ਹਰਜੀਤ ਸਿੰਘ ਦੀ ਭਾਰਤੀ ਬਾਸਕਟਬਾਲ ਟੀਮ 'ਚ ਚੋਣ, 28 ਅਗਸਤ ਤੋਂ 31 ਅਗਸਤ ਤੱਕ ਸ੍ਰੀਲੰਕਾ ਵਿਖੇ ਕਰਵਾਇਆ ਜਾਵੇਗਾ ਟੂਰਨਾਮੈਂਟ

ਪੱਤਰ ਪੇ੍ਰਕ, ਪਟਿਆਲਾ : ਸਰਕਾਰੀ ਕੋ-ਐਡ ਮਲਟੀਪਰਪਜ਼ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ, ਪਾਸੀ ਰੋਡ, ਪਟਿਆਲਾ ਦੇ ਵਿਦਿਆਰਥੀ ਤੇ ਬਾਸਕਟਬਾਲ ਖਿਡਾਰੀ ਹਰਜੀਤ ਸਿੰਘ ਦੀ ਭਾਰਤੀ ਅੰਡਰ-16 ਟੀਮ 'ਚ ਸਾਊਥ ਏਸ਼ੀਅਨ ਬਾਕਸਟਬਾਲ ਚੈਂਪੀਅਨਸ਼ਿਪ (ਸਾਬਾ) ਲਈ ਚੋਣ ਹੋਈ ਹੈ।

ਸਰਕਾਰੀ ਮਲਟੀਪਰਪਜ਼ ਸਕੂਲ ਵਿਖੇ ਚੱਲ ਰਹੇ ਸਪੋਰਟਸ ਵਿੰਗ ਦੇ ਅੰਤਰਰਾਸ਼ਟਰੀ ਕੋਚ ਅਤੇ ਰੈਫਰੀ ਅਮਰਜੋਤ ਸਿੰਘ ਨੇ ਦੱਸਿਆ ਕਿ ਪਹਿਲਾਂ ਤੋਂ ਚੱਲ ਰਹੀ ਪਰੰਪਰਾ ਅਨੁਸਾਰ ਸਕੂਲ ਦੇ ਇਕ ਹੋਰ ਹੋਣਹਾਰ ਖਿਡਾਰੀ ਨੇ ਵੱਡੀ ਪ੍ਰਰਾਪਤੀ ਹਾਸਲ ਕੀਤੀ ਹੈ ਜੋ ਕਿ ਸਕੂਲ, ਮਾਪਿਆਂ, ਪਟਿਆਲਾ ਤੇ ਸੂਬੇ ਲਈ ਬਹੁਤ ਮਾਣ ਵਾਲੀ ਗੱਲ ਹੈ। ਉਨ੍ਹਾਂ ਦੱਸਿਆ ਕਿ ਉਕਤ ਖਿਡਾਰੀ ਹਰਜੀਤ ਸਿੰਘ ਛੇਵੀਂ ਜਮਾਤ ਤੋਂ ਲੈ ਕੇ ਦਸਵੀਂ ਜਮਾਤ ਤੱਕ ਮਲਟੀਪਰਪਜ਼ ਸਕੂਲ ਵਿਖੇ ਹੀ ਪੜਿ੍ਹਆ ਤੇ ਖੇਡਿਆ ਹੈ। ਉਕਤ ਖਿਡਾਰੀ ਭਵਿੱਖ 'ਚ ਆਉਣ ਵਾਲੇ ਖਿਡਾਰੀਆਂ ਲਈ ਰੋਲ ਮਾਡਲ ਬਣੇਗਾ। ਖਿਡਾਰੀ ਦੀ ਇਸ ਪ੍ਰਰਾਪਤੀ 'ਤੇ ਮਲਟੀਪਰਪਜ਼ ਸਕੂਲ ਦੇ ਪਿੰ੍ਸੀਪਲ ਵਿਜੇ ਕਪੂਰ ਨੇ ਵੀ ਹਰਜੀਤ ਸਿੰਘ ਨੂੰ ਵਧਾਈ ਦਿੰਦਿਆਂ ਭਵਿੱਖ ਲਈ ਸ਼ੱੁਭਕਾਨਾਵਾਂ ਦਿੱਤੀਆਂ ਹਨ। ਇਸ ਦੇ ਨਾਲ ਹੀ ਕੋਚ ਗੁਰਮੀਤ ਸਿੰਘ ਅਤੇ ਖਿਡਾਰੀਆਂ ਵਿਚ ਵੀ ਕਾਫੀ ਉਤਸ਼ਾਹ ਦੇਖਣ ਨੂੰ ਮਿਲਿਆ। ਦੱਸਣਯੋਗ ਹੈ ਕਿ ਸਾਊਥ ਏਸ਼ੀਅਨ ਬਾਕਸਟਬਾਲ ਚੈਂਪੀਅਨਸ਼ਿਪ (ਸਾਬਾ) ਟੂਰਨਾਮੈਂਟ 28 ਅਗਸਤ ਤੋਂ 31 ਅਗਸਤ 2023 ਤੱਕ ਸ੍ਰੀਲੰਕਾ ਵਿਖੇ ਕਰਵਾਇਆ ਜਾਵੇਗਾ।