ਆਖਿਰ ਨਿਆਂ ਦੇ ਦੇਵਤਾ ਕਿਉਂ ਪਹਿਨਦੇ ਹਨ ਕਾਲੇ ਕੱਪੜੇ? ਜਾਣੋ ਇਸਦੇ ਪਿੱਛੇ ਦਾ ਧਾਰਮਿਕ ਰਹੱਸ

ਧਰਮ ਡੈਸਕ, ਨਵੀਂ ਦਿੱਲੀ : ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਨਿਆਂ ਦੇ ਦੇਵਤਾ ਸ਼ਨੀਦੇਵ (Shanidev) ਅਤੇ ਯਮਰਾਜ ਹਮੇਸ਼ਾ ਕਾਲੇ ਰੰਗ ਦੇ ਕੱਪੜੇ ਹੀ ਕਿਉਂ ਧਾਰਨ ਕਰਦੇ ਹਨ? ਜਾਂ ਫਿਰ ਜੋਤਿਸ਼ 'ਚ ਸ਼ਨੀ ਗ੍ਰਹਿ (Shani Grah) ਦੇ ਕਮਜ਼ੋਰ ਹੋਣ 'ਤੇ ਅਕਸਰ ਕਾਲੇ ਜਾਂ ਨੀਲੇ ਰੰਗ ਤੋਂ ਦੂਰ ਰਹਿਣ ਦੀ ਸਲਾਹ ਕਿਉਂ ਦਿੱਤੀ ਜਾਂਦੀ ਹੈ? ਆਓ ਇਸ ਰਹੱਸ ਬਾਰੇ ਜਾਣਦੇ ਹਾਂ।

ਇਸ ਪੂਰੇ ਬ੍ਰਹਿਮੰਡ 'ਚ ਮੁੱਖ ਰੂਪ 'ਚ ਦੋ ਹੀ ਅਜਿਹੇ ਦੇਵਤਾ ਹਨ ਸ਼ਨੀਦੇਵ ਅਤੇ ਯਮਰਾਜ, ਜੋ ਕਾਲੇ ਕੱਪੜੇ ਪਾਉਂਦੇ ਹਨ। ਦਿਲਚਸਪ ਗੱਲ ਇਹ ਹੈ ਕਿ ਇਹ ਦੋਵੇਂ ਹੀ ਸੂਰਜ ਦੇਵ ਦੇ ਪੁੱਤਰ ਹਨ।

ਜੋਤਿਸ਼ ਸ਼ਾਸਤਰ ਤੇ ਪ੍ਰਾਚੀਨ ਧਾਰਮਿਕ ਮਾਨਤਾਵਾਂ ਅਨੁਸਾਰ, ਈਸ਼ਵਰ ਨੇ ਇਨ੍ਹਾਂ ਦੋਵਾਂ ਦੇਵਤਿਆਂ ਨੂੰ 'ਪਰਮ ਨਿਆਧੀਸ਼' (Supreme Judges) ਦਾ ਕਾਰਜਭਾਰ ਸੌਂਪਿਆ ਹੈ। ਸ਼ਨੀਦੇਵ ਜਿੱਥੇ ਇਨਸਾਨ ਦੇ ਜਿਉਂਦੇ ਜੀਅ ਉਸ ਦੇ ਚੰਗੇ-ਬੁਰੇ ਕਰਮਾਂ ਦਾ ਹਿਸਾਬ ਕਰਦੇ ਹਨ, ਉੱਥੇ ਹੀ ਯਮਰਾਜ ਮੌਤ ਤੋਂ ਬਾਅਦ ਉਸ ਦੇ ਕਰਮਾਂ ਦਾ ਫਲ ਦਿੰਦੇ ਹਨ।

ਕਾਲਾ ਰੰਗ: ਨਿਆਂ ਦਾ ਪ੍ਰਤੀਕ

ਨਿਆਂ ਕਰਨ ਲਈ ਨਿਰਪੱਖ ਤੇ ਕਠੋਰ ਹੋਣਾ ਬਹੁਤ ਜ਼ਰੂਰੀ ਹੈ। ਕਾਲਾ ਰੰਗ ਇਸੇ ਕਠੋਰਤਾ ਅਤੇ ਬੇਦਾਗ ਨਿਰਪੱਖਤਾ ਦਾ ਪ੍ਰਤੀਕ ਹੈ। ਜਿਸ ਤਰ੍ਹਾਂ ਕਾਲੇ ਰੰਗ 'ਤੇ ਕੋਈ ਹੋਰ ਰੰਗ ਨਹੀਂ ਚੜ੍ਹ ਸਕਦਾ, ਉਸੇ ਤਰ੍ਹਾਂ ਇਨ੍ਹਾਂ ਦੇ ਨਿਆਂ 'ਚ ਕੋਈ ਪੱਖਪਾਤ ਜਾਂ ਬਦਲਾਅ ਨਹੀਂ ਹੁੰਦਾ।

