ਪਾਕਿਸਤਾਨੀ ਅਦਾਲਤ ਦਾ ਵੱਡਾ ਫੈਸਲਾ : ਮਨੁੱਖੀ ਅਧਿਕਾਰ ਵਕੀਲਾਂ ਨੂੰ 17 ਸਾਲ ਦੀ ਜੇਲ੍ਹ, ਸੁਰੱਖਿਆ ਏਜੰਸੀਆਂ ਲਈ ਦੱਸਿਆ 'ਦੁਸ਼ਮਣ'

ਜੱਜ ਅਫਜ਼ਲ ਮਜੋਕਾ ਨੇ ਆਪਣੇ ਫੈਸਲੇ ਵਿੱਚ ਕਿਹਾ ਕਿ ਵਕੀਲ ਇਮਾਨ ਮਜ਼ਾਰੀ ਨੇ ਸੋਸ਼ਲ ਮੀਡੀਆ (Twitter/X) ਰਾਹੀਂ ਦੇਸ਼ ਦੇ ਸੁਰੱਖਿਆ ਅਦਾਰਿਆਂ ਨੂੰ ਬਦਨਾਮ ਕੀਤਾ ਅਤੇ ਪਾਬੰਦੀਸ਼ੁਦਾ ਸੰਗਠਨਾਂ (ਜਿਵੇਂ ਕਿ ਬਲੋਚ ਅਲਗਵਾਦੀ ਅਤੇ ਪਾਕਿਸਤਾਨੀ ਤਾਲਿਬਾਨ) ਦੇ ਏਜੰਡੇ ਨੂੰ ਹੱਲਾਸ਼ੇਰੀ ਦਿੱਤੀ। ਦੋਵਾਂ ਨੂੰ ਇਸਲਾਮਾਬਾਦ ਪੁਲਿਸ ਨੇ ਇੱਕ ਦਿਨ ਪਹਿਲਾਂ ਹੀ ਗ੍ਰਿਫਤਾਰ ਕੀਤਾ ਸੀ। ਅਦਾਲਤੀ ਕਾਰਵਾਈ ਦੌਰਾਨ ਉਨ੍ਹਾਂ ਨੇ ਵੀਡੀਓ ਲਿੰਕ ਰਾਹੀਂ ਪੇਸ਼ ਹੋਣ ਤੋਂ ਬਾਅਦ ਸੁਣਵਾਈ ਦਾ ਬਾਈਕਾਟ ਕਰ ਦਿੱਤਾ, ਜਿਸ ਤੋਂ ਬਾਅਦ ਜੱਜ ਨੇ ਟਰਾਇਲ ਖ਼ਤਮ ਕਰਦਿਆਂ ਸਜ਼ਾ ਦਾ ਐਲਾਨ ਕਰ ਦਿੱਤਾ। ਇਹ ਮਾਮਲਾ ਅਗਸਤ 2025 ਵਿੱਚ ਨੈਸ਼ਨਲ ਸਾਈਬਰ ਕ੍ਰਾਈਮ ਇਨਵੈਸਟੀਗੇਸ਼ਨ ਏਜੰਸੀ (NCCIA) ਕੋਲ ਦਰਜ ਕਰਵਾਈ ਗਈ ਇੱਕ ਸ਼ਿਕਾਇਤ 'ਤੇ ਆਧਾਰਿਤ ਹੈ। ਇਸ ਵਿੱਚ ਦੋਸ਼ ਸੀ ਕਿ ਉਨ੍ਹਾਂ ਨੇ 2021 ਤੋਂ 2025 ਦੇ ਵਿਚਕਾਰ ਕਈ ਅਜਿਹੀਆਂ ਪੋਸਟਾਂ ਪਾਈਆਂ ਜੋ ਦੇਸ਼ ਦੀ ਅਖੰਡਤਾ ਦੇ ਖਿਲਾਫ਼ ਸਨ।