ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਵੱਲੋਂ ਪ੍ਰਤਿਭਾ ਅਤੇ ਨਿਵੇਕਲੀ ਰਣਨੀਤੀ ਦੇ ਐਲਾਨ ਨਾਲ ਭਾਰਤ-ਕੈਨੇਡਾ ਸਬੰਧ ਨਵੇਂ ਗੇੜ 'ਚ ਦਾਖ਼ਲ ਹੋਏ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਭਾਰਤ ਯਾਤਰਾ ਦੌਰਾਨ ਕਈ ਵਿਸ਼ੇਸ਼ ਸਮਝੌਤੇ ਹੋਣ ਦੀ ਸੰਭਾਵਨਾ ਹੈ, ਜਿਨ੍ਹਾਂ ਦਾ ਉਦੇਸ਼ ਰਵਾਇਤੀ ਡਿਪਲੋਮੈਟਿਕ ਰੁਕਾਵਟਾਂ ਨੂੰ ਨਕਾਰਦੇ ਹੋਏ ਤੁਰੰਤ ਆਰਥਿਕ ਅਤੇ ਰਣਨੀਤਕ ਵਿਕਾਸ 'ਤੇ ਧਿਆਨ ਕੇਂਦਰਿਤ ਕਰਨਾ ਹੈ। ਹਿੰਦੁਸਤਾਨ ਟਾਈਮਜ਼ ਦੇ ਹਵਾਲੇ ਨਾਲ ਇੱਕ ਸੀਨੀਅਰ ਭਾਰਤੀ ਅਧਿਕਾਰੀ ਨੇ ਪੁਸ਼ਟੀ ਕੀਤੀ ਕਿ ਇਹ ਸਮਝੌਤੇ ਊਰਜਾ, ਖੇਤੀ, ਵਪਾਰ ਅਤੇ ਸੰਭਾਵਿਤ ਰੱਖਿਆ ਸਮੇਤ ਵੱਖ-ਵੱਖ ਖੇਤਰਾਂ ਨੂੰ ਕਵਰ ਕਰਨਗੇ।

ਪਹਿਲਾ ਮਹੱਤਵਪੂਰਨ ਕਦਮ ਸ਼ਨੀਵਾਰ ਨੁੰ ਮੁੰਬਈ 'ਚ ਕੈਨੇਡਾ-ਭਾਰਤ ਪ੍ਰਤਿਭਾ ਅਤੇ ਨਿਵੇਕਲੀ ਰਣਨੀਤੀ ਦਾ ਸ਼ੁੱਭ ਆਰੰਭ ਸੀ। ਇਸ ਪਹਿਲ 'ਚ ਸਿੱਖਿਆ, ਸੋਧ ਅਤੇ ਲੰਮੇ ਸਮੇਂ ਦੇ ਨਿਵੇਕਲੇ ਸਬੰਧਤਾਂ ਨੂੰ ਉਤਸ਼ਾਹਿਤ ਕਰਨ ਦੇ ਉਦੇਸ਼ ਨਾਲ 13 ਨਵੀਆਂ ਹਿੱਸੇਦਾਰੀਆਂ ਸ਼ਾਮਲ ਹਨ।

ਕਾਰਨੀ-ਮੋਦੀ ਸਿਖ਼ਰ ਸੰਮੇਲਨ ਦੀਆਂ ਮੁੱਖ ਗੱਲਾਂ

ਮੁੰਬਈ 'ਚ ਮੁੱਢਲਾ ਕਾਰਜ ਢਾਂਚਾ ਤਿਆਰ ਕਰ ਲਿਆ ਗਿਆ ਹੈ, ਪਰ ਕੂਟਨੀਤਕ ਗਤੀਵਿਧੀਆਂ ਦਾ ਮੁੱਖ ਹਿੱਸਾ ਸੋਮਵਾਰ ਨੂੰ ਨਵੀਂ ਦਿੱਲੀ 'ਚ ਹੋਵੇਗਾ।

ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਕਾਰਨੀ ਦੀ ਭਾਰਤ ਯਾਤਰਾ ਦੇ ਸੰਭਾਵਿਤ ਨਤੀਜੇ ਹੇਠ ਲਿਖੇ ਹਨ:

