ਗਰਮੀਆਂ ਦੀ ਤਿਆਰੀ: AC ਦੀ ਵਰਤੋਂ ਕਰਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਰੱਖੋ ਖ਼ਾਸ ਧਿਆਨ, ਬਚੇਗਾ ਪੈਸਾ ਤੇ ਮਿਲੇਗੀ ਜ਼ਿਆਦਾ ਕੂਲਿੰਗ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ: ਗਰਮੀ ਨੇ ਦਸਤਕ ਦੇ ਦਿੱਤੀ ਹੈ ਅਤੇ ਆਉਣ ਵਾਲੇ ਦਿਨਾਂ ਵਿੱਚ AC ਦੀ ਲੋੜ ਵਧਣ ਵਾਲੀ ਹੈ। ਬਹੁਤ ਸਾਰੇ ਲੋਕ ਸਾਲਾਂ ਤੋਂ AC ਦੀ ਵਰਤੋਂ ਕਰ ਰਹੇ ਹਨ, ਪਰ ਉਨ੍ਹਾਂ ਨੂੰ ਇਸ ਦੀ ਪ੍ਰਭਾਵਸ਼ਾਲੀ ਵਰਤੋਂ ਦਾ ਸਹੀ ਤਰੀਕਾ ਨਹੀਂ ਪਤਾ ਹੁੰਦਾ। ਇਹੀ ਕਾਰਨ ਹੈ ਕਿ ਲੋਕ ਬਿਜਲੀ ਦੀ ਜ਼ਿਆਦਾ ਖਪਤ, ਘੱਟ ਕੂਲਿੰਗ ਅਤੇ AC ਦੇ ਵਾਰ-ਵਾਰ ਖਰਾਬ ਹੋਣ ਦੀ ਸ਼ਿਕਾਇਤ ਕਰਦੇ ਹਨ। ਧਿਆਨ ਰੱਖਣ ਯੋਗ ਕੁਝ ਮੁੱਖ ਗੱਲਾਂ ਹੇਠਾਂ ਦਿੱਤੀਆਂ ਗਈਆਂ ਹਨ:

1. ਤਾਪਮਾਨ ਨੂੰ ਸਥਿਰ ਰੱਖੋ

ਕਮਰੇ ਨੂੰ ਜਲਦੀ ਠੰਢਾ ਕਰਨ ਦੇ ਚੱਕਰ ਵਿੱਚ ਲੋਕ ਤਾਪਮਾਨ ਬਹੁਤ ਘੱਟ ਕਰ ਦਿੰਦੇ ਹਨ। ਇਹ ਤਰੀਕਾ ਗਲਤ ਹੈ। AC ਨੂੰ ਇੱਕ ਸਥਿਰ ਤਾਪਮਾਨ (ਜਿਵੇਂ ਕਿ 24 ਡਿਗਰੀ ਸੈਲਸੀਅਸ) 'ਤੇ ਸੈੱਟ ਰੱਖੋ। ਤਾਪਮਾਨ ਜਿੰਨਾ ਨੀਵਾਂ ਹੋਵੇਗਾ, ਬਿਜਲੀ ਦੀ ਖਪਤ ਉਨੀ ਹੀ ਤੇਜ਼ੀ ਨਾਲ ਵਧੇਗੀ।

2. ਸਰਵਿਸਿੰਗ ਹੈ ਬਹੁਤ ਜ਼ਰੂਰੀ

ਏਅਰ ਫਿਲਟਰਾਂ ਨੂੰ ਨਿਯਮਤ ਰੂਪ ਵਿੱਚ ਸਾਫ਼ ਕਰਨਾ ਚਾਹੀਦਾ ਹੈ। ਇਹ ਵੀ ਯਕੀਨੀ ਬਣਾਓ ਕਿ ਏਅਰ ਗ੍ਰਿਲ ਅਤੇ ਵੈਂਟਸ ਕਿਸੇ ਫਰਨੀਚਰ ਜਾਂ ਚੀਜ਼ ਨਾਲ ਬਲਾਕ ਨਾ ਹੋਣ। ਜੇ AC ਵਿੱਚੋਂ ਆਵਾਜ਼ ਆ ਰਹੀ ਹੈ ਜਾਂ ਉਹ ਸਹੀ ਕੰਮ ਨਹੀਂ ਕਰ ਰਿਹਾ, ਤਾਂ ਤੁਰੰਤ ਸਰਵਿਸ ਕਰਵਾਓ।

3. ਸੀਲਿੰਗ ਫੈਨ (ਛੱਤ ਵਾਲੇ ਪੱਖੇ) ਦੀ ਮਦਦ ਲਓ

AC ਦੇ ਨਾਲ ਪੱਖਾ ਚਲਾਉਣ ਨਾਲ ਹਵਾ ਦੀ ਮੂਵਮੈਂਟ ਵਧਦੀ ਹੈ, ਜਿਸ ਨਾਲ ਤਾਪਮਾਨ 2-3 ਡਿਗਰੀ ਘੱਟ ਮਹਿਸੂਸ ਹੁੰਦਾ ਹੈ। ਤੁਸੀਂ AC ਨੂੰ 24 ਡਿਗਰੀ 'ਤੇ ਸੈੱਟ ਕਰਕੇ ਪੱਖੇ ਦੀ ਮਦਦ ਨਾਲ ਕਮਰੇ ਨੂੰ ਵਧੀਆ ਠੰਢਾ ਰੱਖ ਸਕਦੇ ਹੋ ਅਤੇ ਬਿਜਲੀ ਬਚਾ ਸਕਦੇ ਹੋ।

4. ਸਹੀ AC ਯੂਨਿਟ ਦੀ ਚੋਣ

ਜੇਕਰ ਤੁਸੀਂ ਨਵਾਂ AC ਖਰੀਦ ਰਹੇ ਹੋ, ਤਾਂ ਹਮੇਸ਼ਾ 'ਸਟਾਰ ਰੇਟਿੰਗ' ਦਾ ਧਿਆਨ ਰੱਖੋ। ਜ਼ਿਆਦਾ ਸਟਾਰ ਰੇਟਿੰਗ ਵਾਲਾ AC ਨਾ ਸਿਰਫ਼ ਬਿਜਲੀ ਦੀ ਖਪਤ ਘਟਾਉਂਦਾ ਹੈ, ਸਗੋਂ ਲੰਬੇ ਸਮੇਂ ਤੱਕ ਵਧੀਆ ਕੰਮ ਵੀ ਕਰਦਾ ਹੈ।

5. ਆਪਣੀ ਲੋੜ ਅਨੁਸਾਰ ਚੋਣ ਕਰੋ

ਬਾਜ਼ਾਰ ਵਿੱਚ ਵਿੰਡੋ, ਸਪਲਿਟ ਅਤੇ ਪੋਰਟੇਬਲ AC ਦੇ ਕਈ ਆਪਸ਼ਨ ਮੌਜੂਦ ਹਨ। ਆਪਣੇ ਕਮਰੇ ਦੇ ਆਕਾਰ ਅਤੇ ਲੋੜ ਅਨੁਸਾਰ ਹੀ ਸਹੀ ਯੂਨਿਟ ਦੀ ਚੋਣ ਕਰੋ ਤਾਂ ਜੋ ਕੂਲਿੰਗ ਪ੍ਰਭਾਵਸ਼ਾਲੀ ਹੋ ਸਕੇ।