ਅਮਰੀਕਾ 'ਚ ਸ਼ਟਡਾਊਨ ਦਾ 'ਦੀ ਐਂਡ'! ਟਰੰਪ ਨੇ ਸਪੈਂਡਿੰਗ ਬਿੱਲ 'ਤੇ ਕੀਤੇ ਦਸਤਖ਼ਤ, ਡੈਮੋਕ੍ਰੇਟਸ ਦੇ ਵਿਰੋਧ ਦੇ ਬਾਵਜੂਦ ਸਰਕਾਰ ਨੇ ਲਿਆ ਸੁੱਖ ਦਾ ਸਾਹ
ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਮੰਗਲਵਾਰ ਨੂੰ ਇੱਕ ਮਹੱਤਵਪੂਰਨ ਫੰਡਿੰਗ ਬਿੱਲ 'ਤੇ ਮੋਹਰ ਲਗਾ ਦਿੱਤੀ ਹੈ, ਜਿਸ ਨਾਲ ਚਾਰ ਦਿਨਾਂ ਤੋਂ ਚੱਲ ਰਹੀ ਅੰਸ਼ਕ ਸਰਕਾਰੀ ਤਾਲਾਬੰਦੀ ਦਾ ਅੰਤ ਹੋ ਗਿਆ। ਇਹ ਸ਼ਟਡਾਊਨ ਡੈਮੋਕ੍ਰੇਟਿਕ ਪਾਰਟੀ ਵੱਲੋਂ ਟਰੰਪ ਦੀਆਂ ਸਖ਼ਤ ਇਮੀਗ੍ਰੇਸ਼ਨ ਨੀਤੀਆਂ ਨੂੰ ਲਾਗੂ ਕਰਨ ਵਾਲੀ ਫੈਡਰਲ ਏਜੰਸੀ ਦੇ ਫੰਡਾਂ ਦਾ ਵਿਰੋਧ ਕਰਨ ਕਾਰਨ ਸ਼ੁਰੂ ਹੋਇਆ ਸੀ।
Posted By alisha
Publish Date: Wed, 04 Feb 2026 11:09 AM (IST)
Updated Date: Wed, 04 Feb 2026 11:21 AM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਮੰਗਲਵਾਰ ਨੂੰ ਇੱਕ ਮਹੱਤਵਪੂਰਨ ਫੰਡਿੰਗ ਬਿੱਲ 'ਤੇ ਮੋਹਰ ਲਗਾ ਦਿੱਤੀ ਹੈ, ਜਿਸ ਨਾਲ ਚਾਰ ਦਿਨਾਂ ਤੋਂ ਚੱਲ ਰਹੀ ਅੰਸ਼ਕ ਸਰਕਾਰੀ ਤਾਲਾਬੰਦੀ ਦਾ ਅੰਤ ਹੋ ਗਿਆ। ਇਹ ਸ਼ਟਡਾਊਨ ਡੈਮੋਕ੍ਰੇਟਿਕ ਪਾਰਟੀ ਵੱਲੋਂ ਟਰੰਪ ਦੀਆਂ ਸਖ਼ਤ ਇਮੀਗ੍ਰੇਸ਼ਨ ਨੀਤੀਆਂ ਨੂੰ ਲਾਗੂ ਕਰਨ ਵਾਲੀ ਫੈਡਰਲ ਏਜੰਸੀ ਦੇ ਫੰਡਾਂ ਦਾ ਵਿਰੋਧ ਕਰਨ ਕਾਰਨ ਸ਼ੁਰੂ ਹੋਇਆ ਸੀ।
ਇਹ ਬਿੱਲ ਰਿਪਬਲਿਕਨਾਂ ਦੇ ਕਬਜ਼ੇ ਵਾਲੇ ਸਦਨ (House) ਵਿੱਚ 217-214 ਦੇ ਮਾਮੂਲੀ ਫਰਕ ਨਾਲ ਪਾਸ ਹੋਇਆ। 21 ਡੈਮੋਕ੍ਰੇਟਸ ਨੇ ਰਿਪਬਲਿਕਨਾਂ ਦਾ ਸਾਥ ਦਿੱਤਾ, ਜਦੋਂ ਕਿ ਕੁੱਝ ਰਿਪਬਲਿਕਨਾਂ ਨੇ ਇਸ ਦਾ ਵਿਰੋਧ ਵੀ ਕੀਤਾ। ਮਿਨੀਆਪੋਲਿਸ ਵਿੱਚ ਫੈਡਰਲ ਏਜੰਟਾਂ ਹੱਥੋਂ ਦੋ ਅਮਰੀਕੀ ਨਾਗਰਿਕਾਂ ਦੀ ਮੌਤ ਤੋਂ ਬਾਅਦ ਡਿਪਾਰਟਮੈਂਟ ਆਫ ਹੋਮਲੈਂਡ ਸਕਿਓਰਿਟੀ (DHS) ਲਈ ਫੰਡਿੰਗ 'ਤੇ ਵਿਵਾਦ ਵਧ ਗਿਆ ਸੀ। ਸਤੰਬਰ ਤੱਕ ਜ਼ਿਆਦਾਤਰ ਫੈਡਰਲ ਏਜੰਸੀਆਂ ਨੂੰ ਫੰਡ ਦੇ ਦਿੱਤੇ ਗਏ ਹਨ ਪਰ DHS (ਹੋਮਲੈਂਡ ਸਕਿਓਰਿਟੀ) ਲਈ ਸਿਰਫ਼ ਦੋ ਹਫ਼ਤਿਆਂ ਦਾ ਅੰਤਰਿਮ ਫੰਡ ਜਾਰੀ ਕੀਤਾ ਗਿਆ ਹੈ ਤਾਂ ਜੋ ਇਮੀਗ੍ਰੇਸ਼ਨ ਨੀਤੀਆਂ 'ਤੇ ਹੋਰ ਗੱਲਬਾਤ ਹੋ ਸਕੇ। ਡੈਮੋਕ੍ਰੇਟਸ ਦੇ ਦਬਾਅ ਤੋਂ ਬਾਅਦ DHS ਸੈਕਟਰੀ ਕ੍ਰਿਸਟੀ ਨੋਏਮ ਨੇ ਐਲਾਨ ਕੀਤਾ ਹੈ ਕਿ ਫੈਡਰਲ ਏਜੰਟ ਹੁਣ ਡਿਊਟੀ ਦੌਰਾਨ ਬਾਡੀ ਕੈਮਰੇ ਪਹਿਨਣਗੇ।
ਰਾਸ਼ਟਰਪਤੀ ਟਰੰਪ ਨੇ ਇਸ ਬਿੱਲ 'ਤੇ ਦਸਤਖ਼ਤ ਕਰਦੇ ਹੋਏ ਇਸ ਨੂੰ "ਅਮਰੀਕੀ ਲੋਕਾਂ ਦੀ ਵੱਡੀ ਜਿੱਤ" ਦੱਸਿਆ ਹੈ। ਇਸ ਫੈਸਲੇ ਨਾਲ ਲੱਖਾਂ ਸਰਕਾਰੀ ਕਰਮਚਾਰੀਆਂ ਨੂੰ ਰਾਹਤ ਮਿਲੀ ਹੈ ਜੋ ਬਿਨਾਂ ਤਨਖਾਹ ਤੋਂ ਕੰਮ ਕਰ ਰਹੇ ਸਨ।