GT vs RCB Playing-11: ਫਾਈਨਲ 'ਚ ਗਿੱਲ ਲੈਣਗੇ ਵੱਡਾ ਫੈਸਲਾ, ਤੂਫਾਨੀ ਬੱਲੇਬਾਜ਼ ਨੂੰ ਦੇਣਗੇ ਮੌਕਾ; RCB ਸਾਹਮਣੇ ਵੱਡੀ ਪਰੇਸ਼ਾਨੀ
ਆਈਪੀਐਲ-2026 ਦਾ ਰੋਮਾਂਚ ਖਤਮ ਹੋਣ 'ਚ ਹੁਣ ਸਿਰਫ ਇੱਕ ਮੈਚ ਹੀ ਬਾਕੀ ਬਚਿਆ ਹੈ। ਪੂਰੀ ਸੰਭਾਵਨਾ ਹੈ ਕਿ ਇਹ ਮੈਚ ਇਸ ਸੀਜ਼ਨ ਦੇ ਸਭ ਤੋਂ ਰੋਮਾਂਚਕ ਮੈਚਾਂ 'ਚ ਗਿਣਿਆ ਜਾਵੇਗਾ। ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਐਤਵਾਰ ਨੂੰ ਮੌਜੂਦਾ ਜੇਤੂ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ (RCB) ਦਾ ਸਾਹਮਣਾ ਗੁਜਰਾਤ ਟਾਈਟਨਸ (GT) ਨਾਲ ਹੋਣਾ ਹੈ।
Posted By Sunita
Publish Date: Sat, 30 May 2026 03:13 PM (IST)
Updated Date: Sat, 30 May 2026 03:15 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ: ਆਈਪੀਐਲ-2026 ਦਾ ਰੋਮਾਂਚ ਖਤਮ ਹੋਣ 'ਚ ਹੁਣ ਸਿਰਫ ਇੱਕ ਮੈਚ ਹੀ ਬਾਕੀ ਬਚਿਆ ਹੈ। ਪੂਰੀ ਸੰਭਾਵਨਾ ਹੈ ਕਿ ਇਹ ਮੈਚ ਇਸ ਸੀਜ਼ਨ ਦੇ ਸਭ ਤੋਂ ਰੋਮਾਂਚਕ ਮੈਚਾਂ 'ਚ ਗਿਣਿਆ ਜਾਵੇਗਾ। ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਐਤਵਾਰ ਨੂੰ ਮੌਜੂਦਾ ਜੇਤੂ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ (RCB) ਦਾ ਸਾਹਮਣਾ ਗੁਜਰਾਤ ਟਾਈਟਨਸ (GT) ਨਾਲ ਹੋਣਾ ਹੈ।
