ਬਹੁਤ ਜਲਦ ਸੜਕਾਂ 'ਤੇ ਆਵੇਗਾ ਯਾਮਾਹਾ ਦਾ ਪ੍ਰੀਮੀਅਮ ਸਕੂਟਰ NMax; ਘੱਟ ਕੀਮਤ 'ਚ ਮਿਲੇਗਾ ਰੇਸਿੰਗ ਮੋਟਰਸਾਈਕਲ ਦਾ ਮਜ਼ਾ

ਆਟੋ ਡੈਸਕ, ਨਵੀਂ ਦਿੱਲੀ: ਭਾਰਤੀ ਬਾਜ਼ਾਰ ਵਿੱਚ ਯਾਮਾਹਾ ਵੱਲੋਂ ਕਈ ਸੈਗਮੈਂਟਾਂ ਵਿੱਚ ਵਾਹਨਾਂ ਦੀ ਵਿਕਰੀ ਕੀਤੀ ਜਾਂਦੀ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਨਿਰਮਾਤਾ ਵੱਲੋਂ ਜਲਦ ਹੀ ਨਵੇਂ ਪ੍ਰੀਮੀਅਮ ਸਕੂਟਰ ਨੂੰ ਭਾਰਤੀ ਬਾਜ਼ਾਰ ਵਿੱਚ ਲਾਂਚ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਨਵੇਂ ਸਕੂਟਰ ਨੂੰ ਕਿਸ ਸੈਗਮੈਂਟ ਵਿੱਚ, ਕਿਸ ਤਰ੍ਹਾਂ ਦੀਆਂ ਖ਼ੂਬੀਆਂ ਅਤੇ ਫੀਚਰਜ਼ ਨਾਲ ਕਦੋਂ ਤੱਕ ਲਾਂਚ ਕੀਤਾ ਜਾ ਸਕਦਾ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ-

Yamaha ਲਾਂਚ ਕਰ ਸਕਦੀ ਹੈ ਨਵਾਂ ਸਕੂਟਰ

ਮੀਡੀਆ ਰਿਪੋਰਟਾਂ ਮੁਤਾਬਕ ਯਾਮਾਹਾ ਵੱਲੋਂ ਭਾਰਤੀ ਬਾਜ਼ਾਰ ਵਿੱਚ ਜਲਦ ਹੀ ਨਵੇਂ ਸਕੂਟਰ ਨੂੰ ਲਾਂਚ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਹਾਲਾਂਕਿ ਅਜੇ ਨਿਰਮਾਤਾ ਨੇ ਇਸ ਸਕੂਟਰ ਦੇ ਲਾਂਚ ਨੂੰ ਲੈ ਕੇ ਕੋਈ ਰਸਮੀ ਜਾਣਕਾਰੀ ਨਹੀਂ ਦਿੱਤੀ ਹੈ।

ਕਿਸ ਸੈਗਮੈਂਟ ਵਿੱਚ ਹੋਵੇਗਾ ਲਾਂਚ

ਰਿਪੋਰਟਾਂ ਮੁਤਾਬਕ ਨਿਰਮਾਤਾ ਵੱਲੋਂ 155 ਸੀਸੀ ਸੈਗਮੈਂਟ ਵਿੱਚ ਨਵੇਂ ਮੈਕਸੀ ਸਕੂਟਰ ਦੇ ਤੌਰ 'ਤੇ Yamaha NMax 155 ਨੂੰ ਲਾਂਚ ਕੀਤਾ ਜਾ ਸਕਦਾ ਹੈ। ਜਿਸ ਵਿੱਚ ਕਈ ਸ਼ਾਨਦਾਰ ਫੀਚਰਜ਼ ਅਤੇ ਦਮਦਾਰ ਇੰਜਣ ਮਿਲ ਸਕਦਾ ਹੈ।

ਕਿੰਨਾ ਦਮਦਾਰ ਇੰਜਣ

Yamaha NMax ਸਕੂਟਰ ਵਿੱਚ ਨਿਰਮਾਤਾ ਵੱਲੋਂ 155 ਸੀਸੀ ਦੀ ਸਮਰੱਥਾ ਦਾ ਇੰਜਣ ਦਿੱਤਾ ਜਾਵੇਗਾ। ਜਿਸ ਨਾਲ ਇਸ ਨੂੰ 15 ਬੀਐੱਚਪੀ ਦੀ ਪਾਵਰ ਅਤੇ 14 ਨਿਊਟਨ ਮੀਟਰ ਦਾ ਟਾਰਕ ਮਿਲ ਸਕਦਾ ਹੈ। ਇਸ ਸਕੂਟਰ ਵਿੱਚ ਸੱਤ ਲੀਟਰ ਦੀ ਸਮਰੱਥਾ ਦਾ ਪੈਟਰੋਲ ਟੈਂਕ ਵੀ ਮਿਲ ਸਕਦਾ ਹੈ।

ਕਿਹੋ ਜਿਹੇ ਹੋਣਗੇ ਫੀਚਰਜ਼

ਨਿਰਮਾਤਾ ਵੱਲੋਂ ਇਸ ਸਕੂਟਰ ਵਿੱਚ ਕਈ ਸ਼ਾਨਦਾਰ ਫੀਚਰਜ਼ ਦਿੱਤੇ ਜਾ ਸਕਦੇ ਹਨ। ਇਸ ਵਿੱਚ ਐੱਲਈਡੀ ਹੈੱਡਲਾਈਟ, ਐੱਲਈਡੀ ਟੇਲ ਲਾਈਟ, 770 ਐੱਮਐੱਮ ਸੀਟ ਹਾਈਟ, 4.2 ਇੰਚ ਡਿਜੀਟਲ ਇੰਸਟਰੂਮੈਂਟ ਕਲਸਟਰ, ਬਲੂਟੁੱਥ ਕਨੈਕਟੀਵਿਟੀ, ਟਰਨ ਬਾਏ ਟਰਨ ਨੇਵੀਗੇਸ਼ਨ, ਕਾਲ ਅਲਰਟ, 13 ਇੰਚ ਪਹੀਏ, ਡਿਸਕ ਬ੍ਰੇਕ, ਏਬੀਐੱਸ, ਵੱਡਾ ਬੂਟ ਸਪੇਸ, ਟਾਈਪ-ਸੀ ਚਾਰਜਿੰਗ ਪੋਰਟ, ਕੀ-ਲੈੱਸ ਸਟਾਰਟ/ਸਟਾਪ ਅਤੇ ਸਿੰਗਲ ਸੀਟ ਵਰਗੇ ਕਈ ਫੀਚਰਜ਼ ਦਿੱਤੇ ਜਾ ਸਕਦੇ ਹਨ।

ਕਦੋਂ ਹੋਵੇਗਾ ਲਾਂਚ

ਯਾਮਾਹਾ ਵੱਲੋਂ ਅਜੇ ਇਸ ਸਕੂਟਰ ਦੇ ਲਾਂਚ ਨੂੰ ਲੈ ਕੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਪਰ ਉਮੀਦ ਹੈ ਕਿ ਇਸ ਨੂੰ ਭਾਰਤ ਵਿੱਚ ਸਾਲ ਦੇ ਅਖੀਰ ਜਾਂ ਅਗਲੇ ਸਾਲ ਦੀ ਪਹਿਲੀ ਤਿਮਾਹੀ ਦੌਰਾਨ ਲਾਂਚ ਕੀਤਾ ਜਾ ਸਕਦਾ ਹੈ।