Google ਨੇ ਪੇਸ਼ ਕੀਤਾ Nano Banana 2 ਨਵਾਂ AI ਇਮੇਜ ਜਨਰੇਸ਼ਨ ਮਾਡਲ, ਜਾਣੋ ਖ਼ੂਬੀਆਂ ਤੇ ਕਿਵੇਂ ਮਿਲੇਗਾ ਐਕਸੈਸ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : Google ਨੇ ਆਪਣੇ ਏਆਈ (AI) ਇਮੇਜ ਜਨਰੇਸ਼ਨ ਮਾਡਲ ਦਾ ਲੇਟੈਸਟ ਮਾਡਲ Nano Banana 2 ਪੇਸ਼ ਕੀਤਾ ਹੈ। ਇਹ ਨਵਾਂ ਮਾਡਲ Gemini 3 Flash Image ਦੇ ਨਾਂ ਨਾਲ ਵੀ ਜਾਣਿਆ ਜਾ ਰਿਹਾ ਹੈ, ਜੋ ਅਸਲ 'ਨੈਨੋ ਬਨਾਨਾ' 'ਤੇ ਅਧਾਰਤ ਹੈ, ਜੋ ਆਪਣੀ ਇਮੇਜ ਐਡੀਟਿੰਗ ਸਕਿੱਲ ਲਈ ਮਸ਼ਹੂਰ ਹੈ। ਇਸ ਦੇ ਨਾਲ ਹੀ Nano Banana Pro ਐਡਵਾਂਸ ਇੰਟੈਲੀਜੈਂਸ ਅਤੇ ਸਟੂਡੀਓ-ਕੁਆਲਿਟੀ ਕ੍ਰਿਏਟਿਵ ਕੰਟਰੋਲ ਲਈ ਬਿਹਤਰੀਨ ਹੈ। ਗੂਗਲ ਦਾ ਕਹਿਣਾ ਹੈ ਕਿ ਲੇਟੈਸਟ Nano Banana 2 ਇਹਨਾਂ ਦੋਵਾਂ ਨਾਲੋਂ ਬਿਹਤਰ ਪਰਫਾਰਮੈਂਸ ਦੇਵੇਗਾ।

Nano Banana 2 ਦੀਆਂ ਖ਼ੂਬੀਆਂ

ਗੂਗਲ ਨੇ Nano Banana 2 ਨੂੰ ਫਾਸਟ ਇਮੇਜ ਜਨਰੇਸ਼ਨ, ਐਡੀਟਿੰਗ ਅਤੇ ਕੁਇੱਕ ਐਡਿਟ (Quick Edit) ਲਈ ਡਿਜ਼ਾਈਨ ਕੀਤਾ ਹੈ। ਇਹ Gemini ਦੀ ਜਾਣਕਾਰੀ ਅਤੇ ਰੀਅਲ-ਟਾਈਮ ਵੈੱਬ ਜਾਣਕਾਰੀ ਦੀ ਵਰਤੋਂ ਕਰਕੇ ਸਹੀ ਵਿਜ਼ੂਅਲ ਤਿਆਰ ਕਰੇਗਾ। ਇਹਨਾਂ ਖ਼ੂਬੀਆਂ ਦੀ ਮਦਦ ਨਾਲ, ਇਹ ਸ਼ਾਨਦਾਰ ਇਨਫੋਗ੍ਰਾਫਿਕਸ, ਸਧਾਰਨ ਡਾਇਗ੍ਰਾਮ ਅਤੇ ਡਾਟਾ-ਅਧਾਰਤ ਵਿਜ਼ੂਅਲ ਤਿਆਰ ਕਰੇਗਾ।

ਗੂਗਲ ਦਾ ਕਹਿਣਾ ਹੈ ਕਿ ਇਹ ਮਾਡਲ ਇਮੇਜ ਵਿੱਚ ਟੈਕਸਟ (ਲਿਖਤ) ਨੂੰ ਪਹਿਲਾਂ ਨਾਲੋਂ ਬਿਹਤਰ ਤਰੀਕੇ ਨਾਲ ਸੰਭਾਲੇਗਾ। ਯਾਨੀ ਯੂਜ਼ਰਸ ਇਮੇਜ ਵਿੱਚ ਸਾਫ਼ ਅਤੇ ਪੜ੍ਹਨਯੋਗ ਟੈਕਸਟ ਲਗਾ ਸਕਣਗੇ। ਇਹ ਨਵਾਂ ਮਾਡਲ ਸੋਸ਼ਲ ਮੀਡੀਆ ਪੋਸਟਾਂ ਤਿਆਰ ਕਰਨ ਲਈ ਸਭ ਤੋਂ ਵਧੀਆ ਵਿਕਲਪ ਬਣੇਗਾ। ਇਸ ਦੇ ਨਾਲ ਹੀ, ਇਹ ਮਾਡਲ ਇਮੇਜ ਵਿੱਚ ਲਿਖੇ ਟੈਕਸਟ ਨੂੰ ਟ੍ਰਾਂਸਲੇਟ (ਅਨੁਵਾਦ) ਵੀ ਕਰ ਸਕੇਗਾ।

Google ਨੇ ਲੇਟੈਸਟ Nano Banana 2 ਮਾਡਲ ਵਿੱਚ ਕ੍ਰਿਏਟਿਵ ਕੰਟਰੋਲ ਨੂੰ ਵੀ ਬਿਹਤਰ ਬਣਾਇਆ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਵੱਖ-ਵੱਖ ਆਸਪੈਕਟ ਰੇਸ਼ੋ (Aspect Ratio) ਅਤੇ 512 ਪਿਕਸਲ ਤੋਂ ਲੈ ਕੇ 4K ਰੈਜ਼ੋਲਿਊਸ਼ਨ ਤਕ ਦੀਆਂ ਤਸਵੀਰਾਂ ਤਿਆਰ ਕਰ ਸਕਦਾ ਹੈ।

ਕਿਵੇਂ ਮਿਲੇਗਾ Google Nano Banana 2 ਦਾ ਐਕਸੈਸ?

Nano Banana 2 ਨੂੰ ਗੂਗਲ ਦੇ ਸਾਰੇ ਉਤਪਾਦਾਂ (Products) ਦੇ ਨਾਲ ਰੋਲਆਊਟ ਕੀਤਾ ਜਾ ਰਿਹਾ ਹੈ। ਇਸ ਨੂੰ Gemini ਐਪ, Google Search ਦੇ AI Mode ਅਤੇ Lens, AI Studio ਅਤੇ Gemini API, Google Cloud ਦੇ Vertex AI, Flow ਅਤੇ Google Ads ਵਿੱਚ ਵਰਤਿਆ ਜਾ ਸਕਦਾ ਹੈ। ਇਹ ਨਵਾਂ ਮਾਡਲ ਗੂਗਲ ਦੇ ਸਾਰੇ ਏਆਈ ਮਾਡਲਾਂ 'ਤੇ ਇਮੇਜ ਜਨਰੇਸ਼ਨ ਲਈ ਲਾਈਵ ਹੋ ਚੁੱਕਾ ਹੈ।