ਜਦੋਂ ਡਰੋਨ ਤੇ ਮਿਜ਼ਾਈਲਾਂ ਰਸਤਾ ਭੁੱਲ ਜਾਣ... ਕੀ ਹੈ GPS Jamming? ਦੁਸ਼ਮਣ ਨੂੰ ਉਲਝਾਉਣ ਵਾਲੀ 'ਖ਼ਤਰਨਾਕ ਟੈਕਨਾਲੋਜੀ'
ਈਰਾਨ ਅਤੇ ਅਮਰੀਕਾ-ਇਜ਼ਰਾਈਲ ਵਿਚਾਲੇ ਵਧਦੇ ਤਣਾਅ ਦੇ ਵਿਚਕਾਰ ਇੱਕ ਨਵੀਂ ਟੈਕਨਾਲੋਜੀ ਹੁਣ ਕਾਫੀ ਚਰਚਾ ਵਿੱਚ ਆ ਗਈ ਹੈ। ਜੀ ਹਾਂ, ਅਸੀਂ ਗੱਲ ਕਰ ਰਹੇ ਹਾਂ GPS ਜਾਮਿੰਗ ਦੀ। ਹਾਲੀਆ ਰਿਪੋਰਟਾਂ ਤੋਂ ਪਤਾ ਲੱਗਦਾ ਹੈ ਕਿ ਇਸ ਟੈਕਨਾਲੋਜੀ ਦੀ ਵਰਤੋਂ ਦੁਸ਼ਮਣ ਦੇ ਡਰੋਨਾਂ ਅਤੇ ਮਿਜ਼ਾਈਲਾਂ ਨੂੰ ਭੰਬਲਭੂਸੇ ਵਿੱਚ ਪਾਉਣ ਲਈ ਕੀਤੀ ਜਾ ਰਹੀ ਹੈ, ਜਿਸ ਨਾਲ ਉਹ ਆਪਣੇ ਨਿਸ਼ਾਨੇ ਤੱਕ ਸਹੀ ਤਰੀਕੇ ਨਾਲ ਨਹੀਂ ਪਹੁੰਚ ਪਾਉਂਦੇ।
Posted By Neha Diwan
Publish Date: Tue, 17 Mar 2026 12:21 PM (IST)
Updated Date: Tue, 17 Mar 2026 01:47 PM (IST)
ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਈਰਾਨ ਅਤੇ ਅਮਰੀਕਾ-ਇਜ਼ਰਾਈਲ ਵਿਚਾਲੇ ਵਧਦੇ ਤਣਾਅ ਦੇ ਵਿਚਕਾਰ ਇੱਕ ਨਵੀਂ ਟੈਕਨਾਲੋਜੀ ਹੁਣ ਕਾਫੀ ਚਰਚਾ ਵਿੱਚ ਆ ਗਈ ਹੈ। ਜੀ ਹਾਂ, ਅਸੀਂ ਗੱਲ ਕਰ ਰਹੇ ਹਾਂ GPS Jamming ਦੀ। ਹਾਲੀਆ ਰਿਪੋਰਟਾਂ ਤੋਂ ਪਤਾ ਲੱਗਦਾ ਹੈ ਕਿ ਇਸ ਟੈਕਨਾਲੋਜੀ ਦੀ ਵਰਤੋਂ ਦੁਸ਼ਮਣ ਦੇ ਡਰੋਨਾਂ ਅਤੇ ਮਿਜ਼ਾਈਲਾਂ ਨੂੰ ਭੰਬਲਭੂਸੇ ਵਿੱਚ ਪਾਉਣ ਲਈ ਕੀਤੀ ਜਾ ਰਹੀ ਹੈ, ਜਿਸ ਨਾਲ ਉਹ ਆਪਣੇ ਨਿਸ਼ਾਨੇ ਤੱਕ ਸਹੀ ਤਰੀਕੇ ਨਾਲ ਨਹੀਂ ਪਹੁੰਚ ਪਾਉਂਦੇ। ਅਜਿਹੇ 'ਚ ਇਹ ਸਵਾਲ ਉੱਠਣਾ ਸੁਭਾਵਿਕ ਹੈ ਕਿ ਆਖਿਰ GPS ਜੈਮਿੰਗ ਹੈ ਕੀ ਅਤੇ ਇਹ ਖ਼ਤਰਨਾਕ ਟੈਕਨਾਲੋਜੀ ਕਿਵੇਂ ਕੰਮ ਕਰਦੀ ਹੈ। ਆਓ ਅੱਜ ਇਸ ਬਾਰੇ ਵਿਸਥਾਰ ਨਾਲ ਜਾਣਦੇ ਹਾਂ...
