Festival List September 2021 : ਸਤੰਬਰ 'ਚ ਗਣੇਸ਼ ਉਤਸਵ ਤੇ ਸਰਾਧ, ਦੇਖੋ 10 ਵੱਡੇ ਤਿਉਹਾਰਾਂ ਦੀ ਪੂਰੀ ਲਿਸਟ
ਤਿਉਹਾਰਾਂ ਦੀ ਸ਼ੁਰੂਆਤ 3 ਸਤੰਬਰ ਨੂੰ ਅਜਾ ਏਕਾਦਸ਼ੀ ਤੋਂ ਹੋ ਰਹੀ ਹੈ ਤੇ 21 ਸਤੰਬਰ ਤੋਂ ਸਰਾਧ ਸ਼ੁਰੂ ਹੋ ਰਹੇ ਹਨ। ਜੇਕਰ ਤੁਸੀਂ ਆਉਣ ਵਾਲੇ ਪ੍ਰਮੁੱਖ ਤਿਉਹਾਰਾਂ ਦੀ ਤਰੀਕ ਤੋਂ ਜਾਣੂ ਨਹੀਂ ਹੋ ਤਾਂ ਜ਼ਿਆਦਾ ਸੋਚਣ ਦੀ ਲੋੜ ਨਹੀਂ ਕਿਉਂਕਿ ਇੱਥੇ ਅਸੀਂ ਤੁਹਾਨੂੰ ਸਤੰਬਰ ਮਹੀਨੇ ਹਿੰਦੂ ਧਰਮ ਅਨੁਸਾਰ ਆਉਣ ਵਾਲੇ ਪ੍ਰਮੁੱਖ ਤਿਉਹਾਰਾਂ ਬਾਰੇ ਦੱਸਣ ਜਾ ਰਹੇ ਹਾਂ।
Posted By Seema Anand
Publish Date: Fri, 27 Aug 2021 12:32 PM (IST)
Updated Date: Wed, 08 Sep 2021 03:13 PM (IST)
Festival List September 2021 : ਸਤੰਬਰ ਦਾ ਮਹੀਨਾ ਹੁਣ ਕੁਝ ਹੀ ਦਿਨਾਂ 'ਚ ਦਸਤਕ ਦੇਣ ਜਾ ਰਿਹਾ ਹੈ। ਇਸ ਮਹੀਨੇ ਹਿੰਦੂ ਧਰਮ ਤਹਿਤ ਕਈ ਮਹੱਤਵਪੂਰਨ ਤਿਉਹਾਰ ਆਉਣ ਵਾਲੇ ਹਨ। ਮਹੀਨੇ ਵਿਚ ਤਿਉਹਾਰਾਂ ਦੀ ਸ਼ੁਰੂਆਤ 3 ਸਤੰਬਰ ਨੂੰ ਅਜਾ ਏਕਾਦਸ਼ੀ ਤੋਂ ਹੋ ਰਹੀ ਹੈ ਤੇ 21 ਸਤੰਬਰ ਤੋਂ ਸਰਾਧ ਸ਼ੁਰੂ ਹੋ ਰਹੇ ਹਨ। ਜੇਕਰ ਤੁਸੀਂ ਆਉਣ ਵਾਲੇ ਪ੍ਰਮੁੱਖ ਤਿਉਹਾਰਾਂ ਦੀ ਤਰੀਕ ਤੋਂ ਜਾਣੂ ਨਹੀਂ ਹੋ ਤਾਂ ਜ਼ਿਆਦਾ ਸੋਚਣ ਦੀ ਲੋੜ ਨਹੀਂ ਕਿਉਂਕਿ ਇੱਥੇ ਅਸੀਂ ਤੁਹਾਨੂੰ ਸਤੰਬਰ ਮਹੀਨੇ ਹਿੰਦੂ ਧਰਮ ਅਨੁਸਾਰ ਆਉਣ ਵਾਲੇ ਪ੍ਰਮੁੱਖ ਤਿਉਹਾਰਾਂ ਬਾਰੇ ਦੱਸਣ ਜਾ ਰਹੇ ਹਾਂ। ਚੱਲੋ ਇਸ ਮਹੀਨੇ ਆਉਣ ਵਾਲੇ ਤਿਉਹਾਰਾਂ ਦੀ ਸੂਚੀ 'ਤੇ ਨਜ਼ਰ ਮਾਰਦੇ ਹਾਂ...
