'ਨਤੀਜੇ ਹੋਰ ਵੀ ਮਾੜੇ ਹੋਣਗੇ', ਈਰਾਨ ’ਚ ਨਵੇਂ 'ਸੁਪਰੀਮ ਲੀਡਰ' ਦੀ ਮੰਗ ਦੇ ਵਿਚਕਾਰ ਟਰੰਪ ਦਾ ਅਲਟੀਮੇਟਮ

ਈਰਾਨੀ ਰਾਸ਼ਟਰਪਤੀ ਦੀ ਮਾਫ਼ੀ

ਈਰਾਨ ਦੇ ਰਾਸ਼ਟਰਪਤੀ ਮਸੂਦ ਪੇਜੇਸ਼ਕੀਅਨ ਨੇ ਸਰਕਾਰੀ ਮੀਡੀਆ 'ਤੇ ਪਹਿਲਾਂ ਤੋਂ ਰਿਕਾਰਡ ਕੀਤੇ ਇੱਕ ਟੈਲੀਵਿਜ਼ਨ ਭਾਸ਼ਣ ਵਿੱਚ ਗੁਆਂਢੀ ਦੇਸ਼ਾਂ ਤੋਂ ਮਾਫ਼ੀ ਮੰਗੀ ਹੈ। ਉਨ੍ਹਾਂ ਕਿਹਾ ਕਿ ਤੇਹਰਾਨ ਉਨ੍ਹਾਂ ਦੇਸ਼ਾਂ 'ਤੇ ਆਪਣੇ ਹਮਲੇ ਉਦੋਂ ਤੱਕ ਰੋਕ ਦੇਵੇਗਾ, ਜਦੋਂ ਤੱਕ ਈਰਾਨ 'ਤੇ ਹਮਲੇ ਉਨ੍ਹਾਂ ਦੇਸ਼ਾਂ ਦੀ ਧਰਤੀ ਤੋਂ ਸ਼ੁਰੂ ਨਹੀਂ ਹੁੰਦੇ।

ਨਵੇਂ ਲੀਡਰ ਦੀ ਮੰਗ

ਈਰਾਨ ਵਿੱਚ ਕਈ ਜਾਣੇ-ਪਛਾਣੇ ਮੌਲਵੀਆਂ ਨੇ ਅਮਰੀਕਾ-ਇਜ਼ਰਾਈਲ ਹਮਲਿਆਂ ਵਿੱਚ ਅਯਾਤੁੱਲਾ ਅਲੀ ਖਾਮੇਨੇਈ ਦੀ ਮੌਤ ਤੋਂ ਇੱਕ ਹਫ਼ਤੇ ਬਾਅਦ, ਨਵੇਂ ਸੁਪਰੀਮ ਲੀਡਰ ਦੀ ਜਲਦੀ ਚੋਣ ਕਰਨ ਦੀ ਮੰਗ ਕੀਤੀ ਹੈ। ਅਯਾਤੁੱਲਾ ਨਾਸਿਰ ਮਕਾਰੇਮ ਸ਼ਿਰਾਜ਼ੀ ਨੇ ਦੇਸ਼ ਦੀ 'ਐਕਸਪਰਟਸ ਅਸੈਂਬਲੀ' ਨੂੰ ਜਲਦੀ ਕਾਰਵਾਈ ਕਰਨ ਦੀ ਅਪੀਲ ਕਰਦਿਆਂ ਸ਼ਨੀਵਾਰ ਨੂੰ ਕਿਹਾ, "ਇਸ ਜ਼ਰੂਰੀ ਮਾਮਲੇ ਦਾ ਸਮੇਂ ਸਿਰ ਹੱਲ ਹੋਣ ਨਾਲ ਦੇਸ਼ ਵਿੱਚ ਅਥਾਰਟੀ ਬਣੀ ਰਹੇਗੀ ਅਤੇ ਪ੍ਰਬੰਧ ਬਿਹਤਰ ਹੋਣਗੇ।"

ਦੁਬਈ ਦੀਆਂ ਉਡਾਣਾਂ ਮੁੜ ਸ਼ੁਰੂ

ਡਰੋਨ ਹਮਲਿਆਂ ਕਾਰਨ ਰੋਕੀਆਂ ਗਈਆਂ ਦੁਬਈ ਦੇ ਮੁੱਖ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਆਉਣ-ਜਾਣ ਵਾਲੀਆਂ ਉਡਾਣਾਂ ਸ਼ਨੀਵਾਰ ਦੁਪਹਿਰ ਨੂੰ ਮੁੜ ਸ਼ੁਰੂ ਹੋ ਗਈਆਂ ਹਨ। ਜਦੋਂ ਹਵਾਈ ਆਵਾਜਾਈ ਦੁਬਾਰਾ ਸ਼ੁਰੂ ਹੋਈ, ਤਾਂ ਜੇਦਾਹ ਅਤੇ ਵਿਆਨਾ ਦੀਆਂ ਫਲਾਈਟਾਂ ਹਵਾਈ ਅੱਡੇ ਤੋਂ ਰਵਾਨਾ ਹੋਣ ਵਾਲੀਆਂ ਸਭ ਤੋਂ ਪਹਿਲੀਆਂ ਉਡਾਣਾਂ ਵਿੱਚ ਸ਼ਾਮਲ ਸਨ। ਦੱਸਣਯੋਗ ਹੈ ਕਿ ਇਹ ਦੁਨੀਆ ਦੇ ਸਭ ਤੋਂ ਰੁੱਝੇ ਹੋਏ ਹਵਾਈ ਅੱਡਿਆਂ ਵਿੱਚੋਂ ਇੱਕ ਹੈ।