ਸਾਵਧਾਨ! ਕੀ WhatsApp ਤੁਹਾਡੀਆਂ ਨਿੱਜੀ ਗੱਲਾਂ ਪੜ੍ਹ ਰਿਹਾ ਹੈ? ਐਲਨ ਮਸਕ ਦੇ ਇੱਕ ਟਵੀਟ ਨੇ ਮਚਾਈ ਹਲਚਲ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ: ਟੈਕਨੋਲੋਜੀ ਦੀ ਦੁਨੀਆ ਵਿੱਚ ਇੱਕ ਵਾਰ ਫਿਰ ਪ੍ਰਾਈਵੇਸੀ (ਨਿੱਜਤਾ) ਨੂੰ ਲੈ ਕੇ ਤੂਫ਼ਾਨ ਖੜ੍ਹਾ ਹੋ ਗਿਆ ਹੈ। Meta ਅਤੇ WhatsApp ਦੇ ਖ਼ਿਲਾਫ਼ ਅਮਰੀਕਾ ਵਿੱਚ ਦਾਇਰ ਇੱਕ ਨਵੇਂ ਮੁਕੱਦਮੇ ਨੇ 'ਐਂਡ-ਟੂ-ਐਂਡ ਐਨਕ੍ਰਿਪਸ਼ਨ' 'ਤੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। ਇਸ ਮਾਮਲੇ 'ਤੇ ਹੁਣ Tesla ਅਤੇ X ਦੇ ਮਾਲਕ ਐਲਨ ਮਸਕ ਨੇ ਵੀ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ, ਜਿਸ ਨਾਲ ਇਹ ਬਹਿਸ ਹੋਰ ਤੇਜ਼ ਹੋ ਗਈ ਹੈ।

1. WhatsApp ਦੀ ਪ੍ਰਾਈਵੇਸੀ 'ਤੇ ਸਵਾਲ

ਅਮਰੀਕਾ ਦੀ ਇੱਕ ਅਦਾਲਤ ਵਿੱਚ ਦਾਇਰ ਕੇਸ ਵਿੱਚ Meta ਅਤੇ WhatsApp 'ਤੇ ਯੂਜ਼ਰਜ਼ ਨੂੰ ਗੁਮਰਾਹ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਦੋਸ਼ ਹੈ ਕਿ ਕੰਪਨੀ ਐਂਡ-ਟੂ-ਐਂਡ ਐਨਕ੍ਰਿਪਸ਼ਨ ਦਾ ਦਾਵਾ ਤਾਂ ਕਰਦੀ ਹੈ, ਪਰ ਅਸਲ ਵਿੱਚ ਯੂਜ਼ਰਜ਼ ਦੀਆਂ ਪ੍ਰਾਈਵੇਟ ਚੈਟਸ ਸਟੋਰ ਕਰ ਰਹੀ ਹੈ ਅਤੇ ਲੋੜ ਪੈਣ 'ਤੇ ਉਨ੍ਹਾਂ ਤੱਕ ਪਹੁੰਚ ਵੀ ਸਕਦੀ ਹੈ।

2. ਕਈ ਦੇਸ਼ਾਂ ਨੇ ਦਾਇਰ ਕੀਤਾ ਕੇਸ

ਬਲੂਮਬਰਗ (Bloomberg) ਦੀ ਰਿਪੋਰਟ ਅਨੁਸਾਰ, ਇਹ ਮਾਮਲਾ ਸਿਰਫ਼ ਅਮਰੀਕਾ ਤੱਕ ਸੀਮਤ ਨਹੀਂ ਹੈ। ਭਾਰਤ, ਆਸਟ੍ਰੇਲੀਆ, ਬ੍ਰਾਜ਼ੀਲ, ਮੈਕਸੀਕੋ ਅਤੇ ਦੱਖਣੀ ਅਫ਼ਰੀਕਾ ਸਮੇਤ ਕਈ ਦੇਸ਼ਾਂ ਦੇ ਸ਼ਿਕਾਇਤਕਰਤਾਵਾਂ ਨੇ ਮਿਲ ਕੇ ਇਹ ਕੇਸ ਦਾਇਰ ਕੀਤਾ ਹੈ। ਦਾਵਾ ਕੀਤਾ ਗਿਆ ਹੈ ਕਿ ਮੈਟਾ ਦੇ ਕਰਮਚਾਰੀ ਕਥਿਤ ਤੌਰ 'ਤੇ WhatsApp ਚੈਟ ਦੇ ਕੰਟੈਂਟ ਨੂੰ ਦੇਖ ਸਕਦੇ ਹਨ।