ਅਜਾ ਏਕਾਦਸ਼ੀ 2021
ਸਤੰਬਰ ਮਹੀਨੇ ਤਿਉਹਾਰਾਂ ਦਾ ਆਰੰਭ ਅਜਾ ਏਕਦਾਸ਼ੀ ਤੋਂ ਹੋ ਰਿਹਾ ਹੈ। 3 ਸਤੰਬਰ ਨੂੰ ਕ੍ਰਿਸ਼ਨ ਪੱਖ ਦੀ ਏਕਾਦਸ਼ੀ ਤਿਥੀ ਨੂੰ ਅਜਾ ਏਕਾਦਸ਼ੀ ਦਾ ਵਰਤ ਰੱਖਿਆ ਜਾਵੇਗਾ। ਇਸ ਸਾਲ ਇਸ ਦਿਨ ਪੁਸ਼ਯ ਨਕਸ਼ੱਤਰ ਵੀ ਰਹੇਗਾ ਇਸ ਲਈ ਇਹ ਦਿਨ ਵਰਤ ਰੱਖਣ ਲਈ ਫਲ਼ਦਾਈ ਤੇ ਸ਼ੁੱਭ ਮੰਨਿਆ ਗਿਆ ਹੈ। ਇਸ ਦਿਨ ਜੇਕਰ ਤੁਸੀਂ ਭਗਵਾਨ ਵਿਸ਼ਨੂੰ ਦੀ ਪੂਜਾ ਅਰਚਨਾ ਕਰਦੇ ਹੋ ਤੇ ਵਰਤ ਰੱਖਦੇ ਹੋ ਤਾਂ ਤੁਹਾਡੀਆਂ ਸਾਰੀਆਂ ਮਨੋਕਾਮਨਾਵਾਂ ਪੂਰੀਆਂ ਹੁੰਦੀਆਂ ਹਨ।
ਪ੍ਰਦੋਸ਼ ਵਰਤ 2021
ਇਸ ਸਾਲ 2 ਸਤੰਬਰ ਨੂੰ ਪ੍ਰਦੋਸ਼ ਵਰਤ ਰੱਖਿਆ ਜਾਵੇਗਾ। ਇਹ ਵਰਤ ਭਗਵਾਨ ਸ਼ਿਵ ਨੂੰ ਸਮਰਪਿਤ ਹੁੰਦਾ ਹੈ। ਜੇਕਰ ਤੁਹਾਡੀ ਕੁੰਡਲੀ 'ਚ ਚੰਦਰ ਦੋਸ਼ ਹੈ ਤਾਂ ਪ੍ਰਦੋਸ਼ ਵਰਤ ਰੱਖਣਾ ਤੁਹਾਡੇ ਲਈ ਬੇਹੱਦ ਜ਼ਰੂਰੀ ਹੈ ਕਿਉਂਕਿ ਇਹ ਵਰਤ ਕੁੰਡਲੀ 'ਚ ਚੰਦਰ ਦੋਸ਼ ਦਾ ਨਿਵਾਰਨ ਕਰਦਾ ਹੈ। ਇਸ ਵਾਰ ਇਹ ਵਰਤ ਸ਼ਨਿਚਰਵਾਰ ਵਾਲੇ ਦਿਨ ਪੈ ਰਹੇ ਹਨ, ਉੱਥੇ ਹੀ ਜੇਕਰ ਸ਼ਨੀ ਦੋਸ਼ ਤੋਂ ਮੁਕਤੀ ਚਾਹੁੰਦੇ ਹੋ ਤਾਂ ਇਹ ਵਰਤ ਤੁਹਾਡੇ ਲਈ ਹਿਤਕਾਰੀ ਸਾਬਿਤ ਹੋ ਸਕਦਾ ਹੈ। ਇਸ ਦਿਨ ਭਗਵਾਨ ਸ਼ਿਵ ਦੀ ਸ਼ਰਧਾਪੂਰਵਕ ਪੂਜਾ ਕਰਨ 'ਤੇ ਸ਼ਨੀਦੇਵ ਦੀ ਕਿਰਪਾ ਵੀ ਪ੍ਰਾਪਤ ਹੋਵੇਗੀ।
ਪਿਠੌਰੀ ਮੱਸਿਆ 2021
