ਰਾਤ ਦੀ ਡ੍ਰਾਈਵਿੰਗ ਦਾ ਡਰ ਹੋਵੇਗਾ ਛੂ-ਮੰਤਰ, ਫਾਲੋ ਕਰੋ ਇਹ ਆਸਾਨ ਸਟੈਪਸ ਅਤੇ ਹਾਈਵੇਅ 'ਤੇ ਬਣੋ ਰੋਡ ਕਿੰਗ

ਆਟੋ ਡੈਸਕ, ਨਵੀਂ ਦਿੱਲੀ: ਭਾਰਤ ਵਿੱਚ ਬਹੁਤ ਸਾਰੇ ਲੋਕ ਦਿਨ ਦੀ ਬਜਾਏ ਰਾਤ ਨੂੰ ਕਾਰ ਵਿੱਚ ਸਫਰ ਕਰਨਾ ਪਸੰਦ ਕਰਦੇ ਹਨ। ਇਸ ਤਰ੍ਹਾਂ ਦੇ ਸਫਰ ਵਿੱਚ ਕਈ ਵਾਰ ਮੁਸ਼ਕਲਾਂ ਵੀ ਆ ਜਾਂਦੀਆਂ ਹਨ। ਜੇਕਰ ਕੁਝ ਗੱਲਾਂ ਦਾ ਧਿਆਨ ਰੱਖਦੇ ਹੋਏ ਰਾਤ ਦੇ ਸਮੇਂ ਸਫਰ ਕੀਤਾ ਜਾਵੇ, ਤਾਂ ਇਹ ਕਾਫੀ ਆਸਾਨ ਅਤੇ ਸੁਰੱਖਿਅਤ ਹੋ ਸਕਦਾ ਹੈ। ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਰਾਤ ਦੀ ਡ੍ਰਾਈਵਿੰਗ ਨੂੰ ਸੁਖਾਲਾ ਬਣਾਉਣ ਦੇ ਕੁਝ ਨੁਕਤੇ ਦੱਸ ਰਹੇ ਹਾਂ।

ਲਾਈਟਾਂ ਹਨ ਬਹੁਤ ਜ਼ਰੂਰੀ

ਰਾਤ ਦੇ ਸਮੇਂ ਕਾਰ ਦੀਆਂ ਲਾਈਟਾਂ ਦਾ ਸਹੀ ਤਰੀਕੇ ਨਾਲ ਕੰਮ ਕਰਨਾ ਬੇਹੱਦ ਜ਼ਰੂਰੀ ਹੁੰਦਾ ਹੈ। ਕਈ ਵਾਰ ਲੋਕ ਇਸ ਪਾਸੇ ਲਾਪਰਵਾਹੀ ਕਰਦੇ ਹਨ, ਜਿਸ ਨਾਲ ਹਾਦਸਾ ਹੋਣ ਦਾ ਖ਼ਤਰਾ ਵਧ ਜਾਂਦਾ ਹੈ। ਜੇਕਰ ਹੈੱਡਲਾਈਟਸ ਅਤੇ ਬੈਕਲਾਈਟਸ ਸਹੀ ਹੋਣ ਤਾਂ ਰਾਤ ਦਾ ਸਫਰ ਕਾਫੀ ਆਸਾਨ ਹੋ ਜਾਂਦਾ ਹੈ।

