ਹੁਣ ਲਾਈਨਾਂ 'ਚ ਲੱਗਣ ਦੀ ਲੋੜ ਨਹੀਂ, ਜਾਣੋ ਆਧਾਰ ਕਾਰਡ 'ਚ ਮੋਬਾਈਲ ਨੰਬਰ ਬਦਲਣ ਦਾ ਸੌਖਾ ਤਰੀਕਾ; ਸਿਰਫ਼ 75 'ਚ ਘਰ ਬੈਠੇ ਹੋ ਜਾਵੇਗਾ ਕੰਮ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਯੂਨੀਕ ਆਈਡੈਂਟੀਫਿਕੇਸ਼ਨ ਅਥਾਰਟੀ ਆਫ ਇੰਡੀਆ (UIDAI) ਨੇ ਕੁਝ ਸਮਾਂ ਪਹਿਲਾਂ ਇੱਕ ਨਵੀਂ 'ਆਧਾਰ ਮੋਬਾਈਲ ਐਪ' ਪੇਸ਼ ਕੀਤੀ ਹੈ, ਜੋ ਹੁਣ ਯੂਜ਼ਰਜ਼ ਨੂੰ ਕਈ ਸੁਵਿਧਾਵਾਂ ਦੇ ਰਹੀ ਹੈ। ਨਵੇਂ ਅਪਡੇਟਿਡ ਵਰਜ਼ਨ ਤੋਂ ਬਾਅਦ ਇਸ ਵਿੱਚ ਕੁਝ ਨਵੀਆਂ ਵਿਸ਼ੇਸ਼ਤਾਵਾਂ ਵੀ ਜੋੜੀਆਂ ਗਈਆਂ ਹਨ। ਨਾਲ ਹੀ ਇਸ ਦਾ ਇੰਟਰਫੇਸ ਵੀ ਕਾਫੀ ਆਸਾਨ ਅਤੇ ਬਿਹਤਰ ਹੈ। ਹਾਲਾਂਕਿ, ਐਪ ਦੇ ਲੇਆਉਟ ਵਿੱਚ ਬਦਲਾਅ ਕਾਰਨ ਕੁਝ ਫੀਚਰਜ਼ ਹੁਣ ਪਹਿਲਾਂ ਨਾਲੋਂ ਵੱਖਰੀ ਜਗ੍ਹਾ 'ਤੇ ਦਿਖਾਈ ਦੇ ਰਹੇ ਹਨ। ਅਜਿਹੇ 'ਚ ਕਈ ਯੂਜ਼ਰਜ਼ ਦੇ ਮਨ 'ਚ ਸਵਾਲ ਹੈ ਕਿ ਕੀ ਆਧਾਰ ਨਾਲ ਲਿੰਕ ਮੋਬਾਈਲ ਨੰਬਰ ਅਪਡੇਟ ਕਰਨ ਦਾ ਤਰੀਕਾ ਵੀ ਬਦਲ ਗਿਆ ਹੈ? ਆਓ ਜਾਣਦੇ ਹਾਂ...

Services ਸੈਕਸ਼ਨ ਵਿੱਚ ਮਿਲ ਰਿਹਾ ਹੈ ਆਪਸ਼ਨ

ਦਰਅਸਲ, ਮੋਬਾਈਲ ਨੰਬਰ ਅਪਡੇਟ ਕਰਨ ਦੀ ਪ੍ਰਕਿਰਿਆ ਪਹਿਲਾਂ ਵਰਗੀ ਹੀ ਹੈ, ਪਰ ਹੁਣ ਇਹ ਆਪਸ਼ਨ ਐਪ ਦੇ Services ਸੈਕਸ਼ਨ ਵਿੱਚ ਦਿਖਾਈ ਦੇ ਰਿਹਾ ਹੈ। ਇਸ ਨਵੇਂ ਫੀਚਰ ਦੀ ਮਦਦ ਨਾਲ ਯੂਜ਼ਰਜ਼ ਘਰ ਬੈਠੇ ਹੀ ਆਪਣੇ ਆਧਾਰ ਨਾਲ ਲਿੰਕ ਮੋਬਾਈਲ ਨੰਬਰ ਅਪਡੇਟ ਕਰਨ ਦੀ ਬੇਨਤੀ (Request) ਭੇਜ ਸਕਦੇ ਹਨ, ਜਿਸ ਨਾਲ ਆਧਾਰ ਸੇਵਾ ਕੇਂਦਰ ਜਾਣ ਦੀ ਜ਼ਰੂਰਤ ਲਗਪਗ ਖ਼ਤਮ ਹੋ ਜਾਂਦੀ ਹੈ।