ਹਿੰਦੂ ਧਰਮ ਤਹਿਤ ਪਿਠੌਰੀ ਮੱਸਿਆ ਦਾ ਬਹੁਤ ਮਹੱਤਵ ਮੰਨਿਆ ਗਿਆ ਹੈ। ਭਾਦੋਂ ਦੀ ਕ੍ਰਿਸ਼ਨ ਪੱਖ ਦੀ ਮੱਸਿਆ ਨੂੰ ਪਿਠੌਰੀ ਮੱਸਿਆ ਕਿਹਾ ਜਾਂਦਾ ਹੈ। ਪਿਠੌਰੀ ਮੱਸਿਆ ਇਸ ਸਾਲ 6 ਸਤੰਬਰ 2021 ਦਿਨ ਸੋਮਵਾਰ ਨੂੰ ਪੈ ਰਹੀ ਹੈ। ਇਸ ਖਾਸ ਦਿਨ ਜੇਕਰ ਤੁਸੀਂ ਵਰਤ ਰੱਖਦੇ ਹੋ ਤਾਂ ਇਸ ਨਾਲ ਤੁਹਾਨੂੰ ਪਿੱਤਰਾਂ ਦਾ ਅਸ਼ੀਰਵਾਦ ਪ੍ਰਾਪਤ ਹੁੰਦਾ ਹੈ ਤੇ ਜੀਵਨ ਵਿਚ ਆਉਣ ਵਾਲੀਆਂ ਮੁਸ਼ਕਲਾਂ ਤੋਂ ਮੁਕਤੀ ਮਿਲਦੀ ਹੈ। ਇਸ ਮੱਸਿਆ ਨੂੰ ਕੁਸ਼ਾਗ੍ਰਹਿਣੀ ਮੱਸਿਆ ਵੀ ਕਿਹਾ ਜਾਂਦਾ ਹੈ।
ਹਰਤਾਲਿਕਾ ਤੀਜ 2021
ਹਰ ਸਾਲ ਭਾਦੋਂ ਮਹੀਨੇ ਦੇ ਸ਼ੁਕਲ ਪੱਖ ਦੀ ਤ੍ਰਿਤੀਆ ਤਿਥੀ ਨੂੰ ਹਰਤਾਲਿਕਾ ਤੀਜ ਮਨਾਈ ਜਾਂਦੀ ਹੈ। ਇਸ ਵਾਰ ਇਹ ਤਿਥੀ 9 ਸਤੰਬਰ 2021 ਦਿਨ ਵੀਰਵਾਰ ਨੂੰ ਪੈ ਰਹੀ ਹੈ। ਇਸ ਦਿਨ ਸੁਹਾਗਣ ਔਰਤਾਂ ਆਪਣੇ ਪਤੀ ਦੀ ਲੰਬੀ ਉਮਰ ਲਈ ਵਰਤ ਰੱਖਦੀਆਂ ਹਨ ਤੇ 16 ਸ਼ਿੰਗਾਰ ਕਰ ਕੇ ਭਗਵਾਨ ਸ਼ਿਵ ਤੇ ਮਾਤਾ ਪਾਰਬਤੀ ਦੀ ਪੂਜਾ ਕਰਦੀਆਂ ਹਨ।
ਗਣੇਸ਼ ਉਤਸਵ 2021
ਗਣੇਸ਼ ਉਤਸਵ ਦਾ ਆਰੰਭ ਹਰ ਸਾਲ ਭਾਦੋਂ ਮਹੀਨੇ ਦੀ ਸ਼ੁਕਲ ਪੱਖ ਦੀ ਚਤੁਰਥੀ ਨੂੰ ਹੁੰਦਾ ਹੈ। ਹਰ ਸਾਲ ਇਹ 10 ਦਿਨਾਂ ਗਣੇਸ਼ ਉਤਸਵ ਦੇ ਰੂਪ 'ਚ ਮਨਾਇਆ ਜਾਂਦਾ ਹੈ। ਇਸ ਸਾਲ ਇਸ ਉਤਸਵ ਦਾ ਆਰੰਭ 10 ਸਤੰਬਰ 2021 ਤੋਂ 10 ਦਿਨਾਂ ਲਈ ਆਰੰਭ ਹੋ ਕੇ 19 ਸਤੰਬਰ 2021 ਤਕ ਰਹੇਗਾ। ਪੌਰਾਣਿਕ ਮਾਨਤਾਵਾਂ ਅਨੁਸਾਰ ਭਾਦੋਂ ਮਹੀਨੇ ਦੇ ਸ਼ੁਕਲ ਪੱਖ ਦੀ ਚਤੁਰਥੀ ਨੂੰ ਹੀ ਗਣੇਸ਼ ਜੀ ਦਾ ਜਨਮ ਹੋਇਆ ਸੀ ਤੇ ਇਸੇ ਤਿਥੀ ਨੂੰ ਗਣੇਸ਼ ਚਤੁਰਥੀ ਦੇ ਰੂਪ 'ਚ ਮਨਾਇਆ ਜਾਂਦਾ ਹੈ।
