Airtel ਦੇ ਨਵੇਂ ਪਲਾਨ: ਹੁਣ ਸਿਰਫ਼ 5G ਹੀ ਨਹੀਂ... 4G ਵੀ ਚੱਲੇਗਾ ਅਨਲਿਮਟਿਡ, ਮਿਲਣਗੇ ਕਈ ਪ੍ਰੀਮੀਅਮ ਬੈਨੀਫਿਟਸ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ: ਏਅਰਟੈੱਲ ਨੇ ਹੁਣ ਆਪਣੇ ਕੁਝ ਪ੍ਰੀਪੇਡ ਪਲਾਨਸ ਦੇ ਨਾਲ ਅਨਲਿਮਟਿਡ 4G ਡੇਟਾ ਪੇਸ਼ ਕੀਤਾ ਹੈ। ਪਲਾਨ ਪੁਰਾਣੇ ਹੀ ਹਨ, ਬੱਸ ਡੇਟਾ ਦੀ ਸਹੂਲਤ ਨੂੰ ਅਨਲਿਮਟਿਡ ਕਰ ਦਿੱਤਾ ਗਿਆ ਹੈ। ਇਹ ਲਾਭ ਅਨਲਿਮਟਿਡ 4G ਅਤੇ 5G ਦੋਵਾਂ ਲਈ ਹੈ। ਫਿਲਹਾਲ ਇਹ ਸਹੂਲਤ ਦੋ ਪਲਾਨਸ — 399 ਰੁਪਏ ਅਤੇ 449 ਰੁਪਏ ਲਈ ਉਪਲਬਧ ਹੈ। ਇਹ ਦੋਵੇਂ ਪਲਾਨ ਪੂਰੇ ਭਾਰਤ ਵਿੱਚ ਲਾਗੂ ਹਨ। ਆਓ ਦੇਖਦੇ ਹਾਂ ਕਿ ਇਹਨਾਂ ਪਲਾਨਸ ਵਿੱਚ ਕੀ-ਕੀ ਮਿਲੇਗਾ।

ਏਅਰਟੈੱਲ ਦਾ 399 ਰੁਪਏ ਵਾਲਾ ਪਲਾਨ

ਰਿਪੋਰਟਾਂ ਮੁਤਾਬਕ, ਏਅਰਟੈੱਲ ਦੇ 399 ਰੁਪਏ ਦੇ ਪ੍ਰੀਪੇਡ ਪਲਾਨ ਵਿੱਚ ਹੁਣ ਅਨਲਿਮਟਿਡ ਵੌਇਸ ਕਾਲਿੰਗ, ਰੋਜ਼ਾਨਾ 100 SMS ਅਤੇ ਅਨਲਿਮਟਿਡ 4G/5G ਡੇਟਾ ਮਿਲ ਰਿਹਾ ਹੈ।

ਡੇਟਾ ਲਿਮਟ: ਇੱਥੇ ਅਨਲਿਮਟਿਡ ਦਾ ਮਤਲਬ ਹਰ 30 ਦਿਨਾਂ ਵਿੱਚ 300GB ਦੀ ਕਮਰਸ਼ੀਅਲ ਲਿਮਟ ਹੈ।

ਵੈਲਿਡਿਟੀ: ਇਸ ਪਲਾਨ ਦੀ ਸਰਵਿਸ ਵੈਲਿਡਿਟੀ 28 ਦਿਨ ਹੈ।

ਵਾਧੂ ਫਾਇਦੇ: ਇੱਕ ਸਾਲ ਲਈ Adobe Express Premium

Airtel Xstream Play ਦਾ ਮੁਫ਼ਤ ਐਕਸੈਸ

ਮੁਫ਼ਤ Hellotunes

ਏਅਰਟੈੱਲ ਦਾ 449 ਰੁਪਏ ਵਾਲਾ ਪਲਾਨ

ਇਸ ਪਲਾਨ ਦੀ ਸਰਵਿਸ ਵੈਲਿਡਿਟੀ ਵੀ 28 ਦਿਨ ਹੈ। ਇਸ ਵਿੱਚ ਵੀ ਯੂਜ਼ਰਜ਼ ਨੂੰ ਅਨਲਿਮਟਿਡ 4G ਅਤੇ 5G ਡੇਟਾ (300GB ਪ੍ਰਤੀ ਮਹੀਨਾ) ਮਿਲਦਾ ਹੈ। ਨਾਲ ਹੀ ਅਨਲਿਮਟਿਡ ਕਾਲਿੰਗ ਅਤੇ ਰੋਜ਼ਾਨਾ 100 SMS ਦੀ ਸਹੂਲਤ ਵੀ ਹੈ। ਇਸ ਪਲਾਨ ਵਿੱਚ ਕੁਝ ਖਾਸ ਵਾਧੂ ਫਾਇਦੇ ਮਿਲਦੇ ਹਨ:

Google One: 30GB ਕਲਾਊਡ ਸਟੋਰੇਜ

JioHotstar Mobile: 28 ਦਿਨਾਂ ਲਈ ਸਬਸਕ੍ਰਿਪਸ਼ਨ

SonyLIV + 20 OTT: Airtel Xstream play ਰਾਹੀਂ

Apple Music: ਛੇ ਮਹੀਨਿਆਂ ਲਈ ਮੁਫ਼ਤ

ਮੁਫ਼ਤ Hellotunes

4G ਗਾਹਕਾਂ ਨੂੰ ਕੀ ਹੋਵੇਗਾ ਫਾਇਦਾ?

ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਹੁਣ ਨਾਨ-5G (4G) ਗਾਹਕਾਂ ਨੂੰ ਰੋਜ਼ਾਨਾ 1.5GB ਜਾਂ 2GB ਡੇਟਾ ਖਤਮ ਹੋਣ ਤੋਂ ਬਾਅਦ ਇੰਟਰਨੈੱਟ ਦੀ ਘੱਟ ਸਪੀਡ ਤੋਂ ਪਰੇਸ਼ਾਨ ਨਹੀਂ ਹੋਣਾ ਪਵੇਗਾ। ਉਹ 5G ਯੂਜ਼ਰਜ਼ ਵਾਂਗ ਹੀ ਹਾਈ-ਸਪੀਡ 4G ਡੇਟਾ ਦਾ ਅਨੰਦ ਲੈ ਸਕਣਗੇ, ਬੱਸ ਮਹੀਨੇ ਦੀ ਲਿਮਟ 300GB ਤੱਕ ਹੋਵੇਗੀ।