ਪੈਸੇ ਬਚਾਓ! ਭਿਆਨਕ ਗਰਮੀ ਆਉਣ ਤੋਂ ਪਹਿਲਾਂ ਘੱਟ ਕੀਮਤ 'ਤੇ ਕਰਵਾਓ AC ਦੀ ਸਰਵਿਸ, ਇੰਝ ਕਰੋ ਆਨਲਾਈਨ ਬੁਕਿੰਗ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ: ਤੇਜ਼ ਗਰਮੀ ਅਤੇ ਹੁੰਮਸ ਦਾ ਮੌਸਮ ਆਉਣ ਹੀ ਵਾਲਾ ਹੈ। ਜਿਵੇਂ-ਜਿਵੇਂ ਮੌਸਮ ਗਰਮ ਹੋਣ ਲੱਗਦਾ ਹੈ, ਏਅਰ ਕੰਡੀਸ਼ਨਰ (AC) ਤੁਹਾਡੇ ਘਰ ਦੀ ਸਭ ਤੋਂ ਜ਼ਰੂਰੀ ਮਸ਼ੀਨ ਬਣ ਜਾਵੇਗਾ। ਜ਼ਿਆਦਾਤਰ ਲੋਕ ਆਮ ਤੌਰ 'ਤੇ ਆਪਣੇ AC ਦੀ ਸਰਵਿਸ ਬਾਰੇ ਸੋਚਣ ਲਈ ਪਹਿਲੇ ਗਰਮ ਦਿਨ ਦਾ ਇੰਤਜ਼ਾਰ ਕਰਦੇ ਹਨ, ਪਰ ਇਸ ਨਾਲ ਅਕਸਰ ਜ਼ਿਆਦਾ ਖਰਚਾ ਹੋ ਸਕਦਾ ਹੈ ਅਤੇ ਲੰਬਾ ਇੰਤਜ਼ਾਰ ਕਰਨਾ ਪੈਂਦਾ ਹੈ।

ਜਿਵੇਂ-ਜਿਵੇਂ ਪੀਕ ਸੀਜ਼ਨ ਨਜ਼ਦੀਕ ਆਉਂਦਾ ਹੈ, ਭਾਰਤ ਦੇ ਕਈ ਸ਼ਹਿਰਾਂ ਵਿੱਚ AC ਸਰਵਿਸਿੰਗ ਦੀ ਮੰਗ ਤੇਜ਼ੀ ਨਾਲ ਵੱਧ ਜਾਂਦੀ ਹੈ। ਮੰਗ ਵਿੱਚ ਇਸ ਉਛਾਲ ਕਾਰਨ ਅਕਸਰ ਕੀਮਤਾਂ ਵੱਧ ਜਾਂਦੀਆਂ ਹਨ ਅਤੇ ਬ੍ਰਾਂਡ ਤੇ ਟੈਕਨੀਸ਼ੀਅਨ ਸਰਵਿਸ ਚਾਰਜ 5% ਤੋਂ 15% ਤੱਕ ਵਧਾ ਦਿੰਦੇ ਹਨ। ਸੀਜ਼ਨਲ ਰਸ਼ (ਭੀੜ) ਤੋਂ ਪਹਿਲਾਂ ਆਪਣੀ AC ਸਰਵਿਸ ਆਨਲਾਈਨ ਬੁੱਕ ਕਰਨਾ ਇਹਨਾਂ ਸਮੱਸਿਆਵਾਂ ਤੋਂ ਬਚਣ ਦਾ ਇੱਕ ਸੌਖਾ ਤਰੀਕਾ ਹੈ। ਇੱਥੇ ਇੱਕ ਪੂਰੀ ਗਾਈਡ ਦਿੱਤੀ ਗਈ ਹੈ ਜੋ ਸੀਜ਼ਨਲ ਕੀਮਤਾਂ ਵਿੱਚ ਵਾਧੇ ਤੋਂ ਪਹਿਲਾਂ ਤੁਹਾਡੀ AC ਸਰਵਿਸ ਆਨਲਾਈਨ ਬੁੱਕ ਕਰਨ ਵਿੱਚ ਮਦਦ ਕਰੇਗੀ।

