ਮੁਫ਼ਤ 'ਚ 7 ਦਿਨ ਵਿਦੇਸ਼ ਘੁੰਮਣ ਦਾ ਮੌਕਾ! ਇਹ ਦੇਸ਼ ਸਿਖਾਏਗਾ ਖ਼ੁਸ਼ ਰਹਿਣ ਦਾ ਰਾਜ਼, ਇੰਝ ਕਰੋ ਅਪਲਾਈ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ: ਜੇਕਰ ਤੁਸੀਂ ਵੀ ਰੋਜ਼ਾਨਾ ਦੀ ਭੱਜ-ਦੌੜ ਅਤੇ ਸ਼ੋਰ-ਸ਼ਰਾਬੇ ਤੋਂ ਤੰਗ ਆ ਚੁੱਕੇ ਹੋ ਅਤੇ ਕਿਸੇ ਵਧੀਆ ਜਗ੍ਹਾ ਜਾ ਕੇ ਰਿਲੈਕਸ ਕਰਨਾ ਚਾਹੁੰਦੇ ਹੋ, ਤਾਂ ਤੁਹਾਡੇ ਲਈ ਇੱਕ ਸ਼ਾਨਦਾਰ ਖ਼ਬਰ ਹੈ। 'ਵਰਲਡ ਪਾਪੂਲੇਸ਼ਨ ਰਿਵਿਊ' ਅਨੁਸਾਰ ਫਿਨਲੈਂਡ (Finland) ਦੁਨੀਆ ਦਾ ਸਭ ਤੋਂ ਖ਼ੁਸ਼ਹਾਲ ਦੇਸ਼ ਹੈ ਅਤੇ ਹੁਣ ਇਹ ਆਪਣੀ ਖ਼ੁਸ਼ੀ ਦਾ ਰਾਜ਼ ਪੂਰੀ ਦੁਨੀਆ ਨਾਲ ਸਾਂਝਾ ਕਰਨ ਦੇ ਮਿਸ਼ਨ 'ਤੇ ਹੈ।

ਵਿਜ਼ਿਟ ਫਿਨਲੈਂਡ (Visit Finland) ਇੱਕ ਖ਼ਾਸ 'Chill like a Finn' 7-ਡੇਅ ਚੈਲੇਂਜ ਲੈ ਕੇ ਆਇਆ ਹੈ, ਜਿਸ ਵਿੱਚ ਖ਼ੁਸ਼ਕਿਸਮਤ ਜੇਤੂਆਂ ਨੂੰ ਜੂਨ ਦੇ ਮਹੀਨੇ ਵਿੱਚ ਫਿਨਲੈਂਡ ਟ੍ਰਿਪ 'ਤੇ ਜਾਣ ਦਾ ਮੌਕਾ ਮਿਲੇਗਾ, ਉਹ ਵੀ ਬਿਲਕੁਲ ਮੁਫ਼ਤ। ਆਓ ਜਾਣਦੇ ਹਾਂ ਇਸ ਲਈ ਅਪਲਾਈ ਕਿਵੇਂ ਕਰਨਾ ਹੈ ਅਤੇ ਅੰਤਿਮ ਤਰੀਕ ਕੀ ਹੈ।

ਫਿਨਿਸ਼ ਲੇਕਲੈਂਡ ਵਿੱਚ ਸਕੂਨ ਦੀ ਤਲਾਸ਼

ਇਸ ਟ੍ਰਿਪ ਦਾ ਮੁੱਖ ਖਿੱਚ ਦਾ ਕੇਂਦਰ ਫਿਨਿਸ਼ ਲੇਕਲੈਂਡ (Finnish Lakeland) ਹੈ, ਜੋ ਯੂਰਪ ਦਾ ਸਭ ਤੋਂ ਵੱਡਾ ਝੀਲਾਂ ਵਾਲਾ ਖੇਤਰ ਹੈ। ਖ਼ੁਦ ਨੂੰ ਰੀਚਾਰਜ ਕਰਨ ਅਤੇ ਕੁਦਰਤ ਨਾਲ ਜੁੜਨ ਲਈ ਫਿਨਲੈਂਡ ਦੇ ਲੋਕ ਇਸੇ ਜਗ੍ਹਾ ਦਾ ਰੁਖ ਕਰਦੇ ਹਨ। ਰੋਜ਼ਾਨਾ ਦੇ ਸ਼ੋਰ-ਸ਼ਰਾਬੇ ਤੋਂ ਦੂਰ ਸ਼ਾਂਤੀ ਮਹਿਸੂਸ ਕਰਨ ਲਈ ਲੇਕਲੈਂਡ ਸਭ ਤੋਂ ਵਧੀਆ ਜਗ੍ਹਾ ਹੈ।

