Kia EV2 ਯੂਰਪ 'ਚ ਲਾਂਚ, ਜਾਣੋ ਕਿੰਨੀ ਹੈ ਕੀਮਤ ਤੇ ਕੀ ਹਨ ਫੀਚਰਜ਼

ਆਟੋ ਡੈਸਕ, ਨਵੀਂ ਦਿੱਲੀ: ਭਾਰਤ ਸਮੇਤ ਦੁਨੀਆ ਦੇ ਕਈ ਦੇਸ਼ਾਂ ਵਿੱਚ ਵਾਹਨ ਨਿਰਮਾਤਾ ਕੀਆ (Kia) ਵੱਲੋਂ ਕਈ ਉਤਪਾਦਾਂ ਦੀ ਪੇਸ਼ਕਸ਼ ਕੀਤੀ ਜਾਂਦੀ ਹੈ। ਨਿਰਮਾਤਾ ਨੇ ਹਾਲ ਹੀ ਵਿੱਚ ਯੂਰਪ ਵਿੱਚ ਆਪਣੀ ਨਵੀਂ ਇਲੈਕਟ੍ਰਿਕ ਐਸਯੂਵੀ Kia EV2 ਨੂੰ ਲਾਂਚ ਕਰ ਦਿੱਤਾ ਹੈ। ਇਸ ਐਸਯੂਵੀ ਨੂੰ ਕਿਸ ਕੀਮਤ 'ਤੇ ਪੇਸ਼ ਕੀਤਾ ਗਿਆ ਹੈ ਅਤੇ ਕਿਸ ਤਰ੍ਹਾਂ ਦੇ ਫੀਚਰਜ਼ ਤੇ ਰੇਂਜ ਦੇ ਨਾਲ ਇਸ ਨੂੰ ਲਾਂਚ ਕੀਤਾ ਗਿਆ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।

ਲਾਂਚ ਹੋਈ Kia EV2

ਕੀਆ ਵੱਲੋਂ ਨਵੀਂ ਇਲੈਕਟ੍ਰਿਕ ਐਸਯੂਵੀ ਦੇ ਤੌਰ 'ਤੇ Kia EV2 ਨੂੰ ਯੂਰਪ ਵਿੱਚ ਲਾਂਚ ਕਰ ਦਿੱਤਾ ਗਿਆ ਹੈ। ਨਿਰਮਾਤਾ ਵੱਲੋਂ ਇਸ ਐਸਯੂਵੀ ਨੂੰ ਯੂਰਪ ਵਿੱਚ ਇਸੇ ਸਾਲ ਜਨਵਰੀ ਵਿੱਚ ਪੇਸ਼ ਕੀਤਾ ਗਿਆ ਸੀ।

ਕਿਹੋ ਜਿਹੇ ਹਨ ਫੀਚਰਜ਼

ਨਿਰਮਾਤਾ ਵੱਲੋਂ ਯੂਰਪ ਵਿੱਚ ਲਾਂਚ ਕੀਤੀ ਗਈ ਕੀਆ ਈਵੀ2 ਵਿੱਚ ਕਈ ਬਿਹਤਰੀਨ ਫੀਚਰਜ਼ ਦੀ ਪੇਸ਼ਕਸ਼ ਕੀਤੀ ਗਈ ਹੈ। ਇਸ ਵਿੱਚ ਚਾਰ ਅਤੇ ਪੰਜ ਸੀਟਾਂ ਦਾ ਬਦਲ ਦਿੱਤਾ ਗਿਆ ਹੈ। ਨਾਲ ਹੀ ਇਸ ਵਿੱਚ LED ਹੈੱਡਲਾਈਟ, LED DRL, 360 ਡਿਗਰੀ ਕੈਮਰਾ, ਰੂਫ ਰੇਲ, ਪਾਰਕਿੰਗ ਸੈਂਸਰ, ਫਲੱਸ਼ ਡੋਰ ਹੈਂਡਲ, ਵਾਇਰਲੈੱਸ ਚਾਰਜਰ, ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ, 12.3 ਇੰਚ ਇੰਫੋਟੇਨਮੈਂਟ ਸਿਸਟਮ, ਵਾਇਰਲੈੱਸ ਐਂਡਰਾਇਡ ਆਟੋ, ਐਪਲ ਕਾਰ ਪਲੇਅ, ਡਿਊਲ ਟੋਨ ਇੰਟੀਰੀਅਰ, ABS, EBD ਅਤੇ ADAS ਵਰਗੇ ਫੀਚਰਸ ਦਿੱਤੇ ਗਏ ਹਨ।

ਕਿੰਨੀ ਹੈ ਰੇਂਜ

ਕੀਆ ਵੱਲੋਂ ਇਸ ਐਸਯੂਵੀ ਨੂੰ 42.2 KWh ਅਤੇ 61 KWh ਦੀ ਸਮਰੱਥਾ ਵਾਲੀ ਬੈਟਰੀ ਦੇ ਨਾਲ ਪੇਸ਼ ਕੀਤਾ ਗਿਆ ਹੈ। ਜਿਸ ਨਾਲ ਇਸ ਨੂੰ ਵੱਧ ਤੋਂ ਵੱਧ 413 ਕਿਲੋਮੀਟਰ ਤੱਕ ਦੀ ਰੇਂਜ ਮਿਲ ਸਕਦੀ ਹੈ। ਇਸ ਵਿੱਚ ਦਿੱਤੀ ਗਈ ਮੋਟਰ ਤੋਂ 146 ਹਾਰਸ ਪਾਵਰ ਦੀ ਅਧਿਕਤਮ ਤਾਕਤ ਮਿਲਦੀ ਹੈ।

ਕਿੰਨੀ ਹੈ ਕੀਮਤ

ਨਿਰਮਾਤਾ ਵੱਲੋਂ ਯੂਰਪ ਵਿੱਚ ਇਸ ਗੱਡੀ ਨੂੰ 26,600 ਯੂਰੋ ਦੀ ਕੀਮਤ 'ਤੇ ਪੇਸ਼ ਕੀਤਾ ਗਿਆ ਹੈ, ਜੋ ਭਾਰਤੀ ਰੁਪਏ ਵਿੱਚ ਕਰੀਬ 29 ਲੱਖ ਰੁਪਏ ਦੇ ਆਲੇ-ਦੁਆਲੇ ਹੁੰਦੇ ਹਨ। ਇਸ ਦੇ ਟਾਪ ਵੇਰੀਐਂਟ ਦੀ ਕੀਮਤ 33,490 ਯੂਰੋ ਹੈ, ਜੋ ਭਾਰਤੀ ਰੁਪਏ ਵਿੱਚ ਕਰੀਬ 36.52 ਲੱਖ ਰੁਪਏ ਦੇ ਬਰਾਬਰ ਬਣਦੀ ਹੈ।

ਭਾਰਤ ਵਿੱਚ ਵੀ ਹੋਵੇਗੀ ਲਾਂਚ?

ਕੀਆ ਵੱਲੋਂ ਭਾਰਤ ਵਿੱਚ ਇਸ ਦੇ ICE ਵਰਜ਼ਨ Kia Syros ਦੀ ਪੇਸ਼ਕਸ਼ ਕੀਤੀ ਜਾਂਦੀ ਹੈ। ਨਿਰਮਾਤਾ ਵੱਲੋਂ ਰਸਮੀ ਤੌਰ 'ਤੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ, ਪਰ ਉਮੀਦ ਹੈ ਕਿ ਇਸ ਦੇ ਈਵੀ ਵਰਜ਼ਨ ਕੀਆ ਈਵੀ 2 ਨੂੰ ਭਾਰਤੀ ਬਾਜ਼ਾਰ ਵਿੱਚ ਵੀ ਇਸੇ ਸਾਲ ਪੇਸ਼ ਕੀਤਾ ਜਾ ਸਕਦਾ ਹੈ।