Realme ਦੇ 10,001 mAh ਬੈਟਰੀ ਵਾਲੇ 5G ਫੋਨ ਦੀ ਸੇਲ ਸ਼ੁਰੂ, 50MP ਕੈਮਰੇ ਦੇ ਨਾਲ 144Hz ਰਿਫ੍ਰੈਸ਼ ਰੇਟ ਵੀ
Realme ਕੰਪਨੀ ਨੇ ਇਸ ਡਿਵਾਈਸ ਨੂੰ ਪਿਛਲੇ ਹਫਤੇ ਭਾਰਤ ਵਿੱਚ 10,001mAh ਦੀ ਵੱਡੀ ਸਿਲੀਕਾਨ ਕਾਰਬਨ ਬੈਟਰੀ ਦੇ ਨਾਲ ਲਾਂਚ ਕੀਤਾ ਸੀ। ਇੰਨਾ ਹੀ ਨਹੀਂ, ਇਸ ਫੋਨ ਵਿੱਚ ਪਾਵਰਫੁੱਲ ਚਿਪਸੈੱਟ ਅਤੇ ਸ਼ਾਨਦਾਰ ਕੈਮਰਾ ਵੀ ਮਿਲ ਰਿਹਾ ਹੈ। ਚਲੋ ਪਹਿਲਾਂ ਡਿਵਾਈਸ ਦੇ ਸਾਰੇ ਫੀਚਰਸ ਜਾਣ ਲੈਂਦੇ ਹਾਂ...
Posted By Seema Anand
Publish Date: Tue, 10 Mar 2026 12:50 PM (IST)
Updated Date: Tue, 10 Mar 2026 12:56 PM (IST)
ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : ਕੀ ਤੁਸੀਂ ਵੀ ਕਾਫੀ ਸਮੇਂ ਤੋਂ ਕੋਈ ਵੱਡੀ ਬੈਟਰੀ ਵਾਲਾ 5G ਫੋਨ ਲੱਭ ਰਹੇ ਹੋ, ਤਾਂ Realme Narzo Power 5G ਤੁਹਾਡੇ ਲਈ ਇੱਕ ਬਿਹਤਰੀਨ ਵਿਕਲਪ ਹੋ ਸਕਦਾ ਹੈ। ਅੱਜ ਤੋਂ ਇਸ ਫੋਨ ਦੀ ਸੇਲ ਭਾਰਤ ਵਿੱਚ ਸ਼ੁਰੂ ਹੋ ਗਈ ਹੈ। ਕੰਪਨੀ ਨੇ ਇਸ ਡਿਵਾਈਸ ਨੂੰ ਪਿਛਲੇ ਹਫਤੇ ਭਾਰਤ ਵਿੱਚ 10,001mAh ਦੀ ਵੱਡੀ ਸਿਲੀਕਾਨ ਕਾਰਬਨ ਬੈਟਰੀ ਦੇ ਨਾਲ ਲਾਂਚ ਕੀਤਾ ਸੀ। ਇੰਨਾ ਹੀ ਨਹੀਂ, ਇਸ ਫੋਨ ਵਿੱਚ ਪਾਵਰਫੁੱਲ ਚਿਪਸੈੱਟ ਅਤੇ ਸ਼ਾਨਦਾਰ ਕੈਮਰਾ ਵੀ ਮਿਲ ਰਿਹਾ ਹੈ। ਚਲੋ ਪਹਿਲਾਂ ਡਿਵਾਈਸ ਦੇ ਸਾਰੇ ਫੀਚਰਸ ਜਾਣ ਲੈਂਦੇ ਹਾਂ...
