ਸਾਵਧਾਨ! ਤੁਹਾਡਾ Wi-Fi ਪਾਸਵਰਡ ਹੋ ਸਕਦੈ ਚੋਰੀ, ਇੰਝ ਫੜੋ ਇੰਟਰਨੈੱਟ ਦਾ ਮਜ਼ਾ ਲੈਣ ਵਾਲੇ 'ਅਣਜਾਣ ਚੋਰਾਂ' ਨੂੰ!

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਅੱਜ ਦੇ ਡਿਜੀਟਲ ਯੁੱਗ ਵਿੱਚ Wi-Fi ਹਰ ਘਰ ਦੀ ਲੋੜ ਬਣ ਗਿਆ ਹੈ। ਪੜ੍ਹਾਈ ਤੋਂ ਲੈ ਕੇ ਦਫ਼ਤਰ ਦੇ ਕੰਮ ਅਤੇ ਮਨੋਰੰਜਨ ਤੱਕ, ਸਭ ਕੁਝ ਇੰਟਰਨੈੱਟ 'ਤੇ ਨਿਰਭਰ ਹੈ। ਪਰ ਕਈ ਵਾਰ ਚੰਗਾ ਪਲਾਨ ਹੋਣ ਦੇ ਬਾਵਜੂਦ ਇੰਟਰਨੈੱਟ ਦੀ ਸਪੀਡ ਅਚਾਨਕ ਘੱਟ ਜਾਂਦੀ ਹੈ। ਵੀਡੀਓ ਬਫਰਿੰਗ ਅਤੇ ਕਾਲ ਡਰਾਪ ਵਰਗੀਆਂ ਸਮੱਸਿਆਵਾਂ ਆਉਣ ਲੱਗਦੀਆਂ ਹਨ। ਟੈਕ ਮਾਹਿਰਾਂ ਅਨੁਸਾਰ, ਇਸ ਦਾ ਇੱਕ ਵੱਡਾ ਕਾਰਨ ਕੋਈ ਅਣਜਾਣ ਯੂਜ਼ਰ ਹੋ ਸਕਦਾ ਹੈ ਜੋ ਤੁਹਾਡੀ ਇਜਾਜ਼ਤ ਤੋਂ ਬਿਨਾਂ ਤੁਹਾਡਾ ਨੈੱਟਵਰਕ ਵਰਤ ਰਿਹਾ ਹੈ। ਇਹ ਨਾ ਸਿਰਫ਼ ਸਪੀਡ ਘਟਾਉਂਦਾ ਹੈ, ਸਗੋਂ ਤੁਹਾਡੀ ਨਿੱਜਤਾ (Privacy) ਲਈ ਵੀ ਖ਼ਤਰਾ ਹੈ।

ਟੈਕ ਮਾਹਿਰਾਂ ਦਾ ਕਹਿਣਾ ਹੈ ਕਿ Wi-Fi ਸਲੋ ਹੋਣ ਦਾ ਇੱਕ ਵੱਡਾ ਕਾਰਨ ਕੋਈ ਅਣਜਾਣ ਯੂਜ਼ਰ ਜਾਂ ਅਜਿਹੇ ਡਿਵਾਈਸ ਹੋ ਸਕਦੇ ਹਨ, ਜੋ ਤੁਹਾਡੀ ਜਾਣਕਾਰੀ ਤੋਂ ਬਿਨਾਂ ਤੁਹਾਡੇ ਨੈੱਟਵਰਕ ਨਾਲ ਜੁੜੇ ਹੋਏ ਹਨ। ਇਹ ਸਥਿਤੀ ਤੁਹਾਡੇ ਲਈ ਦੋ ਤਰ੍ਹਾਂ ਨਾਲ ਨੁਕਸਾਨਦੇਹ ਹੈ:

ਇੰਟਰਨੈੱਟ ਦੀ ਰਫ਼ਤਾਰ: ਜਿੰਨੇ ਜ਼ਿਆਦਾ ਡਿਵਾਈਸ ਜੁੜਨਗੇ, ਤੁਹਾਡੇ ਇੰਟਰਨੈੱਟ ਦੀ ਬੈਂਡਵਿਡਥ (Bandwidth) ਓਨੀ ਹੀ ਵੰਡੀ ਜਾਵੇਗੀ, ਜਿਸ ਨਾਲ ਸਪੀਡ ਘੱਟ ਜਾਵੇਗੀ।