AC ਸਰਵਿਸ ਲਈ ਸਹੀ ਪਲੇਟਫਾਰਮ ਚੁਣੋ

ਇੱਕ ਚੰਗਾ AC ਟੈਕਨੀਸ਼ੀਅਨ ਲੱਭਣਾ ਹੁਣ ਬਹੁਤ ਆਸਾਨ ਹੋ ਗਿਆ ਹੈ ਕਿਉਂਕਿ ਅੱਜ ਕਈ ਆਨਲਾਈਨ ਆਪਸ਼ਨ ਉਪਲਬਧ ਹਨ। ਤੁਸੀਂ ਆਪਣੀਆਂ ਲੋੜਾਂ ਅਨੁਸਾਰ ਕੋਈ ਵੀ ਪਲੇਟਫਾਰਮ ਚੁਣ ਸਕਦੇ ਹੋ:

ਸਿੱਧੇ ਬ੍ਰਾਂਡ ਦੀਆਂ ਐਪਸ ਜਾਂ ਵੈੱਬਸਾਈਟਾਂ: ਸਰਵਿਸ ਕਰਵਾਉਣ ਦਾ ਸਭ ਤੋਂ ਵਧੀਆ ਤਰੀਕਾ ਸਿੱਧਾ ਬ੍ਰਾਂਡ ਨੂੰ ਕਾਲ ਕਰਨਾ ਹੈ, ਖਾਸ ਕਰਕੇ ਜਦੋਂ AC ਵਾਰੰਟੀ ਵਿੱਚ ਹੋਵੇ। ਤੁਸੀਂ Daikin, LG ਅਤੇ Voltas ਵਰਗੀਆਂ ਕੰਪਨੀਆਂ ਦੀਆਂ ਐਪਸ ਰਾਹੀਂ ਬੁਕਿੰਗ ਕਰ ਸਕਦੇ ਹੋ।

ਮਲਟੀ-ਬ੍ਰਾਂਡ ਸਰਵਿਸ ਪਲੇਟਫਾਰਮ: ਜੇਕਰ ਤੁਸੀਂ ਤੇਜ਼ ਸਰਵਿਸ ਚਾਹੁੰਦੇ ਹੋ, ਤਾਂ Urban Company ਅਤੇ NoBroker ਵਰਗੀਆਂ ਐਪਸ ਮਦਦਗਾਰ ਹੋ ਸਕਦੀਆਂ ਹਨ। ਇਹ ਬੁਕਿੰਗ ਤੋਂ ਪਹਿਲਾਂ ਕੀਮਤ ਦਿਖਾਉਂਦੇ ਹਨ ਅਤੇ ਸਰਵਿਸ ਵਾਰੰਟੀ ਵੀ ਦਿੰਦੇ ਹਨ।

ਲੋਕਲ ਸਰਵਿਸ ਮਾਰਕੀਟਪਲੇਸ: ਤੁਸੀਂ Justdial ਜਾਂ Google Maps ਰਾਹੀਂ ਨੇੜਲੇ ਟੈਕਨੀਸ਼ੀਅਨ ਲੱਭ ਸਕਦੇ ਹੋ। ਇਹ ਉਦੋਂ ਮਦਦਗਾਰ ਹੁੰਦੇ ਹਨ ਜਦੋਂ ਤੁਹਾਨੂੰ ਤੁਰੰਤ ਸਰਵਿਸ ਦੀ ਲੋੜ ਹੋਵੇ।

ਆਪਣੀ ਸਰਵਿਸ ਆਨਲਾਈਨ ਕਿਵੇਂ ਬੁੱਕ ਕਰੀਏ?

