ਨਵੀਂ TATA Harrier EV ਇਸ ਕੀਮਤ 'ਤੇ ਲਾਂਚ; ਬੈਟਰੀ 'ਤੇ ਲਾਈਫਟਾਈਮ ਵਾਰੰਟੀ ਨਾਲ ਮਿਲਣਗੇ ਇਹ ਸ਼ਾਨਦਾਰ ਫੀਚਰਜ਼
ਟਾਟਾ ਪੈਸੰਜਰ ਇਲੈਕਟ੍ਰਿਕ ਮੋਬਿਲਿਟੀ ਦੇ ਮੁੱਖ ਵਪਾਰਕ ਅਧਿਕਾਰੀ ਵਿਵੇਕ ਸ਼੍ਰੀਵਾਤਸਾ ਨੇ ਕਿਹਾ ਕਿ ਗਾਹਕਾਂ ਨੂੰ Harrier EV ਬਹੁਤ ਪਸੰਦ ਆ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਪਿਛਲੇ 6 ਮਹੀਨਿਆਂ 'ਚ 13,000 ਤੋਂ ਵੱਧ Harrier EV ਗਾਹਕਾਂ ਨੂੰ ਸੌਂਪੀਆਂ ਜਾ ਚੁੱਕੀਆਂ ਹਨ। ਗਾਹਕਾਂ ਨੇ ਇਸ ਗੱਡੀ ਰਾਹੀਂ ਪੂਰੇ ਭਾਰਤ 'ਚ 10 ਕਰੋੜ ਕਿਲੋਮੀਟਰ ਤੋਂ ਵੱਧ ਦੀ ਦੂਰੀ ਤੈਅ ਕੀਤੀ ਹੈ, ਜੋ ਇਸ ਦੀ ਹਰ ਥਾਂ ਜਾਣ ਦੀ ਸਮਰੱਥਾ ਨੂੰ ਸਾਬਤ ਕਰਦਾ ਹੈ।
Posted By Seema Anand
Publish Date: Sat, 21 Mar 2026 01:48 PM (IST)
Updated Date: Sat, 21 Mar 2026 02:36 PM (IST)
ਆਟੋ ਡੈਸਕ, ਨਵੀਂ ਦਿੱਲੀ : TATA ਨੇ ਆਪਣੀ ਸਭ ਤੋਂ ਪਾਵਰਫੁੱਲ SUV, Harrier EV ਦਾ ਨਵਾਂ ਮਾਡਲ ਲਾਂਚ ਕੀਤਾ ਹੈ। ਇਸ ਦਾ ਨਾਂ Fearless+ QWD75 ਹੈ। TATA ਦੀ ਇਸ ਨਵੀਂ SUV ਦੀ ਕੀਮਤ 26.49 ਲੱਖ ਰੁਪਏ (ਐਕਸ-ਸ਼ੋਅਰੂਮ) ਹੈ। ਇਸ ਵਿਚ ਕੁਆਡ ਵ੍ਹੀਲ ਡ੍ਰਾਈਵ (QWD) ਦਿੱਤੀ ਗਈ ਹੈ। ਇਸ ਨਵੀਂ SUV ਨਾਲ ਤੁਸੀਂ ਆਫ-ਰੋਡਿੰਗ ਦਾ ਵੀ ਆਨੰਦ ਲੈ ਸਕਦੇ ਹੋ। ਇਹ ਪੂਰੀ ਤਰ੍ਹਾਂ 'ਮੇਡ ਇਨ ਇੰਡੀਆ' ਇਲੈਕਟ੍ਰਿਕ SUV ਹੈ।
ਹਰ ਰਸਤੇ 'ਤੇ ਮਜ਼ਬੂਤ ਪਕੜ
