ਬਿਨਾਂ NoC ਦੇ ਨਹੀਂ ਵਿਕਦੀ ਕਾਰ, ਜਾਣੋ ਵਾਹਨਾਂ ਲਈ ਕਿਉਂ ਹੈ ਇਹ ਜ਼ਰੂਰੀ

No-objection Certificate : ਜੇਕਰ ਤੁਸੀਂ ਆਪਣੀ ਕਾਰ ਨੂੰ ਇਕ ਸ਼ਹਿਰ ਤੋਂ ਦੂਜੇ ਸ਼ਹਿਰ ਵੇਚਣ ਜਾਂ ਆਪਣੀ ਕਾਰ ਵੇਚਣ ਬਾਰੇ ਸੋਚ ਰਹੇ ਹੋ ਤਾਂ ਇਹ ਖਬਰ ਤੁਹਾਡੇ ਲਈ ਮਹੱਤਵਪੂਰਨ ਹੈ। ਕਈ ਅਜਿਹੇ ਵਾਹਨਾਂ ਦੇ ਮਾਲਕ ਹਨ ਜਿਨ੍ਹਾਂ ਨੂੰ ਇਹ ਵੀ ਨਹੀਂ ਪਤਾ ਕਿ ਐਨਓਸੀ ਦੀ ਸਖ਼ਤ ਲੋੜ ਹੈ ਅਤੇ ਇਸ ਨੂੰ ਕਿਵੇਂ ਅਪਲਾਈ ਕਰਦੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਇਲੈਕਟ੍ਰਿਕ ਕਿੱਟ ਲਗਾਉਣ ਤੋਂ ਲੈ ਕੇ ਕਈ ਸਥਿਤੀਆਂ 'ਚ NOC ਦੀ ਖਾਸ ਤੌਰ 'ਤੇ ਜ਼ਰੂਰਤ ਹੁੰਦੀ ਹੈ, ਜਿੱਥੇ ਇਹ ਤੁਹਾਡੇ ਵਾਹਨ ਲਈ ਸਭ ਤੋਂ ਮਹੱਤਵਪੂਰਨ ਹੈ। ਇਸ ਲਈ ਤੁਹਾਨੂੰ ਪਹਿਲਾਂ ਆਪਣੇ ਵਾਹਨ ਲਈ ਕੋਈ ਇਤਰਾਜ਼ ਨਹੀਂ ਸਰਟੀਫਿਕੇਟ (NOC) ਪ੍ਰਾਪਤ ਕਰਨਾ ਚਾਹੀਦਾ ਹੈ। ਤੁਸੀਂ ਇਸਨੂੰ ਆਰਟੀਓ ਦਫਤਰ ਤੋਂ ਜਾਂ ਆਨਲਾਈਨ ਵੀ ਜਾਰੀ ਕਰਵਾ ਸਕਦੇ ਹੋ।

ਕਿਉਂ ਪੈਂਦੀ ਹੈ NoC ਦੀ ਜ਼ਰੂਰਤ

ਇਸ ਤੋਂ ਇਲਾਵਾ ਜਦੋਂ ਤੁਸੀਂ ਆਪਣੇ ਰੈਜ਼ੀਡੈਂਸ ਐਡਰੈੱਸ ਨੂੰ ਬਦਲਦੇ ਹੋ ਤਾਂ ਤੁਹਾਨੂੰ NoC ਦੀ ਲੋੜ ਪੈਂਦੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ NoC ਇਸ ਗੱਲ ਦਾ ਪਰੂਫ਼ ਦਿੰਦਾ ਹੈ ਕਿ ਏਜੰਸੀਆਂ ਲਈ ਤੁਹਾਡਾ ਬਕਾਇਆ ਨਹੀਂ ਹੈ ਤੇ ਤੁਸੀਂ ਲੋਨ ਅਤੇ ਫੀਸ ਚੁਕਾ ਦਿੱਤੀ ਹੈ। ਇਸ ਦੇ ਨਾਲ ਹੀ ਕਾਰ ਦੇ ਰੰਗ ਨੂੰ ਬਦਲਣ 'ਚ ਵੀ ਤੁਹਾਨੂੰ ਐੱਨਓਸੀ ਦੀ ਜ਼ਰੂਰਤ ਪੈਂਦੀ ਹੈ। ਨਾਲ ਹੀ ਬੈਂਕ ਕੋਲ ਤੁਹਾਡੇ ਵ੍ਹੀਕਲ ਦਾ ਬਕਾਇਆ (Hypothecation) ਖ਼ਤਮ ਕਰਨ ਲਈ NoC ਦੀ ਲੋੜ ਹੁੰਦੀ ਹੈ।

