ਮਹਿਲ ਦੀਆਂ ਕੰਧਾਂ ਪਿੱਛੇ ਲੁਕਿਆ ਦਰਦ: ਮਾਡਲ ਮਨੋਹਰਾ ਨੇ ਰਾਜਕੁਮਾਰ ਨਾਲ ਆਪਣੇ ਵਿਆਹ ਨੂੰ ਦੱਸਿਆ 'ਜ਼ਬਰਦਸਤੀ ਦਾ ਸ਼ੋਸ਼ਣ'

ਮਨੋਹਰਾ ਅਨੁਸਾਰ, 2008 ਵਿੱਚ ਜਦੋਂ ਇਹ ਰਿਸ਼ਤਾ ਹੋਇਆ, ਉਹ ਨਾਬਾਲਗ ਸੀ। ਉਸਨੇ ਕਿਹਾ ਕਿ ਇੱਕ 16 ਸਾਲ ਦੀ ਬੱਚੀ ਕੋਈ ਕਾਨੂੰਨੀ ਸਹਿਮਤੀ ਨਹੀਂ ਦੇ ਸਕਦੀ। ਇਹ ਵਿਆਹ ਕਾਨੂੰਨ ਦੇ ਖ਼ਿਲਾਫ਼ ਅਤੇ ਸਰੀਰਕ-ਮਾਨਸਿਕ ਸੋਸ਼ਣ ਸੀ। ਹੁਣ 33 ਸਾਲ ਦੀ ਹੋ ਚੁੱਕੀ ਮਨੋਹਰਾ ਨੇ ਕਿਹਾ ਕਿ 'ਸਾਬਕਾ ਪਤਨੀ' ਸ਼ਬਦ ਇਸ ਅਪਰਾਧ ਨੂੰ ਇੱਕ 'ਆਮ ਵਿਆਹ' ਵਾਂਗ ਪੇਸ਼ ਕਰਦਾ ਹੈ, ਜੋ ਕਿ ਗਲਤ ਹੈ। ਉਸਨੇ ਗੂਗਲ, ਵਿਕੀਪੀਡੀਆ ਅਤੇ ਮੀਡੀਆ ਨੂੰ ਅਪੀਲ ਕੀਤੀ ਕਿ ਉਹ ਸਹੀ ਅਤੇ ਸੰਵੇਦਨਸ਼ੀਲ ਭਾਸ਼ਾ ਦੀ ਵਰਤੋਂ ਕਰਨ।