਰਾਮ ਦਾ ਨਵਾਂ ਧਮਾਕਾ: ਹੁਣ ਭਾਰਤ 'ਚ ਖੋਲ੍ਹੇਗਾ ਵੈਸਟਰਨ ਸਟਾਈਲ ਦੇ ਫਾਸਟ ਸਰਵਿਸ ਰੈਸਟੋਰੈਂਟ! ਅਮਰੀਕੀ ਕੰਪਨੀ ਨਾਲ ਹੋ ਸਕਦੀ ਹੈ ਡੀਲ

ਨਵੀਂ ਦਿੱਲੀ। ਭਾਰਤ ਦੀ ਸਭ ਤੋਂ ਵੱਡੀ ਭੋਜਨ ਸੇਵਾ ਕੰਪਨੀ, ਹਲਦੀਰਾਮ ਗਰੁੱਪ (Haldiram Group), ਵੈਸਟਰਨ ਸਟਾਈਲ ਦੇ ਫਾਸਟ ਸਰਵਿਸ ਰੈਸਟੋਰੈਂਟ (QSR) ਖੋਲ੍ਹਣ ਦੀ ਤਿਆਰੀ ਕਰ ਰਹੀ ਹੈ। ਇਸਦੇ ਲਈ ਕੰਪਨੀ ਅਮਰੀਕਾ-ਅਧਾਰਤ ਗਲੋਬਲ ਰੈਸਟੋਰੈਂਟ ਸਮੂਹ ਇੰਸਪਾਇਰ ਬ੍ਰਾਂਡਸ ਨਾਲ ਇੱਕ ਵਿਸ਼ੇਸ਼ ਫਰੈਂਚਾਇਜ਼ੀ ਸਮਝੌਤਾ ਕਰ ਸਕਦੀ ਹੈ।

ਸਮਝੌਤੇ ਦੇ ਤਹਿਤ ਇੰਸਪਾਇਰ ਬ੍ਰਾਂਡਸ ਦੀ ਸੈਂਡਵਿਚ ਚੇਨ ਜਿੰਮੀ ਜੌਹਨਜ਼ ਭਾਰਤ ਵਿੱਚ ਲਾਂਚ ਕੀਤੀ ਜਾ ਸਕਦੀ ਹੈ। ਇੰਸਪਾਇਰ ਬ੍ਰਾਂਡਸ ਦੇ ਦੋ ਹੋਰ ਗਲੋਬਲ ਬ੍ਰਾਂਡ, ਗਲੋਬਲ ਕੌਫੀ ਅਤੇ ਡੋਨਟ ਚੇਨ ਡੰਕਿਨ' ਅਤੇ ਆਈਸ ਕਰੀਮ ਅਤੇ ਕੇਕ ਸ਼ਾਪ ਬਾਸਕਿਨ-ਰੌਬਿਨਸ, ਪਹਿਲਾਂ ਹੀ ਜੁਬੀਲੈਂਟ ਫੂਡਵਰਕਸ ਲਿਮਟਿਡ (JFL) ਅਤੇ ਗ੍ਰੈਵਿਸ ਗਰੁੱਪ ਨਾਲ ਫਰੈਂਚਾਇਜ਼ੀ ਭਾਈਵਾਲੀ ਰਾਹੀਂ ਭਾਰਤ ਵਿੱਚ ਕੰਮ ਕਰ ਰਹੇ ਹਨ।

150 ਤੋਂ ਵੱਧ ਆਊਟਲੈੱਟ

ਹਲਦੀਰਾਮ ਗਰੁੱਪ ਦੀ FMCG ਕੰਪਨੀ ਹੈ Haldiram Snacks Food Pvt Ltd ਹੈ। ਜੇਕਰ ਇਹ ਡੀਲ ਹੁੰਦੀ ਹੈ ਤਾਂ QSR ਚੇਨ ਰੈਸਟੋਰੈਂਟ ਕਾਰੋਬਾਰ ਦਾ ਹਿੱਸਾ ਹੋਵੇਗੀ। ਹਲਦੀਰਾਮ ਦੇ ਰੈਸਟੋਰੈਂਟ ਕਾਰੋਬਾਰ, ਜਿਸਦੀ ਕੀਮਤ ਲਗਪਗ ₹2,000 ਕਰੋੜ ਹੈ ਦੇ ਇਸ ਸਮੇਂ ਭਾਰਤ ਵਿੱਚ 150 ਤੋਂ ਵੱਧ ਆਊਟਲੈੱਟ ਹਨ।

