- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਘਰ ਅਤੇ ਸਟੇਸ਼ਨ 'ਤੇ 1 ਘੰਟਾ EV ਚਾਰਜ ਕਰਨ 'ਚ ਕਿੰਨਾ ਖਰਚ ਆਵੇਗਾ? ਜਾਣੋ ਪੂਰਾ ਗਣਿਤ
ਜੇਕਰ ਤੁਸੀਂ DC ਫਾਸਟ ਚਾਰਜਿੰਗ ਸਟੇਸ਼ਨ 'ਤੇ ਚਾਰਜ ਕਰਦੇ ਹੋ ਤਾਂ ਖਰਚਾ ਜ਼ਿਆਦਾ ਹੀ ਆਵੇਗਾ। ਉੱਥੇ ਹੀ, ਜੇਕਰ ਤੁਸੀਂ AC ਚਾਰਜਰ ਨਾਲ ਈਵੀ (EV) ਚਾਰਜ ਕਰਦੇ ਹੋ ਤਾਂ ਬਿਜਲੀ ਘੱਟ ਖਰਚ ਹੋਵੇਗੀ।
Posted By Seema Anand
Publish Date: Mon, 09 Mar 2026 04:42 PM (IST)
Updated Date: Mon, 09 Mar 2026 04:45 PM (IST)
ਆਟੋ ਡੈਸਕ, ਨਵੀਂ ਦਿੱਲੀ : ਤੁਸੀਂ ਇਲੈਕਟ੍ਰਿਕ ਕਾਰ ਖਰੀਦ ਲਈ ਹੈ ਪਰ ਕੀ ਇਸ ਗੱਲ ਤੋਂ ਪਰੇਸ਼ਾਨ ਹੋ ਕਿ ਇਸ ਵਿਚ ਕਿੰਨਾ ਖਰਚਾ ਆਵੇਗਾ? ਅੱਜ ਦੇ ਸਮੇਂ ਜ਼ਿਆਦਾਤਰ EV ਜਾਂ SUV ਫਾਸਟ ਚਾਰਜਿੰਗ ਸਪੋਰਟ ਕਰਦੀਆਂ ਹਨ। ਅਜਿਹੇ ਵਿਚ ਜੇਕਰ ਤੁਸੀਂ DC ਫਾਸਟ ਚਾਰਜਿੰਗ ਸਟੇਸ਼ਨ 'ਤੇ ਚਾਰਜ ਕਰਦੇ ਹੋ ਤਾਂ ਖਰਚਾ ਜ਼ਿਆਦਾ ਹੀ ਆਵੇਗਾ। ਉੱਥੇ ਹੀ, ਜੇਕਰ ਤੁਸੀਂ AC ਚਾਰਜਰ ਨਾਲ ਈਵੀ (EV) ਚਾਰਜ ਕਰਦੇ ਹੋ ਤਾਂ ਬਿਜਲੀ ਘੱਟ ਖਰਚ ਹੋਵੇਗੀ।
ਘਰ 'ਤੇ ਕਿੰਨਾ ਖਰਚਾ ਆਵੇਗਾ