ਸੁਰੱਖਿਆ ਦਾ ਖ਼ਤਰਾ: ਇਹ ਤੁਹਾਡੀ ਆਨਲਾਈਨ ਪ੍ਰਾਈਵੇਸੀ ਅਤੇ ਡੇਟਾ ਦੀ ਸੁਰੱਖਿਆ ਲਈ ਵੀ ਇੱਕ ਵੱਡਾ ਖ਼ਤਰਾ ਹੈ। ਕੋਈ ਅਣਜਾਣ ਵਿਅਕਤੀ ਤੁਹਾਡੇ ਨੈੱਟਵਰਕ ਰਾਹੀਂ ਤੁਹਾਡੀ ਨਿੱਜੀ ਜਾਣਕਾਰੀ ਤੱਕ ਪਹੁੰਚ ਸਕਦਾ ਹੈ।

ਕਿਵੇਂ ਪਛਾਣੋ Wi-Fi ਨਾਲ ਜੁੜੇ ਚੋਰਾਂ ਨੂੰ?

ਸਭ ਤੋਂ ਪਹਿਲਾਂ ਆਪਣੇ ਮੋਬਾਈਲ, ਲੈਪਟਾਪ ਅਤੇ ਸਮਾਰਟ ਟੀਵੀ ਦੇ MAC Address ਅਤੇ IP Address ਨੂੰ ਕਿਤੇ ਨੋਟ ਕਰ ਲਓ ਤਾਂ ਜੋ ਤੁਸੀਂ ਆਪਣੇ ਡਿਵਾਈਸਾਂ ਦੀ ਪਛਾਣ ਕਰ ਸਕੋ।

ਰਾਊਟਰ ਲੌਗ-ਇਨ: ਆਪਣੇ ਬ੍ਰਾਊਜ਼ਰ ਵਿੱਚ ਵਾਈ-ਫਾਈ ਰਾਊਟਰ ਦਾ IP ਐਡਰੈੱਸ ਪਾ ਕੇ ਐਡਮਿਨ ਪੈਨਲ ਵਿੱਚ ਲੌਗ-ਇਨ ਕਰੋ।

ਡਿਵਾਈਸ ਲਿਸਟ ਚੈੱਕ ਕਰੋ: ਰਾਊਟਰ ਦੀਆਂ ਸੈਟਿੰਗਾਂ ਵਿੱਚ ਜਾ ਕੇ ‘Device List’ ਜਾਂ ‘DHCP Client List’ ਸੈਕਸ਼ਨ ਖੋਲ੍ਹੋ।

ਅਣਜਾਣ ਡਿਵਾਈਸ ਦੀ ਪਛਾਣ: ਇੱਥੇ ਤੁਹਾਨੂੰ ਉਨ੍ਹਾਂ ਸਾਰੇ ਡਿਵਾਈਸਾਂ ਦੀ ਸੂਚੀ ਮਿਲੇਗੀ ਜੋ ਤੁਹਾਡੇ ਨੈੱਟਵਰਕ ਨਾਲ ਜੁੜੇ ਹੋਏ ਹਨ। ਜੇਕਰ ਕੋਈ ਅਜਿਹਾ ਨਾਮ ਦਿਖਾਈ ਦੇਵੇ ਜੋ ਤੁਹਾਡਾ ਨਹੀਂ ਹੈ, ਤਾਂ ਸਮਝੋ ਕੋਈ ਤੁਹਾਡਾ ਡਾਟਾ ਚੋਰੀ ਕਰ ਰਿਹਾ ਹੈ।

ਪਾਸਵਰਡ ਬਦਲੋ: ਅਣਜਾਣ ਡਿਵਾਈਸ ਦਿਖਦੇ ਹੀ ਤੁਰੰਤ ਆਪਣਾ Wi-Fi ਪਾਸਵਰਡ ਬਦਲ ਦਿਓ। ਨਵਾਂ ਪਾਸਵਰਡ ਮਜ਼ਬੂਤ ਰੱਖੋ, ਜਿਸ ਵਿੱਚ ਅੱਖਰ (Capital & Small), ਨੰਬਰ ਅਤੇ ਸਪੈਸ਼ਲ ਕਰੈਕਟਰ (@, #, $) ਸ਼ਾਮਲ ਹੋਣ।