WhatsApp ਕਾਲ ਰਿਕਾਰਡ ਕਰਨ ਦੀ ਟੈਨਸ਼ਨ ਖ਼ਤਮ! iPhone ਤੇ Android ਲਈ ਆ ਗਈ ਇਹ ਖ਼ਾਸ ਟ੍ਰਿਕ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਨਾਰਮਲ ਕਾਲ ਰਿਕਾਰਡ ਕਰਨ ਦੀ ਸਹੂਲਤ ਤਾਂ ਅੱਜਕੱਲ੍ਹ ਆਸਾਨੀ ਨਾਲ ਮਿਲ ਜਾਂਦੀ ਹੈ, ਪਰ ਕਈ ਵਾਰ WhatsApp 'ਤੇ ਕੀਤੀ ਗਈ ਜ਼ਰੂਰੀ ਗੱਲਬਾਤ ਨੂੰ ਸੇਵ ਕਰਨ ਦੀ ਲੋੜ ਮਹਿਸੂਸ ਹੁੰਦੀ ਹੈ। WhatsApp ਐਪ ਵਿੱਚ ਅਜੇ ਤੱਕ ਕਾਲ ਰਿਕਾਰਡ ਕਰਨ ਦਾ ਕੋਈ ਸਿੱਧਾ ਆਪਸ਼ਨ ਨਹੀਂ ਹੈ। ਅਜਿਹੇ ਵਿੱਚ ਯੂਜ਼ਰਜ਼ ਵੱਖ-ਵੱਖ ਤਰੀਕੇ ਲੱਭਦੇ ਰਹਿੰਦੇ ਹਨ।

ਜੇਕਰ ਤੁਸੀਂ ਵੀ WhatsApp ਕਾਲ ਰਿਕਾਰਡ ਕਰਨਾ ਚਾਹੁੰਦੇ ਹੋ, ਤਾਂ iPhone ਅਤੇ Android ਦੋਵਾਂ ਲਈ ਤੁਸੀਂ ਇੱਕ ਆਸਾਨ ਤਰੀਕਾ ਵਰਤ ਸਕਦੇ ਹੋ। iPhone ਯੂਜ਼ਰਜ਼ ਬਿਨਾਂ ਕਿਸੇ ਬਾਹਰੀ (Third-party) ਐਪ ਦੇ ਕਾਲ ਰਿਕਾਰਡ ਕਰ ਸਕਦੇ ਹਨ, ਜਦਕਿ Android ਯੂਜ਼ਰਜ਼ ਨੂੰ ਇੱਕ ਐਪ ਦੀ ਮਦਦ ਲੈਣੀ ਪਵੇਗੀ।

iPhone ਵਿੱਚ ਕਿਵੇਂ ਰਿਕਾਰਡ ਕਰੀਏ WhatsApp ਕਾਲ?

iPhone ਯੂਜ਼ਰਜ਼ ਆਪਣੇ ਫੋਨ ਦੇ ਕੰਟਰੋਲ ਸੈਂਟਰ ਵਿੱਚ ਮੌਜੂਦ ਇੱਕ ਫੀਚਰ ਰਾਹੀਂ WhatsApp ਕਾਲ ਰਿਕਾਰਡ ਕਰ ਸਕਦੇ ਹਨ। ਇਸ ਦੇ ਲਈ ਹੇਠਾਂ ਦਿੱਤੇ ਸਟੈਪਸ ਫਾਲੋ ਕਰੋ:

ਸਭ ਤੋਂ ਪਹਿਲਾਂ ਆਪਣੇ iPhone ਦੇ Control Center ਵਿੱਚ ਜਾਓ।

ਹੁਣ ਸਿਖਰ 'ਤੇ ਦਿਖਾਈ ਦੇ ਰਹੇ ਪਲੱਸ (+) ਆਈਕਨ 'ਤੇ ਟੈਪ ਕਰੋ।

ਥੋੜ੍ਹਾ ਸਕ੍ਰੋਲ ਕਰੋ ਅਤੇ Local Capture ਟੌਗਲ ਨੂੰ ਐਡ (Add) ਕਰ ਲਓ।

ਹੁਣ Local Capture ਵਾਲੇ ਆਪਸ਼ਨ 'ਤੇ ਹੋਲਡ (ਦਬਾ ਕੇ ਰੱਖੋ) ਕਰੋ ਅਤੇ Audio Only ਦੀ ਚੋਣ ਕਰੋ।

ਜਦੋਂ ਵੀ WhatsApp ਕਾਲ ਰਿਕਾਰਡ ਕਰਨੀ ਹੋਵੇ, ਇਸ ਆਪਸ਼ਨ 'ਤੇ ਟੈਪ ਕਰੋ।

ਇਸ ਤੋਂ ਬਾਅਦ Start Recording 'ਤੇ ਕਲਿੱਕ ਕਰੋ। ਤੁਹਾਡੀ ਕਾਲ ਆਡੀਓ ਰਿਕਾਰਡ ਹੋ ਜਾਵੇਗੀ।

Android ਵਿੱਚ ਕਿਵੇਂ ਰਿਕਾਰਡ ਕਰੀਏ WhatsApp ਕਾਲ?

Android ਫੋਨਾਂ ਵਿੱਚ ਆਈਫੋਨ ਵਰਗਾ ਕੋਈ ਫੀਚਰ ਨਹੀਂ ਹੈ, ਇਸ ਲਈ ਤੁਹਾਨੂੰ ਇੱਕ ਕਾਲ ਰਿਕਾਰਡਿੰਗ ਐਪ ਇੰਸਟਾਲ ਕਰਨੀ ਪਵੇਗੀ:

Google Play Store 'ਤੇ ਜਾ ਕੇ 'App Call Recorder' ਸਰਚ ਕਰੋ।

ਸਭ ਤੋਂ ਪਹਿਲਾਂ ਦਿਖਾਈ ਦੇਣ ਵਾਲੇ ਲਾਲ ਆਈਕਨ ਵਾਲੇ ਐਪ ਨੂੰ ਡਾਊਨਲੋਡ ਕਰੋ।

ਐਪ ਇੰਸਟਾਲ ਕਰਨ ਤੋਂ ਬਾਅਦ, ਇਸ ਨੂੰ ਸਾਰੀਆਂ ਜ਼ਰੂਰੀ ਪਰਮਿਸ਼ਨਾਂ (Permissions) ਦਿਓ।

ਇਸ ਤੋਂ ਬਾਅਦ ਇਹ ਐਪ ਤੁਹਾਡੀਆਂ WhatsApp ਕਾਲਾਂ ਨੂੰ ਆਪਣੇ ਆਪ (Autometic) ਰਿਕਾਰਡ ਕਰਨ ਵਿੱਚ ਮਦਦ ਕਰੇਗਾ।