ਇਹ ਦੋਵੇਂ ਟੀਮਾਂ ਪਹਿਲੇ ਕੁਆਲੀਫਾਇਰ 'ਚ ਵੀ ਭਿੜ ਚੁੱਕੀਆਂ ਹਨ ਜਿੱਥੇ RCB ਨੇ ਜਿੱਤ ਹਾਸਲ ਕੀਤੀ ਸੀ। RCB ਨੇ ਉੱਥੋਂ ਸਿੱਧਾ ਫਾਈਨਲ 'ਚ ਜਗ੍ਹਾ ਬਣਾਈ, ਜਦਕਿ ਗੁਜਰਾਤ ਦੂਜੇ ਕੁਆਲੀਫਾਇਰ 'ਚ ਰਾਜਸਥਾਨ ਰਾਇਲਜ਼ ਨੂੰ ਮਾਤ ਦੇਣ ਤੋਂ ਬਾਅਦ ਖ਼ਿਤਾਬੀ ਮੁਕਾਬਲੇ 'ਚ ਆ ਰਹੀ ਹੈ। ਦੋਵੇਂ ਟੀਮਾਂ ਸ਼ਾਨਦਾਰ ਫਾਰਮ 'ਚ ਹਨ ਅਤੇ ਦੂਜੀ ਵਾਰ ਟਰਾਫੀ ਚੁੱਕਣ ਦੀ ਤਲਾਸ਼ 'ਚ ਹਨ।
ਗਿੱਲ ਲੈਣਗੇ ਵੱਡਾ ਫੈਸਲਾ
ਜਿੱਤ ਲਈ ਜ਼ਰੂਰੀ ਹੈ ਕਿ ਦੋਵੇਂ ਟੀਮਾਂ ਆਪਣੀ ਸਰਵੋਤਮ ਪਲੇਇੰਗ-11 ਚੁਣਨ। ਹਾਲਾਂਕਿ ਟੀਮਾਂ ਆਪਣੇ ਜੇਤੂ ਕੰਬੀਨੇਸ਼ਨ 'ਚ ਬਦਲਾਅ ਨਹੀਂ ਕਰਦੀਆਂ, ਪਰ ਗਿੱਲ ਇੱਕ ਬਦਲਾਅ ਕਰ ਸਕਦੇ ਹਨ। ਗੁਜਰਾਤ ਨੇ ਨਿਸ਼ਾਂਤ ਸਿੰਧੂ ਨੂੰ ਲਗਾਤਾਰ ਮੌਕੇ ਦਿੱਤੇ ਹਨ, ਪਰ ਇਸ ਖਿਡਾਰੀ ਨੇ ਨਿਰਾਸ਼ ਕੀਤਾ ਹੈ। ਉਨ੍ਹਾਂ ਦੀ ਜਗ੍ਹਾ ਗਿੱਲ ਤੂਫਾਨੀ ਫਿਨਿਸ਼ਰ ਸ਼ਾਹਰੁਖ ਖਾਨ ਨੂੰ ਮੌਕਾ ਦੇ ਸਕਦੇ ਹਨ, ਜੋ ਲੰਬੇ-ਲੰਬੇ ਸ਼ਾਟ ਮਾਰ ਕੇ ਮੈਚ ਦਾ ਰੁਖ ਪਲਟਣ ਦਾ ਦਮ ਰੱਖਦੇ ਹਨ। ਬਾਕੀ ਗੁਜਰਾਤ ਦੀ ਟੀਮ 'ਚ ਬਦਲਾਅ ਦੀ ਸੰਭਾਵਨਾ ਨਜ਼ਰ ਨਹੀਂ ਆਉਂਦੀ। ਰਾਹੁਲ ਤੇਵਤੀਆ ਅਤੇ ਮੁਹੰਮਦ ਸਿਰਾਜ ਨੂੰ ਟੀਮ ਇਮਪੈਕਟ ਪਲੇਅਰ ਵਜੋਂ ਵਰਤ ਸਕਦੀ ਹੈ।
ਗਿੱਲ ਅਤੇ ਸੁਦਰਸ਼ਨ ਪਾਰੀ ਦੀ ਸ਼ੁਰੂਆਤ ਕਰਨਗੇ, ਜਦਕਿ ਜੋਸ ਬਟਲਰ ਤੀਜੇ ਨੰਬਰ 'ਤੇ ਹੋਣਗੇ। ਸਿੰਧੂ ਦੇ ਬਾਹਰ ਜਾਣ 'ਤੇ ਵਾਸ਼ਿੰਗਟਨ ਸੁੰਦਰ ਚੌਥੇ ਨੰਬਰ ਦੀ ਜ਼ਿੰਮੇਵਾਰੀ ਸੰਭਾਲ ਸਕਦੇ ਹਨ। ਉਨ੍ਹਾਂ ਤੋਂ ਬਾਅਦ ਸ਼ਾਹਰੁਖ ਖਾਨ, ਰਾਹੁਲ ਤੇਵਤੀਆ, ਜੇਸਨ ਹੋਲਡਰ ਅਤੇ ਰਾਸ਼ਿਦ ਖਾਨ ਮੱਧ ਅਤੇ ਹੇਠਲੇ ਕ੍ਰਮ ਨੂੰ ਮਜ਼ਬੂਤ ਕਰਨਗੇ। ਗੇਂਦਬਾਜ਼ੀ 'ਚ ਕਾਫੀ ਦਾਰੋਮਦਾਰ ਕਗੀਸੋ ਰਬਾਡਾ, ਮੁਹੰਮਦ ਸਿਰਾਜ, ਪ੍ਰਸਿੱਧ ਕ੍ਰਿਸ਼ਨਾ ਅਤੇ ਰਾਸ਼ਿਦ ਖਾਨ 'ਤੇ ਹੋਵੇਗਾ।
RCB ਸਾਹਮਣੇ ਟੈਂਸ਼ਨ