ਕਿਵੇਂ ਕਰੀਏ ਆਨਲਾਈਨ ਅਪਲਾਈ

• ਸਭ ਤੋਂ ਪਹਿਲਾਂ ਤੁਹਾਨੂੰ Https://Parivahan.Gov.In/Parivahan/Hi ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਜਾਣਾ ਪਵੇਗਾ।
• ਇਸ ਤੋਂ ਬਾਅਦ Applicatkon for No Objection Certificate ਸਿਲੈਕਟ ਕਰੋ।
• ਫਿਰ ਤੁਸੀਂ ਅਗਲੇ ਪੇਜ 'ਤੇ ਜ਼ਰੂਰੀ ਡਿਟੇਲ ਭਰੋ।
• ਵੈਲੀਡੇਟ ਰਜਿਸਟ੍ਰੇਸ਼ਨ ਨੰਬਰ/ਚੈਸੀ ਨੰਬਰ 'ਤੇ ਕਲਿੱਕ ਕਰੋ।
• ਫਿਰ ਤੁਸੀਂ ਰਜਿਸਟਰਡ ਮੋਬਾਈਲ ਨੰਬਰ ਭਰੋ ਅਤੇ ਓਟੀਪੀ ਜਨਰੇਟ ਕਰੋ।
• ਵੈੱਬਸਾਈਟ ਇਕ ਐਪਲੀਕੇਸ਼ਨ ਫਾਰਮ ਜਨਰੇਟ ਕਰੇਗੀ, ਇਕ ਵਾਰ ਐਪਲੀਕੇਸ਼ਨ ਫਾਰਮ 'ਤੇ ਡਾਟਾ ਨੂੰ ਕ੍ਰਾਸ-ਚੈੱਕ ਕਰੋ।
• ਉੱਥੇ ਹੀ ਜੇਕਰ ਐਪਲੀਕੇਸ਼ਨ 'ਚ ਕਾਰ ਇੰਸ਼ੋਰੈਂਸ ਡਿਟੇਲ ਸ਼ਾਮਲ ਨਹੀਂ ਹੈ ਤਾਂ ਉਨ੍ਹਾਂ ਨੂੰ ਜ਼ਰੂਰ ਭਰੋ।
• ਨਵਾਂ RTO ਕੋਡ ਐਂਟਰ ਕਰੋ ਅਤੇ ਸੇਵ 'ਤੇ ਕਲਿੱਕ ਕਰੋ।
• ਇਸ ਤੋਂ ਬਾਅਦ ਜਦੋਂ ਪੂਰਾ ਪ੍ਰੋਸੈੱਸ ਹੋ ਜਾਵੇ, ਉਦੋਂ ਤੁਹਾਨੂੰ ਇਕ ਅਕਾਊਂਟ ਦੀ ਪੇਮੈਂਟ ਕਰਨੀ ਪਵੇਗੀ। ਪੇਮੈਂਟ ਰਿਸਿਪਟ ਦਾ ਪ੍ਰਿੰਟ ਆਉਟ ਲੈਣਾ ਨਾ ਭੁੱਲਿਓ।
• ਇਸ ਤੋਂ ਬਾਅਦ ਜ਼ਰੂਰੀ ਕਾਗ਼ਜ਼ਾਤ ਤੇ ਪੇਮੈਂਟ ਰਿਸਿਪਟ ਸਬੰਧੀ ਆਰਟੀਓ ਦਫ਼ਤਰ ਜਾਓ।