ਧਮਾਕਾ: 7000mAh ਦੀ ਮਜ਼ਬੂਤ ਬੈਟਰੀ ਤੇ 200MP ਕੈਮਰੇ ਨਾਲ Realme 16 ਸੀਰੀਜ਼ ਲਾਂਚ, ਜਾਣੋ ਕੀਮਤ ਤੇ ਸ਼ਾਨਦਾਰ ਫੀਚਰਜ਼

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: Realme 16 5G ਅਤੇ Realme 16 Pro 5G ਸਮਾਰਟਫੋਨ ਲਾਂਚ ਹੋ ਗਏ ਹਨ। ਰੀਅਲਮੀ ਨੇ ਇਨ੍ਹਾਂ ਦੋਵਾਂ ਸਮਾਰਟਫੋਨਾਂ ਨੂੰ ਫਿਲਹਾਲ ਵੀਅਤਨਾਮ ਵਿੱਚ ਲਾਂਚ ਕੀਤਾ ਹੈ। ਇਨ੍ਹਾਂ ਦੋਵਾਂ ਸਮਾਰਟਫੋਨਾਂ ਨੂੰ ਦਮਦਾਰ ਕੈਮਰਾ, ਪ੍ਰੋਸੈਸਰ ਅਤੇ ਬੈਟਰੀ ਦੇ ਨਾਲ ਮਾਰਕੀਟ ਵਿੱਚ ਉਤਾਰਿਆ ਗਿਆ ਹੈ।

Realme 16 5G ਦੀਆਂ ਖੂਬੀਆਂ

Realme 16 5G ਸਮਾਰਟਫੋਨ ਨੂੰ Air Design ਬਾਡੀ ਅਤੇ ਫਲੈਟ ਫਰੇਮ ਡਿਜ਼ਾਈਨ ਦੇ ਨਾਲ ਮਾਰਕੀਟ ਵਿੱਚ ਪੇਸ਼ ਕੀਤਾ ਗਿਆ ਹੈ। ਇਸ ਫੋਨ ਦੇ ਬੈਕ ਪੈਨਲ ਵਿੱਚ Aurora Wings ਫਿਨਿਸ਼ ਡਿਜ਼ਾਈਨ ਦਿੱਤਾ ਗਿਆ ਹੈ। ਰੀਅਲਮੀ ਦੇ ਇਸ ਫੋਨ ਦਾ ਪ੍ਰਾਇਮਰੀ ਕੈਮਰਾ 50MP Sony IMX852 ਲੈਂਸ ਹੈ, ਜਿਸ ਦੇ ਨਾਲ 2MP ਦਾ ਮੋਨੋਕ੍ਰੋਮ ਸੈਂਸਰ ਦਿੱਤਾ ਗਿਆ ਹੈ। ਸੈਲਫੀ ਦੀ ਗੱਲ ਕਰੀਏ ਤਾਂ ਇਸ ਵਿੱਚ 50 ਮੈਗਾਪਿਕਸਲ ਦਾ ਕੈਮਰਾ ਮਿਲਦਾ ਹੈ, ਜੋ 86 ਡਿਗਰੀ ਫੀਲਡ ਆਫ ਵਿਊ ਦੇ ਨਾਲ ਆਉਂਦਾ ਹੈ। ਇਸ ਫੋਨ ਵਿੱਚ LumaColor ਪ੍ਰੋਸੈਸਿੰਗ ਅਤੇ AI Edit Genie ਵਰਗੇ ਫੀਚਰਜ਼ ਦਿੱਤੇ ਗਏ ਹਨ।