WhatsApp is not secure. Even Signal is questionable.

Use 𝕏 Chat. https://t.co/MWXCOmkbTD

— Elon Musk (@elonmusk) January 27, 2026

3. 'ਵਿਸਲਬਲੋਅਰਜ਼' ਦਾ ਜ਼ਿਕਰ

ਕੇਸ ਵਿੱਚ ਕਿਹਾ ਗਿਆ ਹੈ ਕਿ ਕੰਪਨੀ ਦੀਆਂ ਇਨ੍ਹਾਂ ਗੁਪਤ ਗਤੀਵਿਧੀਆਂ ਦਾ ਖ਼ੁਲਾਸਾ 'ਵਿਸਲਬਲੋਅਰਜ਼' (ਭੇਤ ਖੋਲ੍ਹਣ ਵਾਲੇ ਕਰਮਚਾਰੀ) ਨੇ ਕੀਤਾ ਹੈ। ਹਾਲਾਂਕਿ, ਅਜੇ ਤੱਕ ਉਨ੍ਹਾਂ ਦੀ ਪਛਾਣ ਜਾਂ ਕੋਈ ਠੋਸ ਸਬੂਤ ਜਨਤਕ ਨਹੀਂ ਕੀਤਾ ਗਿਆ ਹੈ।

4. Meta ਦਾ ਪਲਟਵਾਰ

Meta ਨੇ ਇਨ੍ਹਾਂ ਸਾਰੇ ਦੋਸ਼ਾਂ ਨੂੰ ਸਿਰੇ ਤੋਂ ਖਾਰਜ ਕਰਦਿਆਂ ਇਨ੍ਹਾਂ ਨੂੰ 'ਫਰਜ਼ੀ' ਅਤੇ 'ਬੇਬੁਨਿਆਦ' ਦੱਸਿਆ ਹੈ। ਮੈਟਾ ਦੇ ਬੁਲਾਰੇ ਐਂਡੀ ਸਟੋਨ ਨੇ ਕਿਹਾ ਕਿ ਇਹ ਦਾਵਾ ਕਰਨਾ ਕਿ WhatsApp ਮੈਸੇਜ ਐਨਕ੍ਰਿਪਟਡ ਨਹੀਂ ਹਨ, ਪੂਰੀ ਤਰ੍ਹਾਂ ਗਲਤ ਅਤੇ ਬੇਤੁਕਾ ਹੈ।

5. ਐਲਨ ਮਸਕ ਦੀ ਐਂਟਰੀ

ਜਦੋਂ ਇਹ ਮੁੱਦਾ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਟ੍ਰੈਂਡ ਕਰਨ ਲੱਗਾ, ਤਾਂ ਐਲਨ ਮਸਕ ਨੇ ਲਿਖਿਆ— "WhatsApp is not secure" (ਵਟਸਐਪ ਸੁਰੱਖਿਅਤ ਨਹੀਂ ਹੈ)। ਉਨ੍ਹਾਂ ਨੇ 'ਸਿਗਨਲ' ਐਪ 'ਤੇ ਵੀ ਸਵਾਲ ਚੁੱਕੇ ਅਤੇ ਲੋਕਾਂ ਨੂੰ 'X Chat' ਵਰਤਣ ਦੀ ਸਲਾਹ ਦਿੱਤੀ।