TATA ਦੀ ਇਹ ਨਵੀਂ ਇਲੈਕਟ੍ਰਿਕ SUV ਮਹਿਜ਼ 6.3 ਸੈਕਿੰਡ ਵਿੱਚ 0 ਤੋਂ 100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਫੜ ਲੈਂਦੀ ਹੈ। ਇਸ ਵਿਚ ਤੁਹਾਨੂੰ 504Nm ਦਾ ਟਾਰਕ ਮਿਲਦਾ ਹੈ, ਜਿਸ ਨਾਲ ਇਸ ਨੂੰ ਉਬੜ-ਖਾਬੜ ਰਸਤਿਆਂ 'ਤੇ ਚਲਾਉਣਾ ਕਾਫ਼ੀ ਆਸਾਨ ਹੋ ਜਾਂਦਾ ਹੈ। ਇਸ ਵਿਚ ਵੱਖ-ਵੱਖ ਰਸਤਿਆਂ ਲਈ 6 ਟੈਰੇਨ ਮੋਡ (Terrain Modes) ਅਤੇ ਆਫ-ਰੋਡ ਅਸਿਸਟ ਵੀ ਸ਼ਾਮਲ ਹੈ।
TATA Harrier EV ਦੇ ਫੀਚਰਜ਼
ਡਰਾਈਵਰ ਲਈ 6 ਤਰੀਕਿਆਂ ਨਾਲ ਸੈੱਟ ਹੋਣ ਵਾਲੀ ਪਾਵਰਡ ਸੀਟ ਅਤੇ ਨਾਲ ਵਾਲੀ ਸਵਾਰੀ ਲਈ 4 ਤਰੀਕਿਆਂ ਵਾਲੀ ਪਾਵਰਡ ਸੀਟ ਦਿੱਤੀ ਗਈ ਹੈ। ਅਗਲੀਆਂ ਦੋਵੇਂ ਸੀਟਾਂ ਵੈਂਟੀਲੇਟਡ ਹਨ। ਇਸ ਵਿਚ 360-ਡਿਗਰੀ ਕੈਮਰਾ ਅਤੇ JBL ਦੇ 10 ਸਪੀਕਰਾਂ ਵਾਲਾ ਸ਼ਾਨਦਾਰ ਆਡੀਓ ਸਿਸਟਮ ਮਿਲਦਾ ਹੈ। ਇਸ ਵਿਚ 19-ਇੰਚ ਦੇ ਅਲੌਏ ਵ੍ਹੀਲ ਅਤੇ ਆਵਾਜ਼ (Voice Control) ਨਾਲ ਕੰਟਰੋਲ ਹੋਣ ਵਾਲਾ ਡੁਅਲ-ਜ਼ੋਨ ਆਟੋਮੈਟਿਕ ਤਾਪਮਾਨ ਕੰਟਰੋਲ ਸਿਸਟਮ ਦਿੱਤਾ ਗਿਆ ਹੈ। ਰੋਜ਼ਾਨਾ ਦੇ ਸਫ਼ਰ ਨੂੰ ਆਸਾਨ ਬਣਾਉਣ ਲਈ ਇਸ ਵਿੱਚ ਐਂਬੀਅੰਟ ਲਾਈਟਿੰਗ, ਪਿਛਲੀ ਸੀਟ ਦੇ ਯਾਤਰੀਆਂ ਲਈ ਆਰਾਮਦਾਇਕ ਹੈੱਡਰੈਸਟ ਅਤੇ ਖਿੜਕੀਆਂ 'ਤੇ ਸਨਸ਼ੇਡ ਦਿੱਤੇ ਗਏ ਹਨ।
ਵਾਰੰਟੀ ਤੇ ਸੁਰੱਖਿਆ
ਇਸ ਗੱਡੀ ਦੇ ਨਾਲ ਬੈਟਰੀ 'ਤੇ ਅਨਲਿਮਟਿਡ ਲਾਈਫਟਾਈਮ ਵਾਰੰਟੀ ਦਿੱਤੀ ਗਈ ਹੈ ਜਿਸ ਨਾਲ ਇਸ ਨੂੰ ਲੰਬੇ ਸਮੇਂ ਤਕ ਚਲਾਉਣਾ ਆਸਾਨ ਤੇ ਚਿੰਤਾਮੁਕਤ ਹੋ ਜਾਂਦਾ ਹੈ। ਇਸ ਤੋਂ ਇਲਾਵਾ, ਇਸ SUV ਨੂੰ Bharat-NCAP ਵੱਲੋਂ 5-ਸਟਾਰ ਸੇਫਟੀ ਰੇਟਿੰਗ ਮਿਲੀ ਹੈ ਜੋ ਯਾਤਰੀਆਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਂਦੀ ਹੈ।