ਪਹਿਲਾਂ ਸਮਝੋ ਕੀ ਹੈ GPS ਜਾਮਿੰਗ?
ਦਰਅਸਲ, GPS ਜੈਮਿੰਗ ਇੱਕ ਇਲੈਕਟ੍ਰਾਨਿਕ ਟੈਕਨਾਲੋਜੀ ਹੈ, ਜਿਸਦਾ ਮਕਸਦ GPS ਸਿਗਨਲ ਨੂੰ ਬਲਾਕ ਕਰਨਾ ਹੈ। ਇਸ ਰਾਹੀਂ ਕਿਸੇ ਖਾਸ ਖੇਤਰ ਵਿੱਚ GPS ਅਧਾਰਤ ਡਿਵਾਈਸਾਂ ਜਿਵੇਂ ਕਿ ਮੋਬਾਈਲ, ਨੇਵੀਗੇਸ਼ਨ ਸਿਸਟਮ ਜਾਂ ਡਰੋਨ ਨੂੰ ਗਲਤ ਲੋਕੇਸ਼ਨ ਦਿਖਾਈ ਜਾ ਸਕਦੀ ਹੈ ਜਾਂ ਉਹਨਾਂ ਦਾ ਸਿਗਨਲ ਪੂਰੀ ਤਰ੍ਹਾਂ ਬੰਦ ਕੀਤਾ ਜਾ ਸਕਦਾ ਹੈ। ਸੌਖੇ ਸ਼ਬਦਾਂ ਵਿੱਚ ਕਹੀਏ ਤਾਂ ਇਹ ਟੈਕਨਾਲੋਜੀ GPS ਸਿਸਟਮ ਨੂੰ ਉਲਝਾ ਦਿੰਦੀ ਹੈ, ਜਿਸ ਨਾਲ ਡਿਵਾਈਸ ਸਹੀ ਦਿਸ਼ਾ ਵਿੱਚ ਕੰਮ ਨਹੀਂ ਕਰ ਪਾਉਂਦੀ।
ਕਿਵੇਂ ਕੰਮ ਕਰਦੀ ਹੈ GPS ਜਾਮਿੰਗ ਟੈਕਨਾਲੋਜੀ?
ਰੇਡੀਓ ਸਿਗਨਲ ਦੀ ਵਰਤੋਂ: GPS ਜਾਮਿੰਗ ਵਿੱਚ ਹਾਈ-ਫ੍ਰੀਕੁਐਂਸੀ ਰੇਡੀਓ ਸਿਗਨਲਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ।
ਸਿਗਨਲ ਨੂੰ ਦਬਾਉਣਾ: ਇਹ ਸਿਗਨਲ ਅਸਲੀ GPS ਸਿਗਨਲਾਂ ਨੂੰ ਦਬਾ ਦਿੰਦੇ ਹਨ, ਜਿਸ ਕਾਰਨ ਡਿਵਾਈਸ ਗਲਤ ਡੇਟਾ ਇਕੱਠਾ ਕਰਨ ਲੱਗ ਪੈਂਦੀ ਹੈ।
ਨਕਲੀ ਸਿਗਨਲ: ਜੈਮਿੰਗ ਡਿਵਾਈਸ ਨਕਲੀ ਜਾਂ ਬਹੁਤ ਜ਼ਿਆਦਾ ਤਾਕਤਵਰ ਸਿਗਨਲ ਭੇਜਦੀ ਹੈ, ਜਿਸ ਨਾਲ ਅਸਲੀ GPS ਸਿਗਨਲ ਕਮਜ਼ੋਰ ਪੈ ਜਾਂਦਾ ਹੈ।