ਰੀਅਲਮੀ ਦੇ ਇਸ ਫ਼ੋਨ ਵਿੱਚ 6.57 ਇੰਚ ਦੀ FHD+ AMOLED ਡਿਸਪਲੇਅ ਦਿੱਤੀ ਗਈ ਹੈ, ਜਿਸਦਾ ਰੈਜ਼ੋਲਿਊਸ਼ਨ 2372 × 1080 ਪਿਕਸਲ ਅਤੇ ਸਕ੍ਰੀਨ-ਟੂ-ਬਾਡੀ ਰੇਸ਼ੋ 93 ਪ੍ਰਤੀਸ਼ਤ ਹੈ। ਇਸ ਦੇ ਨਾਲ ਹੀ ਰਿਫ੍ਰੈਸ਼ ਰੇਟ 120Hz, ਟੱਚ ਸੈਂਪਲਿੰਗ ਰੇਟ 240Hz ਤੇ ਬ੍ਰਾਈਟਨੈੱਸ 1000 ਨਿਟਸ ਹੈ।

ਇਹ ਫ਼ੋਨ MediaTek Dimensity 6400 Turbo ਪ੍ਰੋਸੈਸਰ ਦੇ ਨਾਲ ਆਉਂਦਾ ਹੈ। ਇਸ ਵਿੱਚ 8GB ਅਤੇ 12GB ਦੀ LPDDR4X RAM ਦੇ ਨਾਲ 256GB ਦੀ UFS 2.2 ਸਟੋਰੇਜ ਦਾ ਆਪਸ਼ਨ ਮਿਲਦਾ ਹੈ। ਫ਼ੋਨ ਐਂਡਰਾਇਡ 16 'ਤੇ ਅਧਾਰਿਤ realme UI 7.0 'ਤੇ ਚੱਲਦਾ ਹੈ। ਫ਼ੋਨ ਵਿੱਚ 7000mAh ਦੀ ਬੈਟਰੀ ਮਿਲਦੀ ਹੈ, ਜੋ 60W ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ। ਇਸ ਵਿੱਚ ਕੂਲਿੰਗ ਲਈ 6050mm² ਵੈਪੋਰ ਚੈਂਬਰ ਦਿੱਤਾ ਗਿਆ ਹੈ। ਇਹ ਫ਼ੋਨ IP66, IP68, IP69, ਅਤੇ IP69K ਰੇਟਿੰਗ ਨੂੰ ਸਪੋਰਟ ਕਰਦਾ ਹੈ।

Realme 16 Pro 5G ਦੇ ਫੀਚਰਜ਼

Realme 16 Pro 5G ਵਿੱਚ 6.78 ਇੰਚ ਦੀ FHD+ AMOLED ਡਿਸਪਲੇਅ ਦਿੱਤੀ ਗਈ ਹੈ, ਜਿਸਦਾ ਰੈਜ਼ੋਲਿਊਸ਼ਨ 1272 × 2772 ਪਿਕਸਲ ਅਤੇ ਰਿਫ੍ਰੈਸ਼ ਰੇਟ 144Hz ਹੈ। ਡਿਸਪਲੇਅ ਦਾ ਟੱਚ ਸੈਂਪਲਿੰਗ ਰੇਟ 240Hz ਅਤੇ ਬ੍ਰਾਈਟਨੈੱਸ 6500 ਨਿਟਸ ਹੈ। ਰੀਅਲਮੀ ਦੇ ਇਸ ਪ੍ਰੋ ਮਾਡਲ ਵਿੱਚ MediaTek Dimensity 7300 Max 5G ਚਿੱਪਸੈੱਟ ਦਿੱਤਾ ਗਿਆ ਹੈ। ਫ਼ੋਨ ਵਿੱਚ ਗ੍ਰਾਫਿਕਸ ਸਪੋਰਟ ਲਈ Arm Mali G615 GPU ਮਿਲਦਾ ਹੈ। ਇਹ ਫ਼ੋਨ 12GB ਦੀ LPDDR4X RAM ਅਤੇ 256GB ਦੀ UFS 3.1 ਸਟੋਰੇਜ ਦੇ ਨਾਲ ਆਉਂਦਾ ਹੈ। ਇਸ ਫ਼ੋਨ ਵਿੱਚ ਵੀ 7000mAh ਦੀ ਦਮਦਾਰ ਬੈਟਰੀ ਮਿਲਦੀ ਹੈ ਅਤੇ ਕੰਪਨੀ ਨੇ ਇਸ ਵਿੱਚ 80W ਫਾਸਟ ਚਾਰਜਿੰਗ ਦਾ ਸਪੋਰਟ ਦਿੱਤਾ ਹੈ।

