ਬਿਹਤਰੀਨ ਮਾਈਲੇਜ ਤੇ ਲਗਜ਼ਰੀ ਕੰਫਰਟ: 10 ਲੱਖ ਦੇ ਬਜਟ 'ਚ ਆਉਂਦੀਆਂ ਹਨ ਇਹ 4 ਸ਼ਾਨਦਾਰ ਸੇਡਾਨ ਕਾਰਾਂ, ਜਾਣੋ ਕੀਮਤ

ਆਟੋ ਡੈਸਕ, ਨਵੀਂ ਦਿੱਲੀ। ਭਾਰਤ ਵਿੱਚ ਹਰ ਰੇਂਜ ਵਿੱਚ ਵੱਖ-ਵੱਖ ਕਾਰਾਂ ਉਪਲਬਧ ਹਨ ਜਿਸ ਵਿੱਚ ਸੇਡਾਨ, ਹੈਚਬੈਕ ਅਤੇ SUV ਵਰਗੀਆਂ ਕੈਟਾਗਰੀਆਂ ਮੌਜੂਦ ਹਨ। ਕੰਫਰਟ (ਆਰਾਮ) ਦੀ ਗੱਲ ਕਰੀਏ ਤਾਂ ਲੋਕ ਸੇਡਾਨ ਕਾਰਾਂ ਨੂੰ ਜ਼ਿਆਦਾ ਪਸੰਦ ਕਰਦੇ ਹਨ ਕਿਉਂਕਿ ਇਨ੍ਹਾਂ ਵਿੱਚ 4 ਤੋਂ 5 ਲੋਕਾਂ ਦੇ ਬੈਠਣ ਲਈ ਸਪੇਸ ਹੋਣ ਦੇ ਨਾਲ-ਨਾਲ ਲੈੱਗ ਅਤੇ ਹੈੱਡ ਰੂਮ ਵੀ ਮਿਲਦਾ ਹੈ। ਅੱਜ ਅਸੀਂ ਤੁਹਾਡੇ ਲਈ ਸਭ ਤੋਂ ਕਿਫਾਇਤੀ ਸੇਡਾਨ ਦੇ ਆਪਸ਼ਨ ਲੈ ਕੇ ਆਏ ਹਾਂ ਜਿਨ੍ਹਾਂ ਦੀ ਕੀਮਤ 10 ਲੱਖ ਰੁਪਏ ਤੋਂ ਘੱਟ ਹੈ।

Hyundai Aura

Hyundai ਕੰਪਨੀ ਦੀ ਇਸ ਸੇਡਾਨ ਕਾਰ ਨੂੰ ਭਾਰਤ ਵਿੱਚ ਕਾਫੀ ਪਸੰਦ ਕੀਤਾ ਜਾਂਦਾ ਹੈ। ਕਿਫਾਇਤੀ ਹੋਣ ਦੇ ਨਾਲ-ਨਾਲ ਇਹ ਕਾਰ ਪ੍ਰੀਮੀਅਮ ਫੀਚਰਜ਼ ਦੇ ਨਾਲ ਆਉਂਦੀ ਹੈ। ਇਸ ਸੇਡਾਨ ਕਾਰ ਵਿੱਚ ਤੁਹਾਨੂੰ 1.2 ਲੀਟਰ ਦਾ ਪੈਟਰੋਲ ਇੰਜਣ ਮਿਲ ਜਾਂਦਾ ਹੈ। ਮਾਈਲੇਜ ਦੀ ਗੱਲ ਕਰੀਏ ਤਾਂ ਕੰਪਨੀ ਦਾ ਦਾਅਵਾ ਹੈ ਕਿ ਇਹ 20-21 ਕਿਲੋਮੀਟਰ ਪ੍ਰਤੀ ਲੀਟਰ ਪੈਟਰੋਲ ਅਤੇ 28 ਕਿਲੋਮੀਟਰ ਪ੍ਰਤੀ ਕਿਲੋ CNG ਦੀ ਮਾਈਲੇਜ ਦੇ ਸਕਦੀ ਹੈ।