RCB ਦੇ ਸਾਹਮਣੇ ਇੱਕ ਚਿੰਤਾ ਦੀ ਗੱਲ ਫਿਲ ਸਾਲਟ ਦੀ ਸੱਟ ਹੈ। ਇਸ 'ਤੇ ਅਜੇ ਸਥਿਤੀ ਸਪੱਸ਼ਟ ਨਹੀਂ ਹੈ ਕਿ ਸਾਲਟ ਮੈਚ ਲਈ ਫਿੱਟ ਹਨ ਜਾਂ ਨਹੀਂ। ਜੇਕਰ ਉਹ ਆਉਂਦੇ ਹਨ ਤਾਂ RCB ਦੇ ਤੂਫਾਨੀ ਅੰਦਾਜ਼ 'ਚ ਵਾਧਾ ਹੋਵੇਗਾ। ਜੇਕਰ ਨਹੀਂ ਆਉਂਦੇ ਤਾਂ ਟੀਮ ਫਿਰ ਵੈਂਕਟੇਸ਼ ਅਈਅਰ ਅਤੇ ਵਿਰਾਟ ਕੋਹਲੀ ਦੀ ਸਲਾਮੀ ਜੋੜੀ 'ਤੇ ਨਿਰਭਰ ਰਹੇਗੀ। ਇਸ ਤੋਂ ਇਲਾਵਾ RCB ਆਪਣੀ ਪਲੇਇੰਗ-11 ਨਾਲ ਛੇੜਛਾੜ ਨਹੀਂ ਕਰਨਾ ਚਾਹੇਗੀ।
ਤੀਜੇ ਨੰਬਰ 'ਤੇ ਦੇਵਦੱਤ ਪਡਿੱਕਲ ਹਨ ਅਤੇ ਚੌਥੇ ਨੰਬਰ 'ਤੇ ਰਜਤ ਪਾਟੀਦਾਰ ਹਨ। ਮੱਧ ਅਤੇ ਹੇਠਲੇ ਕ੍ਰਮ 'ਚ ਟੀਮ ਕੋਲ ਕਰੁਣਾਲ ਪਾਂਡਿਆ, ਟਿਮ ਡੇਵਿਡ, ਜਿਤੇਸ਼ ਸ਼ਰਮਾ ਵਰਗੇ ਤੂਫਾਨੀ ਬੱਲੇਬਾਜ਼ ਹਨ। ਗੇਂਦਬਾਜ਼ੀ 'ਚ ਭੁਵਨੇਸ਼ਵਰ ਕੁਮਾਰ, ਜੋਸ਼ ਹੇਜ਼ਲਵੁੱਡ, ਜੈਕਬ ਡਫੀ ਅਤੇ ਰਾਸਿਖ ਸਲਾਮ 'ਤੇ ਜ਼ਿੰਮੇਵਾਰੀ ਰਹੇਗੀ। ਟੀਮ ਰੋਮਾਰੀਓ ਸ਼ੈਫਰਡ ਨੂੰ ਬਤੌਰ ਇਮਪੈਕਟ ਪਲੇਅਰ ਵਰਤ ਸਕਦੀ ਹੈ।
ਦੋਵਾਂ ਟੀਮਾਂ ਦੀ ਸੰਭਾਵਿਤ ਪਲੇਇੰਗ-11
ਗੁਜਰਾਤ ਟਾਈਟਨਸ: ਸ਼ੁਭਮਨ ਗਿੱਲ (ਕਪਤਾਨ), ਸਾਈ ਸੁਦਰਸ਼ਨ, ਜੋਸ ਬਟਲਰ, ਵਾਸ਼ਿੰਗਟਨ ਸੁੰਦਰ, ਜੇਸਨ ਹੋਲਡਰ, ਸ਼ਾਹਰੁਖ ਖਾਨ, ਰਾਸ਼ਿਦ ਖਾਨ, ਸਾਈ ਕਿਸ਼ੋਰ, ਕਗੀਸੋ ਰਬਾਡਾ, ਮੁਹੰਮਦ ਸਿਰਾਜ, ਪ੍ਰਸਿੱਧ ਕ੍ਰਿਸ਼ਨਾ।
ਇਮਪੈਕਟ ਪਲੇਅਰ: ਰਾਹੁਲ ਤੇਵਤੀਆ
RCB: ਰਜਤ ਪਾਟੀਦਾਰ (ਕਪਤਾਨ), ਵਿਰਾਟ ਕੋਹਲੀ, ਵੈਂਕਟੇਸ਼ ਅਈਅਰ, ਦੇਵਦੱਤ ਪਡਿੱਕਲ, ਕਰੁਣਾਲ ਪਾਂਡਿਆ, ਟਿਮ ਡੇਵਿਡ, ਜਿਤੇਸ਼ ਸ਼ਰਮਾ (ਵਿਕਟਕੀਪਰ), ਭੁਵਨੇਸ਼ਵਰ ਕੁਮਾਰ, ਜੋਸ਼ ਹੇਜ਼ਲਵੁੱਡ, ਜੈਕਬ ਡਫੀ, ਰਾਸਿਖ ਸਲਾਮ।
ਇਮਪੈਕਟ ਪਲੇਅਰ: ਰੋਮਾਰੀਓ ਸ਼ੈਫਰਡ