ਇਹ ਇਸ ਗੱਲ 'ਤੇ ਨਿਰਭਰ ਕਰਦਾ ਹੈ ਕਿ ਤੁਹਾਡਾ ਚਾਰਜਰ ਕਿੰਨਾ ਸ਼ਕਤੀਸ਼ਾਲੀ ਹੈ ਤੇ ਤੁਹਾਡੇ ਇਲਾਕੇ 'ਚ 1 ਯੂਨਿਟ ਬਿਜਲੀ ਦਾ ਕੀ ਰੇਟ ਹੈ। ਜੇਕਰ ਤੁਸੀਂ ਘਰ ਦੇ ਨਾਰਮਲ ਪਲੱਗ ਜਾਂ ਥੋੜ੍ਹੇ ਤੇਜ਼ (7.2kW) ਚਾਰਜਰ ਦੀ ਵਰਤੋਂ ਕਰਦੇ ਹੋ ਤਾਂ 1 ਘੰਟੇ 'ਚ ਲਗਪਗ 7 ਤੋਂ 8 ਯੂਨਿਟ ਬਿਜਲੀ ਦੀ ਖਪਤ ਹੁੰਦੀ ਹੈ। ਜੇਕਰ ਤੁਹਾਡੇ ਇਲਾਕੇ 'ਚ ਬਿਜਲੀ ਦਾ ਰੇਟ 6 ਤੋਂ 7 ਰੁਪਏ ਹੈ ਤਾਂ ਇਕ ਘੰਟੇ ਦਾ ਖਰਚਾ 50-60 ਰੁਪਏ ਤਕ ਆਵੇਗਾ।
ਪਬਲਿਕ ਫਾਸਟ ਚਾਰਜਰ
ਜੇਕਰ ਤੁਸੀਂ ਬਾਹਰ ਕਿਸੇ 50kW ਦੇ DC ਫਾਸਟ ਚਾਰਜਰ ਦੀ ਵਰਤੋਂ ਕਰਦੇ ਹੋ ਤਾਂ ਉਹ ਇਕ ਘੰਟੇ 'ਚ ਕਰੀਬ 40-50 ਯੂਨਿਟ ਬਿਜਲੀ ਦੀ ਵਰਤੋਂ ਕਰਦਾ ਹੈ। ਚਾਰਜਿੰਗ ਸਟੇਸ਼ਨ ਚਲਾਉਣ ਵਾਲੀਆਂ ਕੰਪਨੀਆਂ ਸਰਵਿਸ ਚਾਰਜ ਅਤੇ GST ਵੀ ਲੈਂਦੀਆਂ ਹਨ, ਇਸ ਲਈ ਇਕ ਘੰਟਾ ਚਾਰਜ ਕਰਨ ਦਾ ਖਰਚਾ 600-800 ਤਕ ਜਾ ਸਕਦਾ ਹੈ। ਫਾਸਟ ਚਾਰਜਰ ਉਸੇ ਇਕ ਘੰਟੇ 'ਚ ਤੁਹਾਡੀ ਕਾਰ ਨੂੰ 60 ਤੋਂ 70% ਤੱਕ ਚਾਰਜ ਕਰ ਦਿੰਦੇ ਹਨ।
ਕੀ ਹਨ ਇਸਦੇ ਫਾਇਦੇ ਤੇ ਨੁਕਸਾਨ?
ਜੇਕਰ ਤੁਹਾਡੇ ਕੋਲ TATA Tiago ਜਾਂ MG Comet 'ਚ 30kWh ਦੀ ਬੈਟਰੀ ਹੈ ਤਾਂ ਉਸਨੂੰ ਫੁੱਲ ਚਾਰਜ ਕਰਨ 'ਚ ਕਰੀਬ 30 ਯੂਨਿਟ ਬਿਜਲੀ ਹੀ ਲੱਗੇਗੀ। ਘਰ 'ਤੇ ਖਰਚਾ ਘੱਟ ਹੁੰਦਾ ਹੈ ਪਰ ਨੁਕਸਾਨ ਇਹ ਹੈ ਕਿ ਇਸ ਵਿਚ ਸਮਾਂ ਜ਼ਿਆਦਾ ਲੱਗਦਾ ਹੈ। ਫਾਸਟ ਚਾਰਜਿੰਗ ਵਿੱਚ ਸਮੇਂ ਦੀ ਬਚਤ ਤਾਂ ਕਾਫੀ ਹੁੰਦੀ ਹੈ ਪਰ ਸਰਵਿਸ ਚਾਰਜ ਅਤੇ ਟੈਕਸ ਕਾਰਨ ਪੈਸੇ ਜ਼ਿਆਦਾ ਦੇਣੇ ਪੈਂਦੇ ਹਨ।