ਨਵੇਂ ਮਾਰਕੀਟ 'ਚ ਐਂਟਰੀ ਦੀ ਤਿਆਰੀ

1983 ਵਿੱਚ ਸ਼ੁਰੂ ਹੋਇਆ ਜਿੰਮੀ ਜੌਹਨਜ਼ ਇੱਕ ਸਬਵੇ-ਸਟਾਈਲ ਵਾਲਾ ਸੈਂਡਵਿਚ ਅਤੇ ਰੈਪ ਚੇਨ ਹੈ ਜਿਸਦੇ ਅਮਰੀਕਾ, ਕੈਨੇਡਾ, ਦੱਖਣੀ ਕੋਰੀਆ ਤੇ ਯੂਏਈ ਵਿੱਚ 2,600 ਤੋਂ ਵੱਧ ਰੈਸਟੋਰੈਂਟ ਹਨ। ਇਸਦੀ ਵੈੱਬਸਾਈਟ ਦੇ ਅਨੁਸਾਰ, ਜਿੰਮੀ ਜੌਹਨਜ਼ ਅਮਰੀਕਾ ਵਿੱਚ ਸਭ ਤੋਂ ਵੱਡਾ ਆਨ-ਡਿਲੀਵਰੀ ਸੈਂਡਵਿਚ ਬ੍ਰਾਂਡ ਹੈ, ਜਿਸਦੀ ਕੁੱਲ ਸਿਸਟਮ ਵਿਕਰੀ $2.6 ਬਿਲੀਅਨ (23,000 ਕਰੋੜ ਰੁਪਏ ਤੋਂ ਵੱਧ) ਹੈ।

ਇਕ ਮਲਟੀ-ਬ੍ਰਾਂਡ ਰੈਸਟੋਰੈਂਟ ਕੰਪਨੀ ਇਨਸਪਾਇਰ ਬ੍ਰਾਂਡਸ ਦੀ ਲੀਡਰਸ਼ਿਪ ਨੇ ਹਾਲ ਹੀ ਵਿਚ ਕਮਾਈ ਦੇ ਬਾਅਦ ਮੈਨੇਜਮੈਂਟ ਟਿੱਪਣੀ ਵਿਚ ਕਿਹਾ ਹੈ ਕਿ ਉਹ ਅੰਤਰਰਾਸ਼ਟਰੀ ਫ੍ਰੈਂਚਾਈਜ਼ੀ ਐਗਰੀਮੈਂਟ ਰਾਹੀਂ ਨਵੇਂ ਮਾਰਕੀਟ ਵਿਚ ਵਿਸਥਾਰ ਕਰਨਾ ਚਾਹੁੰਦੇ ਹਨ।

ਹਲਦੀਰਾਮ ਦਾ ਲਿਸਟਿੰਗ ਤੋਂ ਪਹਿਲਾਂ ਵੱਡਾ ਕਦਮ

ਅਪ੍ਰੈਲ 2025 ਵਿੱਚ ਹਲਦੀਰਾਮ ਨੇ ਆਪਣੇ ਦਿੱਲੀ ਅਤੇ ਨਾਗਪੁਰ ਦੇ FMCG ਕਾਰੋਬਾਰ ਨੂੰ ਮਿਲਾ ਕੇ ਸਿੰਗਲ ਇਕਾਈ, ਹਲਦੀਰਾਮ ਸਨੈਕਸ ਫੂਡ ਪ੍ਰਾਈਵੇਟ ਲਿਮਿਟਡ ਬਣਾਈ ਸੀ, ਜਿਸਨੂੰ ਪਬਲਿਕ ਲਿਸਟਿੰਗ ਤੋਂ ਪਹਿਲਾਂ ਇਕ ਮਹੱਤਵਪੂਰਨ ਕਦਮ ਮੰਨਿਆ ਗਿਆ। ਇਸ ਰਲੇਵੇਂ ਨੂੰ ਉਸ ਵੇਲੇ ਫਾਰਮਲਾਈਜ਼ ਕੀਤਾ ਗਿਆ ਜਦੋਂ ਸਨੈਕਸ ਨਿਰਮਾਤਾ ਨੇ ਗਲੋਬਲ ਨਿਵੇਸ਼ਕਾਂ ਟੇਮਾਸੇਕ, ਅਲਫ਼ਾ ਵੇਵ ਗਲੋਬਲ ਅਤੇ ਇੰਟਰਨੈਸ਼ਨਲ ਹੋਲਡਿੰਗ ਕੰਪਨੀ (IHC) ਨੂੰ ਘੱਟ ਗਿਣਤੀ ਹਿੱਸੇਦਾਰੀ ਵੇਚ ਦਿੱਤੀ।