ਫਿਨਿਸ਼ ਸਮਰ- ਮੌਜ-ਮਸਤੀ ਅਤੇ ਸਕੂਨ

ਫਿਨਲੈਂਡ ਦੇ ਵਾਸੀਆਂ ਨੂੰ ਗਰਮੀਆਂ ਸਭ ਤੋਂ ਵੱਧ ਪਸੰਦ ਹਨ। ਗਰਮੀਆਂ ਦੀਆਂ ਛੁੱਟੀਆਂ ਵਿੱਚ ਫਿਨਿਸ਼ ਲੋਕ ਝੀਲ ਦੇ ਕਿਨਾਰੇ ਬਣੇ ਆਪਣੇ ਕੇਬਿਨਾਂ ਵਿੱਚ ਜਾਂਦੇ ਹਨ। ਉੱਥੇ ਉਨ੍ਹਾਂ ਦਾ ਰੁਟੀਨ ਬੇਹੱਦ ਸਧਾਰਨ ਹੁੰਦਾ ਹੈ— ਸਵੇਰੇ ਆਰਾਮ ਨਾਲ ਸੌਂ ਕੇ ਉੱਠਣਾ, ਹਾਈਕਿੰਗ ਜਾਂ ਸਾਈਕਲਿੰਗ ਲਈ ਜਾਣਾ, ਦੋਸਤਾਂ ਨੂੰ ਮਿਲਣਾ, ਗਰਿੱਲ ਕਰਨਾ ਅਤੇ ਫਿਰ ਝੀਲ ਦੇ ਠੰਢੇ ਪਾਣੀ ਵਿੱਚ ਸਵੀਮਿੰਗ ਕਰਨਾ।

ਤੁਸੀਂ ਕਿਵੇਂ ਅਪਲਾਈ ਕਰ ਸਕਦੇ ਹੋ?

ਇਸ 7-ਡੇਅ ਚੈਲੇਂਜ ਦਾ ਹਿੱਸਾ ਬਣਨ ਲਈ ਤੁਹਾਨੂੰ ਕੇਵਲ ਦੋ ਆਸਾਨ ਸਟੈਪਸ ਪੂਰੇ ਕਰਨੇ ਹੋਣਗੇ। ਤੁਹਾਡੀ ਉਮਰ 18 ਸਾਲ ਜਾਂ ਇਸ ਤੋਂ ਵੱਧ ਹੋਣੀ ਚਾਹੀਦੀ ਹੈ:

ਸੋਸ਼ਲ ਮੀਡੀਆ ਚੈਲੇਂਜ: ਇੰਸਟਾਗ੍ਰਾਮ 'ਤੇ ਆਪਣੇ ਕਿਸੇ ਸਾਥੀ ਨਾਲ ਇੱਕ ਵੀਡੀਓ ਬਣਾਓ। ਇਸ ਵਿੱਚ ਆਪਣੀ ਜਾਣ-ਪਛਾਣ ਦਿਓ ਅਤੇ ਦੱਸੋ ਕਿ ਤੁਸੀਂ ਲੇਕਲੈਂਡ ਵਿੱਚ ਫਿਨਿਸ਼ ਸਮਰ ਹਾਲੀਡੇਅ ਦੀ ਕਲਪਨਾ ਕਿਵੇਂ ਕਰਦੇ ਹੋ?

ਐਪਲੀਕੇਸ਼ਨ ਫਾਰਮ: ਵਿਜ਼ਿਟ ਫਿਨਲੈਂਡ ਦੀ ਵੈੱਬਸਾਈਟ 'ਤੇ ਜਾ ਕੇ ਫਾਰਮ ਭਰੋ ਅਤੇ ਆਪਣੀ ਸੋਸ਼ਲ ਮੀਡੀਆ ਪੋਸਟ ਦਾ ਲਿੰਕ ਉੱਥੇ ਸਾਂਝਾ ਕਰੋ।

ਅਪਲਾਈ ਕਰਨ ਦੀ ਅੰਤਿਮ ਤਰੀਕ 29 ਮਾਰਚ, 2026 ਹੈ।