Realme Narzo Power 5G ਦੇ ਸਪੈਸੀਫਿਕੇਸ਼ਨਜ਼
ਸਪੈਸੀਫਿਕੇਸ਼ਨਜ਼ ਦੀ ਗੱਲ ਕਰੀਏ ਤਾਂ Realme ਦੇ ਇਸ ਡਿਵਾਈਸ 'ਚ 6.78-ਇੰਚ ਦਾ ਹਾਈਪਰਗਲੋ 4D ਕਰਵ ਪਲੱਸ ਡਿਸਪਲੇਅ ਮਿਲ ਰਿਹਾ ਹੈ। ਨਾਲ ਹੀ ਫੋਨ 'ਚ ਪਤਲੇ ਬੇਜ਼ਲ ਦੇ ਨਾਲ 144Hz ਰਿਫ੍ਰੈਸ਼ ਰੇਟ ਅਤੇ HDR10+ ਸਪੋਰਟ ਵੀ ਮਿਲ ਰਿਹਾ ਹੈ। ਡਿਵਾਈਸ 'ਚ ਬਿਹਤਰ ਆਊਟਡੋਰ ਵਿਜ਼ੀਬਿਲਿਟੀ ਲਈ 6,500 ਨਿਟਸ ਤਕ ਦੀ ਪੀਕ ਬ੍ਰਾਈਟਨੈੱਸ ਵੀ ਮਿਲ ਰਹੀ ਹੈ।
ਫੋਨ ਨੂੰ ਪਾਵਰ ਦੇਣ ਲਈ ਇਸ ਵਿਚ MediaTek Dimensity 7400 Ultra ਚਿਪਸੈੱਟ ਮਿਲ ਰਿਹਾ ਹੈ। ਨਾਲ ਹੀ ਇਸ ਫੋਨ ਵਿੱਚ Hypervision Plus AI ਚਿੱਪ ਵੀ ਮਿਲ ਰਹੀ ਹੈ ਜਿਸ ਬਾਰੇ Realme ਦਾ ਦਾਅਵਾ ਹੈ ਕਿ ਇਹ ਕੁਝ ਖਾਸ ਕੰਮਾਂ ਵਿੱਚ ਪਾਵਰ ਦੀ ਵਰਤੋਂ 16 ਫੀਸਦੀ ਤਕ ਘੱਟ ਕਰ ਸਕਦੀ ਹੈ। ਫੋਨ BGMI 'ਚ 90FPS ਗੇਮਪਲੇ ਸਪੋਰਟ ਕਰਦਾ ਹੈ।
Realme Narzo Power 5G ਦੇ ਕੈਮਰਾ ਸਪੈਕਸ
ਫੋਟੋਗ੍ਰਾਫੀ ਲਈ Realme ਦੇ ਇਸ ਫੋਨ 'ਚ OIS ਦੇ ਨਾਲ 50MP ਦਾ Sony IMX882 ਪ੍ਰਾਇਮਰੀ ਕੈਮਰਾ ਮਿਲ ਰਿਹਾ ਹੈ। ਨਾਲ ਹੀ ਫੋਨ 'ਚ 8MP ਦਾ ਇਕ ਅਲਟਰਾ-ਵਾਈਡ ਲੈਂਸ ਵੀ ਮਿਲ ਰਿਹਾ ਹੈ। ਡਿਵਾਈਸ ਵਿੱਚ ਸਾਹਮਣੇ ਵਾਲੇ ਪਾਸੇ ਫਰੰਟ 'ਚ 16MP ਦਾ Sony IMX480 ਕੈਮਰਾ ਮਿਲ ਰਿਹਾ ਹੈ। ਡਿਵਾਈਸ Android 16 'ਤੇ ਆਧਾਰਿਤ Realme UI 7.0 ਦੇ ਨਾਲ ਆਉਂਦਾ ਹੈ।
Realme Narzo Power 5G ਦੀ ਬੈਟਰੀ
Realme ਦੇ ਇਸ ਸ਼ਾਨਦਾਰ ਡਿਵਾਈਸ ਵਿੱਚ ਸਭ ਤੋਂ ਖਾਸ ਇਸਦੀ 10,001 mAh ਦੀ ਬੈਟਰੀ ਹੈ। ਇੰਨਾ ਹੀ ਨਹੀਂ, ਡਿਵਾਈਸ ਵਿਚ 80W ਫਾਸਟ ਚਾਰਜਿੰਗ ਸਪੋਰਟ ਅਤੇ ਦੂਜੇ ਗੈਜੇਟਸ ਨੂੰ ਚਾਰਜ ਕਰਨ ਲਈ 27W ਰਿਵਰਸ ਚਾਰਜਿੰਗ ਸਪੋਰਟ ਵੀ ਮਿਲ ਰਿਹਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਡਿਵਾਈਸ 36 ਮਿੰਟਾਂ ਵਿੱਚ 50 ਫੀਸਦੀ ਤੱਕ ਚਾਰਜ ਹੋ ਸਕਦਾ ਹੈ। ਫੋਨ 38 ਦਿਨਾਂ ਤੱਕ ਦਾ ਸਟੈਂਡਬਾਏ ਅਤੇ 185.7 ਘੰਟੇ ਦਾ ਮਿਊਜ਼ਿਕ ਪਲੇਅਬੈਕ ਟਾਈਮ ਦੇ ਸਕਦਾ ਹੈ।
Realme Narzo Power 5G ਦੀ ਕੀਮਤ ਅਤੇ ਡਿਸਕਾਊਂਟ
Realme Narzo Power ਦੀ ਕੀਮਤ 27,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਜਿਸ ਵਿਚ ਤੁਹਾਨੂੰ ਬੇਸ 8GB/128GB ਮਾਡਲ ਮਿਲਦਾ ਹੈ। ਜਦਕਿ 8GB/256GB ਵੇਰੀਐਂਟ ਦੀ ਕੀਮਤ 29,999 ਰੁਪਏ ਹੈ। ਕੰਪਨੀ ਲਾਂਚ ਆਫਰਸ ਤਹਿਤ 3,000 ਰੁਪਏ ਦਾ ਬੈਂਕ ਡਿਸਕਾਊਂਟ ਅਤੇ 1,000 ਰੁਪਏ ਦਾ ਡਿਸਕਾਊਂਟ ਦੇ ਰਹੀ ਹੈ।