ਉੱਤਰੀ ਕੋਰੀਆ ਨੇ ਤੋਪਾਂ ਤੇ ਪਰਮਾਣੂ ਰਾਕੇਟਾਂ ਦਾ ਕੀਤਾ ਸਫਲ ਪ੍ਰੀਖਣ, ਅਸਮਾਨ ’ਚ ਹੋਈ ਤੇਜ਼ ਗਰਜ ਨਾਲ ਦਹਿਲਿਆ South Korea

ਉੱਤਰੀ ਕੋਰੀਆ ਦੇ ਗੁਆਂਢੀ ਦੇਸ਼ ਦੱਖਣੀ ਕੋਰੀਆ ਨੇ ਇਸ ਪ੍ਰੀਖਣ ਦੀ ਨਿੰਦਾ ਕੀਤੀ ਹੈ। ਕਿਮ ਜੋਂਗ ਦੇ ਇਸ ਮਿਜ਼ਾਈਲ ਟੈਸਟ 'ਤੇ ਦੱਖਣੀ ਕੋਰੀਆ ਨੇ ਸੂਚਨਾ ਦਿੱਤੀ ਸੀ ਕਿ ਉੱਤਰੀ ਕੋਰੀਆ ਵੱਲੋਂ ਕਰੀਬ 10 ਬੈਲਿਸਟਿਕ ਮਿਜ਼ਾਈਲਾਂ ਦਾਗੀਆਂ ਗਈਆਂ ਹਨ।

ਉੱਤਰੀ ਕੋਰੀਆ ਦਾ ਮਿਜ਼ਾਈਲ ਟੈਸਟ

KCNA ਦੇ ਮੁਤਾਬਕ, ਉੱਤਰੀ ਕੋਰੀਆ ਦੇ ਇਸ ਅਭਿਆਸ ਵਿੱਚ 600 mm-ਕੈਲੀਬਰ ਵਾਲੇ ਇੱਕ ਦਰਜਨ ਸਟੀਕ 'ਮਲਟੀਪਲ ਰਾਕੇਟ ਲਾਂਚਰ' ਅਤੇ ਦੋ ਤੋਪਖਾਨਾ ਕੰਪਨੀਆਂ ਸ਼ਾਮਲ ਸਨ। ਉਨ੍ਹਾਂ ਨੇ MRLS ਨੂੰ ਬਹੁਤ ਹੀ ਘਾਤਕ ਅਤੇ ਪ੍ਰਭਾਵਸ਼ਾਲੀ ਹਥਿਆਰ ਦੱਸਿਆ।

KCNA ਨੇ ਕਿਮ ਜੋਂਗ ਦੇ ਹਵਾਲੇ ਨਾਲ ਦੱਸਿਆ ਕਿ ਇਸ ਅਭਿਆਸ ਨੇ ਪਿਓਂਗਯਾਂਗ ਦੇ ਦੁਸ਼ਮਣਾਂ ਨੂੰ, ਜੋ 420 ਕਿਲੋਮੀਟਰ (ਲਗਪਗ 260 ਮੀਲ) ਦੀ ਮਾਰਕ ਸੀਮਾ ਦੇ ਅੰਦਰ ਹਨ, ਉਨ੍ਹਾਂ ਨੂੰ ਬੇਚੈਨੀ ਦਾ ਅਹਿਸਾਸ ਕਰਵਾਇਆ ਅਤੇ ਉਨ੍ਹਾਂ ਨੂੰ ਇਨ੍ਹਾਂ ਪਰਮਾਣੂ ਹਥਿਆਰਾਂ ਦੀ ਵਿਨਾਸ਼ਕਾਰੀ ਸ਼ਕਤੀ ਬਾਰੇ ਵੀ ਦੱਸ ਦਿੱਤਾ।

ਇਸ ਪ੍ਰੀਖਣ ਵਿੱਚ ਰਾਕੇਟਾਂ ਨੇ ਕੋਰੀਆ ਦੇ ਪੂਰਬੀ ਸਾਗਰ ਵਿੱਚ 360 ਕਿਲੋਮੀਟਰ ਤੋਂ ਵੀ ਵੱਧ ਦੂਰੀ 'ਤੇ ਸਥਿਤ ਇੱਕ ਟਾਪੂ ਦੇ ਨਿਸ਼ਾਨੇ 'ਤੇ ਸਟੀਕ ਨਿਸ਼ਾਨਾ ਲਗਾਇਆ।

ਦੱਖਣੀ ਕੋਰੀਆ-ਅਮਰੀਕਾ ਕਰ ਰਹੇ ਹਨ ਫੌਜੀ ਅਭਿਆਸ

ਉੱਤਰੀ ਕੋਰੀਆ ਨੇ ਇਨ੍ਹਾਂ ਮਿਜ਼ਾਈਲਾਂ ਦਾ ਪ੍ਰੀਖਣ ਅਜਿਹੇ ਸਮੇਂ ਕੀਤਾ ਹੈ, ਜਦੋਂ ਦੱਖਣੀ ਕੋਰੀਆ ਅਤੇ ਅਮਰੀਕਾ ਦੀਆਂ ਫੌਜਾਂ ਇਸ ਹਫਤੇ ਸਾਂਝਾ ਫੌਜੀ ਅਭਿਆਸ ਕਰ ਰਹੀਆਂ ਹਨ। ਇਹ ਫੌਜੀ ਅਭਿਆਸ 19 ਮਾਰਚ ਤੱਕ ਜਾਰੀ ਰਹੇਗਾ।

ਕਿਮ ਜੋਂਗ ਦੀ ਭੈਣ ਕਿਮ ਯੋ ਜੋਂਗ ਨੇ ਅਮਰੀਕਾ ਅਤੇ ਦੱਖਣੀ ਕੋਰੀਆ ਦੇ ਫੌਜੀ ਅਭਿਆਸ 'ਤੇ ਇਤਰਾਜ਼ ਜਤਾਉਂਦੇ ਹੋਏ ਕਿਹਾ, 'ਇਹ ਅਭਿਆਸ ਕਲਪਨਾ ਤੋਂ ਪਰ੍ਹੇ ਭਿਆਨਕ ਨਤੀਜੇ ਲਿਆ ਸਕਦੇ ਹਨ।'

ਕਿਮ ਯੋ ਜੋਂਗ ਨੇ ਅੱਗੇ ਕਿਹਾ, 'ਇਹ ਅਭਿਆਸ ਅਜਿਹੇ ਨਾਜ਼ੁਕ ਸਮੇਂ 'ਤੇ ਹੋ ਰਹੇ ਹਨ, ਜਦੋਂ ਵਿਸ਼ਵ ਸੁਰੱਖਿਆ ਢਾਂਚਾ ਤੇਜ਼ੀ ਨਾਲ ਢਹਿ ਰਿਹਾ ਹੈ ਅਤੇ ਦੁਨੀਆ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਯੁੱਧ ਚੱਲ ਰਹੇ ਹਨ।'