ਟਾਟਾ ਪੈਸੰਜਰ ਇਲੈਕਟ੍ਰਿਕ ਮੋਬਿਲਿਟੀ ਦੇ ਮੁੱਖ ਵਪਾਰਕ ਅਧਿਕਾਰੀ ਵਿਵੇਕ ਸ਼੍ਰੀਵਾਤਸਾ ਨੇ ਕਿਹਾ ਕਿ ਗਾਹਕਾਂ ਨੂੰ Harrier EV ਬਹੁਤ ਪਸੰਦ ਆ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਪਿਛਲੇ 6 ਮਹੀਨਿਆਂ 'ਚ 13,000 ਤੋਂ ਵੱਧ Harrier EV ਗਾਹਕਾਂ ਨੂੰ ਸੌਂਪੀਆਂ ਜਾ ਚੁੱਕੀਆਂ ਹਨ। ਗਾਹਕਾਂ ਨੇ ਇਸ ਗੱਡੀ ਰਾਹੀਂ ਪੂਰੇ ਭਾਰਤ 'ਚ 10 ਕਰੋੜ ਕਿਲੋਮੀਟਰ ਤੋਂ ਵੱਧ ਦੀ ਦੂਰੀ ਤੈਅ ਕੀਤੀ ਹੈ, ਜੋ ਇਸ ਦੀ ਹਰ ਥਾਂ ਜਾਣ ਦੀ ਸਮਰੱਥਾ ਨੂੰ ਸਾਬਤ ਕਰਦਾ ਹੈ।
ਹੈਰੀਅਰ EV ਹੁਣ 7 ਵੱਖ-ਵੱਖ ਵਿਕਲਪਾਂ (Options) ਵਿੱਚ ਉਪਲਬਧ ਹੈ:
| ਪਰਸੋਨਾ (Persona) | ਕੀਮਤ# (ਭਾਰਤੀ ਰੁਪਏ ਵਿੱਚ) (ਸਾਰੀਆਂ ਕੀਮਤਾਂ ਐਕਸ-ਸ਼ੋਰੂਮ, ਪੂਰੇ ਭਾਰਤ ਲਈ) |
| Adventure 65 | ₹ 21.49 ਲੱਖ |
| Adventure S 65 | ₹ 21.99 ਲੱਖ |
| Fearless+ 65 | ₹ 23.99 ਲੱਖ |
| Fearless+ 75 | ₹ 24.99 ਲੱਖ |
| Fearless+ 75 | ₹ 26.49 ਲੱਖ |
| Empowered 75 | ₹ 27.49 ਲੱਖ |
| Empowered 75 | ₹ 28.99 ਲੱਖ |
ਨੋਟ: ਕੀਮਤ ਵਿੱਚ ਚਾਰਜਰ ਅਤੇ ਇੰਸਟਾਲੇਸ਼ਨ (ਲਗਾਉਣ ਦਾ) ਖ਼ਰਚਾ ਸ਼ਾਮਲ ਨਹੀਂ ਹੈ। ਏਸੀ ਫਾਸਟ ਚਾਰਜਰ (AC Fast Charger) ਦਾ ਵਿਕਲਪ ਵਾਧੂ ₹49,000/- ਵਿੱਚ ਉਪਲਬਧ ਹੈ।