- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਈਰਾਨ 'ਤੇ ਸ਼ਨੀਵਾਰ ਸਵੇਰੇ ਹੀ ਕਿਉਂ ਹੋਇਆ ਹਮਲਾ? ਸਾਹਮਣੇ ਆਇਆ ਅਮਰੀਕਾ-ਇਜ਼ਰਾਈਲ ਦਾ ਖ਼ਾਸ ਪਲਾਨ
ਈਰਾਨ ਦੀ ਇਸਲਾਮਿਕ ਰੈਵੋਲਿਊਸ਼ਨਰੀ ਗਾਰਡ ਕੋਰਪਸ (IRGC) ਨੇ ਖਮੇਨੀ ਦੇ ਕਾਤਲਾਂ ਨੂੰ ਸਖ਼ਤ ਸਜ਼ਾ ਦੇਣ ਦੀ ਕਸਮ ਖਾਧੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਜਵਾਬ 'ਇਤਿਹਾਸ ਦਾ ਸਭ ਤੋਂ ਭਿਆਨਕ ਹਮਲਾ' ਹੋਵੇਗਾ। ਦੂਜੇ ਪਾਸੇ ਹਮਲੇ ਵਿੱਚ ਬਚੇ ਅਲੀ ਲਾਰੀਜਾਨੀ ਨੇ ਵਿਰੋਧ ਜਾਰੀ ਰੱਖਣ ਦਾ ਐਲਾਨ ਕੀਤਾ ਹੈ।
Posted By alisha
Publish Date: Sun, 01 Mar 2026 01:12 PM (IST)
Updated Date: Sun, 01 Mar 2026 01:16 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਅਮਰੀਕਾ ਅਤੇ ਇਜ਼ਰਾਈਲ ਦੇ ਹਮਲੇ ਤੋਂ ਬਾਅਦ ਦੁਨੀਆ ਵਿੱਚ ਇੱਕ ਨਵੀਂ ਜੰਗ ਦੀ ਸ਼ੁਰੂਆਤ ਹੋ ਗਈ ਹੈ। ਸੂਤਰਾਂ ਅਨੁਸਾਰ, ਜਿਵੇਂ ਹੀ ਈਰਾਨ ਦੇ ਸੁਪਰੀਮ ਲੀਡਰ ਅਯਾਤੁੱਲਾ ਅਲੀ ਖਮੇਨੀ ਦੀ ਆਪਣੇ ਚੋਟੀ ਦੇ ਸਲਾਹਕਾਰਾਂ ਨਾਲ ਮੁਲਾਕਾਤ ਦੀ ਪੁਸ਼ਟੀ ਹੋਈ, ਇਜ਼ਰਾਈਲ ਅਤੇ ਅਮਰੀਕਾ ਨੇ ਆਪ੍ਰੇਸ਼ਨ ਸ਼ੁਰੂ ਕਰ ਦਿੱਤਾ ਪਰ ਸਵਾਲ ਇਹ ਹੈ ਕਿ ਹਮਲੇ ਲਈ ਸ਼ਨੀਵਾਰ ਸਵੇਰ ਦਾ ਵਕਤ ਹੀ ਕਿਉਂ ਚੁਣਿਆ ਗਿਆ?
ਹਮਲੇ ਦਾ ਸਮਾਂ ਅਤੇ ਰਣਨੀਤੀ
ਅਮਰੀਕੀ ਅਧਿਕਾਰੀਆਂ ਅਨੁਸਾਰ, ਇਸ ਆਪ੍ਰੇਸ਼ਨ ਵਿੱਚ 'ਸਰਪ੍ਰਾਈਜ਼ ਫੈਕਟਰ' ਬਣਾਈ ਰੱਖਣਾ ਸਭ ਤੋਂ ਜ਼ਰੂਰੀ ਸੀ।
ਮੀਟਿੰਗ ਦਾ ਵਕਤ: ਪਹਿਲਾਂ ਉਮੀਦ ਸੀ ਕਿ ਖਮੇਨੀ ਸ਼ਨੀਵਾਰ ਸ਼ਾਮ ਨੂੰ ਮੀਟਿੰਗ ਕਰਨਗੇ ਪਰ ਇਜ਼ਰਾਈਲੀ ਖੁਫੀਆ ਏਜੰਸੀ ਨੂੰ ਪਤਾ ਲੱਗਾ ਕਿ ਮੀਟਿੰਗ ਸ਼ਨੀਵਾਰ ਸਵੇਰੇ ਹੀ ਹੈ।
