Vivo ਦਾ 200MP ਕੈਮਰੇ ਵਾਲਾ 5G ਫ਼ੋਨ ਲਾਂਚ, 7,000 mAh ਬੈਟਰੀ ਤੇ 12GB ਤੱਕ RAM ਵੀ
ਇੰਨਾ ਹੀ ਨਹੀਂ ਇਸ ਫ਼ੋਨ ਵਿੱਚ ਪਾਵਰਫੁੱਲ MediaTek Dimensity 7360-Turbo ਚਿਪਸੈੱਟ ਵੀ ਮਿਲ ਰਿਹਾ ਹੈ ਜਿਸ ਦੇ ਨਾਲ ਕੰਪਨੀ ਨੇ AI-ਬੇਸਡ ਕੁਝ ਇਮੇਜਿੰਗ ਫੀਚਰਜ਼ ਅਤੇ 6 ਸਾਲ ਤੱਕ ਦੇ ਸੁਰੱਖਿਆ ਅੱਪਡੇਟਸ ਦੇਣ ਦਾ ਵੀ ਦਾਅਵਾ ਕੀਤਾ ਹੈ।
Posted By Sandip Kaur
Publish Date: Thu, 02 Apr 2026 01:27 PM (IST)
Updated Date: Thu, 02 Apr 2026 01:30 PM (IST)
ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਵੀਵੋ ਨੇ ਭਾਰਤ ਵਿੱਚ ਅੱਜ ਆਪਣਾ ਇੱਕ ਹੋਰ ਨਵਾਂ ਫ਼ੋਨ ਲਾਂਚ ਕਰ ਦਿੱਤਾ ਹੈ ਜਿਸ ਨੂੰ ਕੰਪਨੀ ਨੇ ਆਪਣੀ V ਸੀਰੀਜ਼ ਦੇ ਤਹਿਤ ਪੇਸ਼ ਕੀਤਾ ਹੈ। ਇਸ ਫ਼ੋਨ ਨੂੰ ਕੰਪਨੀ ਨੇ Vivo V70 FE ਦੇ ਨਾਮ ਨਾਲ ਪੇਸ਼ ਕੀਤਾ ਹੈ। ਡਿਵਾਈਸ ਮਿਡ-ਰੇਂਜ ਸੈਗਮੈਂਟ ਵਿੱਚ ਕਾਫ਼ੀ ਸ਼ਾਨਦਾਰ ਫੀਚਰਜ਼ ਆਫਰ ਕਰ ਰਿਹਾ ਹੈ ਜਿੱਥੇ ਇੱਕ ਵੱਡੀ OLED ਡਿਸਪਲੇਅ, 200-ਮੈਗਾਪਿਕਸਲ ਕੈਮਰਾ ਅਤੇ 7,000mAh ਦੀ ਵੱਡੀ ਬੈਟਰੀ ਮਿਲ ਰਹੀ ਹੈ।
ਇੰਨਾ ਹੀ ਨਹੀਂ ਇਸ ਫ਼ੋਨ ਵਿੱਚ ਪਾਵਰਫੁੱਲ MediaTek Dimensity 7360-Turbo ਚਿਪਸੈੱਟ ਵੀ ਮਿਲ ਰਿਹਾ ਹੈ ਜਿਸ ਦੇ ਨਾਲ ਕੰਪਨੀ ਨੇ AI-ਬੇਸਡ ਕੁਝ ਇਮੇਜਿੰਗ ਫੀਚਰਜ਼ ਅਤੇ 6 ਸਾਲ ਤੱਕ ਦੇ ਸੁਰੱਖਿਆ ਅੱਪਡੇਟਸ ਦੇਣ ਦਾ ਵੀ ਦਾਅਵਾ ਕੀਤਾ ਹੈ। ਅਜਿਹੇ ਵਿੱਚ ਜੇਕਰ ਤੁਸੀਂ ਵੀ ਇਸ ਫ਼ੋਨ ਨੂੰ ਖਰੀਦਣ ਦੀ ਸੋਚ ਰਹੇ ਹੋ ਤਾਂ ਪਹਿਲਾਂ ਇਸ ਦੀ ਕੀਮਤ ਜਾਣ ਲਓ...