ਕੈਮਰਾ ਅਤੇ ਹੋਰ ਖੂਬੀਆਂ

ਫੋਟੋਗ੍ਰਾਫੀ ਦੀ ਗੱਲ ਕਰੀਏ ਤਾਂ ਇਸ ਵਿੱਚ 200MP ਦਾ ਪ੍ਰਾਇਮਰੀ ਕੈਮਰਾ ਦਿੱਤਾ ਗਿਆ ਹੈ, ਜਿਸ ਦੇ ਨਾਲ 8MP ਦਾ ਅਲਟਰਾ-ਵਾਈਡ ਕੈਮਰਾ ਮਿਲਦਾ ਹੈ। ਸੈਲਫੀ ਲਈ ਇਸ ਫ਼ੋਨ ਵਿੱਚ 50MP ਦਾ ਫਰੰਟ ਕੈਮਰਾ ਦਿੱਤਾ ਗਿਆ ਹੈ। ਇਹ ਫ਼ੋਨ 4K ਵੀਡੀਓ ਰਿਕਾਰਡਿੰਗ ਨੂੰ ਸਪੋਰਟ ਕਰਦਾ ਹੈ। ਇਸ ਦੇ ਨਾਲ ਹੀ ਰੀਅਲਮੀ ਦਾ ਇਹ ਫ਼ੋਨ IP66, IP68, IP69 ਅਤੇ IP69K ਰੇਟਿੰਗ ਦੇ ਨਾਲ ਆਉਂਦਾ ਹੈ, ਜੋ ਇਸਨੂੰ ਪਾਣੀ ਅਤੇ ਧੂੜ ਤੋਂ ਸੁਰੱਖਿਅਤ ਰੱਖਦਾ ਹੈ। ਸੁਰੱਖਿਆ ਲਈ ਇਸ ਵਿੱਚ ਇਨ-ਡਿਸਪਲੇਅ ਫਿੰਗਰਪ੍ਰਿੰਟ ਸੈਂਸਰ ਦਾ ਸਪੋਰਟ ਵੀ ਦਿੱਤਾ ਗਿਆ ਹੈ।

ਕੀਮਤ

Realme 16 Pro 5G ਨੂੰ ਵੀਅਤਨਾਮ ਵਿੱਚ VND 14,490,000 (ਲਗਭਗ 48,500 ਰੁਪਏ) ਦੀ ਸ਼ੁਰੂਆਤੀ ਕੀਮਤ ਵਿੱਚ ਲਾਂਚ ਕੀਤਾ ਗਿਆ ਹੈ। ਇਹ ਫ਼ੋਨ Purple Orchid (ਜਾਮਣੀ) ਅਤੇ Gray Gravel (ਸਲੇਟੀ) ਕਲਰ ਆਪਸ਼ਨ ਵਿੱਚ ਵਿਕਰੀ ਲਈ ਉਪਲਬਧ ਹੋਵੇਗਾ।

ਇਸ ਦੇ ਨਾਲ ਹੀ, ਸਟੈਂਡਰਡ Realme 16 5G ਨੂੰ VND 11,490,000 (ਲਗਪਗ 38,500 ਰੁਪਏ) ਦੀ ਕੀਮਤ ਵਿੱਚ ਪੇਸ਼ ਕੀਤਾ ਗਿਆ ਹੈ। ਰੀਅਲਮੀ ਦਾ ਇਹ ਫ਼ੋਨ White Swan (ਚਿੱਟਾ) ਅਤੇ Black Cloud (ਕਾਲਾ) ਕਲਰ ਆਪਸ਼ਨ ਵਿੱਚ ਲਾਂਚ ਹੋਇਆ ਹੈ।