Samsung ਦੇ ਨਵੇਂ ਸਮਾਰਟਫੋਨ 25 ਮਾਰਚ ਨੂੰ ਹੋਣਗੇ ਲਾਂਚ; Galaxy A37 ਅਤੇ Galaxy A57 ਕਰ ਸਕਦੇ ਹਨ ਐਂਟਰੀ
Samsung ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X (ਪਹਿਲਾਂ ਟਵਿੱਟਰ) 'ਤੇ ਪੋਸਟ ਸ਼ੇਅਰ ਕਰ ਕੇ Galaxy A-ਸੀਰੀਜ਼ ਦੇ ਸਮਾਰਟਫੋਨਜ਼ ਦੀ ਲਾਂਚਿੰਗ ਕਨਫਰਮ ਕੀਤੀ ਹੈ। ਇਹ ਸਮਾਰਟਫੋਨ 25 ਮਾਰਚ ਨੂੰ ਲਾਂਚ ਹੋਣੇ ਹਨ। ਫਿਲਹਾਲ ਕੰਪਨੀ ਨੇ ਇਹ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ ਕਿ ਕਿਹੜੇ ਸਮਾਰਟਫੋਨ ਲਾਂਚ ਹੋਣਗੇ, ਪਰ ਉਮੀਦ ਜਤਾਈ ਜਾ ਰਹੀ ਹੈ ਕਿ Galaxy A57 ਅਤੇ Galaxy A37 ਸਮਾਰਟਫੋਨ ਮਾਰਕੀਟ ਵਿੱਚ ਆ ਸਕਦੇ ਹਨ।
Posted By Seema Anand
Publish Date: Fri, 20 Mar 2026 04:03 PM (IST)
Updated Date: Fri, 20 Mar 2026 04:09 PM (IST)
ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : ਸੈਮਸੰਗ (Samsung) ਅਗਲੇ ਹਫ਼ਤੇ ਭਾਰਤ 'ਚ Galaxy A-ਸੀਰੀਜ਼ ਦੇ ਨਵੇਂ ਫੋਨ ਲਾਂਚ ਕਰੇਗਾ। ਉਮੀਦ ਹੈ ਕਿ ਕੰਪਨੀ Samsung Galaxy A57 ਅਤੇ Galaxy A37 ਸਮਾਰਟਫੋਨ ਬਾਜ਼ਾਰ ਵਿੱਚ ਉਤਾਰ ਸਕਦੀ ਹੈ। ਸੈਮਸੰਗ ਨੇ ਸੋਸ਼ਲ ਮੀਡੀਆ ਪੋਸਟ ਰਾਹੀਂ A-ਸੀਰੀਜ਼ ਦੇ ਅਪਕਮਿੰਗ ਸਮਾਰਟਫੋਨ ਦੀ ਲਾਂਚਿੰਗ ਦੀ ਪੁਸ਼ਟੀ ਕੀਤੀ ਹੈ। ਸੋਸ਼ਲ ਮੀਡੀਆ ਪੋਸਟ ਤੋਂ ਪਤਾ ਲੱਗਦਾ ਹੈ ਕਿ ਦੋਵੇਂ ਸਮਾਰਟਫੋਨ ਸੈਮਸੰਗ ਦੇ 'ਕੀ ਆਈਲੈਂਡ' (Key Island) ਡਿਜ਼ਾਈਨ ਅਤੇ ਟ੍ਰਿਪਲ ਰੀਅਰ ਕੈਮਰੇ ਨਾਲ ਪੇਸ਼ ਕੀਤੇ ਜਾਣਗੇ।
Samsung Galaxy A57 ਤੇ A37 ਭਾਰਤ 'ਚ ਹੋਣਗੇ ਲਾਂਚ
ਸੈਮਸੰਗ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X (ਪਹਿਲਾਂ ਟਵਿੱਟਰ) 'ਤੇ ਪੋਸਟ ਸ਼ੇਅਰ ਕਰ ਕੇ Galaxy A-ਸੀਰੀਜ਼ ਦੇ ਸਮਾਰਟਫੋਨਜ਼ ਦੀ ਲਾਂਚਿੰਗ ਕਨਫਰਮ ਕੀਤੀ ਹੈ। ਇਹ ਸਮਾਰਟਫੋਨ 25 ਮਾਰਚ ਨੂੰ ਲਾਂਚ ਹੋਣੇ ਹਨ। ਫਿਲਹਾਲ ਕੰਪਨੀ ਨੇ ਇਹ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ ਕਿ ਕਿਹੜੇ ਸਮਾਰਟਫੋਨ ਲਾਂਚ ਹੋਣਗੇ, ਪਰ ਉਮੀਦ ਜਤਾਈ ਜਾ ਰਹੀ ਹੈ ਕਿ Galaxy A57 ਅਤੇ Galaxy A37 ਸਮਾਰਟਫੋਨ ਮਾਰਕੀਟ ਵਿੱਚ ਆ ਸਕਦੇ ਹਨ। ਸੈਮਸੰਗ ਨੇ ਆਪਣੀ ਅਧਿਕਾਰਤ ਵੈੱਬਸਾਈਟ 'ਤੇ ਵੀ ਇਸ ਦੀ ਜਾਣਕਾਰੀ ਦਿੱਤੀ ਹੈ।
A new awesome is coming soon, with a design that turns heads and features bound to leave you in awe.