Vivo V70 FE ਦੀ ਕੀਮਤ ਅਤੇ ਉਪਲਬਧਤਾ
ਕੀਮਤ ਦੀ ਗੱਲ ਕਰੀਏ ਤਾਂ ਵੀਵੋ ਦੇ ਇਸ ਡਿਵਾਈਸ ਦੀ ਕੀਮਤ 37,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਜਿਸ ਵਿੱਚ ਤੁਹਾਨੂੰ 8GB + 128GB ਵੇਰੀਐਂਟ ਮਿਲਦਾ ਹੈ। ਜਦਕਿ ਡਿਵਾਈਸ ਦੇ 8GB + 256GB ਵੇਰੀਐਂਟ ਦੀ ਕੀਮਤ 40,999 ਰੁਪਏ ਅਤੇ 12GB + 256GB ਵੇਰੀਐਂਟ ਦੀ ਕੀਮਤ 44,999 ਰੁਪਏ ਹੈ।
ਫ਼ੋਨ ਨੂੰ ਤੁਸੀਂ Monsoon Blue ਅਤੇ Northern Lights Purple ਕਲਰ ਵਿੱਚ ਖਰੀਦ ਸਕੋਗੇ। ਫ਼ੋਨ ਦੀ ਪਹਿਲੀ ਸੇਲ Amazon ਅਤੇ Vivo India ਦੀ ਵੈੱਬਸਾਈਟ 'ਤੇ 9 ਅਪ੍ਰੈਲ ਤੋਂ ਸ਼ੁਰੂ ਹੋਵੇਗੀ।
Vivo V70 FE ਦੇ ਸਪੈਸੀਫਿਕੇਸ਼ਨਸ
ਸਪੈਸੀਫਿਕੇਸ਼ਨਸ ਦੀ ਗੱਲ ਕਰੀਏ ਤਾਂ ਵੀਵੋ ਦੇ ਇਸ ਫ਼ੋਨ ਵਿੱਚ 6.83-ਇੰਚ ਦੀ 1.5K OLED ਡਿਸਪਲੇਅ ਮਿਲਦੀ ਹੈ। ਨਾਲ ਹੀ ਫ਼ੋਨ ਵਿੱਚ 120Hz ਤੱਕ ਦਾ ਰਿਫ੍ਰੈਸ਼ ਰੇਟ ਸਪੋਰਟ ਵੀ ਮਿਲ ਰਿਹਾ ਹੈ। ਡਿਵਾਈਸ ਵਿੱਚ 1,900 ਨਿਟਸ ਤੱਕ ਦੀ ਪੀਕ ਬ੍ਰਾਈਟਨੈੱਸ ਮਿਲਦੀ ਹੈ। ਫ਼ੋਨ HDR10+ ਸਪੋਰਟ ਕਰਦਾ ਹੈ।
ਡਿਵਾਈਸ ਨੂੰ ਪਾਵਰ ਦੇਣ ਲਈ ਇਸ ਵਿੱਚ 4nm ਆਕਟਾ-ਕੋਰ MediaTek Dimensity 7360-Turbo ਚਿਪਸੈੱਟ ਮਿਲ ਰਿਹਾ ਹੈ। ਇਸ ਦੇ ਨਾਲ ਫ਼ੋਨ ਵਿੱਚ 12GB ਤੱਕ ਦੀ LPDDR5 RAM ਅਤੇ 512GB ਤੱਕ ਦੀ UFS 3.1 ਸਟੋਰੇਜ ਮਿਲ ਰਹੀ ਹੈ।
Vivo V70 FE ਦੇ ਕੈਮਰਾ ਸਪੈਕਸ
Vivo V70 FE ਵਿੱਚ 200-ਮੈਗਾਪਿਕਸਲ ਦਾ ਪ੍ਰਾਇਮਰੀ ਕੈਮਰਾ ਮਿਲ ਰਹੀ ਹੈ ਜੋ ਇਸਨੂੰ ਕਾਫ਼ੀ ਜ਼ਿਆਦਾ ਖ਼ਾਸ ਬਣਾ ਦਿੰਦਾ ਹੈ। ਨਾਲ ਹੀ ਫ਼ੋਨ ਵਿੱਚ ਆਪਟੀਕਲ ਇਮੇਜ ਸਟੈਬਿਲਾਈਜ਼ੇਸ਼ਨ (OIS) ਵੀ ਮਿਲ ਰਿਹਾ ਹੈ। ਫ਼ੋਨ ਵਿੱਚ ਦੂਜਾ ਕੈਮਰਾ 8-ਮੈਗਾਪਿਕਸਲ ਦਾ ਅਲਟਰਾਵਾਈਡ ਲੈਂਜ਼ ਹੈ।
ਸੈਲਫੀ ਲਈ ਫ਼ੋਨ ਵਿੱਚ ਸਾਹਮਣੇ ਵੱਲ ਵੀ 50-ਮੈਗਾਪਿਕਸਲ ਦਾ ਕੈਮਰਾ ਹੈ। ਹੈਂਡਸੈੱਟ ਵਿੱਚ AI Magic Weather, AI Magic Landscape ਅਤੇ AI Four-Season Portrait ਜਿਹੇ ਕਈ ਖ਼ਾਸ ਫੀਚਰਜ਼ ਵੀ ਮਿਲ ਰਹੇ ਹਨ। ਇਸ ਤੋਂ ਇਲਾਵਾ ਫ਼ੋਨ ਵਿੱਚ 7,000mAh ਬੈਟਰੀ, 90W ਵਾਇਰਡ ਫਾਸਟ ਚਾਰਜਿੰਗ ਅਤੇ ਬਾਈਪਾਸ ਚਾਰਜਿੰਗ ਦਾ ਸਪੋਰਟ ਵੀ ਮਿਲ ਰਿਹਾ ਹੈ।