ਮੁਫ਼ਤ 'ਚ ChatGPT ਵਰਤਣ ਵਾਲੇ ਹੋ ਜਾਣ ਸਾਵਧਾਨ: ਹੁਣ ਗੱਲਬਾਤ ਦੇ ਵਿਚਾਲੇ ਦਿਖਣਗੀਆਂ ਐਡਸ, ਜਾਣੋ ਕੰਪਨੀ ਦਾ ਪਲਾਨ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: OpenAI ਨੇ ਆਪਣੇ AI ਪਲੇਟਫਾਰਮ ChatGPT ਵਿੱਚ ਵਿਗਿਆਪਨ (Ads) ਦਿਖਾਉਣੇ ਸ਼ੁਰੂ ਕਰ ਦਿੱਤੇ ਹਨ। ਕੰਪਨੀ ਨੇ ਇਸ ਦੀ ਪੁਸ਼ਟੀ ਕਰਦਿਆਂ ਕਿਹਾ ਹੈ ਕਿ ਫਿਲਹਾਲ ਉਹ ਸੀਮਤ ਯੂਜ਼ਰਜ਼ ਲਈ 'ਐਡ ਸਪੋਰਟ' ਅਪਡੇਟ ਰੋਲ ਆਊਟ ਕਰ ਰਹੀ ਹੈ। ਯੂਜ਼ਰਜ਼ ਦੇ ਫੀਡਬੈਕ ਦੇ ਆਧਾਰ 'ਤੇ ਇਸ ਨੂੰ ਪੂਰੀ ਤਰ੍ਹਾਂ ਲਾਗੂ ਕੀਤਾ ਜਾਵੇਗਾ। ਮੰਨਿਆ ਜਾ ਰਿਹਾ ਹੈ ਕਿ ਚੈਟਜੀਪੀਟੀ ਵਿੱਚ ਵਿਗਿਆਪਨ ਆਉਣ ਨਾਲ ਯੂਜ਼ਰਜ਼ ਦੇ ਅਨੁਭਵ (Experience) 'ਤੇ ਅਸਰ ਪਵੇਗਾ।

ਕਿਨ੍ਹਾਂ ਨੂੰ ਦਿਖਾਈ ਦੇਣਗੇ ਵਿਗਿਆਪਨ?

ਓਪਨ-ਏਆਈ ਅਨੁਸਾਰ, ChatGPT ਦੇ ਅਮਰੀਕੀ ਯੂਜ਼ਰਜ਼ ਨੂੰ ਵਿਗਿਆਪਨ ਦਿਖਾਏ ਜਾ ਰਹੇ ਹਨ। ਫਿਲਹਾਲ ਫ੍ਰੀ (Free) ਅਤੇ GO ਸਬਸਕ੍ਰਿਪਸ਼ਨ ਵਾਲੇ ਯੂਜ਼ਰਸ ਨੂੰ ਹੀ ਇਹ ਐਡਸ ਦੇਖਣੇ ਪੈਣਗੇ। ਚੈਟਜੀਪੀਟੀ ਦੇ ਪਲੱਸ, ਪ੍ਰੋ, ਬਿਜ਼ਨੈੱਸ, ਐਂਟਰਪ੍ਰਾਈਜ਼ ਅਤੇ ਐਜੂਕੇਸ਼ਨ ਪਲਾਨ ਵਰਤਣ ਵਾਲੇ ਯੂਜ਼ਰਜ਼ ਨੂੰ ਵਿਗਿਆਪਨ ਨਹੀਂ ਦਿਖਾਏ ਜਾਣਗੇ। ਕੰਪਨੀ ਨੇ ਸਪੱਸ਼ਟ ਕੀਤਾ ਹੈ ਕਿ ਇਹ ਵਿਗਿਆਪਨ 'ਸਪਾਂਸਰਡ' (Sponsored) ਲੇਬਲ ਦੇ ਨਾਲ ਹੋਣਗੇ ਤਾਂ ਜੋ ਕੋਈ ਭੁਲੇਖਾ ਨਾ ਰਹੇ।

ਚੈਟ ਦੇ ਆਧਾਰ 'ਤੇ ਦਿਖਾਏ ਜਾਣਗੇ ਐਡਸ

ਵਿਗਿਆਪਨਾਂ ਨੂੰ ਢੁਕਵਾਂ ਬਣਾਉਣ ਲਈ ਕੰਪਨੀ ਯੂਜ਼ਰਜ਼ ਦੀ ਪਿਛਲੀ ਚੈਟ ਅਤੇ ਗੱਲਬਾਤ ਦਾ ਸਹਾਰਾ ਲਵੇਗੀ। ਉਦਾਹਰਨ ਵਜੋਂ, ਜੇਕਰ ਕੋਈ ਯੂਜ਼ਰ ਕਾਰਾਂ ਬਾਰੇ ਗੱਲ ਕਰ ਰਿਹਾ ਹੈ, ਤਾਂ ਉਸ ਨੂੰ ਆਟੋ ਸੈਕਟਰ ਨਾਲ ਜੁੜੇ ਵਿਗਿਆਪਨ ਦਿਖਾਏ ਜਾ ਸਕਦੇ ਹਨ। ਹਾਲਾਂਕਿ, ਕੰਪਨੀ ਨੇ ਦਾਅਵਾ ਕੀਤਾ ਹੈ ਕਿ ਉਹ ਯੂਜ਼ਰਜ਼ ਦੀ ਨਿੱਜੀ ਜਾਣਕਾਰੀ ਵਿਗਿਆਪਨਦਾਤਾਵਾਂ ਨਾਲ ਸਾਂਝੀ ਨਹੀਂ ਕਰੇਗੀ, ਸਿਰਫ਼ ਵਿਊਜ਼ ਅਤੇ ਕਲਿੱਕ ਦਾ ਡਾਟਾ ਹੀ ਸਾਂਝਾ ਕੀਤਾ ਜਾਵੇਗਾ।

ਕਿਉਂ ਲਏ ਗਏ ਵਿਗਿਆਪਨ?

ਓਪਨ-ਏਆਈ ਦਾ ਕਹਿਣਾ ਹੈ ਕਿ ਵਿਗਿਆਪਨਾਂ ਤੋਂ ਹੋਣ ਵਾਲੀ ਕਮਾਈ ਨਾਲ ਉਨ੍ਹਾਂ ਨੂੰ ਆਪਣੇ ਇਨਫਰਾਸਟਰੱਕਚਰ ਦੀ ਲਾਗਤ ਘਟਾਉਣ ਵਿੱਚ ਮਦਦ ਮਿਲੇਗੀ। ਇਸ ਨਾਲ ਉਹ ਫ੍ਰੀ ਪਲਾਨ ਵਰਤਣ ਵਾਲੇ ਯੂਜ਼ਰਜ਼ ਨੂੰ ਵੀ 'ਐਡਵਾਂਸਡ ਏਆਈ ਫੀਚਰ' ਮੁਹੱਈਆ ਕਰਵਾ ਸਕਣਗੇ। ਜੇਕਰ ਯੂਜ਼ਰ ਬਿਨਾਂ ਵਿਗਿਆਪਨ ਦੇ ਚੈਟਜੀਪੀਟੀ ਵਰਤਣਾ ਚਾਹੁੰਦੇ ਹਨ, ਤਾਂ ਉਨ੍ਹਾਂ ਨੂੰ ਪੇਡ ਸਬਸਕ੍ਰਿਪਸ਼ਨ ਲੈਣੀ ਪਵੇਗੀ।