ਵਿੰਡਸ਼ੀਲਡ ਨੂੰ ਰੱਖੋ ਸਾਫ਼

ਅਕਸਰ ਰਾਤ ਦੇ ਸਮੇਂ ਕਾਰ ਚਲਾਉਂਦੇ ਹੋਏ ਸਾਹਮਣੇ ਤੋਂ ਆਉਣ ਵਾਲੇ ਟ੍ਰੈਫਿਕ ਦੀ ਸਹੀ ਜਾਣਕਾਰੀ ਨਹੀਂ ਮਿਲ ਪਾਉਂਦੀ। ਅਜਿਹਾ ਉਦੋਂ ਹੁੰਦਾ ਹੈ ਜਦੋਂ ਕਾਰ ਦੀ ਵਿੰਡਸ਼ੀਲਡ (ਸਾਹਮਣੇ ਵਾਲਾ ਸ਼ੀਸ਼ਾ) ਪੂਰੀ ਤਰ੍ਹਾਂ ਸਾਫ਼ ਨਾ ਹੋਵੇ। ਸਫਰ ਦੌਰਾਨ ਵਿੰਡਸ਼ੀਲਡ 'ਤੇ ਧੂੜ-ਮਿੱਟੀ ਜੰਮ ਜਾਂਦੀ ਹੈ, ਜਿਸ ਨਾਲ ਦੇਖਣ ਦੀ ਸਮਰੱਥਾ (Visibility) ਪ੍ਰਭਾਵਿਤ ਹੁੰਦੀ ਹੈ। ਇਸ ਲਈ ਰਾਤ ਨੂੰ ਨਿਕਲਣ ਵੇਲੇ ਸ਼ੀਸ਼ੇ ਨੂੰ ਚੰਗੀ ਤਰ੍ਹਾਂ ਸਾਫ਼ ਜ਼ਰੂਰ ਕਰੋ।

ਹਰ ਘੰਟੇ ਬਾਅਦ ਲਓ ਬ੍ਰੇਕ

ਰਾਤ ਦੇ ਸਮੇਂ ਜੇਕਰ ਬਿਨਾਂ ਕਿਸੇ ਪਰੇਸ਼ਾਨੀ ਦੇ ਕਾਰ ਚਲਾਉਣੀ ਹੋਵੇ, ਤਾਂ ਹਰ ਕੁਝ ਘੰਟਿਆਂ ਬਾਅਦ ਬ੍ਰੇਕ ਲੈਣਾ ਬਹੁਤ ਜ਼ਰੂਰੀ ਹੈ। ਲਗਾਤਾਰ ਗੱਡੀ ਚਲਾਉਣ ਨਾਲ ਡ੍ਰਾਈਵਰ ਨੂੰ ਨੀਂਦ ਆਉਣ ਦਾ ਖ਼ਤਰਾ ਵਧ ਜਾਂਦਾ ਹੈ, ਜੋ ਕਿ ਵੱਡੇ ਹਾਦਸੇ ਦਾ ਕਾਰਨ ਬਣ ਸਕਦਾ ਹੈ। ਥੋੜ੍ਹੀ ਦੇਰ ਰੁਕਣ ਨਾਲ ਡ੍ਰਾਈਵਰ ਦੀ ਸੁਸਤੀ ਦੂਰ ਹੁੰਦੀ ਹੈ ਅਤੇ ਇੰਜਣ ਨੂੰ ਵੀ ਕੁਝ ਦੇਰ ਲਈ ਆਰਾਮ ਮਿਲਦਾ ਹੈ।

ਆਪਣੀ ਪਸੰਦ ਦੇ ਸੁਣੋ ਗਾਣੇ

ਰਾਤ ਦੇ ਸਫਰ ਦੌਰਾਨ ਜੇਕਰ ਕਾਰ ਵਿੱਚ ਆਪਣੀ ਪਸੰਦ ਦੇ ਗਾਣੇ ਚਲਾਏ ਜਾਣ, ਤਾਂ ਸਫਰ ਬੋਰਿੰਗ ਨਹੀਂ ਲੱਗਦਾ ਅਤੇ ਡ੍ਰਾਈਵਰ ਚੌਕਸ ਰਹਿੰਦਾ ਹੈ। ਪਰ ਧਿਆਨ ਰੱਖੋ ਕਿ ਗਾਣਿਆਂ ਦੀ ਆਵਾਜ਼ ਬਹੁਤ ਤੇਜ਼ ਨਾ ਹੋਵੇ, ਕਿਉਂਕਿ ਤੇਜ਼ ਆਵਾਜ਼ ਕਾਰਨ ਦੂਜੇ ਵਾਹਨਾਂ ਦੇ ਹਾਰਨ ਸੁਣਾਈ ਨਹੀਂ ਦਿੰਦੇ। ਇਸ ਲਈ ਘੱਟ ਆਵਾਜ਼ ਵਿੱਚ ਮਨਪਸੰਦ ਸੰਗੀਤ ਦਾ ਆਨੰਦ ਲੈਂਦੇ ਹੋਏ ਆਸਾਨੀ ਨਾਲ ਸਫਰ ਪੂਰਾ ਕੀਤਾ ਜਾ ਸਕਦਾ ਹੈ।