Hyundai Creta ਦਾ ਸਮਰ ਐਡੀਸ਼ਨ ਵੇਰੀਐਂਟ ਲਾਂਚ, ਕੀ ਹੈ ਖਾਸੀਅਤ ਤੇ ਕਿੰਨੀ ਹੈ ਕੀਮਤ

ਆਟੋ ਡੈਸਕ, ਨਵੀਂ ਦਿੱਲੀ: ਵਾਹਨ ਨਿਰਮਾਤਾ Hyundai ਵੱਲੋਂ ਭਾਰਤੀ ਬਾਜ਼ਾਰ ਵਿੱਚ ਕਈ ਸੈਗਮੈਂਟ ਵਿੱਚ ਵਾਹਨਾਂ ਦੀ ਵਿਕਰੀ ਕੀਤੀ ਜਾਂਦੀ ਹੈ। ਨਿਰਮਾਤਾ ਵੱਲੋਂ ਹਾਲ ਹੀ ਵਿੱਚ ਮਿਡ ਸਾਈਜ਼ ਐੱਸਯੂਵੀ Hyundai Creta ਦੇ ਸਮਰ ਐਡੀਸ਼ਨ (Summer Edition) ਨੂੰ ਲਾਂਚ ਕੀਤਾ ਗਿਆ ਹੈ। ਇਸ ਐਡੀਸ਼ਨ ਵਿੱਚ ਕਿਸ ਤਰ੍ਹਾਂ ਦੇ ਫੀਚਰਜ਼ ਦਿੱਤੇ ਗਏ ਹਨ। ਕਿੰਨਾ ਦਮਦਾਰ ਇੰਜਣ ਦਿੱਤਾ ਗਿਆ ਹੈ। ਕਿਸ ਕੀਮਤ 'ਤੇ ਇਸ ਨੂੰ ਲਾਂਚ ਕੀਤਾ ਗਿਆ ਹੈ। ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।

ਲਾਂਚ ਹੋਇਆ ਨਵਾਂ ਐਡੀਸ਼ਨ

Hyundai ਵੱਲੋਂ ਮਿਡ ਸਾਈਜ਼ ਐੱਸਯੂਵੀ ਦੇ ਤੌਰ 'ਤੇ ਆਫਰ ਕੀਤੀ ਜਾਣ ਵਾਲੀ ਕ੍ਰੇਟਾ ਦੇ ਨਵੇਂ ਐਡੀਸ਼ਨ ਦੇ ਤੌਰ 'ਤੇ ਸਮਰ ਐਡੀਸ਼ਨ ਨੂੰ ਲਾਂਚ ਕਰ ਦਿੱਤਾ ਗਿਆ ਹੈ।

ਕਿਵੇਂ ਦੇ ਹਨ ਫੀਚਰਜ਼

ਨਿਰਮਾਤਾ ਵੱਲੋਂ ਸਮਰ ਐਡੀਸ਼ਨ ਕ੍ਰੇਟਾ ਵਿੱਚ ਕਈ ਬਿਹਤਰੀਨ ਫੀਚਰਜ਼ ਆਫਰ ਕੀਤੇ ਗਏ ਹਨ। ਇਸ ਵਿੱਚ ਪੁਸ਼ ਬਟਨ ਸਟਾਰਟ, ਕੀ-ਲੈੱਸ ਐਂਟਰੀ, ਐੱਲਈਡੀ ਹੈੱਡਲਾਈਟ, ਐੱਲਈਡੀ ਟੇਲ ਲਾਈਟ, ਐੱਲਈਡੀ ਡੀਆਰਐੱਲ, ਐੱਲਈਡੀ ਟਰਨ ਇੰਡੀਕੇਟਰ, ਰਿਅਰ ਸਨਸ਼ੇਡ, 16 ਇੰਚ ਡਿਊਲ ਟੋਨ ਸਟੀਲ ਵ੍ਹੀਲ, ਗਾਈਡਲਾਈਨ ਵਾਲਾ ਰਿਅਰ ਕੈਮਰਾ, ਡੈਸ਼ਕੈਮ, 26.03 ਸੈਂਟੀਮੀਟਰ ਡਿਜੀਟਲ ਇੰਸਟ੍ਰੂਮੈਂਟ ਕਲੱਸਟਰ, ਐੱਸਵੀਐੱਮ, ਬਲਾਇੰਡ-ਸਪਾਟ ਵਿਊ ਮਾਨੀਟਰ, ਫਰੰਟ ਪਾਰਕਿੰਗ ਸੈਂਸਰ ਵਰਗੇ ਫੀਚਰਜ਼ ਨੂੰ ਦਿੱਤਾ ਗਿਆ ਹੈ।

