Instagram, Facebook ਤੇ WhatsApp ਲਈ Meta ਲਿਆਇਆ ਨਵੇਂ ਪੇਡ ਪਲਾਨਸ, ਦੇਖੋ ਪੂਰੀ ਲਿਸਟ
ਮੇਟਾ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਇੰਸਟਾਗ੍ਰਾਮ, ਫੇਸਬੁੱਕ ਅਤੇ ਵਟਸਐਪ ਲਈ ਆਪਣੇ ਨਵੇਂ ਪੇਡ ਸਬਸਕ੍ਰਿਪਸ਼ਨ ਪਲਾਨ ਪੇਸ਼ ਕਰ ਦਿੱਤੇ ਹਨ। ਇਨ੍ਹਾਂ ਨਵੇਂ ਪਲਾਨਾਂ ਵਿੱਚ ਕੰਪਨੀ ਯੂਜ਼ਰਸ ਨੂੰ ਕਈ ਨਵੇਂ ਐਕਸਕਲੂਸਿਵ ਫੀਚਰਸ ਦੇ ਰਹੀ ਹੈ। ਇਸ ਦਾ ਮਤਲਬ ਹੈ ਕਿ ਜੇਕਰ ਤੁਸੀਂ ਇਹ ਪਲਾਨ ਲੈਂਦੇ ਹੋ ਤਾਂ ਤੁਹਾਨੂੰ ਇਨ੍ਹਾਂ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਹੋਰ ਵੀ ਜ਼ਿਆਦਾ ਨਵੇਂ ਟੂਲਸ ਅਤੇ ਕਸਟਮਾਈਜ਼ੇਸ਼ਨ ਦੇ ਆਪਸ਼ਨ ਮਿਲਣਗੇ, ਜੋ ਆਮ ਯੂਜ਼ਰਸ ਨੂੰ ਨਹੀਂ ਮਿਲਣਗੇ।
Posted By Anuradha Bains
Publish Date: Thu, 28 May 2026 11:19 AM (IST)
Updated Date: Thu, 28 May 2026 11:23 AM (IST)
ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ। ਮੇਟਾ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਇੰਸਟਾਗ੍ਰਾਮ, ਫੇਸਬੁੱਕ ਅਤੇ ਵਟਸਐਪ ਲਈ ਆਪਣੇ ਨਵੇਂ ਪੇਡ ਸਬਸਕ੍ਰਿਪਸ਼ਨ ਪਲਾਨ ਪੇਸ਼ ਕਰ ਦਿੱਤੇ ਹਨ। ਇਨ੍ਹਾਂ ਨਵੇਂ ਪਲਾਨਾਂ ਵਿੱਚ ਕੰਪਨੀ ਯੂਜ਼ਰਸ ਨੂੰ ਕਈ ਨਵੇਂ ਐਕਸਕਲੂਸਿਵ ਫੀਚਰਸ ਦੇ ਰਹੀ ਹੈ। ਇਸ ਦਾ ਮਤਲਬ ਹੈ ਕਿ ਜੇਕਰ ਤੁਸੀਂ ਇਹ ਪਲਾਨ ਲੈਂਦੇ ਹੋ ਤਾਂ ਤੁਹਾਨੂੰ ਇਨ੍ਹਾਂ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਹੋਰ ਵੀ ਜ਼ਿਆਦਾ ਨਵੇਂ ਟੂਲਸ ਅਤੇ ਕਸਟਮਾਈਜ਼ੇਸ਼ਨ ਦੇ ਆਪਸ਼ਨ ਮਿਲਣਗੇ, ਜੋ ਆਮ ਯੂਜ਼ਰਸ ਨੂੰ ਨਹੀਂ ਮਿਲਣਗੇ।
ਪੇਡ ਸਬਸਕ੍ਰਿਪਸ਼ਨ ਦੀ ਕੀਮਤ
ਰਿਪੋਰਟਾਂ ਤੋਂ ਪਤਾ ਲੱਗਦਾ ਹੈ ਕਿ Instagram Plus ਅਤੇ Facebook Plus ਦੀ ਕੀਮਤ 3.99 ਡਾਲਰ ਯਾਨੀ ਕਰੀਬ 387 ਰੁਪਏ ਪ੍ਰਤੀ ਮਹੀਨਾ ਰੱਖੀ ਗਈ ਹੈ, ਜਦਕਿ WhatsApp Plus ਲਈ 2.99 ਡਾਲਰ ਯਾਨੀ ਕਰੀਬ 290 ਰੁਪਏ ਪ੍ਰਤੀ ਮਹੀਨਾ ਖ਼ਰਚ ਕਰਨੇ ਪੈਣਗੇ। ਹਾਲਾਂਕਿ, ਅਜੇ ਤੱਕ ਕੰਪਨੀ ਨੇ ਭਾਰਤ ਵਿੱਚ ਇਨ੍ਹਾਂ ਦੀਆਂ ਕੀਮਤਾਂ ਦਾ ਐਲਾਨ ਨਹੀਂ ਕੀਤਾ ਹੈ।
ਪੇਡ ਪਲਾਨ ਵਿੱਚ ਕਿਹੜੇ-ਕਿਹੜੇ ਫੀਚਰਸ ਮਿਲਣਗੇ?
