BSNL ਲੈ ਕੇ ਆਇਆ 80 ਦਿਨਾਂ ਦਾ ਸਸਤਾ ਪਲਾਨ, ਹਰ ਰੋਜ਼ 2GB ਡਾਟਾ ਤੇ ਕਈ ਫਾਇਦੇ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ। ਪ੍ਰਾਈਵੇਟ ਟੈਲੀਕਾਮ ਕੰਪਨੀਆਂ ਨੂੰ ਮੁਕਾਬਲਾ ਦੇਣ ਲਈ ਸਰਕਾਰੀ ਟੈਲੀਕਾਮ ਕੰਪਨੀ BSNL ਇਕ ਦੇ ਬਾਅਦ ਇਕ ਸਸਤੇ ਅਤੇ ਵਧੀਆ ਫਾਇਦੇ ਵਾਲੇ ਪ੍ਰੀਪੇਡ ਪਲਾਨ ਪੇਸ਼ ਕਰ ਰਹੀ ਹੈ। ਹਾਲ ਹੀ ਵਿਚ ਕੰਪਨੀ ਨੇ ਕਈ ਅਜਿਹੇ ਪਲਾਨ ਪੇਸ਼ ਕੀਤੇ ਹਨ ਜੋ ਪ੍ਰਾਈਵੇਟ ਟੈਲੀਕਾਮ ਕੰਪਨੀਆਂ ਦੇ ਮੁਕਾਬਲੇ ਕਾਫੀ ਸਸਤੇ ਹਨ ਪਰ ਇਨ੍ਹਾਂ ਵਿਚ ਫਾਇਦੇ ਬਹੁਤ ਜ਼ਿਆਦਾ ਹਨ। ਇਸੇ ਦੌਰਾਨ ਕੰਪਨੀ ਨੇ ਹੁਣ ਇਕ ਹੋਰ ਨਵਾਂ ਪਲਾਨ ਪੇਸ਼ ਕੀਤਾ ਹੈ ਜਿਸ ਵਿਚ 80 ਦਿਨਾਂ ਦੀ ਲੰਬੀ ਵੈਲਿਡਿਟੀ ਦੇ ਨਾਲ ਕਾਲਿੰਗ ਅਤੇ ਡਾਟਾ ਫਾਇਦੇ ਵਰਗੇ ਕਈ ਲਾਭ ਮਿਲ ਰਹੇ ਹਨ। ਅੱਜ ਅਸੀਂ ਤੁਹਾਨੂੰ BSNL ਦੇ ਇਸ ਜ਼ਬਰਦਸਤ ਪਲਾਨ ਬਾਰੇ ਦਸਾਂਗੇ।

BSNL ਦਾ ਨਵਾਂ 485 ਰੁਪਏ ਵਾਲਾ ਪਲਾਨ

ਦਰਅਸਲ BSNL ਨੇ ਹਾਲ ਹੀ ਵਿਚ 485 ਰੁਪਏ ਵਾਲਾ ਨਵਾਂ ਪਲਾਨ ਪੇਸ਼ ਕੀਤਾ ਹੈ ਜਿਸ ਵਿਚ ਤੁਹਾਨੂੰ ਹਰ ਰੋਜ਼ 2GB ਹਾਈ-ਸਪੀਡ ਡਾਟਾ ਮਿਲੇਗਾ। ਇਸ ਤੋਂ ਇਲਾਵਾ, ਇਹ ਪਲਾਨ ਤੁਹਾਨੂੰ ਅਨਲਿਮਿਟਡ ਕਾਲਿੰਗ ਦੀ ਸੁਵਿਧਾ ਵੀ ਦੇ ਰਿਹਾ ਹੈ, ਜਿਸਦਾ ਮਤਲਬ ਹੈ ਕਿ ਤੁਸੀਂ ਦਿਨ ਭਰ ਜਿੰਨੀ ਮਰਜ਼ੀ ਗੱਲ ਕਰ ਸਕਦੇ ਹੋ। ਕਾਲ ਕਰਨ ਦੀ ਕੋਈ ਸੀਮਾ ਨਹੀਂ ਹੈ। ਇਸ ਦੇ ਨਾਲ, BSNL ਦਾ ਇਹ ਪਲਾਨ 100 ਮੁਫ਼ਤ SMS ਵੀ ਦੇ ਰਿਹਾ ਹੈ। ਡਾਟਾ ਅਤੇ ਕਾਲਿੰਗ ਦੇ ਨਾਲ-ਨਾਲ ਤੁਸੀਂ ਨਾਰਮਲ SMS ਵੀ ਭੇਜ ਸਕਦੇ ਹੋ।

ਪਲਾਨ ਨੂੰ ਹੋਰ ਵੀ ਖ਼ਾਸ ਬਣਾਉਣ ਲਈ ਕੰਪਨੀ ਨੇ ਇਸ ਵਿਚ BiTV ਸੇਵਾ ਦਾ ਲਾਭ ਵੀ ਦਿੱਤਾ ਹੈ। ਇਸ ਦਾ ਮਤਲਬ ਹੈ ਕਿ ਤੁਸੀਂ ਕੁਝ ਵਾਧੂ ਡਿਜੀਟਲ ਸਮੱਗਰੀ ਦਾ ਆਨੰਦ ਵੀ ਲੈ ਸਕਦੇ ਹੋ। ਜਾਣਕਾਰੀ ਦੇ ਲਈ ਦੱਸ ਦਈਏ ਕਿ ਨਿੱਜੀ ਟੈਲੀਕਾਮ ਕੰਪਨੀਆਂ ਕੋਲ ਵੀ ਕੋਈ ਅਜਿਹਾ ਪਲਾਨ ਨਹੀਂ ਹੈ ਜਿਸ ਵਿਚ ਰੋਜ਼ਾਨਾ 2GB ਹਾਈ-ਸਪੀਡ ਡਾਟਾ ਦੇ ਨਾਲ ਇੰਨੇ ਸਾਰੇ ਫਾਇਦੇ ਮਿਲਣ। ਜੇਕਰ ਦੇਖਿਆ ਜਾਵੇ ਤਾਂ ਕੀਮਤ ਦੇ ਹਿਸਾਬ ਨਾਲ ਇਹ ਕਾਫੀ ਜ਼ਬਰਦਸਤ ਪਲਾਨ ਹੈ ਜਿਸ ’ਚ ਲੰਬੀ ਵੈਲਿਡਿਟੀ ਅਤੇ ਵੱਧ ਡਾਟਾ ਵੀ ਮਿਲ ਰਿਹਾ ਹੈ।