ਕਿੰਨਾ ਦਮਦਾਰ ਇੰਜਣ

Hyundai ਵੱਲੋਂ ਇਸ ਐੱਸਯੂਵੀ ਦੇ ਸਮਰ ਐਡੀਸ਼ਨ ਵਿੱਚ 1.5 ਲੀਟਰ ਦੀ ਸਮਰੱਥਾ ਦਾ ਪੈਟਰੋਲ ਅਤੇ ਡੀਜ਼ਲ ਇੰਜਣ ਦਿੱਤਾ ਗਿਆ ਹੈ। 1.5 ਲੀਟਰ ਪੈਟਰੋਲ ਨੈਚੁਰਲ ਐਸਪੀਰੇਟਿਡ ਇੰਜਣ ਤੋਂ 115 ਪੀਐੱਸ ਪਾਵਰ ਅਤੇ 143.8 ਨਿਊਟਨ ਮੀਟਰ ਟਾਰਕ ਮਿਲਦਾ ਹੈ। ਦੂਜੇ ਬਦਲ ਦੇ ਤੌਰ 'ਤੇ ਐੱਸਯੂਵੀ ਵਿੱਚ 1.5 ਲੀਟਰ ਟਰਬੋ ਪੈਟਰੋਲ ਇੰਜਣ ਮਿਲਦਾ ਹੈ ਜਿਸ ਨਾਲ ਇਸ ਨੂੰ 160 ਪੀਐੱਸ ਦੀ ਪਾਵਰ ਅਤੇ 253 ਨਿਊਟਨ ਮੀਟਰ ਟਾਰਕ ਮਿਲਦਾ ਹੈ। ਤੀਜੇ ਬਦਲ ਦੇ ਤੌਰ 'ਤੇ ਕ੍ਰੇਟਾ ਵਿੱਚ 1.5 ਲੀਟਰ ਦੀ ਸਮਰੱਥਾ ਦਾ ਡੀਜ਼ਲ ਇੰਜਣ ਮਿਲਦਾ ਹੈ ਜਿਸ ਨਾਲ ਇਸ ਨੂੰ 116 ਪੀਐੱਸ ਦੀ ਪਾਵਰ ਅਤੇ 250 ਨਿਊਟਨ ਮੀਟਰ ਦਾ ਟਾਰਕ ਮਿਲਦਾ ਹੈ। ਇਸ ਦੇ ਨਾਲ ਹੀ ਐੱਸਯੂਵੀ ਵਿੱਚ ਛੇ ਸਪੀਡ ਮੈਨੂਅਲ, ਆਈਵੀਟੀ, ਆਟੋਮੈਟਿਕ ਅਤੇ ਸੱਤ ਸਪੀਡ ਡੀਸੀਟੀ ਟ੍ਰਾਂਸਮਿਸ਼ਨ ਦੇ ਬਦਲ ਮਿਲਦੇ ਹਨ।

ਕਿੰਨੀ ਹੈ ਕੀਮਤ

ਨਿਰਮਾਤਾ ਵੱਲੋਂ ਇਸ ਦੇ ਸਮਰ ਐਡੀਸ਼ਨ ਨੂੰ ਕਈ ਵੇਰੀਐਂਟਸ ਵਿੱਚ ਲਾਂਚ ਕੀਤਾ ਗਿਆ ਹੈ। ਇਸ ਦੀ ਐਕਸ ਸ਼ੋਅਰੂਮ ਕੀਮਤ 12.06 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਸ ਦੇ ਟਾਪ ਵੇਰੀਐਂਟ ਦੀ ਐਕਸ ਸ਼ੋਅਰੂਮ ਕੀਮਤ 17.89 ਲੱਖ ਰੁਪਏ ਹੈ।