ਈਰਾਨ ਨੇ ਦੁਬਈ-ਕਤਰ 'ਤੇ ਕੀਤਾ ਹਮਲਾ; 4 ਬੈਲਿਸਟਿਕ ਮਿਜ਼ਾਈਲਾਂ ਤੇ 12 ਡਰੋਨਾਂ ਨਾਲ ਦਿੱਤੀ ਦਸਤਕ, ਅਮਰੀਕੀ ਸਹਿਯੋਗੀਆਂ ਨੂੰ ਬਣਾਇਆ ਨਿਸ਼ਾਨਾ

ਈਰਾਨ ਦੀ ਇਸਲਾਮਿਕ ਰਿਵੋਲਿਊਸ਼ਨਰੀ ਗਾਰਡ ਕੋਰਪਸ (IRGC) ਨੇ ਐਲਾਨ ਕੀਤਾ ਹੈ ਕਿ 'ਆਪ੍ਰੇਸ਼ਨ ਟਰੂ ਪ੍ਰੌਮਿਸ' ਦੇ ਪੰਜਵੇਂ ਦੌਰ ਦੇ ਤਹਿਤ, ਅਮਰੀਕੀ ਜਹਾਜ਼ਾਂ ਲਈ ਗੋਲਾ-ਬਾਰੂਦ ਲੈ ਕੇ ਜਾ ਰਹੇ ਇੱਕ ਜਹਾਜ਼ ਨੂੰ ਜੇਬਲ ਅਲੀ ਐਂਕਰੇਜ 'ਤੇ ਚਾਰ ਡਰੋਨਾਂ ਨੇ ਟੱਕਰ ਮਾਰ ਦਿੱਤੀ ਹੈ। ਇਸ ਹਮਲੇ ਅਤੇ ਧਮਾਕਿਆਂ ਕਾਰਨ ਇਹ ਜਹਾਜ਼ ਪੂਰੀ ਤਰ੍ਹਾਂ ਬੇਕਾਰ ਹੋ ਗਿਆ ਹੈ।

IRGC ਦਾ ਦਾਅਵਾ: ਕੁਵੈਤ ਵਿੱਚ ਅਮਰੀਕੀ ਨੇਵਲ ਬੇਸ 'ਤੇ ਵੱਡਾ ਹਮਲਾ

ਈਰਾਨ ਦੀ ਇਸਲਾਮਿਕ ਰਿਵੋਲਿਊਸ਼ਨਰੀ ਗਾਰਡ ਕੋਰਪਸ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਨੇ ਕੁਵੈਤ ਦੇ ਅਬਦੁੱਲਾ ਮੁਬਾਰਕ ਇਲਾਕੇ ਵਿੱਚ ਸਥਿਤ ਅਮਰੀਕੀ ਨੇਵਲ ਬੇਸ 'ਤੇ 4 ਬੈਲਿਸਟਿਕ ਮਿਜ਼ਾਈਲਾਂ ਅਤੇ 12 ਡਰੋਨਾਂ ਨਾਲ ਹਮਲਾ ਕੀਤਾ ਹੈ। IRGC ਮੁਤਾਬਕ, ਇਸ ਹਮਲੇ ਨਾਲ ਬੇਸ ਦਾ ਸਾਰਾ ਬੁਨਿਆਦੀ ਢਾਂਚਾ ਤਬਾਹ ਹੋ ਗਿਆ ਹੈ ਅਤੇ ਵੱਡੀ ਗਿਣਤੀ ਵਿੱਚ ਅਮਰੀਕੀ ਸੈਨਿਕਾਂ ਦੇ ਮਾਰੇ ਜਾਣ ਅਤੇ ਜ਼ਖ਼ਮੀ ਹੋਣ ਦੀ ਖ਼ਬਰ ਹੈ।

ਅਮਰੀਕਾ ਤੋਂ ਬਦਲਾ ਲੈ ਰਿਹਾ ਈਰਾਨ

ਈਰਾਨ ਵੱਲੋਂ ਅੱਗੇ ਕਿਹਾ ਗਿਆ ਹੈ ਕਿ, "IRGC ਨੇਵੀ, ਏਅਰ ਫੋਰਸ ਦੇ ਨਾਲ ਮਿਲ ਕੇ ਦੁਸ਼ਮਣ ਯੂਨਿਟਾਂ ਲਈ ਜਹੰਨਮ ਦੇ ਦਰਵਾਜ਼ੇ ਖੁੱਲ੍ਹੇ ਰੱਖੇਗੀ।"

ਈਰਾਨ ਨੇ ਦੱਸਿਆ, 'MST-ਕਲਾਸ ਕਾਮਬੈਟ ਸਪੋਰਟ ਸ਼ਿਪ, ਜੋ ਹਿੰਦ ਮਹਾਂਸਾਗਰ ਵਿੱਚ ਅਮਰੀਕੀ ਜਹਾਜ਼ਾਂ ਲਈ ਈਂਧਨ ਲੈ ਕੇ ਜਾ ਰਿਹਾ ਸੀ, ਈਰਾਨ ਦੀਆਂ 380 ਮਿਜ਼ਾਈਲਾਂ ਦਾ ਨਿਸ਼ਾਨਾ ਬਣਿਆ।'

ਈਰਾਨ ਨੇ ਦੁਨੀਆ ਦੇ ਸਭ ਤੋਂ ਰੁਝੇਵੇਂ ਵਾਲੇ ਹਵਾਈ ਅੱਡਿਆਂ ਵਿੱਚ ਸ਼ਾਮਲ ਦੁਬਈ ਏਅਰਪੋਰਟ 'ਤੇ ਹਮਲਾ ਕੀਤਾ ਹੈ। UAE ਨੇ ਇਜ਼ਰਾਈਲ-ਅਮਰੀਕਾ ਦੇ ਈਰਾਨ ਨਾਲ ਯੁੱਧ ਸ਼ੁਰੂ ਹੋਣ ਤੋਂ ਬਾਅਦ ਹੀ ਇਸ ਨੂੰ ਬੰਦ ਕਰ ਦਿੱਤਾ ਸੀ।

ਈਰਾਨ ਨੇ ਇਸ ਤੋਂ ਪਹਿਲਾਂ ਦੁਬਈ ਦੇ ਮਸ਼ਹੂਰ ਲੈਂਡ ਆਈਲੈਂਡ ਪਾਮ ਅਤੇ ਇੱਕ ਲਗਜ਼ਰੀ ਹੋਟਲ ਬੁਰਜ ਅਲ ਅਰਬ 'ਤੇ ਹਮਲਾ ਕੀਤਾ ਸੀ।