ਜੇ ਤੁਸੀਂ ਵੀ ਨਵਾਂ ਸਕੂਟਰ ਖਰੀਦਣ ਬਾਰੇ ਸੋਚ ਰਹੇ ਹੋ, ਤਾਂ ਜਾਣ ਲਓ ਪਿਛਲੇ ਮਹੀਨੇ ਦਾ ਰਿਪੋਰਟ ਕਾਰਡ; ਕੌਣ ਹੋਇਆ Top 5 'ਚ ਸ਼ਾਮਲ?

ਆਟੋ ਡੈਸਕ, ਨਵੀਂ ਦਿੱਲੀ: ਭਾਰਤੀ ਬਾਜ਼ਾਰ ਵਿੱਚ ਹਰ ਮਹੀਨੇ ਲੱਖਾਂ ਦੀ ਗਿਣਤੀ ਵਿੱਚ ਦੋ ਪਹੀਆ ਵਾਹਨਾਂ (Two-Wheelers) ਦੀ ਵਿਕਰੀ ਕੀਤੀ ਜਾਂਦੀ ਹੈ, ਜਿਨ੍ਹਾਂ ਵਿੱਚ ਵੱਡੀ ਗਿਣਤੀ ਵਿੱਚ ਸਕੂਟਰ ਵੀ ਸ਼ਾਮਲ ਹੁੰਦੇ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਪਿਛਲੇ ਮਹੀਨੇ ਦੌਰਾਨ ਕਿਨ੍ਹਾਂ ਪੰਜ ਸਕੂਟਰਾਂ ਦੀ ਸਭ ਤੋਂ ਜ਼ਿਆਦਾ ਮੰਗ ਰਹੀ ਹੈ ਅਤੇ Top 5 ਵਿੱਚ ਕਿਸ ਨਿਰਮਾਤਾ ਦਾ ਕਿਹੜਾ ਸਕੂਟਰ ਸ਼ਾਮਲ ਹੋਇਆ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।

1. Honda Activa ਦੀ ਰਹੀ ਸਭ ਤੋਂ ਜ਼ਿਆਦਾ ਮੰਗ

ਰਿਪੋਰਟਾਂ ਅਨੁਸਾਰ ਪਿਛਲੇ ਮਹੀਨੇ ਹੋਂਡਾ ਐਕਟਿਵਾ ਸਕੂਟਰ ਦੀ ਸਭ ਤੋਂ ਵੱਧ ਮੰਗ ਰਹੀ। ਇਸ ਸਕੂਟਰ ਦੀ ਪਿਛਲੇ ਮਹੀਨੇ ਦੌਰਾਨ 2.54 ਲੱਖ ਤੋਂ ਜ਼ਿਆਦਾ ਯੂਨਿਟਾਂ ਦੀ ਵਿਕਰੀ ਹੋਈ ਹੈ। ਜਦਕਿ ਪਿਛਲੇ ਸਾਲ ਇਸੇ ਸਮੇਂ ਦੌਰਾਨ ਇਸ ਦੀਆਂ 1.74 ਲੱਖ ਯੂਨਿਟਾਂ ਵਿਕੀਆਂ ਸਨ।

2. ਦੂਜੇ ਨੰਬਰ 'ਤੇ ਰਿਹਾ TVS Jupiter

ਟੀਵੀਐੱਸ (TVS) ਵੱਲੋਂ ਜੁਪੀਟਰ ਸਕੂਟਰ ਪੇਸ਼ ਕੀਤਾ ਜਾਂਦਾ ਹੈ। ਪਿਛਲੇ ਮਹੀਨੇ ਇਸ ਸਕੂਟਰ ਦੀ 1.27 ਲੱਖ ਤੋਂ ਜ਼ਿਆਦਾ ਯੂਨਿਟਾਂ ਦੀ ਵਿਕਰੀ ਹੋਈ ਹੈ। ਜਦਕਿ 2025 ਵਿੱਚ ਇਸੇ ਸਮੇਂ ਦੌਰਾਨ ਇਸ ਸਕੂਟਰ ਦੀਆਂ 1.03 ਲੱਖ ਤੋਂ ਜ਼ਿਆਦਾ ਯੂਨਿਟਾਂ ਵਿਕੀਆਂ ਸਨ।