• ਪ੍ਰਧਾਨ ਮੰਤਰੀ ਕਾਰਨੀ ਨੇ ਵਿਆਪਕ ਆਰਥਿਕ ਹਿੱਸੇਦਾਰੀ ਸਮਝੌਤੇ (ਸੀਈਪੀਏ) ਲਈ ਗੱਲਬਾਤ ਨੂੰ ਇੱਕ ਵਰ੍ਹੇ ਦੇ ਅੰਦਰ ਮੁਕੰਮਲ ਹੋਣ ਦੀ ਉਮੀਦ ਪ੍ਰਗਟਾਈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਉਨ੍ਹਾਂ ਦੀ ਦੁਵੱਲੀ ਬੈਠਕ ਤੋਂ ਬਾਅਦ ਰਸਮੀ ਗੱਲਬਾਤ ਦਾ ਅਧਿਕਾਰਕ ਐਲਾਨ ਹੋਣ ਦੀ ਸੰਭਾਵਨਾ ਹੈ।
• ਭਾਰਤ ਦੇ ਪਰਮਾਣੂ ਊਰਜਾ ਖੇਤਰ ਲਈ ਯੂਰੇਨੀਅਮ ਦੀ ਸਪਲਾਈ ਲਈ ਕੈਨੇਡੀਅਨ ਕੰਪਨੀ ਕੈਮੇਕੋ ਨਾਲ ਇਕ ਦਹਾਕੇ ਲੰਬੇ ਮਹੱਤਵਪੂਰਨ ਸਮਝੌਤੇ 'ਤੇ ਦਸਤਖ਼ਤ ਹੋਣ ਦੀ ਉਮੀਦ ਹੈ। ਓਟਾਵਾ 'ਚ ਭਾਰਤ ਦੀ ਹਾਈ ਕਮਿਸ਼ਨਰ ਦਿਨੇਸ਼ ਪਟਨਾਇਕ ਨੇ ਕਿਹਾ ਕਿ ਇਸ ਯਾਤਰਾ ਦਾ ਉਦੇਸ਼ ਦੁਵੱਲੇ ਸਬੰਧਾਂ ਦੇ 'ਸਾਰੇ ਪਹਿਲੂਆਂ' 'ਤੇ ਚਰਚਾ ਕਰਨਾ ਹੈ, ਵਿਸ਼ੇਸ਼ ਤੌਰ 'ਤੇ ਮਹੱਤਵਪੂਰਨ ਖਣਿਜਾਂ, ਏਆਈ, ਏਅਰੋਸਪੇਸ ਅਤੇ ਤੇਲ ਤੇ ਗੈਸ ਖੇਤਰਾਂ 'ਤੇ ਧਿਆਨ ਕੇਂਦਰਿਤ ਕਰਨਾ।

ਕਾਰਨੀ ਅਨੁਸਾਰ, ਭਾਰਤ ਕੈਨੇਡਾ ਦਾ 'ਸੁਭਾਵਿਕ ਹਿੱਸੇਦਾਰ' ਹੈ

ਮੁੰਬਈ 'ਚ ਕੈਨੇਡਾ-ਭਾਰਤ ਵਿਕਾਸ ਅਤੇ ਨਿਵੇਸ਼ ਮੰਚ ਨੂੰ ਸੰਬੋਧਨ ਕਰਦੇ ਹੋਏ, ਕਾਰਨੀ ਨੇ ਭਾਰਤ ਨੂੰ ਕੈਨੇਡਾ ਲਈ ਇੱਕ 'ਸੁਭਾਵਿਕ ਹਿੱਸੇਦਾਰ' ਦੱਸਿਆ। ਪਹਿਲਾਂ ਹੋਏ ਕੂਟਨੀਤਕ ਤਣਾਅ ਦੇ ਬਾਵਜੂਦ, ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਸਿੱਖਿਆ ਅਤੇ ਸੋਧ ਕੈਨੇਡਾ ਦੀ ਇੰਡੋ-ਪੈਸੀਫਿਕ ਰਣਨੀਤੀ ਦੇ ਕੇਂਦਰ 'ਚ ਬਣੇ ਹੋਏ ਹਨ, ਅਤੇ ਭਾਰਤ ਪ੍ਰਤਿਭਾ ਅਤੇ ਨਵੀਨਤਾ ਲਈ ਇੱਕ ਮਹੱਤਵਪੂਰਨ ਕੇਂਦ ਦੇ ਰੂਪ 'ਚ ਕੰਮ ਕਰਦਾ ਹੈ।

ਇਹ ਦੌਰਾ ਕੌਮਾਂਤਰੀ ਜਹਾਜ਼ਰਾਨੀ ਅਤੇ ਖੇਤਰੀ ਸਥਿਰਤਾ ਲਈ ਇੱਕ ਅਸਥਿਰ ਸਮੇਂ 'ਚ ਹੋ ਰਿਹਾ ਹੈ। ਹਾਲਾਂਕਿ ਦੋਵੇਂ ਨੇਤਾ ਵਪਾਰ 'ਤੇ ਧਿਆਨ ਕੇਂਦਰਿਤ ਕਰ ਰਹੇ ਹਨ, ਮੱਧ ਪੂਰਬ ਸੰਘਰਸ਼ ਦੇ ਪਿਛੋਕੜ, ਜਿਸ ਕਾਰਨ ਭਾਰਤ ਅਤੇ ਪੱਛਮੀ ਦੇਸ਼ਾਂ ਵਿਚਾਲੇ ਸੈਂਕੜੇ ਉਡਾਣਾਂ ਰੱਖ ਹੋ ਗਈਆਂ ਹਨ, ਲਚਕੀਲੇ ਸਪਲਾਈ ਚੇਨਾਂ ਅਤੇ ਊਰਜਾ ਸੁਰੱਖਿਆ ਨਾਲ ਸਬੰਧਤ ਵਿਚਾਰ-ਵਟਾਂਦਰੇ ਵਿੱਚ ਜ਼ਰੂਰੀਤਾ ਦੀ ਭਾਵਨਾ ਨੂੰ ਜੋੜਦੀ ਹੈ।