Maruti Suzuki Dzire

ਇਸਦੀ ਸ਼ੁਰੂਆਤੀ ਕੀਮਤ 6,79,000 ਰੁਪਏ (ਐਕਸ ਸ਼ੋਰੂਮ) ਤੋਂ ਸ਼ੁਰੂ ਹੁੰਦੀ ਹੈ। ਇਹ ਭਾਰਤ ਦੀ ਸਭ ਤੋਂ ਜ਼ਿਆਦਾ ਪਸੰਦ ਕੀਤੀ ਜਾਣ ਵਾਲੀ ਸੇਡਾਨ ਕਾਰਾਂ ਵਿੱਚੋਂ ਇੱਕ ਹੈ। ਇਸ ਵਿੱਚ 1.2 ਲੀਟਰ ਦਾ ਪੈਟਰੋਲ ਇੰਜਣ ਮਿਲਦਾ ਹੈ ਜੋ ਸ਼ਹਿਰ ਅਤੇ ਹਾਈਵੇਅ 'ਤੇ ਚਲਾਉਣ ਵਿੱਚ ਕਾਫੀ ਦਮਦਾਰ ਲੱਗਦਾ ਹੈ। ਇਹ ਕਾਰ ਤਕਰੀਬਨ 24.12 ਕਿਲੋਮੀਟਰ/ਲੀਟਰ (AMT), CarDekho ਦੇ ਮੁਤਾਬਕ, 33.73 ਕਿਲੋਮੀਟਰ/ਕਿਲੋ (CNG) ਦੀ ਮਾਈਲੇਜ ਦੇ ਸਕਦੀ ਹੈ।

Honda Amaze

ਹੋਂਡਾ ਅਮੇਜ਼ ਦੀ ਸ਼ੁਰੂਆਤੀ ਕੀਮਤ 7.50 ਲੱਖ ਰੁਪਏ (ਐਕਸ-ਸ਼ੋਰੂਮ) ਦੇ ਕਰੀਬ ਹੈ। ਇਸ ਵਿੱਚ 1.2 ਲੀਟਰ ਦਾ ਪੈਟਰੋਲ ਇੰਜਣ ਹੈ ਜੋ ਡਰਾਈਵਿੰਗ ਵਿੱਚ ਬਹੁਤ ਸਮੂਥ ਅਤੇ ਪਾਵਰਫੁੱਲ ਫੀਲ ਹੁੰਦਾ ਹੈ। ਸੇਫਟੀ (ਸੁਰੱਖਿਆ) ਲਈ ਇਸ ਵਿੱਚ 6 ਏਅਰਬੈਗਸ ਦਿੱਤੇ ਗਏ ਹਨ। ਇਸਦੀ ਮਾਈਲੇਜ (ARAI) 18.65 ਤੋਂ 18.46 ਕਿਲੋਮੀਟਰ/ਲੀਟਰ ਹੈ। CarWale ਦੇ ਡੇਟਾ ਅਨੁਸਾਰ, ਇਸਦੀ CNG ਮਾਈਲੇਜ 25–28 ਕਿਲੋਮੀਟਰ/ਕਿਲੋ ਹੈ।

TATA Tigor

ਟਾਟਾ ਟਿਗੋਰ ਦੀ ਸ਼ੁਰੂਆਤੀ ਕੀਮਤ 5,48,990 ਲੱਖ ਰੁਪਏ (ਐਕਸ-ਸ਼ੋਰੂਮ) ਹੈ, ਜੋ ਘੱਟ ਬਜਟ ਵਿੱਚ ਆਉਣ ਵਾਲੀ ਸੇਡਾਨ ਕਾਰ ਹੈ। ਇਸ ਵਿੱਚ 1.2 ਲੀਟਰ ਦਾ ਪੈਟਰੋਲ ਇੰਜਣ ਮਿਲਦਾ ਹੈ ਜੋ ਚਲਾਉਣ ਵਿੱਚ ਕਾਫੀ ਦਮਦਾਰ ਹੈ। ਮਾਈਲੇਜ ਦੀ ਗੱਲ ਕਰੀਏ ਤਾਂ ਇਹ 19-20 ਕਿਲੋਮੀਟਰ/ਲੀਟਰ ਅਤੇ ਆਟੋਮੈਟਿਕ CNG ਵੇਰੀਐਂਟ ਲਈ 28.06 ਕਿਲੋਮੀਟਰ/ਕਿਲੋ ਹੈ।