TechCrunch ਦੀ ਰਿਪੋਰਟ ਮੁਤਾਬਕ, ਇੰਸਟਾਗ੍ਰਾਮ ਪਲੱਸ ਯੂਜ਼ਰਸ ਨੂੰ ਇਹ ਦੇਖਣ ਦਾ ਆਪਸ਼ਨ ਮਿਲੇਗਾ ਕਿ ਉਨ੍ਹਾਂ ਦੀ ਸਟੋਰੀ ਕਿੰਨੀ ਵਾਰ ਦੁਬਾਰਾ ਪਲੇਅ ਕੀਤੀ ਗਈ ਹੈ। ਇਸ ਦੇ ਨਾਲ ਹੀ ਯੂਜ਼ਰਸ ਅਨਲਿਮਟਿਡ ਸਟੋਰੀ ਆਡੀਅੰਸ ਲਿਸਟਾਂ ਵੀ ਬਣਾ ਸਕਣਗੇ ਅਤੇ ਹਾਈਡ ਰਹਿ ਕੇ ਕਿਸੇ ਦੀ ਸਟੋਰੀ ਵੀ ਦੇਖ ਸਕਣਗੇ।
ਸਭ ਤੋਂ ਖ਼ਾਸ ਗੱਲ ਇਹ ਹੈ ਕਿ ਪਲੱਸ ਸਬਸਕ੍ਰਾਈਬਰਸ ਆਪਣੀਆਂ ਸਟੋਰੀਜ਼ ਨੂੰ 24 ਘੰਟਿਆਂ ਤੋਂ ਵੱਧ ਸਮੇਂ ਤੱਕ ਲਾਈਵ ਰੱਖ ਸਕਣਗੇ ਅਤੇ ਹਰ ਹਫ਼ਤੇ ਇੱਕ ਸਟੋਰੀ ਨੂੰ ਸਪਾਟਲਾਈਟ ਕਰਕੇ ਜ਼ਿਆਦਾ ਵਿਜ਼ੀਬਿਲਟੀ ਵੀ ਲੈ ਸਕਣਗੇ। ਇਸ ਤੋਂ ਇਲਾਵਾ ਸਟੋਰੀ ਵਿਊਅਰ ਲਿਸਟ ਵਿੱਚ ਸਰਚ ਦਾ ਆਪਸ਼ਨ ਵੀ ਮਿਲੇਗਾ।
ਇਸ ਤੋਂ ਇਲਾਵਾ ਮੇਟਾ ਨੇ ਕੁਝ ਕਾਸਮੈਟਿਕ ਅਪਗ੍ਰੇਡ ਵੀ ਸ਼ਾਮਲ ਕੀਤੇ ਹਨ। Instagram Plus ਯੂਜ਼ਰਸ ਨੂੰ ਐਨੀਮੇਟਡ 'Super Heart' ਰਿਐਕਸ਼ਨਸ, ਕਸਟਮ ਐਪ ਆਈਕਨਸ (Custom App Icons), ਖ਼ਾਸ ਬਾਇਓ ਫੌਂਟਸ (Bio Fonts) ਅਤੇ ਵਾਧੂ ਪ੍ਰੋਫਾਈਲ ਪਿੰਨ (Profile Pins) ਕਰਨ ਦਾ ਆਪਸ਼ਨ ਵੀ ਮਿਲੇਗਾ।
ਵਟਸਐਪ ਵਿੱਚ ਕੀ ਮਿਲੇਗਾ ਖ਼ਾਸ?
ਰਿਪੋਰਟਾਂ ਅਨੁਸਾਰ, WhatsApp Plus ਖ਼ਾਸ ਤੌਰ 'ਤੇ ਚੈਟਿੰਗ ਦੇ ਤਜ਼ਰਬੇ ਨੂੰ ਬਿਹਤਰ ਬਣਾਉਣ ਵਿੱਚ ਕਾਫ਼ੀ ਜ਼ਿਆਦਾ ਮਦਦ ਕਰੇਗਾ। ਇਸ ਵਿੱਚ ਕਸਟਮ ਥੀਮਸ (Custom Themes), ਯੂਨੀਕ ਰਿੰਗਟੋਨਸ (Unique Ringtones), ਪ੍ਰੀਮੀਅਮ ਸਟਿੱਕਰਸ, ਜ਼ਿਆਦਾ ਪਿੰਨ ਕੀਤੀਆਂ ਚੈਟਾਂ (Pinned Chats) ਅਤੇ ਐਡਵਾਂਸ ਚੈਟ ਲਿਸਟ ਕਸਟਮਾਈਜ਼ੇਸ਼ਨ ਵਰਗੇ ਫੀਚਰਸ ਦੇਖਣ ਨੂੰ ਮਿਲਣ ਵਾਲੇ ਹਨ।