ਇਹ ਟੈਕਨਾਲੋਜੀ ਡਿਵਾਈਸ ਨੂੰ ਗਲਤ ਲੋਕੇਸ਼ਨ ਜਾਂ ਦਿਸ਼ਾ ਦਿਖਾਉਣ ਲੱਗਦੀ ਹੈ। ਇਸ ਦਾ ਸਭ ਤੋਂ ਵੱਧ ਅਸਰ ਉਨ੍ਹਾਂ ਡਿਵਾਈਸਾਂ 'ਤੇ ਪੈਂਦਾ ਹੈ ਜੋ ਸਹੀ ਲੋਕੇਸ਼ਨ 'ਤੇ ਬਹੁਤ ਜ਼ਿਆਦਾ ਨਿਰਭਰ ਹੁੰਦੇ ਹਨ, ਜਿਵੇਂ ਕਿ ਡਰੋਨ, ਮਿਜ਼ਾਈਲਾਂ ਅਤੇ ਨੇਵੀਗੇਸ਼ਨ ਸਿਸਟਮ।
ਜੰਗ ਵਿੱਚ ਹੋ ਰਹੀ ਹੈ ਵਰਤੋਂ
ਪਿਛਲੇ ਕੁਝ ਸਮੇਂ ਵਿੱਚ GPS ਜੈਮਿੰਗ ਟੈਕਨਾਲੋਜੀ ਦੀ ਵਰਤੋਂ ਤੇਜ਼ੀ ਨਾਲ ਵਧੀ ਹੈ। ਮਾਹਿਰਾਂ ਅਨੁਸਾਰ, ਇਹ ਟੈਕਨਾਲੋਜੀ ਦੁਸ਼ਮਣ ਦੇ ਹਥਿਆਰਾਂ ਨੂੰ ਭਟਕਾਉਣ ਦਾ ਇੱਕ ਸਸਤਾ ਅਤੇ ਪ੍ਰਭਾਵਸ਼ਾਲੀ ਤਰੀਕਾ ਬਣ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਟੈਕਨਾਲੋਜੀ ਦੀ ਵਰਤੋਂ ਕਾਰਨ ਕੁਝ ਮਾਮਲਿਆਂ ਵਿੱਚ ਡਰੋਨ ਜਾਂ ਮਿਜ਼ਾਈਲਾਂ ਆਪਣੇ ਨਿਸ਼ਾਨੇ ਤੋਂ ਭਟਕ ਗਈਆਂ ਅਤੇ ਕਈ ਕਿਲੋਮੀਟਰ ਦੂਰ ਜਾ ਡਿੱਗੀਆਂ। ਇਸ ਦਾ ਮੁੱਖ ਕਾਰਨ GPS ਸਿਗਨਲ ਵਿੱਚ ਹੋਈ ਗੜਬੜੀ ਨੂੰ ਦੱਸਿਆ ਜਾ ਰਿਹਾ ਹੈ।
ਆਮ ਲੋਕਾਂ 'ਤੇ ਇਸ ਟੈਕਨਾਲੋਜੀ ਦਾ ਕੀ ਅਸਰ?
GPS ਜੈਮਿੰਗ ਦਾ ਅਸਰ ਸਿਰਫ਼ ਜੰਗ ਤੱਕ ਹੀ ਸੀਮਤ ਨਹੀਂ ਹੈ। ਇਸ ਦਾ ਅਸਰ ਆਮ ਲੋਕਾਂ 'ਤੇ ਵੀ ਪੈ ਸਕਦਾ ਹੈ:
ਮੋਬਾਈਲ ਵਿੱਚ ਗਲਤ ਲੋਕੇਸ਼ਨ ਦਿਖਾਈ ਦੇ ਸਕਦੀ ਹੈ।
ਕੈਬ (Cab) ਬੁਕਿੰਗ ਜਾਂ ਮੈਪਸ (Maps) ਵਿੱਚ ਦਿਸ਼ਾ ਗਲਤ ਹੋ ਸਕਦੀ ਹੈ।
ਫਲਾਈਟਾਂ ਅਤੇ ਸਮੁੰਦਰੀ ਜਹਾਜ਼ਾਂ ਦੇ ਨੇਵੀਗੇਸ਼ਨ ਵਿੱਚ ਦਿੱਕਤ ਆ ਸਕਦੀ ਹੈ।