BIS 'ਤੇ ਲਿਸਟ ਹੋਇਆ Jio ਦਾ ਨਵਾਂ ਸਸਤਾ ਫੀਚਰ ਫੋਨ, Bharat B2 ਨਾਂ ਨਾਲ ਬਾਜ਼ਾਰ 'ਚ ਜਲਦ ਕਰੇਗਾ ਐਂਟਰੀ

ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ : ਰਿਲਾਇੰਸ ਜਲਦੀ ਹੀ ਸਸਤੇ ਫੀਚਰ ਫੋਨ Jio Bharat B2 ਨੂੰ ਲਾਂਚ ਕਰੇਗੀ। ਫਿਲਹਾਲ ਇਸ ਫੋਨ ਨੂੰ ਲੈ ਕੇ ਕੰਪਨੀ ਵੱਲੋਂ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਗਈ ਹੈ। ਹੁਣ ਇੱਕ ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਜੀਓ ਦੇ ਇਸ ਫੀਚਰ ਫੋਨ ਨੂੰ ਸਰਟੀਫਿਕੇਸ਼ਨ ਸਾਈਟ 'ਤੇ ਦੇਖਿਆ ਗਿਆ ਹੈ।

ਇਸ ਫੋਨ ਨੂੰ ਲੈ ਕੇ ਸਰਟੀਫਿਕੇਸ਼ਨ 'ਚ ਜ਼ਿਆਦਾ ਜਾਣਕਾਰੀ ਨਹੀਂ ਹੈ। ਹਾਲਾਂਕਿ, ਅਕਤੂਬਰ 2023 ਵਿੱਚ ਲਾਂਚ ਕੀਤੇ ਗਏ Jio Bharat B1 ਦੀ ਤੁਲਨਾ ਵਿੱਚ ਇਹ ਫੋਨ ਕਈ ਅਪਗ੍ਰੇਡਾਂ ਦੇ ਨਾਲ ਪੇਸ਼ ਕੀਤਾ ਜਾਵੇਗਾ।

BIS ’ਚ ਲਿਸਟ ਹੋਇਆ ਜੀਓ ਦਾ ਅਪਕਮਿੰਗ ਫੋਨ

ਰਿਪੋਰਟਾਂ ਦੀ ਮੰਨੀਏ ਤਾਂ Jio ਦੇ ਨਵੇਂ ਫੋਨ ਨੂੰ ਮਾਡਲ ਨੰਬਰ JBB121B1 ਦੇ ਨਾਲ ਬਿਊਰੋ ਆਫ ਇੰਡੀਅਨ ਸਟੈਂਡਰਡਸ (BIS) ਵਿੱਚ ਲਿਸਟ ਕੀਤਾ ਗਿਆ ਹੈ। ਇਸ ਲਿਸਟਿੰਗ 'ਚ Jio ਫੋਨ ਬਾਰੇ ਜ਼ਿਆਦਾ ਜਾਣਕਾਰੀ ਨਹੀਂ ਹੈ।

ਖਬਰਾਂ ਮੁਤਾਬਕ ਇਸ ਫੋਨ ਨੂੰ ਭਾਰਤ 'ਚ Jio Bharat B2 ਦੇ ਨਾਂ ਨਾਲ ਲਾਂਚ ਕੀਤਾ ਜਾ ਸਕਦਾ ਹੈ। ਸੰਭਵ ਹੈ ਕਿ ਕੰਪਨੀ ਆਉਣ ਵਾਲੇ ਦਿਨਾਂ 'ਚ ਫੋਨ ਦੇ ਸਪੈਸੀਫਿਕੇਸ਼ਨ ਤੇ ਫੀਚਰਜ਼ ਬਾਰੇ ਜਾਣਕਾਰੀ ਸਾਂਝੀ ਕਰ ਸਕਦੀ ਹੈ।

ਬਿਊਰੋ ਆਫ ਇੰਡੀਅਨ ਸਟੈਂਡਰਡ (BIS) ਕੀ ਹੈ?

ਬਿਊਰੋ ਆਫ਼ ਇੰਡੀਅਨ ਸਟੈਂਡਰਡਜ਼ (ਬੀਆਈਐਸ) ਦੇਸ਼ ਦੀ ਰਾਸ਼ਟਰੀ ਮਾਪਦੰਡ ਨਿਰਧਾਰਤ ਕਰਨ ਵਾਲੀ ਸੰਸਥਾ ਹੈ। ਇਸ ਦੀ ਸਥਾਪਨਾ 1974 ਵਿੱਚ ਕੀਤੀ ਗਈ ਸੀ। ਪਹਿਲਾਂ ਇਸ ਨੂੰ ਇੰਡੀਅਨ ਸਟੈਂਡਰਡਜ਼ ਇੰਸਟੀਚਿਊਟ (ਆਈਐਸਆਈ) ਵਜੋਂ ਜਾਣਿਆ ਜਾਂਦਾ ਸੀ। ਇਹ ਸੰਸਥਾ ਖਪਤਕਾਰ ਮਾਮਲੇ, ਖੁਰਾਕ ਅਤੇ ਜਨਤਕ ਵੰਡ ਮੰਤਰਾਲੇ ਦੇ ਅਧੀਨ ਕੰਮ ਕਰਦੀ ਹੈ।

Jio Bharat B1 ਦੇ ਫੀਚਰਜ਼

Jio Bharat B1 ਸਮਾਰਟਫੋਨ ਨੂੰ 4G ਕਨੈਕਟੀਵਿਟੀ ਤੇ UPI ਪੇਮੈਂਟ ਸਪੋਰਟ ਨਾਲ ਪੇਸ਼ ਕੀਤਾ ਗਿਆ ਹੈ। ਇਹ ਫੋਨ 23 ਭਾਰਤੀ ਭਾਸ਼ਾਵਾਂ ਨੂੰ ਸਪੋਰਟ ਕਰਦਾ ਹੈ।

Jio Bharat B1 ਵਿੱਚ 2.4-ਇੰਚ ਦੀ QVGA ਆਇਤਾਕਾਰ ਡਿਸਪਲੇਅ ਹੈ।

Jio ਦਾ ਇਹ ਫੋਨ 50MB ਰੈਮ, ਬਲੂਟੁੱਥ, 4G, Wi-Fi, ਤੇ USB ਕਨੈਕਟੀਵਿਟੀ ਤੇ ਸਿੰਗਲ ਨੈਨੋ ਸਿਮ ਕਾਰਡ ਨਾਲ ਆਉਂਦਾ ਹੈ।

Jio Bharat B1 ਵਿੱਚ 2,000mAh ਦੀ ਬੈਟਰੀ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਸਿੰਗਲ ਚਾਰਜ 'ਤੇ ਸਟੈਂਡਬਾਏ ਮੋਡ 'ਚ 343 ਘੰਟੇ ਤੱਕ ਦਾ ਬੈਕਅਪ ਦਿੰਦੀ ਹੈ।

JioPay ਦੇ ਨਾਲ, JioCinema ਤੇ JioSaavn ਫੋਨ ਵਿੱਚ UPI ਭੁਗਤਾਨ ਲਈ ਦਿੱਤੇ ਗਏ ਹਨ।

Jio Bharat B1 ਦੀ ਕੀਮਤ

Jio Bharat B1 4G ਫ਼ੋਨ 1,299 ਰੁਪਏ ਵਿੱਚ ਖਰੀਦਿਆ ਜਾ ਸਕਦਾ ਹੈ।