AC ਸਰਵਿਸ ਬੁੱਕ ਕਰਨ ਲਈ ਇਹਨਾਂ ਸਟੈਪਸ ਦੀ ਪਾਲਣਾ ਕਰੋ:

ਸਬੰਧਤ ਐਪ ਡਾਊਨਲੋਡ ਕਰੋ ਜਾਂ ਵੈੱਬਸਾਈਟ 'ਤੇ ਜਾਓ।

ਆਪਣਾ ਅਕਾਊਂਟ ਬਣਾਓ ਅਤੇ ਲੋਕੇਸ਼ਨ ਦੀ ਜਾਣਕਾਰੀ ਦਿਓ।

ਸਰਵਿਸ ਦੀ ਕਿਸਮ ਚੁਣੋ (ਬੇਸਿਕ ਕਲੀਨਿੰਗ, ਰੀਫਿਲਿੰਗ ਜਾਂ ਫੁੱਲ ਸਰਵਿਸ)।

ਆਪਣੇ AC ਦਾ ਬ੍ਰਾਂਡ ਅਤੇ ਮਾਡਲ ਦੱਸੋ।

ਆਪਣੀ ਸਹੂਲਤ ਅਨੁਸਾਰ ਤਾਰੀਖ ਅਤੇ ਸਮਾਂ ਚੁਣੋ।

ਕੀਮਤ ਚੈੱਕ ਕਰਕੇ ਬੁਕਿੰਗ ਕਨਫਰਮ ਕਰੋ।

ਐਕਸਪਰਟ ਟਿਪਸ

ਗਾਰੰਟੀ: ਹਮੇਸ਼ਾ ਪੁੱਛੋ ਕਿ ਕੀ ਸਰਵਿਸ ਵਿੱਚ ਕੋਈ ਗਾਰੰਟੀ (ਆਮ ਤੌਰ 'ਤੇ 15-30 ਦਿਨ) ਸ਼ਾਮਲ ਹੈ।

AMC ਪਲਾਨ: ਜੇਕਰ AC ਜ਼ਿਆਦਾ ਚੱਲਦਾ ਹੈ, ਤਾਂ ਸਾਲਾਨਾ ਮੇਨਟੇਨੈਂਸ ਪਲਾਨ ਲੈਣ ਬਾਰੇ ਸੋਚੋ।

ਗੈਸ ਅਤੇ ਵਾਇਰਿੰਗ: ਟੈਕਨੀਸ਼ੀਅਨ ਨੂੰ ਗੈਸ ਦਾ ਲੈਵਲ ਅਤੇ ਵਾਇਰਿੰਗ ਦੀ ਹਾਲਤ ਚੈੱਕ ਕਰਨ ਲਈ ਜ਼ਰੂਰ ਕਹੋ।

ਸੁਰੱਖਿਆ: ਟੈਕਨੀਸ਼ੀਅਨ ਦਾ ID ਕਾਰਡ ਜ਼ਰੂਰ ਚੈੱਕ ਕਰੋ ਅਤੇ ਸਰਵਿਸ ਤੋਂ ਬਾਅਦ AC ਨੂੰ 15-30 ਮਿੰਟ ਚਲਾ ਕੇ ਦੇਖੋ।

ਜਲਦੀ ਬੁਕਿੰਗ ਕਰਨ ਦੇ ਫਾਇਦੇ

ਘੱਟ ਕੀਮਤ: ਪੀਕ ਸੀਜ਼ਨ ਦੇ ਮੁਕਾਬਲੇ ਰੇਟ ਘੱਟ ਹੁੰਦੇ ਹਨ।

ਸਹੂਲਤ: ਬਿਨਾਂ ਇੰਤਜ਼ਾਰ ਕੀਤੇ ਆਪਣੀ ਮਰਜ਼ੀ ਦਾ ਸਮਾਂ ਮਿਲ ਜਾਂਦਾ ਹੈ।

ਬਿਜਲੀ ਦੀ ਬਚਤ: ਸਰਵਿਸ ਕੀਤਾ ਹੋਇਆ AC ਘੱਟ ਬਿਜਲੀ ਖਪਤ ਕਰਦਾ ਹੈ।