ਵਿਗਿਆਨ ਦਾ ਨਜ਼ਰੀਆ

ਵਿਗਿਆਨ ਅਨੁਸਾਰ, ਕਾਲਾ ਰੰਗ ਆਪਣੇ ਆਪ 'ਚ ਇਕ ਵੱਡਾ ਰਹੱਸ ਹੈ। ਜਦੋਂ ਕਿਸੇ ਵਸਤੂ 'ਤੇ ਰੌਸ਼ਨੀ ਪੈਂਦੀ ਹੈ ਤਾਂ ਉਹ ਜਿਸ ਰੰਗ ਨੂੰ ਵਾਪਸ ਸਾਡੀਆਂ ਅੱਖਾਂ ਤੱਕ ਭੇਜਦੀ ਹੈ (ਰਿਫਲੈਕਟ ਕਰਦੀ ਹੈ), ਉਹ ਚੀਜ਼ ਸਾਨੂੰ ਉਸੇ ਰੰਗ ਦੀ ਦਿਖਾਈ ਦਿੰਦੀ ਹੈ। ਪਰ, ਕਾਲਾ ਇਕ ਅਜਿਹਾ ਰੰਗ ਹੈ ਜੋ ਰੌਸ਼ਨੀ ਦੇ ਸਾਰੇ ਰੰਗਾਂ ਨੂੰ ਆਪਣੇ ਅੰਦਰ ਸੋਖ (Absorb) ਲੈਂਦਾ ਹੈ ਅਤੇ ਕੁਝ ਵੀ ਵਾਪਸ ਨਹੀਂ ਭੇਜਦਾ।

ਇਸ ਲਈ ਸਾਡਾ ਦਿਮਾਗ ਉਸ ਨੂੰ 'ਕਾਲਾ' ਮੰਨ ਲੈਂਦਾ ਹੈ। ਸਭ ਕੁਝ ਆਪਣੇ ਅੰਦਰ ਸਮਾ ਲੈਣ ਦੀ ਇਹ ਵਿਗਿਆਨਕ ਸਮਰੱਥਾ ਹੀ ਸ਼ਨੀਦੇਵ ਤੇ ਯਮਰਾਜ ਦੀ ਉਸ ਅਲੌਕਿਕ ਸ਼ਕਤੀ ਨੂੰ ਦਰਸਾਉਂਦੀ ਹੈ, ਜੋ ਸਭ ਦੇ ਕਰਮਾਂ ਨੂੰ ਆਪਣੇ ਅੰਦਰ ਸਮਾ ਕੇ ਨਿਆਂ ਕਰਦੀ ਹੈ।

ਜੋਤਿਸ਼ 'ਚ ਕਾਲੇ ਰੰਗ ਦਾ ਮਹੱਤਵ

ਜੋਤਿਸ਼ ਸ਼ਾਸਤਰ ਅਨੁਸਾਰ, ਜੇਕਰ ਕਿਸੇ ਵਿਅਕਤੀ ਦੀ ਕੁੰਡਲੀ ਵਿੱਚ ਸ਼ਨੀ ਕਮਜ਼ੋਰ ਜਾਂ ਅਸ਼ੁਭ ਸਥਿਤੀ ਵਿੱਚ ਹੈ ਤਾਂ ਉਸ ਨੂੰ ਕਾਲੇ ਅਤੇ ਨੀਲੇ ਕੱਪੜੇ ਪਹਿਨਣ ਤੋਂ ਸਖ਼ਤ ਮਨ੍ਹਾ ਕੀਤਾ ਜਾਂਦਾ ਹੈ। ਦੂਜੇ ਪਾਸੇ, ਜਿਨ੍ਹਾਂ ਦੀ ਕੁੰਡਲੀ 'ਚ ਸ਼ਨੀ ਮਜ਼ਬੂਤ ​​ਅਤੇ ਸ਼ੁਭ ਹੁੰਦਾ ਹੈ, ਉਹ ਲੋਕ ਅਕਸਰ ਸਫਲ ਵਕੀਲ ਜਾਂ ਜੱਜ ਬਣਦੇ ਹਨ ਅਤੇ ਉਨ੍ਹਾਂ ਦੇ ਜੀਵਨ ਵਿਚ ਕਾਲੇ ਰੰਗ ਦਾ ਬਹੁਤ ਮਹੱਤਵ ਹੁੰਦਾ ਹੈ।

ਡਿਸਕਲੇਮਰ : ਇਸ ਲੇਖ 'ਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਤੇ ਜਾਗਰਣ ਨਿਊ ਮੀਡੀਆ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦੇ ਹਨ। ਇਸ ਲੇਖ 'ਚ ਦਿੱਤੀ ਗਈ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਅਤੇ ਲੋਕ-ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ (ਸੂਝ-ਬੂਝ) ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਵਿਰੁੱਧ ਹਨ।