ਕਦੋਂ ਹੈ ਸਾਲ ਦੀ ਪਹਿਲੀ ਸ਼ਨਿੱਚਰੀ ਮੱਸਿਆ ? ਨੋਟ ਕਰੋ ਸਹੀ ਤਾਰੀਖ, ਸ਼ੁੱਭ ਮਹੂਰਤ ਤੇ ਪਿੱਤਰ ਦੋਸ਼ ਤੋਂ ਮੁਕਤੀ ਦੇ ਉਪਾਅ

ਧਰਮ ਡੈਸਕ, ਨਵੀਂ ਦਿੱਲੀ : ਜੋਤਿਸ਼ ਸ਼ਾਸਤਰ 'ਚ ਜਦੋਂ ਮੱਸਿਆ ਤਿਥੀ ਸ਼ਨੀਵਾਰ ਦੇ ਦਿਨ ਪੈਂਦੀ ਹੈ ਤਾਂ ਉਸਨੂੰ 'ਸ਼ਨਿੱਚਰੀ ਮੱਸਿਆ' ਕਿਹਾ ਜਾਂਦਾ ਹੈ। ਇਹ ਸੰਯੋਗ ਨਾ ਸਿਰਫ਼ ਸ਼ਨੀ ਦੇਵ ਦੀ ਕਿਰਪਾ ਪਾਉਣ ਲਈ ਖਾਸ ਹੈ, ਸਗੋਂ ਪਿੱਤਰ ਦੋਸ਼ ਦੀ ਸ਼ਾਂਤੀ ਅਤੇ ਰਾਹੂ-ਕੇਤੂ ਦੇ ਮਾੜੇ ਪ੍ਰਭਾਵਾਂ ਨੂੰ ਘਟਾਉਣ ਲਈ ਵੀ ਮਹਾ-ਮਹੂਰਤ ਮੰਨਿਆ ਜਾਂਦਾ ਹੈ। ਸਾਲ 2026 ਦੀ ਪਹਿਲੀ ਸ਼ਨਿੱਚਰੀ ਮੱਸਿਆ ਵੈਸਾਖ ਮਹੀਨੇ ਆ ਰਹੀ ਹੈ, ਜੋ ਦਾਨ-ਪੁੰਨ ਦੀ ਦ੍ਰਿਸ਼ਟੀ ਤੋਂ ਬਹੁਤ ਫਲਦਾਇਕ ਹੈ। ਆਓ ਇਸ ਨਾਲ ਜੁੜੀਆਂ ਮੁੱਖ ਗੱਲਾਂ ਨੂੰ ਜਾਣਦੇ ਹਾਂ, ਜੋ ਇਸ ਪ੍ਰਕਾਰ ਹਨ:

ਕਦੋਂ ਹੈ ਸ਼ਨਿੱਚਰੀ ਮੱਸਿਆ 2026?

ਵੈਦਿਕ ਪੰਚਾਂਗ ਅਨੁਸਾਰ, ਇਸ ਸਾਲ ਦੀ ਪਹਿਲੀ ਸ਼ਨਿੱਚਰੀ ਮੱਸਿਆ 16 ਮਈ ਨੂੰ ਮਨਾਈ ਜਾਵੇਗੀ। ਇਸ ਦਿਨ ਸ਼ਨੀ ਜੈਅੰਤੀ ਵੀ ਮਨਾਈ ਜਾਵੇਗੀ। ਅਜਿਹਾ ਕਿਹਾ ਜਾਂਦਾ ਹੈ ਕਿ ਅਜਿਹਾ ਦੁਰਲੱਭ ਸੰਯੋਗ ਬਹੁਤ ਘੱਟ ਬਣਦਾ ਹੈ।

ਪੂਜਾ ਵਿਧੀ

• ਸਵੇਰੇ ਜਲਦੀ ਉੱਠ ਕੇ ਕਿਸੇ ਪਵਿੱਤਰ ਨਦੀ 'ਚ ਇਸ਼ਨਾਨ ਕਰੋ।
• ਜੇਕਰ ਸੰਭਵ ਹੋਵੇ, ਤਾਂ ਘਰ ਵਿੱਚ ਹੀ ਨਹਾਉਣ ਵਾਲੇ ਪਾਣੀ ਵਿੱਚ ਥੋੜ੍ਹਾ ਜਿਹਾ ਗੰਗਾਜਲ ਮਿਲਾ ਕੇ ਇਸ਼ਨਾਨ ਕਰੋ।
• ਇਸ਼ਨਾਨ ਤੋਂ ਬਾਅਦ ਸੂਰਜ ਦੇਵ ਨੂੰ ਜਲ ਅਰਪਿਤ ਕਰੋ ਅਤੇ ਪਿੱਤਰਾਂ ਦੇ ਨਾਂ 'ਤੇ ਤਰਪਣ ਕਰੋ।
• ਤਾਂਬੇ ਦੇ ਭਾਂਡੇ 'ਚ ਜਲ, ਕਾਲੇ ਤਿਲ ਤੇ ਜੌਂ ਮਿਲਾ ਕੇ ਦੱਖਣ ਦਿਸ਼ਾ ਵੱਲ ਮੂੰਹ ਕਰਕੇ ਪਿਤਰਾਂ ਨੂੰ ਜਲ ਅਰਪਿਤ ਕਰੋ। ਇਸ ਨਾਲ ਵਡੇਰਿਆਂ ਦੀ ਆਤਮਾ ਨੂੰ ਸ਼ਾਂਤੀ ਮਿਲਦੀ ਹੈ।
• ਭਗਵਾਨ ਵਿਸ਼ਨੂੰ ਦੀ ਵੀ ਵਿਧੀ-ਵਤ ਪੂਜਾ ਕਰੋ।
• ਅੰਤ ਵਿੱਚ ਆਰਤੀ ਕਰੋ।

ਪਿੱਤਰੀ ਦੋਸ਼ ਤੋਂ ਮੁਕਤੀ ਦੇ ਅਚੂਕ ਉਪਾਅ

ਪਿੱਪਲ ਦੇ ਰੁੱਖ ਦੀ ਪੂਜਾ: ਸਵੇਰੇ ਜਲਦੀ ਇਸ਼ਨਾਨ ਕਰਕੇ ਪਿੱਪਲ ਦੇ ਰੁੱਖ ਨੂੰ ਜਲ ਚੜ੍ਹਾਓ ਅਤੇ ਸ਼ਾਮ ਨੂੰ ਸਰ੍ਹੋਂ ਦੇ ਤੇਲ ਦਾ ਦੀਵਾ ਜਗਾਓ। ਪਿੱਪਲ 'ਚ ਪਿੱਤਰਾਂ ਤੇ ਦੇਵਤਿਆਂ ਦਾ ਵਾਸ ਮੰਨਿਆ ਜਾਂਦਾ ਹੈ।

ਸ਼ਨੀ ਦੇਵ ਦਾ ਅਭਿਸ਼ੇਕ: ਸ਼ਨੀ ਮੰਦਰ ਜਾ ਕੇ ਭਗਵਾਨ ਸ਼ਨੀ ਨੂੰ ਸਰ੍ਹੋਂ ਦਾ ਤੇਲ, ਕਾਲੇ ਤਿਲ ਤੇ ਨੀਲੇ ਫੁੱਲ ਚੜ੍ਹਾਓ। ਇਸ ਦੌਰਾਨ "ॐ शं शनैश्चराय नमः" ਮੰਤਰ ਦਾ ਜਾਪ ਕਰੋ।

ਪਿੱਤਰ ਤਰਪਣ: ਜਲ ਵਿਚ ਕਾਲੇ ਤਿਲ ਮਿਲਾ ਕੇ ਦੱਖਣ ਦਿਸ਼ਾ ਵੱਲ ਮੂੰਹ ਕਰਕੇ ਪਿਤਰਾਂ ਨੂੰ ਅਰਘ ਦਿਓ। ਇਸ ਨਾਲ ਪਿੱਤਰ ਪ੍ਰਸੰਨ ਹੁੰਦੇ ਹਨ ਅਤੇ ਵੰਸ਼ ਵਧਾਉਣ ਦਾ ਅਸੀਸ ਦਿੰਦੇ ਹਨ।

ਖਾਸ ਦਾਨ: ਇਸ ਦਿਨ ਸਮਰੱਥਾ ਅਨੁਸਾਰ ਜੁੱਤੇ-ਚੱਪਲ, ਕਾਲੇ ਕੱਪੜੇ, ਉੜਦ ਦੀ ਦਾਲ ਤੇ ਲੋਹੇ ਦੇ ਭਾਂਡਿਆਂ ਦਾ ਦਾਨ ਕਰਨਾ ਸ਼ਨੀ ਦੋਸ਼ ਨੂੰ ਘੱਟ ਕਰਦਾ ਹੈ।

ਪੂਜਾ ਦੌਰਾਨ ਕੀ ਨਾ ਕਰੀਏ?

ਇਸ ਪਵਿੱਤਰ ਦਿਨ 'ਤੇ ਤਾਮਸਿਕ ਭੋਜਨ (ਮਾਸ-ਸ਼ਰਾਬ ਆਦਿ) ਤੋਂ ਪੂਰੀ ਤਰ੍ਹਾਂ ਪਰਹੇਜ਼ ਕਰੋ। ਕਿਸੇ ਬੇਸਹਾਰਾ ਜਾਂ ਬਜ਼ੁਰਗ ਵਿਅਕਤੀ ਦਾ ਅਪਮਾਨ ਨਾ ਕਰੋ ਕਿਉਂਕਿ ਸ਼ਨੀ ਦੇਵ ਕਰਮਾਂ ਦੇ ਆਧਾਰ 'ਤੇ ਫਲ ਦਿੰਦੇ ਹਨ ਅਤੇ ਅਪਮਾਨ ਕਰਨ ਨਾਲ ਉਨ੍ਹਾਂ ਦਾ ਕ੍ਰੋਧ ਵਧ ਸਕਦਾ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।