Redmi ਦਾ 6,000mAh ਬੈਟਰੀ ਵਾਲਾ ਸਸਤਾ ਫ਼ੋਨ ਲਾਂਚ; 6.9-ਇੰਚ ਡਿਸਪਲੇਅ ਅਤੇ 8GB ਤਕ RAM

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: Xiaomi ਨੇ ਅਧਿਕਾਰਤ ਤੌਰ 'ਤੇ REDMI A7 Pro ਲਾਂਚ ਕਰ ਦਿੱਤਾ ਹੈ। ਇਸ ਦੇ ਨਾਲ ਹੀ ਕੰਪਨੀ ਦੀ ਐਂਟਰੀ-ਲੈਵਲ REDMI A ਸੀਰੀਜ਼ 'ਚ ਹੁਣ ਇਕ 'ਪ੍ਰੋ' ਮਾਡਲ ਵੀ ਸ਼ਾਮਲ ਹੋ ਗਿਆ ਹੈ। ਇਸ ਫ਼ੋਨ ਵਿਚ ਕੰਪਨੀ ਨੇ ਹਾਰਡਵੇਅਰ ਅਪਗ੍ਰੇਡ 'ਤੇ ਖਾਸ ਧਿਆਨ ਦਿੱਤਾ ਹੈ, ਜਿਸ ਵਿਚ ਇਕ ਵੱਡੀ ਬੈਟਰੀ, ਹਾਈ-ਰਿਫ੍ਰੈਸ਼-ਰੇਟ ਡਿਸਪਲੇਅ ਤੇ Xiaomi ਦੇ HyperOS 3 ਦਾ ਇੰਟੀਗ੍ਰੇਸ਼ਨ ਮਿਲ ਰਿਹਾ ਹੈ। ਆਓ ਜਾਣਦੇ ਹਾਂ ਕਿ ਇਸ ਫ਼ੋਨ 'ਚ ਕੀ-ਕੀ ਖਾਸ ਹੈ...

Redmi A7 Pro ਦੇ ਸਪੈਸੀਫਿਕੇਸ਼ਨਜ਼

ਸਪੈਸੀਫਿਕੇਸ਼ਨਜ਼ ਦੀ ਗੱਲ ਕਰੀਏ ਤਾਂ REDMI A7 Pro 'ਚ 6.9-ਇੰਚ ਦਾ ਡਿਸਪਲੇਅ ਮਿਲ ਰਿਹਾ ਹੈ। ਸਕ੍ਰੀਨ 120Hz ਤਕ ਦੇ ਰਿਫ੍ਰੈਸ਼ ਰੇਟ ਸਪੋਰਟ ਦੇ ਨਾਲ ਆਉਂਦੀ ਹੈ ਅਤੇ ਇਸਦੀ ਪੀਕ ਬ੍ਰਾਈਟਨੈੱਸ 800 ਨਿਟਸ ਤੱਕ ਜਾ ਸਕਦੀ ਹੈ। ਫ਼ੋਨ 'ਚ Wet Touch ਟੈਕਨਾਲੋਜੀ 2.0 ਵੀ ਮਿਲ ਰਹੀ ਹੈ ਜਿਸ ਨੂੰ ਇਸ ਤਰ੍ਹਾਂ ਡਿਜ਼ਾਈਨ ਕੀਤਾ ਗਿਆ ਹੈ ਕਿ ਜਦੋਂ ਯੂਜ਼ਰ ਦੀਆਂ ਉਂਗਲਾਂ ਗਿੱਲੀਆਂ ਜਾਂ ਸਾਬਣ ਵਾਲੀਆਂ ਹੋਣ ਤਾਂ ਵੀ ਟੱਚ ਪੂਰੀ ਤਰ੍ਹਾਂ ਕੰਮ ਕਰੇਗਾ।

ਇਹ ਸਮਾਰਟਫ਼ੋਨ ਇਕ ਆਕਟਾ-ਕੋਰ ਪ੍ਰੋਸੈਸਰ ਨਾਲ ਲੈਸ ਹੈ ਤੇ ਇਸ ਵਿਚ UFS 2.2 ਸਟੋਰੇਜ ਮਿਲਦੀ ਹੈ। ਡਿਵਾਈਸ 'ਚ 8GB ਤਕ ਦਾ ਵਰਚੁਅਲ RAM ਸਪੋਰਟ ਵੀ ਮਿਲਦਾ ਹੈ। ਨਾਲ ਹੀ, ਇਸ ਡਿਵਾਈਸ 'ਚ 6,000mAh ਦੀ ਬੈਟਰੀ ਹੈ, ਜਿਸ ਨਾਲ ਤੁਹਾਨੂੰ 49 ਘੰਟੇ ਤਕ ਦਾ ਕਾਲ ਟਾਈਮ, 35 ਘੰਟੇ ਤਕ ਦਾ ਵੀਡੀਓ ਪਲੇਬੈਕ ਜਾਂ 77 ਘੰਟੇ ਤੱਕ ਦਾ ਮਿਊਜ਼ਿਕ ਪਲੇਬੈਕ ਮਿਲ ਸਕਦਾ ਹੈ।

ਕੈਮਰਾ ਸਪੈਸੀਫਿਕੇਸ਼ਨਜ਼

REDMI A7 Pro ਵਿੱਚ ਪਿੱਛੇ ਵਾਲੇ ਪਾਸੇ ਡੁਅਲ-ਕੈਮਰਾ ਸੈੱਟਅੱਪ ਹੈ ਅਤੇ ਸਾਹਮਣੇ ਵਾਲੇ ਪਾਸੇ ਇੱਕ ਸਿੰਗਲ ਫਰੰਟ ਕੈਮਰਾ ਦਿੱਤਾ ਗਿਆ ਹੈ। ਫ਼ੋਨ ਵਿੱਚ 13MP ਦਾ ਪ੍ਰਾਇਮਰੀ ਕੈਮਰਾ ਹੈ। ਇਹ ਫ਼ੋਨ HDR+ ਅਤੇ ਨਾਈਟ ਮੋਡ ਨੂੰ ਵੀ ਸਪੋਰਟ ਕਰਦਾ ਹੈ। ਸੈਲਫੀ ਲਈ ਸਾਹਮਣੇ ਵਾਲੇ ਪਾਸੇ 8MP ਦਾ ਸੈਂਸਰ ਹੈ, ਜਿਸ ਵਿੱਚ ਇਨ-ਬਿਲਟ ਬਿਊਟੀ ਫਿਲਟਰ ਅਤੇ ਨਾਈਟ ਮੋਡ ਮੌਜੂਦ ਹੈ।

ਕੀਮਤ ਅਤੇ ਉਪਲਬਧਤਾ

REDMI ਦਾ ਇਹ ਡਿਵਾਈਸ ਦੋ ਮੈਮੋਰੀ ਅਤੇ ਸਟੋਰੇਜ ਵੇਰੀਐਂਟ 'ਚ ਉਪਲਬਧ ਹੋਵੇਗਾ: 4GB+64GB ਅਤੇ 4GB+128GB। ਬੇਸ ਮਾਡਲ ਦੀ ਕੀਮਤ USD 119 (ਲਗਪਗ 11,100 ਰੁਪਏ) ਅਤੇ 128GB ਵਾਲੇ ਮਾਡਲ ਦੀ ਕੀਮਤ 129.99 ਯੂਰੋ ਤੋਂ ਸ਼ੁਰੂ ਹੁੰਦੀ ਹੈ। ਹਾਲਾਂਕਿ, Xiaomi ਦਾ ਕਹਿਣਾ ਹੈ ਕਿ ਅੰਤਿਮ ਕੀਮਤ ਅਤੇ ਉਪਲਬਧਤਾ ਹਰ ਖੇਤਰ ਦੇ ਹਿਸਾਬ ਨਾਲ ਵੱਖ-ਵੱਖ ਹੋਵੇਗੀ।