ਛਿਪਣ ਦਾ ਮੌਕਾ ਨਾ ਦੇਣਾ: ਅਮਰੀਕਾ ਨੂੰ ਡਰ ਸੀ ਕਿ ਜੇਕਰ ਖਮੇਨੀ ਨੂੰ ਜ਼ਰਾ ਵੀ ਭਿਣਕ ਲੱਗ ਗਈ ਤਾਂ ਉਹ ਕਿਸੇ ਸੁਰੱਖਿਅਤ ਬੰਕਰ ਵਿੱਚ ਛਿਪ ਜਾਣਗੇ।
ਹਾਈ-ਸੁਰੱਖਿਆ ਕੰਪਾਊਂਡ ਤਬਾਹ: ਤੇਹਰਾਨ ਵਿੱਚ ਖਮੇਨੀ ਦੇ ਬੇਹੱਦ ਸੁਰੱਖਿਅਤ ਕੰਪਾਊਂਡ 'ਤੇ ਹਮਲਾ ਕੀਤਾ ਗਿਆ। ਸੈਟੇਲਾਈਟ ਤਸਵੀਰਾਂ ਨੇ ਪੁਸ਼ਟੀ ਕੀਤੀ ਹੈ ਕਿ ਇਹ ਪੂਰੀ ਤਰ੍ਹਾਂ ਤਬਾਹ ਹੋ ਚੁੱਕਾ ਹੈ।
ਮਿਡਲ ਈਸਟ 'ਚ ਭੜਕੀ ਅੱਗ
ਮਿਜ਼ਾਈਲਾਂ ਦੀ ਬੌਛਾਰ: ਈਰਾਨ ਨੇ ਇਜ਼ਰਾਈਲ, ਕਤਰ, ਬਹਿਰੀਨ, UAE, ਜਾਰਡਨ ਅਤੇ ਕੁਵੈਤ 'ਤੇ ਡਰੋਨ ਅਤੇ ਮਿਜ਼ਾਈਲਾਂ ਦਾਗੀਆਂ।
ਟਰੰਪ ਦਾ ਬਿਆਨ: ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ 'ਟਰੂਥ ਸੋਸ਼ਲ' 'ਤੇ ਲਿਖਿਆ, "ਇਤਿਹਾਸ ਦੇ ਸਭ ਤੋਂ ਬੁਰੇ ਲੋਕਾਂ ਵਿੱਚੋਂ ਇੱਕ ਖਮੇਨੀ ਮਰ ਗਿਆ ਹੈ।"
ਪਰਿਵਾਰ ਦੀ ਮੌਤ: ਖਮੇਨੀ ਦੇ ਨਾਲ ਉਨ੍ਹਾਂ ਦੀ ਧੀ, ਜਵਾਈ ਅਤੇ ਪੋਤੀ ਦੀ ਮੌਤ ਦੀ ਵੀ ਖ਼ਬਰ ਹੈ। ਇਸ ਤੋਂ ਇਲਾਵਾ IRGC ਦੇ ਕਮਾਂਡਰ ਮੁਹੰਮਦ ਪਾਕਪੁਰ ਅਤੇ ਅਲੀ ਸ਼ਮਖਾਨੀ ਵੀ ਮਾਰੇ ਗਏ ਹਨ।
ਬਦਲਾ ਲੈਣ ਦੀ ਸਹੁੰ
ਈਰਾਨ ਦੀ ਇਸਲਾਮਿਕ ਰੈਵੋਲਿਊਸ਼ਨਰੀ ਗਾਰਡ ਕੋਰਪਸ (IRGC) ਨੇ ਖਮੇਨੀ ਦੇ ਕਾਤਲਾਂ ਨੂੰ ਸਖ਼ਤ ਸਜ਼ਾ ਦੇਣ ਦੀ ਕਸਮ ਖਾਧੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਜਵਾਬ 'ਇਤਿਹਾਸ ਦਾ ਸਭ ਤੋਂ ਭਿਆਨਕ ਹਮਲਾ' ਹੋਵੇਗਾ। ਦੂਜੇ ਪਾਸੇ ਹਮਲੇ ਵਿੱਚ ਬਚੇ ਅਲੀ ਲਾਰੀਜਾਨੀ ਨੇ ਵਿਰੋਧ ਜਾਰੀ ਰੱਖਣ ਦਾ ਐਲਾਨ ਕੀਤਾ ਹੈ।
ਈਰਾਨ ਦੀ ਅੰਦਰੂਨੀ ਸਥਿਤੀ
ਇਹ ਹਮਲਾ ਅਜਿਹੇ ਸਮੇਂ ਹੋਇਆ ਹੈ ਜਦੋਂ ਈਰਾਨ ਪਹਿਲਾਂ ਹੀ ਮਹਿੰਗਾਈ ਕਾਰਨ ਹੋ ਰਹੇ ਜਨਤਕ ਵਿਰੋਧ ਪ੍ਰਦਰਸ਼ਨਾਂ ਨਾਲ ਜੂਝ ਰਿਹਾ ਸੀ। ਸਰਕਾਰ ਨੇ ਇਨ੍ਹਾਂ ਪ੍ਰਦਰਸ਼ਨਾਂ ਨੂੰ ਬੇਰਹਿਮੀ ਨਾਲ ਦਬਾਇਆ ਸੀ, ਜਿਸ ਵਿੱਚ ਹਜ਼ਾਰਾਂ ਲੋਕਾਂ ਦੇ ਮਾਰੇ ਜਾਣ ਦੀ ਖ਼ਬਰ ਸੀ।