Are you ready?
Notify me: https://t.co/s0MIEsMAhU.#AwesomeIsForEveryone #NewGalaxyA #ComingSoon #Samsung pic.twitter.com/QR8Ji9D7pY
— Samsung India (@SamsungIndia) March 20, 2026
Samsung Galaxy A57 ਅਤੇ A37 ਦੀਆਂ ਸੰਭਾਵੀ ਖੂਬੀਆਂ
ਸੈਮਸੰਗ Galaxy A57 ਅਤੇ A37 ਸਮਾਰਟਫੋਨ ਨੂੰ ਲੈ ਕੇ ਟਿਪਸਟਰ ਇਵਾਨ ਬਲਾਸ (@evleaks) ਨੇ ਕੁਝ ਵੇਰਵੇ ਸਾਂਝੇ ਕੀਤੇ ਹਨ। ਸੈਮਸੰਗ Galaxy A57 ਨੂੰ ਗ੍ਰੇ, ਆਈਸਬਲੂ, ਪਰਪਲ ਅਤੇ ਬਲੈਕ ਰੰਗਾਂ ਵਿੱਚ ਲਾਂਚ ਕਰ ਸਕਦਾ ਹੈ, ਜਦਕਿ Galaxy A37 ਸਮਾਰਟਫੋਨ ਚਾਰਕੋਲ, ਗ੍ਰੇ-ਗ੍ਰੀਨ ਅਤੇ ਲੈਵੈਂਡਰ ਕਲਰ ਆਪਸ਼ਨ ਵਿੱਚ ਪੇਸ਼ ਕੀਤਾ ਜਾ ਸਕਦਾ ਹੈ। ਦੋਵਾਂ ਫੋਨਾਂ ਵਿੱਚ ਫਲੈਟ ਡਿਸਪਲੇਅ ਹੋਵੇਗੀ ਅਤੇ ਸੈਲਫੀ ਲਈ ਪੰਚ-ਹੋਲ ਕੱਟਆਊਟ ਦਿੱਤਾ ਜਾ ਸਕਦਾ ਹੈ।
Galaxy A57 ਅਤੇ Galaxy A37 ਦੋਵਾਂ ਸਮਾਰਟਫੋਨਾਂ ਵਿੱਚ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅੱਪ ਮਿਲੇਗਾ। ਦੋਵਾਂ ਫੋਨਾਂ ਵਿੱਚ ਕੈਮਰਾ ਯੂਨਿਟ ਲੰਬਕਾਰੀ (Vertically) ਤੌਰ 'ਤੇ ਲਗਾਏ ਜਾਣਗੇ। ਉਮੀਦ ਹੈ ਕਿ ਸੈਮਸੰਗ ਦੇ Galaxy A57 ਸਮਾਰਟਫੋਨ ਵਿੱਚ Exynos 1680 ਅਤੇ Galaxy A37 ਸਮਾਰਟਫੋਨ ਵਿੱਚ Exynos 1480 ਚਿਪਸੈੱਟ ਦਿੱਤਾ ਜਾ ਸਕਦਾ ਹੈ।
A57 pic.twitter.com/sUDxxr4u5B
— Evan Blass (@evleaks) March 19, 2026
ਇਸ ਫੋਨ ਵਿੱਚ 50 ਮੈਗਾਪਿਕਸਲ ਦਾ ਪ੍ਰਾਇਮਰੀ ਅਤੇ 12 ਮੈਗਾਪਿਕਸਲ ਦਾ ਸੈਲਫੀ ਕੈਮਰਾ ਦਿੱਤਾ ਜਾ ਸਕਦਾ ਹੈ। ਦੋਵਾਂ ਫੋਨਾਂ ਵਿੱਚ IP68 ਰੇਟਿੰਗ ਮਿਲੇਗੀ (ਜੋ ਫੋਨ ਨੂੰ ਪਾਣੀ ਅਤੇ ਧੂੜ ਤੋਂ ਬਚਾਉਂਦੀ ਹੈ)। Galaxy A57 ਵਿੱਚ 6.6-ਇੰਚ ਦੀ ਫੁੱਲ-HD+ AMOLED ਡਿਸਪਲੇਅ ਅਤੇ Galaxy A37 ਵਿੱਚ ਥੋੜ੍ਹੀ ਵੱਡੀ 6.7-ਇੰਚ ਦੀ ਡਿਸਪਲੇਅ ਦਿੱਤੀ ਜਾ ਸਕਦੀ ਹੈ।