ਰਿਸ਼ੀ ਪੰਚਮੀ ਵਰਤ 2021
ਹਰ ਸਾਲ ਰਿਸ਼ੀ ਪੰਚਮੀ ਹਰਤਾਲਿਕਾ ਤੀਜ ਦੇ ਦੋ ਦਿਨਾਂ ਬਾਅਦ ਅਤੇ ਗਣੇਸ਼ ਚਤੁਰਥੀ ਦੇ ਇਕ ਦਿਨ ਬਾਅਦ ਆਉਂਦੀ ਹੈ। ਪਰ ਇਸ ਵਾਰ ਇਹ ਪੁਰਬ 11 ਸਤੰਬਰ ਨੂੰ ਹੈ। ਇਹ ਪੰਚਮੀ ਮੁੱਖ ਰੂਪ 'ਚ ਸਪਤਰਿਸ਼ੀ ਦੇ ਰੂਪ 'ਚ ਪ੍ਰਸਿੱਧ ਸੱਤ ਮਹਾਨ ਰਿਸ਼ੀਆਂ ਨੂੰ ਸਮਰਪਿਤ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਦਿਨ ਦਾ ਵਰਤ ਮਨੁੱਖੀ ਜੀਵਨ ਦੇ ਸਮਸਤ ਪਾਪਾਂ ਨੂੰ ਸਮਾਪਤ ਕਰਦਾ ਹੈ।
ਸੰਤਾਨ ਸਪਤਮੀ ਵਰਤ 2021
ਹਰ ਸਾਲ ਭਾਦੋਂ ਦੇ ਸ਼ੁਕਲ ਪੱਖ ਦੀ ਸਪਤਮੀ ਤਿਥੀ ਵਾਲੇ ਦਿਨ ਇਸ ਵਰਤ ਨੂੰ ਰੱਖਿਆ ਜਾਂਦਾ ਹੈ। ਇਸ ਸਾਲ ਇਹ ਵਰਤ 13 ਸਤੰਬਰ 2021 ਦਿਨ ਸੋਮਵਾਰ ਨੂੰ ਪੈ ਰਹੀ ਹੈ। ਇਸ ਵਰਤ ਨੂੰ ਸਿਰਫ਼ ਦੁਪਹਿਰ ਤਕ ਹੀ ਕੀਤਾ ਜਾਂਦਾ ਹੈ। ਵਰਤ ਦੌਰਾਨ ਸ਼ਿਵ ਪਾਰਵਤੀ ਦੀ ਪੂਜਾ ਕਰਨ ਨਾਲ ਔਲਾਦ ਪ੍ਰਾਪਤੀ ਸਮੇਤ ਉਸ ਦੀ ਰੱਖਿਆ ਦੀ ਵੀ ਕਾਮਾਨਾ ਕੀਤੀ ਜਾਂਦੀ ਹੈ। ਵਰਤ ਤੋਂ ਬਾਅਦ ਖੀਰ-ਪੂੜੀ ਆਦਿ ਖਾਧੇ ਜਾਂਦੇ ਹਨ।
ਰਾਧਾ ਅਸ਼ਟਮੀ 2021
ਜਿਵੇਂ ਕੀ ਨਾਂ ਤੋਂ ਹੀ ਜਾਪਦਾ ਹੈ ਕਿ ਕ੍ਰਿਸ਼ਨ ਪ੍ਰਿਆ ਰਾਧਾ ਦਾ ਜਨਮਦਿਨ ਦੇ ਰੂਪ 'ਚ ਇਸ ਤਿਥੀ ਨੂੰ ਮਨਾਇਆ ਜਾਂਦਾ ਹੈ। ਇਸ ਪੁਰਬ ਨੂੰ ਕ੍ਰਿਸ਼ਨ ਜਨਮ ਅਸ਼ਟਮੀ ਦੇ ਠੀਕ 15 ਦਿਨਾਂ ਬਾਅਦ ਮਨਾਇਆ ਜਾਂਦਾ ਹੈ। ਇਸ ਸਾਲ ਇਹ ਪੁਰਬ 14 ਸਤੰਬਰ 2021 ਦਿਨ ਮੰਗਲਵਾਰ ਨੂੰ ਦਸਤਕ ਦੇਣ ਜਾ ਰਿਹਾ ਹੈ। ਇਸ ਦਿਨ ਵਰਿੰਦਾਵਨ ਨੇੜੇ ਸਥਿਤ ਬਰਸਾਨਾ 'ਚ ਬ੍ਰਿਸ਼ਭਾਨੂ ਤੇ ਕੀਰਤੀ ਦੇ ਇੱਥੇ ਰਾਧਾ ਦਾ ਜਨਮ ਹੋਇਆ ਸੀ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਦਿਨ ਵਰਤ ਕਰਨ ਨਾਲ ਰਾਧਾ ਦੀ ਪ੍ਰੇਮ ਦੀ ਪ੍ਰਾਪਤੀ ਹੁੰਦੀ ਹੈ।
ਵਿਸ਼ਵਕਰਮਾ ਪੂਜਾ 2021
ਹਰ ਸਾਲ ਭਾਦੋਂ ਦੀ ਏਕਾਦਸ਼ੀ ਨੂੰ ਸ਼ਿਲਪਕਾਰ ਤੇ ਵਾਸਤੂਕਾਰ ਵਿਸ਼ਵ ਕਰਮਾ ਭਗਵਾਨ ਦੀ ਵਿਧੀ-ਵਿਧਾਨ ਨਾਲ ਪੂਜਾ ਅਰਾਧਨਾ ਕਰਦੇ ਹਨ। ਇਸ ਵਾਰ ਵਿਸ਼ਵਕਰਮਾ ਪੂਜਾ 17 ਸਤੰਬਰ 2021 ਦਿਨ ਸ਼ੁੱਕਰਵਾਰ ਨੂੰ ਮਨਾਈ ਜਾਵੇਗੀ। ਇਸ ਦਿਨ ਦੁਨੀਆ ਦੇ ਸਭ ਤੋਂ ਪਹਿਲਾਂ ਆਰਕੀਟੈਕਟ ਮੰਨੇ ਜਾਣ ਵਾਲੇ ਭਗਵਾਨ ਵਿਸ਼ਵਕਰਮਾ ਦਾ ਅਵਤਾਰ ਹੋਇਆ ਸੀ।
ਅਨੰਦ ਚਤੁਰਦਸ਼ੀ 2021
ਇਹ ਦਿਨ ਗਣੇਸ਼ ਉਤਸਵ ਦੀ ਸਮਾਪਤੀ ਦਾ ਦਿਨ ਮੰਨਿਆ ਜਾਂਦਾ ਹੈ ਇਸ ਲਈ ਇਸ ਸਾਲ ਇਹ ਤਿਥੀ 19 ਸਤੰਬਰ 2021 ਦਿਨ ਐਤਵਾਰ ਨੂੰ ਪੈ ਰਹੀ ਹੈ। ਅਨੰਤ ਚਤੁਰਦਸ਼ੀ ਵਾਲੇ ਦਿਨ ਭਗਵਾਨ ਅਨੰਦ ਦੇਵ ਦੀ ਪੂਜਾ ਅਰਾਧਨਾ ਕੀਤੀ ਜਾਂਦੀ ਹੈ। ਨਾਲ ਹੀ ਇਸ ਦਿਨ ਗਣੇਸ਼ ਉਤਸਵ ਦਾ ਸਮਾਪਨ ਵੀ ਕੀਤਾ ਜਾਂਦਾ ਹੈ। ਇਹ ਦਿਨ ਹਰ ਸਾਲ ਭਾਦੋਂ ਦੇ ਸ਼ੁਕਲ ਪੱਖ ਦੀ ਚਤੁਰਦਸ਼ੀ ਤਿਥੀ ਨੂੰ ਮਨਾਇਆ ਜਾਂਦਾ ਹੈ। ਇਸ ਦਿਨ ਲੋਕ ਆਪਣੇ ਹੱਥਾਂ 'ਚ ਅਨੰਤ ਵੀ ਬੰਨ੍ਹਦੇ ਹਨ।