3. ਤੀਜੇ ਨੰਬਰ 'ਤੇ ਰਿਹਾ Suzuki Access

ਸੁਜ਼ੂਕੀ ਵੱਲੋਂ ਐਕਸੈੱਸ (Access) ਨੂੰ ਬਾਜ਼ਾਰ ਵਿੱਚ ਵਿਕਰੀ ਲਈ ਉਪਲਬਧ ਕਰਵਾਇਆ ਜਾਂਦਾ ਹੈ। ਇਸ ਸਕੂਟਰ ਦੀ ਪਿਛਲੇ ਮਹੀਨੇ ਦੌਰਾਨ 70 ਹਜ਼ਾਰ ਤੋਂ ਜ਼ਿਆਦਾ ਯੂਨਿਟਾਂ ਦੀ ਵਿਕਰੀ ਹੋਈ ਹੈ। 2025 ਵਿੱਚ ਇਸੇ ਸਮੇਂ ਦੌਰਾਨ ਇਹ ਅੰਕੜਾ 59 ਹਜ਼ਾਰ ਤੋਂ ਜ਼ਿਆਦਾ ਯੂਨਿਟਾਂ ਦਾ ਸੀ।

4. ਅਗਲੇ ਨੰਬਰ 'ਤੇ ਰਿਹਾ TVS NTorq

ਟੀਵੀਐੱਸ ਵੱਲੋਂ ਜੁਪੀਟਰ ਤੋਂ ਇਲਾਵਾ ਐੱਨ-ਟਾਰਕ (NTorq) ਨੂੰ ਵੀ ਵਿਕਰੀ ਲਈ ਉਪਲਬਧ ਕਰਵਾਇਆ ਜਾਂਦਾ ਹੈ। ਪਿਛਲੇ ਮਹੀਨੇ ਇਸ ਦੀਆਂ ਕਰੀਬ 32 ਹਜ਼ਾਰ ਯੂਨਿਟਾਂ ਦੀ ਵਿਕਰੀ ਹੋਈ ਹੈ। ਜਦਕਿ 2025 ਵਿੱਚ ਇਸੇ ਸਮੇਂ ਦੌਰਾਨ ਇਹ ਗਿਣਤੀ ਕਰੀਬ 21 ਹਜ਼ਾਰ ਯੂਨਿਟਾਂ ਦੀ ਸੀ।

5. Top 5 ਵਿੱਚ ਸ਼ਾਮਲ ਹੋਇਆ Honda Dio

ਹੋਂਡਾ ਵੱਲੋਂ ਐਕਟਿਵਾ ਤੋਂ ਇਲਾਵਾ ਡੀਓ (Dio) ਸਕੂਟਰ ਨੂੰ ਵੀ ਵਿਕਰੀ ਲਈ ਉਪਲਬਧ ਕਰਵਾਇਆ ਜਾਂਦਾ ਹੈ। ਇਸ ਸਕੂਟਰ ਦੀ ਪਿਛਲੇ ਮਹੀਨੇ ਦੌਰਾਨ ਕਰੀਬ 28 ਹਜ਼ਾਰ ਤੋਂ ਜ਼ਿਆਦਾ ਯੂਨਿਟਾਂ ਦੀ ਵਿਕਰੀ ਹੋਈ ਹੈ। ਇਸ ਤੋਂ ਪਹਿਲਾਂ ਫਰਵਰੀ 2025 ਵਿੱਚ ਇਹ ਗਿਣਤੀ 16 ਹਜ਼ਾਰ ਯੂਨਿਟਾਂ ਤੋਂ ਜ਼ਿਆਦਾ ਰਹੀ ਸੀ।