ਆਧਾਰ ਨੰਬਰ ਨੂੰ ਵੈਰੀਫਾਈ ਕਰਨਾ ਵੀ ਆਸਾਨ

ਇੰਨਾ ਹੀ ਨਹੀਂ, ਨਵੇਂ ਅਪਡੇਟ ਵਿੱਚ UIDAI ਨੇ ਐਪ ਵਿੱਚ ਕਈ ਉਪਯੋਗੀ ਫੀਚਰਜ਼ ਜੋੜੇ ਹਨ। ਹੁਣ ਯੂਜ਼ਰਜ਼ ਐਪ ਰਾਹੀਂ ਕਿਸੇ ਵੀ ਆਧਾਰ ਨੰਬਰ ਨੂੰ ਵੈਰੀਫਾਈ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ, ਆਪਣੇ ਬਾਇਓਮੈਟ੍ਰਿਕ ਡੇਟਾ ਨੂੰ ਲੌਕ ਅਤੇ ਅਨਲਾਕ ਕਰਨ ਦਾ ਆਪਸ਼ਨ ਵੀ ਮਿਲ ਜਾਂਦਾ ਹੈ। ਇਹਨਾਂ ਸਹੂਲਤਾਂ ਕਾਰਨ ਆਧਾਰ ਨਾਲ ਜੁੜੀਆਂ ਕਈ ਜ਼ਰੂਰੀ ਸੇਵਾਵਾਂ ਹੁਣ ਸਿੱਧੇ ਮੋਬਾਈਲ ਐਪ ਤੋਂ ਹੀ ਵਰਤੀਆਂ ਜਾ ਸਕਦੀਆਂ ਹਨ।

ਆਧਾਰ ਨਾਲ ਲਿੰਕ ਮੋਬਾਈਲ ਨੰਬਰ ਕਿਵੇਂ ਅਪਡੇਟ ਕਰੀਏ?

ਜੇਕਰ ਤੁਸੀਂ ਆਧਾਰ ਨਾਲ ਲਿੰਕ ਮੋਬਾਈਲ ਨੰਬਰ ਨੂੰ ਅਪਡੇਟ ਕਰਨਾ ਚਾਹੁੰਦੇ ਹੋ ਤਾਂ ਇਹਨਾਂ ਸਟੈਪਸ ਨੂੰ ਫਾਲੋ ਕਰੋ:

ਸਭ ਤੋਂ ਪਹਿਲਾਂ ਆਪਣੇ ਮੋਬਾਈਲ ਵਿੱਚ Aadhaar Mobile App ਡਾਊਨਲੋਡ ਕਰਕੇ ਓਪਨ ਕਰੋ।

ਇਸ ਤੋਂ ਬਾਅਦ ਐਪ ਦੇ ਹੋਮ ਪੇਜ 'ਤੇ ਹੇਠਾਂ ਦਿੱਤੇ Services ਟੈਬ 'ਤੇ ਜਾਓ।

ਇੱਥੇ ਤੁਹਾਨੂੰ Mobile Number Update ਦਾ ਆਪਸ਼ਨ ਦਿਖਾਈ ਦੇਵੇਗਾ, ਉਸ 'ਤੇ ਕਲਿੱਕ ਕਰੋ।

ਇਸ ਤੋਂ ਬਾਅਦ Continue to Update Mobile Number 'ਤੇ ਟੈਪ ਕਰੋ।

ਹੁਣ ਇੱਥੇ ਉਹ ਨਵਾਂ ਮੋਬਾਈਲ ਨੰਬਰ ਦਰਜ ਕਰੋ ਜਿਸ ਨੂੰ ਤੁਸੀਂ ਆਧਾਰ ਨਾਲ ਲਿੰਕ ਕਰਨਾ ਚਾਹੁੰਦੇ ਹੋ।

ਦਰਜ ਕੀਤੇ ਨੰਬਰ 'ਤੇ ਆਉਣ ਵਾਲਾ OTP ਭਰ ਕੇ ਵੈਰੀਫਿਕੇਸ਼ਨ ਪੂਰੀ ਕਰੋ।

ਇਸ ਤੋਂ ਬਾਅਦ ਸਕ੍ਰੀਨ 'ਤੇ ਦੱਸੇ ਗਏ ਆਥੈਂਟੀਕੇਸ਼ਨ ਸਟੈਪਸ ਨੂੰ ਫਾਲੋ ਕਰੋ।

ਦੇਣੀ ਪਵੇਗੀ ₹75 ਦੀ ਫੀਸ

ਪ੍ਰਕਿਰਿਆ ਪੂਰੀ ਹੋਣ ਤੋਂ ਬਾਅਦ ਤੁਹਾਡੀ ਬੇਨਤੀ UIDAI ਨੂੰ ਭੇਜ ਦਿੱਤੀ ਜਾਵੇਗੀ। ਇਸ ਸਹੂਲਤ ਲਈ ਯੂਜ਼ਰਜ਼ ਨੂੰ ਲਗਪਗ ₹75 ਦੀ ਫੀਸ ਦੇਣੀ ਪਵੇਗੀ। ਆਮ ਤੌਰ 'ਤੇ ਮੋਬਾਈਲ ਨੰਬਰ ਅਪਡੇਟ ਹੋਣ ਵਿੱਚ 10 ਤੋਂ 15 ਦਿਨ ਦਾ ਸਮਾਂ ਲੱਗ ਸਕਦਾ ਹੈ। ਇੰਨਾ ਹੀ ਨਹੀਂ, ਤੁਸੀਂ ਬੇਨਤੀ ਜਮ੍ਹਾਂ ਕਰਨ ਤੋਂ ਬਾਅਦ ਐਪ ਤੋਂ ਹੀ ਆਪਣੇ ਅਪਡੇਟ ਦਾ ਸਟੇਟਸ (Status) ਵੀ ਦੇਖ ਸਕਦੇ ਹੋ।